بصراحه .. كلنا نخاف نطلب من النت وخاصه لو الطلب من برع الدوله . شي يخوف وخاصه لو وحده ماتعرفينها وخاصه بعد لو كان المبلغ مو بسيط ..
انا شفت قمصانها وحبيت اطلب منها .. والله ايلست معاي حلو الساعتين وشي عشان القمصان .. اخترت اللي ابيه .. وطرشته لها .. فديتها ايلست اشوف القمصان واحد واحد اللي موجودين قالت لي موجودين واللي مو موجودين قال اختاري غيرهم حبيبتي ..
بصراحه
(( دلوعة بابا ))
الله يحفظج يارب لهلج ويخليج لهم يارب .. انا من قطر واول مره اطلب ملابس من برع قطر .. والقمصان اللي شفتها عندها روعه وطلبت منها .. بصراحه والله بنت راقيه فالتعامل .. واخلاق والله ونعم التربيه .. من كثر ان البنت اخلاقها عاليه والله اني اتكلم عنها عند خواتي وامي واقولها ربيعتي ووووايد اخلاقها حلوة يمااا .. وايلس عندهم اسولف لهم عن سوالفنا .. ^^
بالنسبه لطلبيتي والله انها وصلتني بسررعه .. عقب ماوصلت لها الطلبيه قالت لي خلال 4 او 5 ايام بتكون عندج وان شاءالله قبل .. ووالله خلال 3 ايام اخوي جاب لي الاغراض من البريد ..
انا كنت طالبه منها 48 قميص .. قبل ماتوصلني الطلبيه قالت لي 2 من البلايز ماجاتها يعني بطرش لي 46 قميص وقالت لي سعر القميصين راح اخصمهم من الشحن ..
ووالله اني لحد اللحين ماطرشت لها فلوس الشحن .. بسبب انشغالي .. ووالله قالت لي لا طرشين لفلوس الا يوم تقدرين لاتضغطين على عمرج .. انا انحرجت اقولها لا بشوف اي واحد من اخوي وبطرش قالت لا والله خل اخصم لج سعر القميصين من سعر الشحن واقولج كم اطرشين بالضبط ويوم تقدرين طرشيهم على راحتج ..
والله شو هالانسانه .. الاخت اللحين ماتخلي فلوسها عند اختها .. وهي وثقت فيني وفلوسها لحد اللحين ماطرشتها .. وانا مستلمه البضاعه يوم الثلاثاء العشاااااء واليوم الجمعه .. بصراحه رااااقيه فالتعامل .. ووالله حبيتها فالله من كل قلبي ..
وانا احلف لكم قسم بالله البنت ماعرفها .. وعرفتها يوم بغيت اطلب الطلبيه .. وشرفني التعامل معاها وااااايد ..
واللي بتطلب منها لا تخاف .. لان البنت والله خايفه ربها .. وقلبها عالوحده لين ماتاخذ طلبيتها واتم تسالها يارب اعجوبج .. صج البنت اسلوب واخلاق ..
وانا واختي وربيعاتي راح نتعامل معاها ع طوووول ان شاالله ..
الله يحفظج يارب ويخليج لهلج ولنا .. وشرفني التعامل معاج والله .. فديت روحج ^^