مساء الخير
اجابات (اسئلة للنقاش 5)
الشمالي والوظيفه 00هل انت موظفه 00او ربة البيت 00صفي وضعك ومشاكلك وطريقة ادارتك لفراغك 00او توفيقك بين العمل والمنزل بهذه الناحيه ؟؟
1-في البدايه يرفض اي وظيفه بحجه انها لا تليق او مرتبها ضعيف ما يساوي الان بعد الطفلين ليس بالامكان التفكير في وظيفه واحس انه لا يحب العامله لانه دايما يسخر منها يقول اكيد هامله بيتها
2- يحب انياتوظف بس ببيتي مااطلع منه وقبل فتره كان يبغان ياشتغل على الاسهم بس ماصار لنا نصيب
ماادري بس احسه يحب المراه الناجحه بس العادات والتقاليد تحكم ولايحب اني اطلع من بيتي عشان اشتغل
3- نعم انا موظفه...بحكم غياب زوجي عن البيت ما عندي فراغ..توصيل الاولاد...شراء الاغراض..متابعه الاولاد..يعني الاب+الام..!!بس لالالالالازم أخلي يوم الاربعاء بعد صلاه العشاء وقتي...ارتبط بأحد..أحضر دوره..اتمشى..اسوي اللي ابي..الخ..
4-انا كنت موظفة بس لما تزوجنا رفض اني اكمل وظيفتي علىقولته الخير كثير وانا مو مقصر عليكي ناقشته طبعا فعرفت انه يرفض الاختلاط بالشغلوانا شغلي مستحيل يكون مو مختلط يقول انه يغار ومايحب يحس انه تاركني بين رجال اناادري انه ريحني من الشغل بس انا احب وظيفتي بس احبه اكثر فتنازلت عن الشغل مع انيافتقده بس اشغل نفسي يعني انام بالليل بدري يعني اكثر شي اوصل له 12 بالليل واقعدالصباح اسوي له فطور ياخذه معه واسبح واتجهز بس احيانا يخرب هالنظام بس ارجعانظمه
إجازة الأسبوع نقضيهابره
5-
انا توظفت في مدرسه أهليه ست سنوات وبصراحه ما أظلمه ماعمره بحياته حسسني اني مقصره بشي
بالعكس كان يتعاطف معي إذا شافني مشغوله . ويقولي لا تسكتين عن حقوقك و.و.
6- قبل اسبوع كنا نتكلم عن هذا الموضوع بالذات
انا ربة بيت
زوجي يكرة المراة الموظفة ...اقول له ليش ...انت تفكيرك تفكير اهل زمان
يقول :قولي اللي تبغينه ...انا ما احب المراة اللي ما تجلس في بيتها و تهتم بالعيال و شؤن البيت وشؤون زوجها ...
اقول له : لو كل واحد تفكيرة مثلك كان ما صارت مدراست تدرس بناتنا و طبيبات تعالجنا
سألته : راح تعارض شغل بناتك ؟؟
قال لي : لا ... بالعكس خلها تتوظف !!!!!
قلت له : طيب لو زوجها طلب منها تترك وظيفتها؟
قال لي : يخسي ...هو خذها موظفة ...يتحمل شغلها ...
يعني بالعربي الفصيح ...زوجي يبغيني ما افكر في شي غيرة و لا غير البيت والطبخ والنفخ
بالنسبة للفراغ .... الحمد لله ما عندي فراغ ابدا
يومي كله مشغول ..الى درجة ما عندي وقت اتابع التلفزيون الا وقت بسيط جدا وبرامج معينه افضي نفسي لها
الحمد لله ..انا من النوع اللي احب اخذ دورات ...واخذ دورات طويلة ..يعني بالشهور ...خياطة ..كمبيوتر .. طبعا هو احسه مو راضي ..لكن ما يقول لها بصريح العبارة
لكن يسوي لي تحقيق ...كيف راح يكون دوامك ...متى راح ترجعين البيت ..من راح يهتم بالعيال ..كيف يعني راح تطبخين الوجبات ... لا يكون يصدر منك تقصير ولو 0،000000001 %
اقول له ..ما راح اقصر ...انا قادرة على ترتبيت وقتي
يعني الحمد لله ..اولادي كبار في السن يقدرون يدبرون انفسهم في هالكم ساعة اللي اطلع من البيت
امارس رياضة المشي لمدة ساعة يوميا مع جاراتي ...حاول انه يمنعني ..عشان ما اطلع برة البيت يوميا ...لكن قلت له ..امنعني من اي شي ...الا المشي ما استغني عنه ..وهذا انا الحمد لله صار لي سنين امارس هذه الرياضة الرائعة وانصحك الكل بممارستها
الميزة ان زوجي متقاعد ...وطول النهار في البيت ...لكن ما يجبرني ان اجلس معاه ..يعني ظليت فترة ما عندي شغاله ..وكان الشغل ياخذ وقتي كله ..فما كان يزعجني ابدا بتواجده في البيت
اهم شي اجهز له فطورة و نفطر مع بعض ...ثم اجهز له الشيشة والشاي واتركه على جهاز الكمبيوتر و التلفزيون ..وانا اقضي شغلي
العصر يطلع يروح شغلة الخاص وما يرجع الا الساعة 12 ليلا ...يعني عندي وقت طوووويلة متفرغة لنفسي والبيت والعيال و هواياتي
7- الحمدلل هموظفه.....وفراغ ماعندي فراغ وطبعا لابد من انجاز الاعمال بدقه ونظام وخاصه الاشياءالمتعلقه بزوجي من وجبات وملابس قبل الوقت المحدد تجنب للمشاكل طبعا ليس لدي خادمهواطفال يدرسون .......هههههه جنوبيه....لواخرج من عملي متاخرلابد من عمل الغداء فيالمنزل
8- انا ربه منزل الحمدلله وضعي عادي وفراغي ادخل نت واستفيد واقرا او اعمل رياضه المشي
9-هو رافض اني اتوظف..يقول انا ماراح اخليك تحتاجينها..
واحيانا احس انه رفض اني اتوظف لأنه شاف كيف كنت اعاني من قومة الصبح.. واحيان اغيب..يعني كسوله..فقال من الاخر اقعدي..
وقت فراغي على النت او مع زوجي اذا كان صاحي وفي البيت..
واول ما تزوجنا كنت لما اقول له زهق ملل..ابيه يطلعني.. يقول دوري لك شغل في البيت.. شوفي جزمي لمعيها.. انا هالجمله الى الان قاهرتني
10- موظفة ولله الحمد ولا كنت بموت من قعدة البيت، لانه ما يحب يطلعنا وبيت اهله ماحد يزورهم ومايحب زيارات العائلة ، وما يحبني ازور اهلي .
شغلي ما مخلي عندي فراغ وخصوصا انه عندي ولدي بعده صغير ومسليني في البيت ، احب اشوف المنتدى ، بس ما الحق اقرا كل المواضيع اللي خاطري فيهم بسبب اني مشغولة.
وهو ولله الحمد ما يي البيت إلا اخر الاسبوع.
11- احم احم انا ربة بيت مشكلتي الوحيده هي انني اريد ان ادرس وان اتعلم اشياء كثيرة فأكاد اختنق من المنزل احب رؤية الناس والخروج للدراسة او العمل لكني افضل الدراسة على العمل
ولكن بسبب اطفالي لا استطيع ان اتركهم واخرج لادرس لانهم مازلو صغار جدا
اما بالنسبة لاوقات الفراغ وقت فراغي الوحيد هو بعد نوم اطفالي بعد صلاة العشاء الي الساعة الثانية عشر
وفي هذه الخمس ساعات اقرء واتابع فلم ان وجد فلم جيد لانني لا احب المسلسلات
واجلس علي مملكة بلقيس لكني اعتقد انني سأبدء بدارسه الانجليزي وسأخصص له ساعه كاملة ان شاء الله
12- كنت موظفةسابقا قدرت اوفق بين العمل والمنزل بس لازم شوية تعب كان ببداية حياتي بدون اطفال
فكان الموضوع اسهل
13-المشاكل لما كنت موظفه بالنسبه للراتب كان لي اتصرف فيه زي مااحب والاساسيات عليه بالبيت
بس كنت احاول انو اخليه لما نطلعمع بعض انو اشتري اشياء من ماله الخاص (هذي المشكله) في نظره طالما انتي موظفه شيلينفسك بمصروف الجيب على الاقل
بعد الاطفال
توقفت عن الوظيفه وحاليا طالبه واصريت على المصروف الشهري
وقت فراغي بيكون لي انا اقضيه بين القراءه والرياضه والنت والاسترخاء
13- ربة بيت واهتم في اطفالي وزوجي واطلع مع صديقاتي بإستمرار لآن زوجي يعشق السهر
واقعد على النت وعندي خادمه تهتم بالمنزل وانا بس اطبخ واهتم بعيالي (((ومعارض بشدددده اني اكمل دراستي او آخذ دورات طويله ))
14- الشمالي ليس من الرافضين للوظيفه لكنه بأسباب أهمها البيت من سيهتم فيه إذا كنت موظفه هل سأوافق بينهما أم لا..
أنا ربة منزل .. الوضع عادي ومشاكلي الحمدلله عاديه يمكن التغاضي عنها ..
أنا عندي وقت فــــــــــــــراغ كبير لا أطفال ولا وظيفه بس الحمد لله على كل حال أقضي وقت فراغي في النوم والنت كل يوم نفس الروتين والزيارات العائليه بالأسبوع مره فقط ..
15- انا خريجة جااامعيهلكني ربة بيتزوجي يبيني اتوظف بس مااافي وظااايف وانا اتمنى اتوظف حتى اخفف من الضغوط الماااديه
طريقة اداااارة وقت فراغي/ طبعاً النت واروح لاهلي باستمرار بشكل يومي ومنتسبه لدورااات دينيه واحيانا اكلم صحباااتي وبراامج التلفزيوووون الدينيه
يمكن تشاركوني الراي
ان مووضوع الوظيفة ماله دخل بنمط الشمالي بقد ماهو مرتبط بضروفك وضروفه
ووضعكم
وضروف العمل المطلوب والابناء وغيره
مااستشفيت ان الشمالي يحب المراة الموظفه
بقد مايحب المشغوله واللي عندها اهتمامات
اذا فيه وحده منكم تعاني من مشكلة انه مايقتنع
لابد منها تدرس الاسباب ووجهة نظره جيدا وتواجهه بعدتها وعتادها
وتتفهم جيدا وجهة نظرة وتكون مستعده للنقاش والاقناع
ومثل ماقالت وحده تحت الضغط راح يوافق
بس المهم الحكمة والهدوء وانك تعرفين جيدا نتائج خيارك ومتطلباته
والمهمه اصعب لما يكون شمالي شرقي
لانهم مايحبون اكل المطاعم او غيره من التسهيلات والتغاضي اللي ممكن يقدمها لك غربي
ارجو من اي وحده تعاني من مشكلة اقناعه تسعى بالحوار وترتيب الاوراق امامه على الطاوله لاقناعه او تبحث عن وسيله بديله لارضاء نفسها
المهم لاندخل بدائرة الاحباط
2- الشمالي هاجسه الأمن 00 هل ترين ذلك بإدخاره وحرصه وكيف تشتركين معه بهذا الهم ؟؟
1- اكتشفت بالصدفه انه مدخر مبلغ محترم من ورايا ليه لا افهم يشكوا من المصاريف حتي لا اصرف وهو من ورايا لا اعرف عنه ماديا شئ ولا اريد ان اعرف لانه مصمم ع الكتمان لا يخبرني الا بالاخبار السيئه
2- ايه مايحب يشوفني العب بالفلوس يحبني اذا طلبته اقول له جزء رح ااجمع لي فلوس مارح اصرفها كلها
3- صحيح هذا الكلام...في ال16 سنه الاولى..بس من يوم خلص البيت ..وهو متغير 180 درجه...مصاريف ما لها داعي..سفرات..طلعات شبابيه..يعني ما فيني استعداد لا أي شئ زياده..مصاريف الاساسيه للبيت فقط...على فكره انا موظفه من قريب(وراتبي على قد حالي)..صار يطلب مني لان راتبه يخلص..يطلب اشتري للمدارس..يطلب اسدد فاتوره الهاتف...الخ انا رفضت تماماً...بس اساعده على مصاريف السفر فقط..من سكن والاكل والترفيه..
4- انا من طبعي احب تأمين المستقبل وتوفير من الراتب احس فيه فعلا يحبيخلي رصيد بالبنك لحاجته مبلغ يعني محترم لوقتالضيقات
خاصة واحناعلى وجه زواج مافي مجال للتوفير كله بالعرس بس احسه شايل هم مايبي يصرف كل اللي عنده
5- الحين رجلي ذابح عمره بالشغل ومتابعة سوق الأسهم . وأتوقع ا ن هذا من أجل تأمين البيت خصوصا انو عددنا زاد ماشاء الله .. وبصراحه أنا ما أشاركه الا بدعوه أو تفاؤل بس .
6-الشمالي فعلا هاجسه الأمن وذلك لمسته فيه من خلال حرصه على مستقبل الأولاد وتأمين مبلغ يقتطع من راتبه كل شهر عن طريق البنك تلقائيا لمدة أعوام معينة هو يقوم بتحديدهاوأنا دوري دائما في هذا الموضوع اني أشجع الفكرة اللي أشوفها صائبة لأنه هو من النوع اللي صعب التأثير عليه خصوصا من الناحية هذي لأن المال كله معه فماتقدري تشيلي مبلغ من المال على مسئوليتك لكني كنت أوقات اقترح عليه مثل الجمعية مثلا مع عدد من الأصحاب خصوصا اذا كنا محتارين في جمع مبلغ معين
7- نعم ...فعلا ..هذه صفة واضحة في الشمالي ..هو فعلا عنده هاجس تأمين مستقبلنا
دائما فكرة مشغول بالعمل و في كيفية تطويرة حتى يؤمن لنا مستقبل
ولكن من كثر ما هو حريص ...ضيع فلوسه كلها في الاسهم عشان يضاعفهم ...ههههههه
من ناحية مشاركتي له ..فالحمد لله ..لا يحب يشركني في امورة المالية
يقول لي ما ابغي اوجع راسك بالمشاكل المالية ...انت عليك ما ينقصك شي ...اما الباقي علي
اقول له ..جزاك الله خير ...ريحتني
8- طبعا لوعنده وادي من دهب قال لابد من ثاني ........طبعا اساهم فيمصروف المنزل وفق بنود محدده
9- بالعكس ما يحب الإدخار وكم مرة حاولت معاه اننا نجمع لنا كم قرش علشان نشتري شي معين بس يرفض اننا نضيق على نفسنا علشان شي محدد اشوفه حرصه على الأمن أكثر شي بالسيارة يعني لازم يحط الأولاد في كراسي الأطفال ولازم كلنا نربط حزام الأمان ومستحيل يقبل انه يركب معاه بالسيارة فوق العدد المطلوب ..بالنسبة لي أنا معاه في هالموضوع لأنه على حق واذا كنت اقترحت له شي بالنسبة للإددخار ورفض فماهو شي مرة مهم بالنسبة لي الآن فما فكرت في الموضوع كثير ولا اصريت عليه لأنه الحمد لله أمورنا ماشية
10- اي هاجسه البيت والامن ويقول وراي مسوليات وكذا وحريص وصرفه الحمدلله بحرص مو بخيل لا لا الضروري مايقصر فيه والاشياء الاخرى يقول اصبرو اذا جبنا بيت وكذا
اشاركه اني اصبر على اشياء ابيها مثل سفر او اثاث حلو واقول بعدين >>يعني اصبر عليه وما اكلفه زياده
11- اول ما تزوجنا كنت اقول له عن التوفير وهو ما كان مقتنع..
لكن بعد ما سار عندنا اطفال حس بضرورة الامر وبدا بالتوفير
12- منذ تزوجني وهو يعلمني ولكن " مافي فايده ما في امل مني يا عذاري الرجال اخيرا اعترف انه فشل وقالها لية بالفم المليان هذي اول مره افشل في شي اكون مصمم علية "حيث انه كان مصمم على تعويدي وتعلميي كيف ادخر وان لا ابذر ولكن دون جدوي شعاري اصرف ما في الجيب يأتيك مافي الغيب احيانا اصرف المال في غير مكانه المناسب على تحف صغيرة للمنزل وهكذا اراها مهمه وهو يرى ان عندي منها كثير
لكنه يصرف المال في السفر وفي الهدايا الغاليه التي يقدمها لاهله
13- نعم ارى ذلك بصوره كبيره ومزعجه احاول انو مااشترك دايم اقوله انت الرجلوانت مسئول عن الامور الماليه ومايهمني تقولي مشاكلك الماليه لاني مااستوعب هالكلامولا افهم
وخلينا نعيش اليوم قبل مانموت بكره
بس الاغلب انو اثني علىخططه للمستقبل وحرصه قبل كنت افسرها واقوله بالفم المليان انو بخل بس لاحظت كرمهباشياء ثانيه وعرفت طريقة تفكيره وتوقفت عنهالشي
14- صحيح يموووت في التخطيط للمستقبل
وبصراحه اشاركه بالتخطيط فقط احيانا لكن بدون اي مساعده ثانيه
يعني هو المسؤل عن امورنا الماديه من الى وانا مطلعه بس
15-الشمالي هاجسه الأمن وخاصه الأستقرار في منزل خاص ..نعم من الذين يدخرون ويحرص كثيراً لاكن سوف أبدى معه بالأشترك بالتخطيط معه على المصروف في المنزل وذلك بكتابة جدول نرى كم يحتاج المنزل والشخص من مصروف شهري أو يومي ويكون الباقي يحفظ في مكان لا يلمس للبناء المنزل
اقول بالنقطه هذي ياحظ اللي يزوجهاا شمالي
لانه يتحمل هذه المسئولية تماما
اللي اطلبه من كل زوجه انها تخلي له التخطيط 00حتى لو غلط وغامر
لانه يربط هالشي برجولته
فاكتفي بتحصيل مصروفك والدعاء له بالتوفيق والسداد
ولاتسالينه عن هالناحيه ابدا واثني عليه وعلى تخطيطه
افضل انه هو اللي يفاتحك دون ماتكلمينه
يعني بشوية ثقة منك فيه ومدح وثناء على تخطيطه
وانك توريه انك فاهمه بالسوق والاسهم ولعبه المال
اكيد بيستشيرك
وزي ماقلت
لاتعاتبيه حتى لوغلط
وعودي ابناءك على الاقتصاد وفكره الحصاله بالبيت حلوه
خصوصا اذا المال تتصدقون فيه
3- افضل الصفات الإيجابية التي ترينها بالشمالي ؟؟
1- الكرم علي اولاده ومعي احيانا
انيق
محب للعمل وليس كسول
2- الكرم حنوووون على بنته
يحب عمله ومخلص فيه
يكره زعلي ويزعل اذا زعلت ويتوتر كثير لانه مايحب المشاكل
3- الشمالي من النوع اللي ما يشيل في قلبه..يعني حتى لو غلط عليه أحد..بعد فتره والاعتذار ينسى الموضوع ويفتح صفحه جديده....اذا وعد فهو وعد جاد وحقيقي وليس وعود وهميه...يمكن يتأخر بتنفيذه
بس بالاخير ينفذه
4-
حنونجدا - كريم ويمدحني احيانا قليلة هههههههههههههه - واصل مع امه كثير ويحبها وهالشييعجبني لأني متعلقة بأمي
متحمل مقالبي اللي تيبس الميت هههههههههههه مجنونة مقالب انا
5- كريييييييييييييييييييييييييييييييييييييييييييم , ومايرفضلي طلب الا نااااادرا .
كثير منكم يقول انه رحوووووم وحنوووون بس للأسف مابعد أكتشفت هالصفتين ...يمكن عشاني من كوكب الجنوب..
6- فيه صفات كثيرة حلوة
ثقتة بنفسة ... كلمته المسموعة عند الكل ..رجاحة عقلة و تفكيره
شخص يعتمد عليه في المواقف الصعبة والحرجة
اشعر بالامان معه
كريم ... وشهم وصاحب مبادئ
صريح و حقاني
7- يمكن الاعتمادعليه,,,,,,,,شهم,,,,,,,,,,,,كريم بس بحدود........
8- الكرم
الإيثار
تعبيره لحبه لي
خوفه علي وعلى الأولاد رغم انها أحياناً تكون فيها شئ من المبالغه لكن تعجبني
9-انه ينسى بسرعه مع ان كلامه يسم البدن ويقهر وانا ارد عليه بكلام يقهر>>ينسى
انا ما انسى كلامه وبيني وبين نفسي اقول كيف يقول لي كذا ويطردني وكذا
بس اقول بيني وبين نفسي بما انه نسى كلامي اكيد ماهمه واعتبر كلامي مو من قلب اكيد هو مثلي وكلامه مو من قلبه
>>مثلا من الكلام اللي اقول له اففففففف جاء قال لي اف من الدنيا يتطنز علي قلت انا لا اف منك انت الدنيا فيها اشياء زينه>>يعني انا ناويه اجرحه لانه قهرني >>بس انا ندمت والرجال بعد الهوشه ينسى
اتمنى يجي يوم يعاتبني ويقول انتي ماتبيني انتي قلتي وقلتي!!
حياتنا صمت يعني احس لو بقول بروح لاهلي شهر يقول روحي اتمنى يقول ماصبر بدونك اجلسي >>احس غيرت مووضع الجواب
الله يعين
10- حنون..يحب الاطفال..كريم..وان شاء الله وفي
11- ما ادري عن الصفات الايجابية بس هو لما يكون مستانس يرتاح ويحاول ما يقصر في أغراض البيت بس لو زعل الله المستعان
12- كثير اولها انه يرضي بسرعه شديده لا اتعب في ارضائه عكس زوج اختي الجنوبي غربي الذي لا يرضا بسرعه
علي فكرا انا ايضا جنوبيه غربيه وكنت لا ارضى بسرعه لكن زوجي علمني ان الزعل وارد لكن التسامح بسرعه صفه لا بد ان يتحلا بها الزوجين حتي لا تحدث تراكمات فيما بينهم بسبب المشاكل فأصبحت مثلة ارضى بسرعه
ثانيا هو كريم جدا حنون جدا على اولاده
يحب ان يكذب عليا " يجاملني دايما ويقولي انتي مره حلوة وحركات ومزه وجسمك حلو وهو مره كذاب وفشار بس هذه صفة تعجبني فيه "
زوجي يحب الاشياء الصغيرة في العلاقة ما بين اي اثنين اي انه يحب الاهتام يهتم بي ويريد نفس الشيئ مني ولكن الاهتمام في تفاصيل صغيرة هو ما يفرق عنده ولكي تفهميني اكثر سوف اضرب لك مثلا في غرفة نفرشها نضع الاثاث والستاءر فقط بها هنا شكل الغرفه مقبول لكن ليس مبهر ما يكون مبهر في الغرفه هو التفاصيل الصغيرة من شموع وصور واضاءات وبراويز علي الطاولات وورود وايضا في الحياة الزوجيه بين المتزوجين هناك تفاصيل صغير ان مرضت يأخذني للمستشفي لكنه يرى ان كل الازواج يفعلون ذلك لذلك يحاول ان يريني حبة في اهتمامه بي وقت مرضي من تدهين قدمي بالفكس و تقديم الشوربة الحارة لي ويهتم بالاولاد بينما ارتاح انا
وعلمني نفس الشيئ اصبحت اهتم بالتفاصيل الصغيرة جدا
من صفاته التي تعجبني به جدا جدا هو احترام الناس كل الناس الكافر والفاسق قبل المؤمن والصالح
لانه يقول ان الكافر من الممكن ان يسلم يوما ما ويصبح اكثر صلاحا مني
والفاسق او الفاسقه مثل بنات الليل او بنات الهوي لا يجوز شتمهم او النظر لهم علي انهم كلهم سيؤن هناك ظروف مؤكد دفعتهم الي امتهان هذه المهنه الدنيئه لذلك يجب ان نحترمهم لربما المجتمع هو من دفعهم الي هذا الشيئ
ما اود قولة انه يحترم حتي الكناس الذي يكنس الشارع يقول لا يجوز ان امر بجانبه دون ان ابتسم بوجهه واقول له " الله يعينك ويعطيك العافيه " زوجي يحترم كل الناس وحتي واولهم انا
13- حبه لاطفاله والتسامح ونجاحه بحياته خوفه على مشاعري احيانا
عنده اذن صاغيه للامور اللي احب انو يسويها لما اقولهابشكل غير مباشر
14- الكرم- الرحمه - التسامح -يعطي ما تستحقين عند عدم إنشغالعقـــــــــــــــــــــــــــــــــــــــله <<أهم شي لكي يعطي لازم يكون رايق ولا يكون وقت دخوله لكهفه...من ضغوط عمل أو أهتمامات أنتي لا تعرفينها أي من المحيط الخارجي له لايحب أن يوضحها.
لاتعليق هذه النقطه لكم
4-الشمالي والتسوق00اتعليقك؟؟0
1-اتسوق بمفردي نادرا ما يكون معي يكره الزحمه واللف الكتير لكن ذوقه حلو
2- مااحب اتسوق معه احسه يسوي لي قلق لانه يزهق بسرعه ومايحب يضيع وقته في السوق
لاكن كذا مره تكلمت معه وتحسن كثير معي لما نطلع للسوق
3- الشمالي اللي عندي انا بجانب السوق وهو بالجاني الثاتي!!!يعني اذا طالعين علشان نشتري للاولاد..انا ادور لهم وهو يدور لنفسه!!!اتعب معه بالسوق والالتزام بالوقت...اتعب وانا ادور عليه علشان نحاسب ونطلع!!!هو فاهم ان اللي عليه انه معى بالسوق..فكثر خيره!!!بس صرت اتحمل طبيعتي علشان اضمن انه هو اللي يدفع للاغراض!!
4- لا لا لا لا للتسوق - اذا في شي معين ابي اشتريه مثلبروح بودي شوب عادي يروح معي لأني عارفة المحل ووش ابي
بس اذا بدور اشتري ملابس او اغراض دايما هالجملة عندهلا تضيعين الوقت واخر شي ماتشترين
مع اني والله طلعاتي للسوق بس لحاجاتي عمري مادخلت مجمع عشان بساتمشى بس اذا جيت بشتري احتاج اشوف أغلب الأماكن بس هو صعب في السو قمايحبها
وقبل كنت دايمااقوله شرايك اروح اشتري لي كذا وكذا يوافق واروح السوق واقعد ادور في كل مكان واطلع خالية اليدين بس الحين اذا بغيت شي أطلبه بوضوح وثقة اني ابيه مو رايحة عشان يمكن اشتريه
وهالشي اشوفه نفع
5- والله انه مايقصر سواء معه أو بدونه وكل ماتذكرت سفرتنا لماليزيا يأنبني ضميري المسكين فررت فيه
أسواق ماليزيا كلها وهو ياعمري ماغير يتقهوى ويتفرج . . لا ومن زيني بعد كنت أقوله ليش احس انك مو مبسوط ؟؟؟؟؟؟ قمة الغباء وشلون ينبسط وهو من مركز لمركز ..( بس اتذكر اننا رحنا للبحر كم مرره )
أشوى عشان مايضيق صدري .
6- اما التسوق وماأدراك ماالتسوق فهو متعته بس طبعا في الغالب لحاله أو مع أصدقاؤه بسبب ازعاج الأولاد في السوق بس مو يعني انا مانروح معه بالمرة لا بالعكس فاحنا كل خميس بعد خميس تقريبا يكون يوم مفتوح في كل شي نريده ونتمناه تسوق مطاعم وأقصد بتسوق في جميع المجالات وهو بصراحة كريييييييييييييييييييييييييييم جدا ولأبعد حد ان كان علي أو على نفسه أو الاولاد أو أهله ويحب الماركات الغالية ومايجيب لي الا أحسن الماركات وأفضل الملابس وبصراحة هو ذوقه عالي جدا في الأمور هذي يعني يوم يجيب لي هدية أعرف انها قيمة جدا مهما كان سعرها بسبب ذوقه اللي صار يعجبني دائما بسش المشكلة اني صرت ماأعرف أتسوق لحالي ولا أعرف أختار لي ملابس حلوة اللهم الفترة الأخيرة صرت أحاول أرجع لنفسي ورغباتها اللي كان يضيعني في التسوق اني كنت دائما ابحث عن الشيء اللي ممكن يعجبه هو متجاهلة مايعجبني انا ورغم ذلك لم يكن تسوقي يعجبه في الغالب ولكني انتبهت لنفسي والحمد لله
آآآآآآآآآآآآآآآآآآآآآآآآآآآآآآآآآسفة جدا على الإطالة أختكم ماصدقت على الله فرصة تتكلم وتلاقي
7- % اتسوق بنفسي ...لانه يذبحني اذا جيبت اتسوق معه
انا اقول يمين ..هو يقول شمال
انا من النوع اللي اذا عجبني محل معين ..دائما اتردد عليه و اخذ نفس نوعية بضاعته
هو يقول لي ..ما يصير تعلقينعلى محل واحد ...جربي محلات ثانية
اقول له ما احب اتعب نفسي ...انا مرتاحةلنوعية البضاعة هذا ما احب اغيرها
ولكن اذا اصر علي اني اشوف محلات ثانية ..اكتشف فعلا ان فيه اشياء احلى من اللي متعوده اخذها
مثل ... ما يحبالماركات ..يقول لي غالية على قل معنى ..شوفي لك بدائل افضل منها
لكن غالبا ...انا اتسوق بنفسي ... وهو يدفع الفلوسسسسسسسس
8- لايحب التسوق كثير يحب الماركات والاشياءالقيمه
9-ما يحبالسوق ولا التسوق لكن يطلع معانا يوم بالأسبوع علشان خاطر يمشي الأولاد وعلشان انااتسوق لنفسي صحيح مو مرتاح بس علشان خاطرنا بس مايحب تسوقي يآخذ وقت طويل علشان كدهمرات اطلع مع حريم افضل علشان لا يطفش ويستعجلني
10- التسوق مع زوجي ما ارتاحبصراحه معه يبي اختار بسرعه وكذا والوقت محمدود اروح لحالي مع خواتي اريح لي واروحمعه اذا كنت بسفر او اروح ابي غرض معين وارجع بسرعه
11- ما ننزل للسوق الابايام الاسبوع تفاديا للزحمة..
يمل بسرعة ويقولمشينا ننزل يوم ثاني..
لكن يوم سار عنديثلاث بنات الله يصلحهن ويستر عليهن..
سار يظغط على نفسهشويلأنه عارف ان اغراضهمكثيرة..
12- كل ما اروح السوق ياللهبسرعة اشتري ومشكلتي انه ما يعجبني شيء بسهولة ، فالله يعينهويعيني.
13-يحب الماركات الغالية ولكن وقت التخفيضيقول انه من المستحيل ان يشتري فستان بـ 300 ريال بينما وقت التخفيض يصبح بنصفالقيمه لكنه حريص على شراء الماركات لي وللاولاد
يحبان يختار ملابس الاطفال بنفسه وان نتشارك بالاختيار
وصراحه ذوقه جميلجدا
14- لما نتسوق مع بعض طبعا مايحب هالشي لازم اتسوق بدونه او اظطر انومااتاخر محل محلين
بس دايم يعلق انو عندك ملابس كثيره وانتي دايم تتسوقين اهم شي ركزي علىالاساسيات واتركي الرفاهيه خليك عمليه بس مينيسمع
بس الشي الحلو اخذت من حرصه
15- يعشق الماركاتومايحب يطول بالسوق
صرت اطلع مع رفيقاتي احسن واونسوآخذ راحتي اكثر
16- زوجييكره السوق ولما نرووووح بس نجلس شوىويبدأ عاااد يلا بسرعه انا مستعجل
اخلصيوابدأ أنا اشتري بسرعهبسرعه اشوف الحريم يمشوووون بشوووويش ويختااارون بذووووق وانا اجري جري ابي اخلصعشاااان كذا اصبحت مشترياتي موحلوه ولما ارجع البيت القى نفسي مشتريه اللي لازمواللي مو لازموياكثر التناااانير الليمالها بلايز وياكثر البلايز اللي مالها تنانير ويا كثر البلايز اللي مومتناسبهالوانها مع التنانير
ومشكلة زوجي الثانيه انه يحب المااااااركااات وهودخلهقليل ويشوف اللي تشتري ماااركاااات هذه دلووعه مره
وانا الآن قررت انو ما ارووووح الا سوق غالي عشاااناشتري اشياء حلووووة بس المشكله في الفلوس
الشمالي كريم وانا اقول لكم يتحمل تسوقكم معاه لانه رجل المهمات
لكن اكيد كجنوبيات (بعضكم) بتشتكون من سرعته لانكم بالمقارنه معه بطيئات
ابيكم تقراون موضوع الجنوبيات وكيف معاناتهن بالتسوق وهن بانفسهن يعترفن بترددهن
ويبدو لي لو خلاها زوجها 5 ساعات 00قالت بطي
المشكلة ممكن تكون عند الشرقي اكثر من الغربي
لكن نصيحه الافضل تعودينه يتسوق معك
ورتبي وقتك وخلي لك وقت من الساعه 00للساعه خصوصا اذا كان شرقي
مدة ساعتين بمرتين لكل شهر اعتقد شي جيد وكلنا نتسوق ونعرف
افصلي نزلتك عن نزله الاولاد
واذا كان شرقي اهتمي بالجوده والسعر المتوسط
واذا كان شمالي الماركه 00والسعر المتوسط ايضا
عموما الشماليين مايحبون المبالغه بالمصاريف كثير
وبرضوا لاترخصين نفسك واشتري اللي يليق بمستواك المعيشي
اذا كان شرقي سوي ميزانيه وخليه يثق بعقلك وتدبيرك
وقولي وين بتروحين كم الوقف وايش المحلات
واللي زوجها يكره التسوق معها لابد ماانها اخطات معه كثير
ببطأها وترددها واحيانا نقدها
فانتبهي وكوني عادله بتقييم الموقف
5- قضاء العطلات والاوقات العائلية والاجازات مع الشمالي هل هو شي ممتع لك واذا كان نعم كيف؟؟؟؟
1-ولا عطله قضيناها سوا عكله واحده ذهبت فيها لاهلي 5 شهور لاني كنت حامل وتعبانه ومحتاجه احد يهتم بابني لاني غير قادره بسببالحمل
2-حلو في العطل لان باله يكون فاضي ولايفكر في شي بس في اوقات يتنرفز فيها
ولاااااااازم تبينين له انك مبسوووطه على الاخر وتمدحيه وتسوي الي تقدري عليه عشان ينبسط ويكرر لك هالسفره اوالاجازه
كل سفراتنا معه منقسم الى قسمين..وقت هو معنا ووقت هومو معانا...مثلاً اذا اصبح الصباح وحاب مشوارنا طلع معنا..اذا مو عاجبه يروح لوحده لاي كوفي شوب(ليشيش الله يهدي)..وهكذا كل شئ على المزاج..بالاول كنت اتضايق جداً...بس السنوات اللاخيره..لما صار يسافر ولا يسفرنا ..صرت اتحمل طريقته علشان ما احرم اولادي من السفر..
3-ممتع ايه اتونس معه كثير لأني بصراحة دايما افتح مواضيع تهمه هوواخليه يسهب في الكلام وانا اسمع واقولايهصح
عندك حق
واللهرايكحلو
ماشاء الله عليك عمري ماخطرت ليهالفكرة
هههههههههه
مثل الإسئله السابقه هو مايقصر نطلع نتغدا حنا وياه بس ماأحسه ينبسط مررررررره , بس الي يقهرني انه من مليونات المستحيلات انه يعرض علي أطلعأنا وياه بدون العيال ...مرررررررره وحده بس طلبتها أنا وقلتله نخليه كل شهر قال لأكل ثلاث شهور قلت ولا يهمك وعيونكم ما تشوف الا النور الحين لنا ثمان شهور ولا عندهنيه .....انتم خلووووه يرضى أول بعدين أطلع انا وياه ياحظي .
4-طولالسنة ما يطلعنا ابدا ابدا ...انا اللي اطلع لحالي مع الاولاد ..
واذا واذاواذا بالغلط اصرينا عليه انه يطلع معانا ..صراحة ...ينكد علينا ..ما يجعبة العجب
تلاقين وجهه مكفهر ..وهات يا تعليقات على المكان او على الاكل او او يطلعلنا مليون حجة
لكن في الاجازة الصيفية بما انه متقاعد .فيااااااااااسلام
الحق يقال ...يعوضنا مليون في المئة ... نشيطة في السفر ...يحب يكتشف كلمكان
ما يحب يضيع ولا دقيقة بدون ما يكتشف محلات و مطاعم و مقاهي
لكن عبية الوحيد انه غالبا على الصامت ..كلامة قليل ...لكني تعودت عليه
5-العطلات مايحب السفر وان سافرنا نكد........وجلسته بالبيت قليله بعضالاجازات ممتع والاخر نككككككد يمكن جهلي بطبيعته تخليها نكد والله ييسرها منعنده
قضاء العطلات معاه عادة في العطلة اروح لأهليلأنهم بعيد عني وهو يكون معايا لكن ما احسه كثير مبسوط لنه ما في اماكن يطلع فيهاولا أقارب كثير يعرفهم هناك فيتذمر بعض الشئ لكن نروح منطقة ثانية نتمشى فيهاوينبسط وجيتي معايا علشان هو يحس انه مسؤؤل عني يمشيني ويوديني و(ينتبه علي)
ورغم اني حاولت معاه اني اجي لحالي بدونه علشان لا يطفش وانا اقدر اروح واجيللزيارات والتمشيات براحتي الا انه عملها مرة وحده وقلي خلاص اول وآخر مرة قلتلهلييييش؟قال ماني متعود ارجع البيت ومالقاكي وانام وانت ممو جنبي مااقدر اكون لوحديبدونك
رغم اني افضل اروحلحالي
6-العطلات والله زوجي ماياخذ اجازه اتمنى مره اسافر اسبوعواحد
سفرتنا كلها يومين للبحر ووبس وفعلا وناسه باليومين هذي لانكل وقت نطلع ويجيب كل اللي نبيه>اتمنى تطول اكثر منيومين
اما الاوقات العائليه مخصص لنا الجمعه نروح نتعشا بمكان اويلعبون العيال ثم نتعشاء>مو كل جمعه جمعه وراجمعه
الحمدلله مقتنعه
7-دايم عند اهله او اروح عنداهلي..
ما بعد جربت نسافرلحالنا.. احس بتكون حلوة اذا ما توقعت الكثير.. يكفي اني بكون مع الانسان اللي احبوفي مكان حلو ورايق..
بس كل مااقول له خل نروح بهالعطله..يقول يسير خير..
وعلى فكره..اخر مره واول مره سافرنا مع بعض غير شهرالعسل.. كانت لدبي.. ومره ركبنا سفينه وسار فيها رقاصة
وانا توني والدهوالجسم رايح فيها..وذي قاعده تهزز قدامنا..
انا انفجرت بوجهها وصرخت عليها غصب عني
وهو تفاااااجاء منتصرفي..
تتوقعين هاموقفخلاه ما يفكر لو مجرد تفكير اننا نسافر مع بعض مره ثانية؟!!!
8-لا دايما مشاكل ويحاول يفرض رايه في كل شي
9-نعم نعم وايضا نعم
لا يصرخ على الاولاد في العطل او في السفر لانه يقول يكفي الضغط الذي يصيبهم من الدراسه هذه فرصتهم الوحيده ليستجمو
ايضا هو شخص نشيط علمني انه لا بأس ان احببت النوم في بلدي ولكن في السفر لالالالالالالالا
فهذه بلد ربما لا نعود لزيارتها مره اخري واذن نستيقظ من الساعه السابعه والله انا لا ابالغ ننام الساعه الثانيه عشر او الواحده ونستيقظ الساعه السابعه صباحا نستحم بنشاط " لا يروح فكركم وبالكم بعيد الاستحمام كل يوم في السفر عشان النوم يطير مني بس " ثم ننزل الي مطعم الفندق نفطر وننطلق من السابعه والنصف الي الثانيه عشر نذهب الي اماكن مختلفه بصراح يحب اكتشاف المطاعم الفخمه ويحب المشي في السفر ويحب استغلال كل دقيقه في السفر في اكتشاف اجمل الاماكن في تلك البلد
9-بالاول دايم يقولي انا ماعندي اجازه وفجأه تطلع اجازاتهباوقات ماتكون مناسبه للسفر طبعا عذر بس هذا اول
حاليا احسبها باليوم والساعه والدقيقه واحاول انو نرفه عنانفسنا بيكون هو رائع ويخطط ويحسبها صح ونستمتع من بعد النقاش الممل في اقناعه لانومايؤمن انو لازم نرتاح ونستمتع بالصيف
بس كثرة النقاش بالموضوع جابت فايده
10-
ممتع جدااااااااااا لأنه يهملنا فترررره فيعوضنا بإجازه بسيطه او طلعه للبحر
كيف
يحاول تكون اجازه مميزه من كل النواحي
11- والله اخذ اجازة الاسبوووع اللي مضي ورحنا ليله جدة وجينا اليوم اللي بعده عشااان الفلوس بعدين قضيناااها في النوم والزيارات العائليه
لكن هو قاااالي ماعاااد راح نطلع زي اول لوحدنا يقول نطفش لوحدنا ام طللعات عائليه او مااانطلع مشكله
انا اقول ان السفر مع الشمالي ممتع
والشمالي يحب الطلعات العائلية والكشتات والجمعات
ممكن يطفش اذا طلع معك خصوصا ااذ اهتماماتك بعيده عنه ومافي العاب و فيه بينكم مشاكل
انت تعتبرين السفر متعه لكن هو لانه (شيال هم) يعتبره مسؤليه
ولو فكرت بتشوفين انه يقضي نفس المهام يعني يتسوق ويروح ويصرف وغيره
فيحس احيانا انه ماله متعه خاصه بالموضوع
لكن انت بشطارتك وحرصك على الاندماج معه واسعاده بكافة الطرق
والاستمتاع معه
والتغاضي عن زلاته بتنجحي بالتاثير فيه
لازم تصرين على الاجازة وتشاركينه بالتخطيط لها
ومتعه الاولاد ومتعته ومتعتك
الشمالي بيكون صامت لكن تعبيره عن حبه باختياره لاحلى مكان وسوق ومطعم وغيره
شاركيه اذا كان غربي بالاكتشاف والاطلاع
والاهتمام بالاثار والعبر والحضارات واللغات وغيره
مع الشمالي 00ارضي بالقليل وامدحيه وكبريه 00تجدين الكثير
لانه شخصيه غير التصاقيه يعني غير ميال لارضاء الاخرين
بل لارضاء نفسه
ثم ممكن احيانا رفضه للسفر لوحدكم لانه يعتبر السفرات اللي فيها شخص وشخصين ممله
وهو معك طوال العام فيحتاج للبعد قليلا وخل نقول(تغيير وجوه )
والحبو قوة العلاقة له تاثير بالنقطه هذي
فتخيله لمدى سعادته معك بكل وقت راح يخليه يصر على السفر معك
ولو العلاقة فيها نكد فراح يتجنب اخذك لانه مايبي نكد بكل مكان
يبدو ان اقتراحاتكم نفذت تبون الموضوع يوقف !
