اول شي ربي يعطيكي العافيه جد ريحتيني بهالموضوع يازهرة فواحه ربي يرزقك على قد نيتك ويقي وجهك من نار جهنم
الللهم آآآآآآآآمين
زوجي طلع له 13 غربي و10 للشمالي و10 للجنوبي و8 للشرقي يعني هو
غربي شمالي جنوبي صح فيه 3 شخصيات صح والا لا؟؟؟؟؟
صح
وانا طلع لي 12 جنوبي و12 شرقي و8 للشمالي و8 للغربي
يعني انا جنوبية شرقية انا صح والا لالا؟؟؟؟
كمان صح
طيب انا بصراحه قريت موضوعك عن الغربي وفية بدرجة 98% من زوجي
1-بس انا وزوجي عندنا مشكلة انه لما يعصب انا ما ابعد عنه احاول اهدئه واذا هدا يقولي المفروض تروحين عني بس انا ودي اروح بس المشكلة قبل لا يقولي ابعدي عني يرمي لي كلمه مثل لاتحسين فيني ولا شي يخليني اطول بالكلام مادري ليه يسوي كذا
قلت في الملف من قبل اذا عصب الافضل تركه او محاولت تلطيف الجو بكلمات مضحكه او حكات مضحكه
عندي فكره دامه كثير العصبيه
اشتري لك مسدسين مويه وعبيهم مويه واذا عصب عطيه المسدس وقولي فضي زعلك
او مجموعة مخدات من الصغيره الي على شكل وردات وقلوب واعطيه مجموعه واحذفوا بعض
ولا تنسي تضميه بعدها وتهمسي في اذنه احبك
2- هو طيب وكريم حتى مع امه تصدقين لدرجة يعطيها راتبه كله واحنا نجلس طول الشهر بدون شي ومرره فتحت الموضوع معه على طول فهمني غلط وقالي انتي ماتبيني اساعد امي ولا اعطيها هدية قلت له عادي عطها بس مش هدية براتبك كله بس طبعا يفهم كلامي غلط
قولي انا ما امانع انك تعطي امك هذا حقها بس احنا محتاجين بعضها فما يمنع انك تقسمها
بيني له انكم تحتاجون له وما للكم غنى عنه مو عن فلوسه
واطلبي منه يستقطع لك جزء من الراتب لاحتياجاتك الخاصه بس انتبهي كيف تطلبينها منه
3- يفهم كلامي غلط دايمن ولا مررره فهمه صح بصراحه هو سبب المشكله بيني وبينه وربي مااعرف احلها ياليتك تساعديني ماادري ليه وربي جنني
يمكن تعبيرك عن الامور غلط تعلمي فن الحوار بينك وبينه
هذا الرابط راح يفيدك
http://www.mdhal.com/vb/showthread.php?t=1204
http://www.b4gold.com/articles.php?action=show&id=1
وايضا فن الاقناع
4- والمشكله اذا عطى شرا او اعطى امه راتبه كله يروح يتكس وياويلي على التاكس
يجنني يودي بنات وطبعا هم يتغزلون فيه ويسووون الحركات اللي انتو تعرفونها مشكله زوجي حاجه واحده مصلحتها فوق كل شي لدرجة انه يدق معهم ميانه ويسولف معهم لدرجه يوضح لهم انه مامعاه فلوس عشان يعطونه وعادي يدلعهم ويجلس معهم بالكوفي
ولما اواجهه واعصب واقوووم الددنيا وافهمه مايفهمني ابد وربي احس اني بشيب وانا توني بشبابي تكفييين قولي لي وش الحل؟؟؟؟؟؟ وكيف اتعامل معاه بالامور اللي قلتك اياه
شي طبيعي بالغربي اهم شي السوالف مع البنات
انا في هذي النقطه احترت .... بس مالك الا انك تعززي الدين فيه
وحاولي انك تجدي بديل عن التاكسي
5-وطبعا هو مطبق المثل اللي يقول حلال علي حرام عليهم يعني يخليني اغار ويرتفع ضغطي اما هو لو اقوله عندي احد يسوي لي سالفه مثل انا لمااروح بيت اهلي عندي قطو ولما احضنه واحطه بحضني واقوله اني حضنته يعني عادي مش قصدي شي وربي انه يزعل ويعصب ويقول هذا الحضن لي مع انه حيوان اكرمكم الله .
الاشياء الي تعرفي انه يغار منها لاتجيبي طاريها
بعضهم تقول (تصدق جا اليوم عند اهلي مشاري ولد عمي وهي كانت مخطوبه له او متكلم عليها من قبل
زعل الزوج وقالت عادي وش الي مزعله اناما احبه انا اخترته هو)
الغلط هنا لاتمسي الشي الحساس بينكم لان ردت فعله راح تصير بالمثل
واذا غلطتي ممكن تقلبي السالفه بذكاء وتحضنيه وتقولي حضنك دافي وبعض كلام الغزل
6- دايمن يقضي وقته بالنت قصدي رسايل القروووب اللي طفشني فيها مع العلم القروب فيه بنات وشباب ووراني اياهم
وكل ماقلت له متى بتبطل هالنت والقروب ونشوف حياتنا قال انا بس ارسل رسايل
ماادري وش الحل وربي تعبت
تقصدي وقت جلوسه عند النت والهيه عنه
او اجلسي بحضنه والعبي بشعره و...وما كانك تراقبيه بس تستمعي بالوقت معه
اختي زهرة فواحه ان ساعدتيني وربي لاادعي لك بكل صلاتي ووقت سجودي انه يحرم وجهك عن النار ويسعدك بحياتك تكفييييييييييييين طلببببببببببتك سااااااااااعدني مالي الا الله ثم انتي يا غااااليه انا اول مره اطلبك طلب