مرحبآ !

من خلال التسجيل في صفحات نسوة يمكنك ذلك من المشاركه وتبادل الآفكار الأيحابيه مع زميلاتك

آشتركي معنا الآن !

كيف ترجعين زوجك لاحضانك.... مجرب وخطير

الحالة
مغلق و غير مفتوح للمزيد من الردود.
مستغربه

مستغربه

مشرفة عالم الرسم والرسامات
إنضم
9 أكتوبر 2006
المشاركات
1,012
السلاااااام عليكم أخواتي الغاليـــــــــــات

بتكلم اليوم عن موضوع خطير .... وكثير منكم غافلات عنه....

الكثير سالني كيف قدرتي ترجعين زوجج لحظنج مره ثانيه والكثير سالني عن القصه...

ولحساسية الموضوع ابعتذر عن كتابة القصـــــة ولكن سأعتمد شي مهم جدا ساهم في عودة زوجي الا وهو الدعاء...

بس مب اي دعاء

بنتكلم انشالله عن فن الدعاء

وفن التضرع في الدعاء

انتظروني فلي عوده ان شاء الله
​
 
ش

شيء آخر

New member
إنضم
10 يونيو 2007
المشاركات
98
حتى تعودي لـِ تتمي قصتك ..
فأنا أشدّ على يديك بالتأييد الكاااااامل ..
وهو الدعـــــــــــــــــــــــاء ..
فهو سهام الليل التي لا تخطئ ..

ومن كان مع الله كان الله معه ..​
 
سمرلاند

سمرلاند

New member
إنضم
12 ديسمبر 2006
المشاركات
1,691
موضوع حلو..:icon30:
خاصة ونحن على ابواب العشر الاواخر
في انتظارج حبيبتي
 
نسائم ود

نسائم ود

New member
إنضم
28 أغسطس 2007
المشاركات
355
(الدعاء سلاح المؤمن)



(ربنا هب لنا من أزواجنا وذرياتنا قرة أعين واجعلنا للمتقين اماما)




00 بانتظار تجربتك أختي00
 
مستغربه

مستغربه

مشرفة عالم الرسم والرسامات
إنضم
9 أكتوبر 2006
المشاركات
1,012
خواتي الحبيبات
اسمحولي عالتاخير بس يعلم الله كيف انشغالي هذي الايام

بسم الله نبدأ

واسال الله العظيم رب العرش العظيم ان يوفقني في هذا الموضوع لاعيد البسمة لكثير من المهموات في هذا المنتدى الغالي اللي ساعدني انا شخصيا بالكثير الكثير....

​
 
الأسطـــــورة

الأسطـــــورة

New member
إنضم
13 سبتمبر 2007
المشاركات
2,281
الدعاء
جزاك الله عنا كل خير لمست الجانب الاهم وهو التضرع لله والتوكل عليه
ادام الله سعادتك
 
مستغربه

مستغربه

مشرفة عالم الرسم والرسامات
إنضم
9 أكتوبر 2006
المشاركات
1,012
الكثير من اخواتي اللي يرسلون لي رسايل عالخاص انصحهم بالدعاء قبل اي شي وقبل كل شي
الكثير منهم يقول
" احنا ندعي وما وقفنا دعاء بس المشكله تزداد تطور وتزيد سوء"

انزين ليش الله ما يستجيب وليش مرات يوقف الدعاء ويتاخر


هذا اللي بنذكره بموضوعنا بالاضافه الى فن الدعاء لانه للدعاء فن لا يتقنه الكثير

تدرون يا بنات

مرات والله اني اذكر اني دعيت الدعوه قبل اشهر واشوفها بعيني يالسه تتحقق قدامي وهو شي كان مستحيل

واطالع للسماء واقول سبحانك يارب كنت معاي تسمعني وتسمع شكواي وصدقت يوم قلت ولو بعد حين


زوجي كان بيتزوج بيتزوج وكان يحارب عشان ياخذ ال..... اللي خذت عقله كل الدلايل تدل انها انسانه غير سويــــة وانها لعبت معاه وتلعب مع غيره بس هو الوحيد اللي كان معمي عن هالشي...

طبعا انا اكتشفت هالاشياء بروحي بدون ما يقولي وكنت متاكده من هالشي من اسلوبها واسلوب كلامها وصورها لانه الريايل اغبياء واحنا البنات اللي نفهم بس بهالاشياء

يعني لما وحده تلبس ملابس اللي تتربط بالدلاغات وبوخط وتتكلم بطريقه كلها قلة ادب وما تقول كلمتين على بعض بدون كلمة وصخه وهي بنيه مب متزوجه شوو تقولون عنها؟؟

المهم الحبيب كان اعمى وكان مستعد يفرني ويفر عياله والدنيا عشانها

اتعرفون شووو سويت؟؟؟؟

اتجهت لله سبحانه بعد ماخذلوني الخلق كلهم

اتجهت للي عرفت انه ما بيردني وعارف اني انظلمت وقادر انه ينصرني

الله يدري اني بعدت عن زوجي 4 شهور لاني ماقدرت اتحمل ظلم اهله وتطاولهم علي اللي كان فوق الاحتمال وانا حامل كنت اظن في بعدي عنه حل انه يتخذ موقف ويفتحلي بيت اعيش فيه بسعاده انا وياه وعيالي

بس للاسف

ريلي خذ اسهل وسيله وهي الهروب لاحضان اللي تسوى واللي ما تسوا طبعا بتشجيع من امه اللي سهلتله الموضوع وقالتله طلعلها بيت واتزوج وحده حطها عندي تقوم فيني


تقوم فيها وانا وين كنت وشوو سويت ما نفع اي شي سويتلها اياه

كان يطلع ويا عشيقته وامه تكلمها عادي

تكلمها من تلفونه

صدمتهم الكبيره يوم قررت اني ارجع لزوجي

زوجي انصدم

امه انصدمت

عشيقته انصدمت اكثر

انا استخرت وقراري بعد ماصارحني انه بيتزوج وحده تقوم باهله وانا بكون الحبيبه اللي يعيشها في بيت بروحها

وهذا كله تخطيط منه بعد ماكان معاها عايش 4 شهور وياي يقص علي بكلمتين

رجعت ومثل ماقلتلكم باستخارة واستشارة

امه قبل ما ارجع بدت تكتشف زوجة ولدها المستقبليه

وشافت الفرق كبير بيني وبينها

انا انسانه ملتزمه محافظه وهادية ومتادبه عمري ما رفعت صوتي عليها حتى لما مدت ايدها علي

وهذيك فالته تسوق سياره لا لها حسيب ولا رقيب

انا اذكرلكم هالتفاصيل بس عشان كل وحده انظلمت او انقهرت تحس انه في ناس انظلموا اكثر منها بس الله ياخذ الحق

لما اشوف حالي الحين اعرف واتاكد اكثر انه الله موجود وما نساني

وافتخر بنفسي اني ما كنت ضعيفه كنت قويه بربي

في فترة وجودي عند اهلي وانا حامل بالسابع كنت اقوم الليل وما اترك سورة البقرة

كل يوم قبل ما انام اقراها بنية تفريج همي

كانت نفسيتي تعبانه وكنت كاني اغرق ومب عارفه شو اسوي

عيالي مب قادرة عليهم نفسيتهم تعبت اهلي جاملوني شهر عقبها بدوا يتضايقون من الوضع بس شوو اسوي ما باليد حيله

اهلي كانوا يضنون اني كنت ابالغ وانه هذي حرمة كبيره كنت المفروض اجاملها

بس اجامل بشو والا بشو والموضوع وصل لمد اليد بدون سبب او لسبب تافه

المهم بعد الاربعين بعد ماقالي هذيك الجمله قررت ارجع

رجعت لا حظت الحبيب يتاخر كل يوم بالدوام لين 7 المغرب

وانا من برائتي كنت اظنه يكلمها بالتلفون

شفتوا السذاجه

ويوم من الايام اكتشفت انه يقابلها

اتذكر هذاك اليوم لاول مره ادعي عليه واتحسب قدامه واظربه بايدي وريولي من القهر وهو يحاول يمسكني ويهديني مافي فايده

كنت اظن انه بينكسر قلبه عليه

راح لامه قالها انا متزوج وحده تدعيلي والا تدعي علي....

​
 
مستغربه

مستغربه

مشرفة عالم الرسم والرسامات
إنضم
9 أكتوبر 2006
المشاركات
1,012
بعد ما رجعت زوجي كان عايش تحت ضغط منها وتهديد لانها كانت مش مستقره معاه اتعودت عالدلع والفنادق والسهر لين الفجر وهالشي انتهى برجوعي
قامت تهدده اذا ما تزوجها وهو كان بيسوي المستحيل وامه بدت تتزلزل وتخاف
ولدها اللي كان ما يبدي شي بالدنيا عليها يت هذي وبكم شهر بتاخذه منها يمكن حست بالخوف ويمكن حست هذيك اللحظه بقيمتي بس بعد فوات الاوان...

صرخ عصب كسر الدنيا لما امه صارحته انها سمعت عن البنت سمعه مب زينه ورفضت اتطاوعه في موضوع الزواج ....

قعد في نار مب عارف شيسوي لانه بدون امه ما يسوى شي

بنات انا يالسه اقولكم القصه باختصار والله يعلم انا بشو مريت وشو عانيت

المهم

فجاه

اتغير 180 درجه

قام يرجع البيت بدري

قام يصير حنون اكثر

قام يقولي كلام غريب

انتي الوحيده اللي تستحقين انج تكونين زوجتي
انتي الوحيده اللي اامنج على بيتي وعيالي
انتي االوحيده اللي اذا طلعت من باب البيت حسيت بالامان
ولو احطج من بين 1000 ريال ما اخاف عليج

شوو اللي غيره؟؟
وشوو اللي خلاه يقول هالكلام
وشوو اللي غير امه
وشو اللي خلا عشيقته اتيي لين عندي وتبوس ريولي
هذا اللي بقوله لكم انشالله باجر
وسامحوني انا ما اريد اذكر الموضوع باختصار عشان اعطيكم حقكم فيه
وانا الله يعلم اني مزكومه وجسمي مكسر وصدق محتاجه راحه
انشالله ماراح اطول وبكمل الموضوع باسرع وقت​
 
الحالة
مغلق و غير مفتوح للمزيد من الردود.

إحصائيات المتصلون

الأعضاء المتصلون
1
الزوار المتصلون
986
مجموع الزوار
987
قد تتضمن المجاميع الزوار المخفين.

الأعضاء المتصلون

لا يوجد أعضاء متصلون الآن.
المجموع: 987 (الأعضاء: 1, الزوار: 986)

الأعضاء الجدد

Stay Connected

أعلى