السلام عليكم ورحمة الله وبركاته
الغيره فطره في الانسان .. بس خواتي ما اقدر اخش مشاعر الغيره ودايما الغيره تسبب لي مشكل مع ريلي
مره كنت رايحه مطعم معاه وعند باب المطعم كانوا شلت بنات واقفات يضحكون بصوت عالي وشكلهم بصراحه كان مغري حاطين مكياج وشعر طالع ويسولفون ويطالعون ريلي وهو مستانس قاعد يطالعهم ...... وفجاه اشوف ريلي يمشي جدامي وانا وراه اضايقت واايد ما قدرت امسك نفسي حرجت عليهه قلتله ليش تمشي جدام بروحك ليكون مب معترف فيني او اني مب حلوه شراتهم (( مع العلم اني حلوه بس ماعرف كيف طلعت مني هالكلام من القهر اللي فيني ))
دخلت المطعم وانا مسدوده نفسي ومالي خاطر لاي شي وهو يقولي ان غيرتي هي اللي بتهدم بيتنا
ومره كنا في القريه البحرينيه ... والبنات بحرينيات يبيعون عطور .. كان يروح صوبهم عشان يعطرونه ولو انه ما يحب العطور العربيه ... ويضحك معاهم ويسوي عمره اونه شي واشترى العطر وحطى في سيارته عشان يتعطر منه ........ وبعدها خلاني اروح مع اهلي اتسوق عشان هو ياخذ راحته ويطالع البنات
يقهرني بحركاته ما احب يسوي فيني جي لمن يشووف البنات يروح صوبهم واونه يسوي عمره مب عايبنه
ويعلق عليهم بس انا عارفه انه عايبنه ومستانس
ماعرف خواتي مرات اقول بطلع شعري عشان اصير احلى واحلى ويموت قهر بس اعرف ان حرام وفي حياتي ما طلعت شعري ..... كل خواتي واهلي وربيعاتي يقولون اني حلووه وجذابه الا هو ما في شي يعجبه وفي حياته ما مدحني ولا حتى يغار علي ؟؟ وانا اقول بطلع شعري بس لاني احس ان هالشي يجذبه لاني اشووفه وايد يعلق على البنات اللي يطلعون شعرهم
الغيره بتذحني ما احب اطلع معاه بسبت هالموضوع اذا رحنا مطعم ولا مراكز تجاريه ولا في الشارع لازم يسوي حركاته ويطالع البنات وانا اضايق وينسد نفسي من كل شي
دخيلكم اللي تقدر تفيدني لا تبخل علي الله يجزيكم الف خير
الغيره فطره في الانسان .. بس خواتي ما اقدر اخش مشاعر الغيره ودايما الغيره تسبب لي مشكل مع ريلي
مره كنت رايحه مطعم معاه وعند باب المطعم كانوا شلت بنات واقفات يضحكون بصوت عالي وشكلهم بصراحه كان مغري حاطين مكياج وشعر طالع ويسولفون ويطالعون ريلي وهو مستانس قاعد يطالعهم ...... وفجاه اشوف ريلي يمشي جدامي وانا وراه اضايقت واايد ما قدرت امسك نفسي حرجت عليهه قلتله ليش تمشي جدام بروحك ليكون مب معترف فيني او اني مب حلوه شراتهم (( مع العلم اني حلوه بس ماعرف كيف طلعت مني هالكلام من القهر اللي فيني ))
دخلت المطعم وانا مسدوده نفسي ومالي خاطر لاي شي وهو يقولي ان غيرتي هي اللي بتهدم بيتنا
ومره كنا في القريه البحرينيه ... والبنات بحرينيات يبيعون عطور .. كان يروح صوبهم عشان يعطرونه ولو انه ما يحب العطور العربيه ... ويضحك معاهم ويسوي عمره اونه شي واشترى العطر وحطى في سيارته عشان يتعطر منه ........ وبعدها خلاني اروح مع اهلي اتسوق عشان هو ياخذ راحته ويطالع البنات
يقهرني بحركاته ما احب يسوي فيني جي لمن يشووف البنات يروح صوبهم واونه يسوي عمره مب عايبنه
ويعلق عليهم بس انا عارفه انه عايبنه ومستانس
ماعرف خواتي مرات اقول بطلع شعري عشان اصير احلى واحلى ويموت قهر بس اعرف ان حرام وفي حياتي ما طلعت شعري ..... كل خواتي واهلي وربيعاتي يقولون اني حلووه وجذابه الا هو ما في شي يعجبه وفي حياته ما مدحني ولا حتى يغار علي ؟؟ وانا اقول بطلع شعري بس لاني احس ان هالشي يجذبه لاني اشووفه وايد يعلق على البنات اللي يطلعون شعرهم
الغيره بتذحني ما احب اطلع معاه بسبت هالموضوع اذا رحنا مطعم ولا مراكز تجاريه ولا في الشارع لازم يسوي حركاته ويطالع البنات وانا اضايق وينسد نفسي من كل شي
دخيلكم اللي تقدر تفيدني لا تبخل علي الله يجزيكم الف خير
