solaf-mn قال:

صباح الخير على الجميع وانشا الله اخباركم زينه واكيد انكم محيوسين زينا بالاختبارات والاولاد ومذاكرتهم ومن امس اشيك بس على الموضوع ولا احد مشارك باين انكم يامشغولين ياانكم طايحين فى العسل مع ابو الشباب الله يدوم0000 صباح الخير عذارى باين زعلانه علينا علشان ماحلينا الهوم وورك يتعنا انا عن نفسى بحله بس عطونى مهله اخلص شويه بالمذاكره مع ولدى وبعدين ردك صح بس ماشفا غلليلى يعنى لازم تفصلينى اكثر لمتى لانه بيطيح نفسه فى مشاكل لان كل واحده يوافق ويكلمها فى الاخير يبتلش واحس فيه لما يحاول ينهى العلاقه بالموت لانه يعتبر صيده لهم من مركز وفلوس ومومبين عليه عمره ابدا واهتمامه جدا كبير بشكله لاكنه عاقل مايبين عليه هالسوالف وحبه غير طبيعى لى ولللاولاد وعمله هو انا حاسه انى شاكه فى حريم يكلمهم علشان العمل ويدرى انى متضايقه من هالشى لاكن ولا مره درى انى اعرف شى مع انى عندى الحاسه السادسه الحمد لله ومشتغله عليه كونن00000000000000

أنقر للتوسيع...

solaf-mn قال:

مساء الخير على الجميع لالا مايصير انا متحمسه ومن يوم دخلت معكم فى الموضوع واليوم خاطرى اسولف واكلم احد مافيه ردود مايصير الله يوفق الجميع اكيد محتاسين فى الامتحانات الله يوفق الجميع 000 تصدقون بنات يوم تعرفت على المنتدى ايش كثر كانت نفسيتى تعبانه لكن انا دوم اقول ماتضيق الاتفرج يارب لك الحمد على كل حال 00 انا زوجى شمالى غربى وانا جنوبيه غربيه وتمنيت انى اعرف عن هالموضوع من زمن مبطى يوم تزوجت من عشرين سنه لاكن انا طبعى ماتحسف على اللى صار وابدا من جديد حياتى قبل الزواج كنت قويه ومسيطره ومحبوبه وياالله ياطول لسانى بس بادب على الكبير والصغير يعنى ماخذه حقى من جميع النواحى وتزوجت ابوالشباب وروعنى بطريفته ومعاملته بهدوءه بصمته بمثاليته تخيلوا عروس لازم تنام 10 بالليل يعنى زى ماقلتوا يخلص اموره حتى فى شهر العسل وينام وين السهرات الحمرا مافيه وهوبعد زاد الطين بله زى مايقولون انه دارس بره يعنى مايعجبه شى بمجتمعنا مع انى متفتحه جدا واعرف انجليزى زين لاكن يقصد افكارى ولو اقنعنى زين لاكن انا فعلا كنت عنيده جدا وتصادمنا كثير فى كل شى تربيه الاولاد والبيت والميزانيه يعنى هو يقول ياابيض يااسود مايعرف الرمادى ابد وانا انشغلت فى حياتى بالعمل والصديقات تربيه الاولاد انا مااقول هو صح او انا صح لاكن اقول لو كنت اعرف ان فيه شى اسمه صفات لازمه فى الشخص كنت تلافيت اشياء كثيره فى حياتى لاكن الحمد لله كانت رحله جميله ماقصر فيه صبرعلى كثير لكن لو فهمنى اكثر ماتعبنا وانا الحين بديت اتذكر كلماته الى لما يقول انتى عنيده وكنت مخليته على كيفك 00 سلبيه من كثر مااحبه وافضله على نفسى00 فى كل شى البيت والميزانيه وتربيه الاولاد والسفر لاكن كان دايما رايه صح بس اكيد كان يبينى اشاركه بالراى مو اكون سلبيه وكان دايما يفشلنى فى هالناحيه ومن حبى اله ماارد اسكت وانا الى كنت قشرا عند هلى وفى الدوام يالطيف كان ماعين خير ولا جاله صباح لاكن هو لا مااقدر موضعف شخصيه حب بعدين حسيت بلانفصال العاطفى واكتشفت خياناته وبعدين وقفت حاسبت نفسى بالاول على اللى صار يعنى لازم اكيد فينى شى علشان يتغير وانا كنت عاجبته بالاول وزى ماشرحت لكم من قبل غيرت فى نفسى بكل شى والحين لما عرفت شخصيتى وشخصيته بديت اطبقها لاكن احب اقول انا غيرت فى شكلى وتصرفاتى معاه من قبل ماعرفكم لاكن طورت بحياتى معكم والله يعطيكم العافيه ويجعله يارب فى ميزان حسناتكم يوم القيامه وينفع بالى سويتوه كل واحده محتاجتلكم امين يارب

أنقر للتوسيع...

solaf-mn قال:

رجعنا تانى احبكممممم

أنقر للتوسيع...