ولادة الويهـ السموحي .. وتشريف ولي العهد هـزآع
الســـلام عليكو ورحمة الله وبركاتهـ
وشحالكو كرروشآت :23:
حبيت اخبركو اني ربيت ( واخيرا ) تاريخ 27-4 .. معنهم فالمستشفى عطوني تاريخ 26 - 4 بس مع اني بكريه ماطولت بعد التاريخ بيوم ربيت .. :13:
الكل كان عارف عن خوفي من الولاده .. والله كنت كل يوم احلم بالولاده من كثر الخوف يؤيؤ .. وبتييطك القصه الحين :40:
الله يسلمكم انا فبيت اهلي من اول مادخلت التاسع ( الدكتورة نصحتني قالت نامي مع ريلج وايد عشان تربين بسرعه وهكآ .. عآد انا من الخوف لاني ماريد اربي رحت بيت اهلي يؤيؤ وبعد عشان اربي عندهم )
المهم قبل الموعد بيوم خبرت ريلي عسب اي بوظبي ويوديني الموعد وجآن ارقد وياه ( الغباء اشتغل يؤيؤؤ )
المهم ع الفير حسي بويع ولاده .. قلت اكيد زياره عاديهـ .. وبعدين رحت الموعد وانا مواصله ع اساس اول ما ارد البيت ارقد وبيروح مني الويع ( حليلي والله اتحراها زياره يؤيؤ )
لما كنت انتظر الدكتورة تنادبيني حسيت الويع زايد قلت اوووف شو هالزياره شكلها قويه وكنت باصمه بالعشره اني اذا رديت البيت ونمت بيروح الويع >>> غشيمه هع هع:20:
اتذكر خواني وهم رايحين المدارس يقولون سمعي اذا ربيتي اليوم خطفي شلينا من المدارس ( العيال الغار كانو حاسين ان اختهم بتربي اليوم ههه فديت خواااااني )
المهم اول مادخلت الشيخه ( الويه السموحي ) عند الدكتورة قالتلي موعدج خطف ( قصدها موعد الولاده الي هو 26 - 4 )
قتلها زين انا بكريه
قالت نو بربلم بتربين فاي لحظه قالتلي تحسين بشي ..
قتلها هيه ويع فبطني وظهري
قااالت ولاده ..
قتلها ايييه ايييه وين تبين شو ولاده ( الدكاتره متعودين عليه فقسم النسائيه والكل يبا يحظر ولادتي عشان يضحك هع هع كلهم حاسين بخوفي ) المهم
قالت الدكتورة يلا يالحلوة ع الشبريه بشوف اذا فيج ولاده ولا
قتلها زين وبكل ثقهـ عشان ااكدلها الي فيني زياره مب ولاده هههههه:29:
المهم انا محد مخبرني عن هالفحص لما تشوف الدكتورة كم سانتي مفتوح >>> حليلي ><
لما يت بتشوف كم سانتي مفتوح قتلها شسو بتولديني هنيه
اول ماحطت ايدها ههههههه صرخت صرخه شلت القسم
قالت فضحتييينا ماماه في راس بينزل من هنيه سو بتسوين
قتلها ماعليج خلي الراس ينزل
المهم قالت 3 سم مبطل فيج ولاده ياحلوة
هي قالت فيج ولاده وانا من الصوب الثاني تقولون وحده منسرق ذهبها ف مهرجان دبي لتسوق ,, ( احلا شبيه هههه) يلست اصارخ واقولها قومي قومي مافيني ولاده هاي زياره انتي ماتعرفين
وهي تضحك وانا اقولها سمعي انا بروح بيتنا اول ماارقد بصير اوك قالت برايج وقعي على ورقة وروحي بيتكم نحن مانتحمل المسؤوليه >>> يااالاهي انها ولاده بجد هع هع
قتلها ماريد اوقع قالت امي ان ماوقعتي بشوتج يلا وقعي اذا ماصار شي انا بردج البيت تنامين ( امي فاهمتني اريد انام يؤؤؤ ) :29:
المهم سوولي التخطيط وطلع فيني ولااااااااااااااااااده يآآآآآالااااااااااااااااااااااااااااااااااهي ( شليت القسم كله صريخ وسب من الخوف واكفخ اختي الصغيره الي كانت ويا امي عشان موعدها فالاسنان هع هع شو ذنبها المسكينه هع هع )
رحت دقيت على ريلي ثره الطيب راقد فالسياره قتله ايه يالطيب تعال فيني ولاده ( وانا حاقده عليه هههه )
قالي اونه حلفي
قتله والله
ماصدق الا يوم قفلت فويهه .. عرف اني معصبه يعني السالفه جد >> اذكرت الموقف بصيح ><
المهم اول ماشفتهـ وانا اصارخ عليه فالمستشفى هع هع وهو يقولي قصري صوتج وانا بولابس ( انسانه متوتره هع هع ) وامي سوتلي طاف وراحت للقسم الولاده قبلي ( الحرمه تعرف اني راعية فضايح يؤيؤ )
المهم اول مادخلوني قسم الولاده فغرفه الانتظار كانو حاطيني فكرسي اول ماشفت من البابا الشبريه حقت الولاده تمسكت فالباب وهم يحاولون يدزوني وانا اقولهم لالااااااااااااااا انا مابربي الحين ماريد ادخل والسساتر يبوسوني ويفهموني ان هالغرفه للانتظار مب حق الولاده ويقصون عليه يقولون اذا مافيج ولاده بنخليج تروحين البيت هع هع وانا لاحياة لمن تنادي اقول لالا ماريد ادخل هالغرفه
المهم اول ماشفت امي يايه من بعيد قتلهم يلا يلا انا بدخل الغرفه >> من الخوف يؤيؤ ماريد امي تهزئني
المهم يلست فغرفة الانتظىر كان الويع بعيد كنت يالسه اسولف واضحك وآكل واتصلت على اخويه الله بحفظه كان فالمدرسه قتله تعآل انا فيني ولاده ياااني طيراان
المهم اول ماشافو التخطيط قالو يلا على غرفة الولاده .. وانا مصره انه ماشي ولاده هع هع واقولهم ليش اتعبون عمركم انا مابربي
اول مادخلوني غرفة الولاده يلست اطالع امي وريلب اوخوي والسساتر اقولهم انا مابربي ليش ايبوني هنيه !! وهم ساكتين مايردون >> حسيت ان الموضوع جد
المهم الله يسلمكو ويفرج عليكو ... كان الويع بزياده وكنت اصيح بس بدون صريخ ( الكل كان متوقعني اضارخ وافضحهم ) يؤيؤ
المهم عطوني الاكسجين المخدر كنت اشفط منه تقولون يالسه اشيش هع هع كنت اشفط واول ماادوخ يلست اشفر
واسولف عند امي واطلع بلاوي 19 سنه فاتت هههههه واسولف ويا ريلي واصيح
> موقف لا احسد عليه .. فديت امي والله آحبــــــــــــــــــــــــــج ماماتي :tears: :tears:
كنت كل مايزيد الويع مااصارخ بس ع السايلنت اكفخ فامي ( حليلها امي الله يحفظهآ)
من كثر ماادوخ مانتبهت للوقت
شفت السآعه كانت قدامي معلقه فاليدار كانت السآعه 4 العصر .. قلت امي انا ليش للحين ماربيت يعني من السآعه 9 اصبح لين 4 العصر واانا فغرفة الولاده
المهم الويع يوم زاد ماقدرت اتحمل كنت اقولهم خلاص انا اريد اموت اريد اموووووووووووت قتلوني ( قتلوني وين تبين هع هع )
وبعدين قمت اكفخ عمري وانتف شعري هع هع وامي تقولي لا لاتيرين شعرج ولا بيتقطع ( فكرت فالموضوع قلت انا صارلي 9 شهور اعتني بشعري والحين على اخر لحظه بنتفه هع هع )
وبعديين يلست اصيح واستسمح من امي واقولها الله يخليج خليني اسوي عمليه الله يخليج انتي ماتحسين فيني
وهي تقولي تحملي بنتي بس شوي
قتلها شو شوي انا من الساعه 9 والحين 4 ماربيت وكانت تقرى عليه حليلها اول ماتحط ايدها على راسي اصارخ واقولها شلي ايدج خلاص انتو ماتحسون فيني خلووني اموووووووووووووووت وشليت المخده الي كانت وراي وطيرتها ( مبارة مخدات هع هع ) وكنت اقول لدكتورة الله يذكررها بالخير الله يخليج عطيني الابره فالفخذ ( ربيعاتي الي فالعين عطوهم الابره وقالو ماحسو بويع الولاده يعني تخفف وايد ) والدكتورة الله يحفظها تقص عليه وتقولي بعطيج الابره يوم يزيد الويع وحليلها انا صدقتها يؤيؤ
وفالنهـــــــــــــآية ربيت السآعه 6:14 المغرب يؤيؤ
تصدقون اول ماحسيت ان الراس بينزل قلت بصوت متقطع امـ ــ ــ ـي الــ ـ ـرآس بينـ ــ ـزل
اول مابديت اسوي push اسمع الكل يصارخ ويقولون لااااااااااااااااااااااااااا لاتنزلييييييييييييييييييييينه
خفت ( انا بروحي خايفه اني اخنق البيبي ) المهم راحو السساتر ينادون الدكتوره ( الله يسامحها الدكتورة لو شفتها بقتلها يقولوها البنيه بتربي اول ماعرفت اني بكريه قالت لا هاي مافيها ولاده يمكن لانها شافتني ساكته ماا اصارخ بس اتلوى مثل الحيه يؤيؤ )
اول ماسمعت الصريخ وقفت الـ Push وقلت امي امي شسالفه البيبي فيه شي ؟!!!!
قالت لا بس صبر يت الدكتوررررررة الشريييره وتقطعني
( الحين مر على ولادتي شهر تقريبا وانا اعاني من الخياطه )
المهم سحبو البيبي اول مانزلوه دخت
حطوه عند بطني يلست اقولهم شلوه شلووووه ييع
المهم شلته امي وحطلتله على طول قرآن
قالت امي ياحلوة ربيتي ويبتي ولد مب حلو
لفيت عندها قتلها شكرا عطيتيني معنويه ورديت دوخت هههههه
واشتغلو فيني خياطه سآعتين والله ولا خياطه عمليه قتلكم اني تقريبا بعد يومين بكمل شهر وللحين ماقدر ايلس او امشي وقالولي رحمج تقطع من داخل ( تعرفون ليش لاني كنت اسوي PUSH والماي بعده مانفجر ههههههههههه هباله مش طبيعيه فيني هههههههههههههههههههههههههههههههه
المهم وهم يخيطوني الدكتورة حطت البيبي عدالي يلست اصييييح واقول حليله ليش يصيح >> موقف مآثر يؤيؤ
وخلاف ودوني غرفتي ويوني خواني وريالي وانا ع السايلنت مافي اي ردت فعل مني >>> الانسانه ميته يؤيؤ
هيه وصح بعد ولادتي يلست اسبوعين فيني اكتئاب وكله اصيح وهكآ
انشالله بنزلكو صور البيبي
اذكر اني ربيت يوم الثلاثا .. وع اسا يوم الجمعه اروح مع اهلي مسآبح جبل علي فدبي يؤيؤ .. وانا كنت مستانسه ع الروحه ,, ومن كثر مازنيت على الموضوع ,, مآرحنا لاني ربيت يؤيؤ