[you] صوتي لااغرب فكرة زفه*_*

[ابتسامه خجوله g]

بسم الله الرحمن الرحيم​

السلام عليكم ورحمة الله وبركاته​

اخواتي البلقيسيات​

صوتي لمن تريدينها ان تفوز بالمسابقه​

***ملاحظه***

المشتركات نرجو عدم ارسال رسائل خاصه لتصويت

ومن ترسل رسائل سوف تخرج من المسابقه

الفكره الاولى**
للعضوه**نونة الحب**
مثلا تكون الزفة عبارة عن موسيقى مثل من سيربح المليون:31:
وتطبع على كروت الدعوى صور لنقود وعليها اسماء العروسين
وطبعا الكوشة تكون عبارة عن كرسي العروسين وتحيطهم علامات الثراء$ المرصعه بالكرستال :39:
تدخل العروس ويحيطوها حرس هي والعريس يحملون هواتف لاسلكية طبعا الحرس اطفال لابسين اسود :19:​

مثلا اربعه اطفال يدخلون قبل العروسين و4 يدخلون بعد مايدخلون العروسين او اقل حسب المتوفر ​

وتكون جميع المفارش الموجودة مطبوع عليها علامة ال$ وعلى جوانب الصالة تظهر هذا العلامة ​

بالوان مختلفة وبمؤثرات مختلفة ​

​

الفكره الثانيه**​

للمشرفه**دونات 666**​

الفكره تنزف العروس وكأنها فارسه فوق فرس ..ولازم تكون الفرس بيضااااااا وتمشى بها حتى تصل للكوشة ​

الفكره الثالثه **

للعضوه**حكاية رود**
تعمل العروس كتاب خاص فيها وتهدي زوجها بعد الملكه
او بيوم الزفه
كل شي يخص حياتها وتحط صورها وتكتب تحته السنه والتاريخ اذا امكن
يعني دفتر ذكريات لها ومايخذه غير الزوج بس
ولما تدخل العروس في المنصه تجلس وتشوف صور مراحل حياتها
وطبعا عائلتها واهل زوجها واللي بالعرس يتفرجو عليها
-صور لما كانت رضيعه
-صورعندما كانت طفله ومعها لعبه
-صور مضحكه مثلا متخانقه مع الجيران00في البر00اوكانت فوضويه في البيت000الخ
-صور ايام مراهقتها مع أخوانها
-صور مواهب العروسه مثلا الرسم00التزيين
-صور عنايتها ببشرتها واهتمامها الزائد
-صوربالثانويه وتكون مع أمها وابوها وهم شباب في البيت وتساعدهم
صور ايام مذاكرتها قبل امتحانات الثانويه العامه
تصور الكتب والملازم كلها
علشان الاحفاد يكبرو ويشوفوا انهم كانوالجد والجده صغار مش الحين
-صور لها في العمره00في الحديقه000في المطعم00
والسفرات أذا امكن
-صور لها وهي بالجامعه وماسكه كتب وتذاكر مثلا
صور غرفة نومها 00دولابها00مذكراتها000كل شي يخص فيها
-صور شهادات المدارس والجامعه وحسن السيره والسلوك
وشهادات التفوق
-صور وهي تفطر في رمضان ورايحه للمسجد لصلاة التراويح
صور تساعد المحتاج وتعطف على الصغيروالعطف على كبار السن0
صور لها في الاعياد عيد الفطر وعيد الاضحى
-صورلها حق المناسبات الليليه
قبل لايملك عليها الزوج يشوفها أشكثر كانت جميله ورشيقه وجذابه
-صور وهي لابسه فستان الملكه وحق العشاء
-وصورلما تكون بالصالون جالسه على الكرسي متوتره وتجهز حق عرسها
-وصور صالة العرس من برى وداخل
-صور فستانها وجهازها كله تصوره
تصورهم قبل الدخول بيوم العرس
وحبذا لو زوجها يشاركها في الموضوع بيطلع حلووووووو جدا
مثلا تطلب منه كم صوره وبيكون سعيد جدا جدا
وتقول بحتفظ فيهم !!! وتسوي الفكره من دون مايدري
وتصير مفاجئه

الفكره الرابعه**
للعضوه**تهاجيد**
الفكرة هي.. ((عربة سندريلا))..
وطبعا يصممها محل الكوش ويتم تزيينها بالدانتيل والساتان الفضي اللامع..
إضافة إلى الشرايط والكرستال واللولو..​

قبل دخول العروس.. تطفأ الأنوار ويفتح الباب.. وتدخل حرمة بملابس خادم الأمير..​

ثم يغلق الباب.. وتسلط على الحرمة الإضاءة أو الكشاف..

وتكون حاملة مخدة فوقها فردة حذاء فضي وتلف بين المعازيم..

توخي عند أرجل بعض البنات ثم تعتدل وتهز راسها بالنفي وتلوي شفايفها حسرة ويأس..:no:​

فجأة توقف في الوسط وتظهر على ملامحها علامات الفرح وكأن خطرت على بالها فكرة..​

تروح عند الباب اللي بتدخل منه العروس وتدق الباب ثلاث مرات..​

يفتح الباب.. وتدخل عربة سندريلا.. وبداخلها العروس..​

ويجرون العربة ثنتين من البنات لابسين أبيض فابيض لامع ومسوين شعورهم ذيل حصان..​

طبعا الجر بيكون سهل لأن العربة فيها عجلات..​

ويوصلون العربة لين الكوشة وتطلع العروس..​

ويساعدها ولد صغير لابس مثل لبس المعرس.. يمسك إيدها ويقبلها..​

وبعدين عاد العروس تروح على الممر وترجع حتى يشوفونها المعازيم..

الفكره الخامسه**
للعضوه**لتاليا**
لهذا عندي لكم فكرة زواج غير عادي او ربما غريب
زواج تحت الماء​

يتم عقد الزواج على لوح من البلاستيك يمكن الكتابة عليه تحت الماء، وترتدي العروس حلة الزفاف وترمي بنفسها تحت الماء،​

وتضع الطرحة على الرأس. ولا ننسى النساء الحاضرات ايضا تحت الماء تطلق الـ«زغاريد»

التي تصل إلى سطح المسبح على شكل كريات صغيرة

تنبئ بوجود حركة ما تحت الماء. أما العريس وبقية الحاضرين والشهود، فيلبسون بدورهم ملابس الفرح، ويرتدون كذلك ربطات العنق،
ويسلم العريس خاتم الزواج لزوجته،
في حين أن بقية المدعوين يرابطون على ظهر مركب
خاص ويكتفون باستقبال المدعوين تحت الماء بعد إتمام مراسم الزواج.
ولكن الشرط الوحيد ان يكون الكل يحسن الغوص تحت الماء
ولي ما يعرف يتعلم حتى يكون له الشرف
لحضور هذا الزواج الغريب
وكما يجب توفير المعدات الضرورية، وتأمين المساعدة، وتصوير كامل ردهات حفل الزواج عبر الفيديو وتسليمها جاهزة على أسطوانة «دي في دي» للعروسين.
اما التقديم والحلويات فكل شئ يكون مبرمج على انه تحت الماء ومحمي من التسرب
وتتم بعض المراسم على سطح الماء

الفكره السادسه**
للعضوه**لينانيا**​

طبعا ع الجسر يمشو اربع بنوتات ثنتين ثنتين لابسات فساتين حمراء وجزم بيضاء ومسويات شعورهم ذيل حصان ورابطينها بشريطه بيضاء وشايلات قلوب بيضاء والافضل يكونو بنفس الطول وبالنص بنوته اصغر لابسه عكس يعني فستان ابيض وقلب احمر وجزمه حمراء وبعدهم العرووس وحبذا كمان يكون فستانها فيه ورود حمراء صغيره وبعدها كمان اربع بنوتات ونفس البس والحركات ويكونو اطول ​

وطبعا يدخلو متمخترات وعشان يكونو بنفس الحركه يكون هز للكتوف لقدام والخلف ان شاء الله وصلت المعلومه

وكمان أذا بدت الزفه تطلع حرمتين او بنات مافي مشكله من جنب الجسر لابسات ابيض عشان ينعرفو انه من ضمن الزفه وبنفس التسريحه وحاطات ورود حمراء خلاص وشايلات سله كبيره فيها كتيبات واشرطه اسلاميه مغلفه ومرتبه هيك

الفكره السابعه**
للمشرفه** غاااايه**
والفكرة هي:​

طبعا المتعارف عليه إن العروس تدخل من الباب وتمشي لين الكوشة​

هالمرة تدخل من الكوشة بكل هدوء ودلع وغنج وتروح على يمين الكوشة ويسار الكوشة وتمشي على ممر الكوشة وهي راجعة للكرسي تبدأ أجهزة الدخان تملئ الكوشة بشكل كبييييييييييير جداً بحيث المعازيم مايشوفون العروس ولا الكوشة....!!!! ​

وفجأة تدخل من باب القاعة أو الصالة مع صوت فتح للباب وتمشي بهدوء ورقة مع كلمات شعر بإسمها في كل بيت​

وطبعا ماراح تمشي على طووول إلى الكوشة ... لا راح تمشي بين المعازيم من جهة اليمين بشكل حلزوني ليين الكوشة وراح تخلي الكوشة على يمينها وتمشي بين المعازيم إللي بالجهة اليسرى بشكل حلزوني أيضا ليين توصل للباب وعقب راح يشغلون أغنية راشد الماجد دلوعتتي أحس إنها واااايد حلوة على العروس وهي تمشي... ((مجرد رأئ)) المهم أغنية دلووعتي وتمشي ليين الكوشة كالمعتاد لين توصل لكرسي الكوشة وتجلس وترتاح من المشي ......ههههههههه <<<< حشى تبغي الكل يشوف فستانها ومو مصدقة إنها عرووووس ​

المهم... الحين العروس جلست على الكرسي أوكي فكرة المعرس لما يدخل فكرة غيييير​

وهي: يدخل أبوى العروس وأبوى العريس ويسلمون على العروس وبعدها بخمس دقايق يدخلون أخوان العروس وبعدها يدخلون أعمامها أو أخوالها وأخيراً يدخل المعرس بروحه ويبوس العروس على رأسها ويوقف بجنبها ......................ودامت بيوتكم عامرة بالأفراح والمسرات​

​

الفكره الثامنه**

للعضوه**<<همسة شوق>>**

انا راح اقول لكم زفتي الي كل المعازيم انهبلو منها وكان زواجي ولازال حديث الناس
طبعن انا كانت الطاولات كلها بالون البنفسجي والوردي والفضي بس البنفسجي كان الطاغي لاني اموت فيه وكان كله مخمل لان المخمل يعطيك فخامه غير طبيعيه وكانت الشمعدانات عباره عن بوكيه ورد بالون البنفسجي والوردي والابيض ومن وسط البوكيه طالع عصى وفيه فرااشه كبيره بالون النفسجي ونازل منها سلاسل كرستال هذي الطاولات اما الكراسي كانت بيضاء ومربوطه بمخمل بنفسجي ومن وراء على شكل فينكه وفيها فرااشه متوسطه الحجم نجي للممر كان عباره عن بوكيهات ورد كبيره مرره بنفس الالوان وكل بوكيه جنبه عصاء طويله مره وفيها فرااشه ونازل منها كرستاال كثير الممر كان فيه ست بوكيهات ورد وست فراشات والدرج كان من اوله الااخره ورد بنفسجي مرصوص جنب بعض مافي اي فرااغ بينهم واخر الدرج ثنتين فراشاات كباار مثل الي في الممر والكوشه كانت عباره عن اربع حبات لولو كباااار مره ومعها ست حبات لولو وسط عاد رتبتها المشرفه زين وكان ورى الكرسي ايطار كبير
بس متعرج شوي يعني متث الات المسيقاء ونازل منه شال ابيض وكرستاال والكرسي كن مغطاء بمخمل بنفسجي
وكنت حاطه عند الدرج الي يطلعك على الكوشه صندوقين وسط بالون الابض والبنفسجي وجوااته شي مفااجأه اقولكم الحين وكانت مسكتي فراشه من الكرستال بس ماحطيت ورد كان فستاني ابيض وفيه ورد بالون الوردي طبعن ماخذه فكرته من المصصم راني ريشا بس الشرعه كانت فرنسيه طويله مررره وشعري كان كيرلي ومفكوك والشرعه جايه مثل الطوق على الشعر وطرف منها رابطته في الدبله وحطيت اول شي زفه شعر باسمي واسم زوجي وبعدها غنيه يابنفسج للعبدالله الرويشد ابحثي في قوقل وتطلع لك علطول مره مره جنااااااااان وبعدها اغنيه ماجد المهندس زفينا العروسه طبعن اغنيه يابنفسج كانت وانا في الممر ولمى اوصل على اكوشه في اخر جزء من الاغنيه سريعه وبعدها رحت للصناديق وفتحتها وطل منها فراااااشااااااااااات كثيييييره كان منضر التصوير يجنن والفراشات حولي تطير وكأني انا الفرااشه الكبيره والمميزه وبعدها حطيت عرض برجكتر لابويه صوره من يوم كان صغير الا قبل زواجي بيومين على اغنيه اصاله كلمه شكر يابوي وبعدها زفه لامي على اغنيه ست الحبايب نزلت امي من الدرج ومعاها قلايد وحده لام العريس ووحده لها انا شاريتها ومعاها ثتنين بنات شايلين سلال فيها هدايا من امي لبست ام زوجي القلاده وبعدها امي وبس اتمنى ان عرسي اعجبكم

الفكره التاسعه**
للعضوه**عاشقه رايقه**
في البداية تنزل من الدرج بنت ولدصغار ويمشوالى الكوشة ويلعبو ​

بعدها بدقيقة يرن جرس مثل جرس الساعة​

وتلتفت البنت يمين ويساروتركض الى باب العروسة وتسقط حذاهاء في الدرج​

ويجي ياخده الولد ويدور بين الحضور عن صحبت الحذاء​

ويروح الولد للكوشة ويلقى المصباح السحري ويفركه ويطلع دخان ​

ويخرج المارد ويقوله شبيك لبيك خادمك بين ايديك

اطلب واتمنى ويتمنى انه يلقى عروسته ويتزوجهاوينزفو وهما طاييرين​

ويقوله طلبك مجاب روح للباب ووانتظر..​

طبعاً<<<بتقولو ماجبتي شي قبلك سووها​

طلبه انه ينزفو وهم طايرين ​

ويكون مجهز قالب على شكل وردة ​

مثل التلفريك​

طبعاً شركة خاصة تجي وتوصل القالب بالسقف ويوصلو له سير يمشي الين الكوشة​

العروسة تصعدالقالب هي وعريسها وتنزف وترش الورد على الحضور الين الكوشة ​

تنزل عن الدرج

وتوقف هي وعريسها

ويشغلو عرض الصور وهم صغار

الفكره العاشره**
للمشرفه**درة الكون**
اول مافتح الشريط ولبسوا الحريم العبايات دخل بعدين العريس (زوجي )​

وقف في البلكونه وبدا مقطع جديد دخلت انا (العروس) واهلي قبلها حطوا مبخره كبيره شوي ومشرعه من الفستان وكانت مثبته فوق الدرابزاين حق البلكونه وفيها فحم مولع ​

يوم جيت انا شلت البخور بالملعقه وحطيته ع الفحم طلع الدخان على وجي ووجه العريس والنااااس انبسطوا حيل(شرط البخور يكون مبثوث )دخانه اقوى​

وفي البلكونه الثانيه ربطوا دبدوب وسط ومغطى كله بورد احمر طبيعي مقطع ومغرى فيه والدبدوب كان ماسك قبعه وكان فيها مطويات اهداء مني لزوجي وفي اللحظه اللي رحت فيها كانت الناس تنتظر ومبهوره ايش راح اسوي ياترى راح اقطع الورد من الدبدوب وارميه عليهم والا راح ادخل يدي في القبعه وايش راح ارمي عليهم وانا دخلت يدي ورميت المطويات يووووم مانساااه طول حياتي​

الفكره الحاديه عشر**

للعضوه**بنت رجاال**
تصدق اولا تصدق هاده القكرة00طبعا الناس في هذي الايام يعملون فيديو كليب0 اثناء دخول العروس المنصه00واليكي الفكره :32:عند دخول العروسه القاعه 0 كانه حدث كارثه في القاعهوهوانه قبل دخول العروس للمعازيم (الزفه)تطفئه الانواركالعاده وان المعازيم ينتظرون العروس مع صوت الموسيقه ولكنهم تفاجاءوا بصوت00 صياح وبكاء وكانهم في ميتم00اذاباريع نساء يلبس ثياب سوداء ويحملون فوق رؤو سهم تابوت العروس وهي بداخله!!ومايوصلوا الي المنصه واذا العريس يدخل ويقوم !ويفتح التابوت ويقبل العروسه0وعندهايبدا صوت الموسيقه والفرح وبعد ذلك تقوم العروس من التابوت وكان الحياة
رجعت لها بعد ماقبلها00

الفكره الثانيه عشر**
للعضوه**بنت شمر**
انو يجيبوطفله وتكون لابسه ذهبي ومعاها العصى السحريه الى تكون فيها نجمه
وتكون فيه موسيقه رومانسيه؟؟وتكون العروس واقفه وراء الباب الي بتدخل معه وتكون الانوار رمانسيه
بعدين تأشر الطفله على الباب بلعصى السحريه وتشغل الزفه وينفتح الباب وتطلع طفلتين لابسات ابيض بعدين تطلع العروسه ومن وراها طفلتين
مع مؤاثرات وورود تتناثر وقصصات ورقيه ملونه

الفكره الثالثه عشر**
للعضوه**يارب اتزوج**
انا فكرت في زفه ممكن تكون بسيطه بس صراحه غاليه بقوووووه
وباذن الله بسويها في زفتي​

اللي هي​

ز فه للوالده​

اول شي تنزف العروس لين تخلص خلاص وتروح على الكوشه​

بعدين يزفون امهم كيف​

طبعا انا خططت تكون الزفه مفاجاه لامي​

يعني يخرجزنها برى الصاله حقت الحضور​

واحط لها زفه خااااصه فيها شعر​

وفيه كلمات لامي وتنزف الام عليها لين توصل الكوشه​

عاد وقتها اسمعوا التشجيع والغطاريف من المعازيم​

بعدين توصل للكوشه عند بنتها​

وتكون حضرتالبنت لامها هديه​

اما تاج بس انا افضل عقد كبير من الذهب

ويزفونه لين الكوشه مع بنت صغيره​

ويوصلونه عند العروسه​

وتاخذه العروسه وتلبسه امها مع بوسه على الراس​

وبس كذا تنتي الحفله​

اتمنى تكون فكرتي حلوه وزي ماقلت تراهاغاليه بالحيل​

وبتفرح فيها كثير كثير​

بذات اذا كانت مفاجاه​

الفكره الرابعه عشر**

للعضوه**دموع الجوري**
انا بصرااااااااااااحه احب كل شي يكون مرتب يوم الفرح وتكون العروس بأبهى صوووره لها وتكون زفتها حلوووه وتظل بالذاكرره ع طووول
انا احب الزفت المغربيه لما تنشال العروس للكوشه بالكرسي المذهب وبالرقص والاغاني المغربيه بصرراحه روووعه
او زفه عاديه بس تبدع فيها من حركات وغيره هذا الي يحظرني الان وان شاء الله افكر واجبلكم غيرها

الفكره الخامسه عشر**
للعضوه**حكاية ورد**
فيه فكره خطرت على بالي من يومين وان شاء الله تعجب الكل
صالة العرس تكون مظلمه
وبها أصوات رياااااااااااااااح
وداخل شاشة العرض صور لكواكب متحركه00
خاليه من البشر​

ثم تظهر صورة كوكب الزهره (العروس)​

وكلام عنها انها أتت من هذا كوكب

للبحث عن العريس​

وطبعا مع دخول العروس تتوقف الرياح وتبدأ الدفوف وكلمات جميله لالتقائها بكوكب المريخ وهو زوجها ويذكرون أسمه​

ثم نزولهما على كوكب الارض​

ومع ألتقاء كوكب الزهره (العروس) بكوكب المريخ(العريس)

يظهر النور على سطح الارض

وتبدأ الحياة مع التشجيع والتصفيق الحار من الجمهور​

وتكون العروس جالسه على كوشه ذو عجلات متحركه​

والكوشه بها أشياء تتعلق بالكواكب والنجوم

والعريس يدخل مع الباب الاخر ويلتقي بعروسته​

وتكون مسكتها وطرحتها متلألئه جدا في تلك الليله ​

وطبعا في كل زاويه من الصاله​

فقاعيات وزينة ​

​

الفكره السادسه عشر**

للعضوه**ريف المحبه**

اغرب زفة تعرفن شو تنزف العروس في عربانة كبيرة مثل مالت البنيان الي يشلون فيها تراب وحصى تعرفنها صح وتكون مزينة بالدانتيل والورد الطبيعي

الفكره السابعه عشر**
للعضوه**كيان الحزن**​

اول شئ كان في فندق..وكان كل شئ وردي وكان طاولات مثل مزهريه كبير زجاج شفاف وفيه داخل عصير كاديه الوردي ومصاص يولع لمبات ​

وفستاني كان رايق وبصراحه الاغلب تكلموا عن حفله ملكتي معناها معازيم قليل قرايبي بس وقرايبه هو​

الموهم ان في البدايه انا لحالي انزفيت وحطيت زفه راشد عروستنا قمر ضاوي..بااسمي....

بعد ماوصلت ..دخل ابوي وهو..وحطيت ااغنيه محمد الزيلعي مرحبا بقدوم خلي..بعدها يوم جيت نقطع الكيك حطيت موسيقه كلاسيك مررره هادي اكلني واكلته وشربنا عصير

بعدها اغنيه احمد لراشد الماجد...وقت مالبسنا الخواتم ورقصنا سوا..

الفكره الثامنه عشر**
للعضوه**فراوله 70**
اغرب زفه سمعت عنها ان العروس دخلت الصاله في مجسم طائرة وقالت الطقاقه بالميكرفون تعلن الخطوط الجويه ...... اسم عائلة العروس ) عن وصول العروس

الفكره التاسعه عشر**
للعضوه**-نور اليالي-**
عندي فكره غريبه كوميديه ومضحكه ويبغالها الي تسويها تكون معروفه بالفرفشه وانها راعيه مقالب
تعتمد الزفه على المواثرات الصوتيه
تبدا بصوت سياره ماشيه بطيء وبعدين تبدا تسرع وتدخل العروسه جري لين نص الممر الاحمر وتفحط مع صوت تفحيط السياره وطبعا الناس اكييد بيضحكوا تجيب صوت ضحك كثير وعالي فيه ضحكه مميزه على انها للعروسه الي تضحك مع الصوت بتامايل كوميدي
وبعدين يجي دق افريقي وتبدا العروسه تدق برجلها وتدور حولين نفسها زي الافارقه الي يدوروا حولين النار ويدخلوا بنات صغار لبسين افريقي الطوق الاصفر المشرشر حول وسطهم ورجولهم وايدينهم وعاملين ضفاير كثير وشوكه كبيره في ايدهم يزفوها ويدوروا حولها لين الكوشه
ويلتم اهلها حولها وتقلب عربي:31:​

​

الفكره العشرين**

للعضوه**الاميره لمى**

اغرب زفه حصلت باالرياض ان كانوينتظرو العروس وفجاءه يدخلن اربع نساء متحجبات لبسات اللون الاسود ويصيحن ويلطمن انفسهن وحاملات تابوت والاضاءه مسكره وفجاءه يدخل العريس ويفتح التابوت ويقبل العروس وتعود الى الحياه وتخرج من التابوت اناقريت القصه ماادري حقيقه والاخيال بس تخوف لوماتت صدق انقلب الفرح عزاءالله لابيبتلينا

الفكره الحاديه والعشرون**
للعضوه**نونة الحب**
بس فكرتي صعبه شوي اول شي تكون في حديقة واسعه ويركب العريس واخو العروس خيل ويحملو معهم سيوف ​

​

وتصير مبارزة بس خفيفة بينهم وينتصر العريس ويروح وهو علخيل على عروستة ويحملها ويمشون بطريق كلة ورد ​

والاحلى انة يكون جسر صغير يعبرهم حتى وصولهم جهه المعازيم والناس طبعا يكونون شوية بعيد وينزلها من الخيل ​

وتبدا الزفة على انغام هارون الرشيد وموسيقى وانوار كلاسيكية وطبعا في كل اركان القاعه ناس لابسين شبه ايام هارون الرشيد ​

وتكون الكوشة على شكل تاج عالي طبعا مزين بكرستال ويكون مكانهم في النص يعني يكونوا هي والعريس اهم كرستال في التاج طبعا على جوانب الكوشة المهفات الي كانت تبع هارون الرشيد وهي بسيطة من الريش ​

وتبدا شاشة العرض بعرض صور العريس وهي مشغولة بالفوتوشوب وكانه من هو وصغير هارون الرشيد والعروس نفس الشي تعرض صورها وكانها اميرة من هي وصغيرة ​

وطبعا القاعه كلها دخان ومؤثرات لزوم القصة هههههههههه (هو هارون الرشيد او اي ملك بس على بالي هارون الرشيد )بس المهم شي يكون قديم وماصار يعني من مدة ​

وياريت لو يكون فرقة تقدم عرض حركات بسيطة اول شي مع العروس وتحيط بالعروس اكثر من بنت ويجي العريس

ويختارها ويعني (طولتها صح )

الفكره الثانيه والعشرون**
للمشرفه**ام لملومه-1-**
انا حبيت اشارك معاكم بزفه من خيالي الواسع طبعا >>>>بسم الله عليه
المهم ان الزفه زفه تراثيه بحته
والآن تخيلو معي:الكوشه تكون على شكل بيت شعر صغيراو خيمه
متكامل كل ما بداخله من التراث" الجلسات ؛نختارلها السدو مثلا ونحط دلال واذا امكن الحطب كمنظر يكمل الديكور"
وخلفية الكوشه تكون مخمل اسود وعليه تركيبات نجوم وقمر او صورة جاهزه ان احببتم"
تدخل العروس وهي لابسه زي تراثي كامل ولو لبست البشت على الراس زي المسلسلات البدويه"بيكون احلى وتكون مميزه
والبنات اللي زافينها كمان لابسين لبس تراثي وتكون الزفه على ابيات الشعر او شيء منالتراث 00
يوزع على المعازيم الكرام انواع التمور وهي متوفره باشكل رائعه خاصه لهذه المناسبات منها اللي على شكل نخله مثلا0000ولو فيه اقط كمان حركه حلوه
وكمان توزع اهداءت على شكل جمال صغيره >>>والله خوش حركه الظاهر اني بسويها للملومه بنيتي الله يحفظها00000>>>>اقول كملي خلصينا
نجي الحين لابو الشباب00العريس المحترم ماراح يتعب كثير حضرته بس يزودمعه السيف او الخنجر واذا حب ياخذ "باروووووده"عشان يكمل اللوك مافيه مانع
ويدخل معاه اطفال لابسين لبس خليجي ومعاهم سيووف00 وتكون هناك اشعار او شيء من التراث القديم00والله يوفق الجمييييييييييييع 00
اتمنى تعجبكم الزفه0000​

تمنياتنا لكن بالتوفيق​

 

[cool lady]

ماشاءالله أفكار روعة مع أن بعضهاغريب
بسسس أكثرفكره راقتلي أهي فكرة العضوه همسة شوق
أحب هالحركاااااات:21:
وبالتوفيق

 

[وســــــن]

اصوت لهمسة شووووق فكره رائعه

 

[بوســـ(قلبي)ــط]

ابتسامة خجوله فكرة الموضوع مره جووونان وتسلم اناملك ياروحي
انا اضم صوتي لـcool lady الي هي الفكرة الثامنة للعضوة همسة شوق
:a194:مع كل الحب لابتسامة خجوله
​

 

[سـمـاء]

**يارب اتزوج**
عجبتني فكرتها
ويارب تحقق أمنيتها

بتوفيق للكل

:)

 

[حلو التغافل]

الفكرة 7 خياااااااااااااااااال

 

[الحياة حلوة1]

مرحبــــــــــــــــــا

الأفكار ومشاركتهم وايد نايس


بس لحد يزعل مني أنا ودي أصوت للعضوة حكاية ورد ((الفكرة الثالثة))

 

[النجمه الامعه]

اصوت الفكره الثامنه همسةشوق بصراحه روعه

 

[أم الصغارية]

إن شاء الله أيامكم كلها أفراح ومسرات .... بصراحة أعجبتني الفكرة الرابعة للعضوة ( تهاجيد ) وهي فكرة عربة السندريلا .... وبالتوفيق للجميع إن شاء الله .....

 

[مهرة 0]

صوتي لي

الفكره التاسعه..للعضوه

عاشقة رايقة...

بالتوفيق للجميع​

 

[امـ عموور]

صوتي لـ

الفكره التاسعه..للعضوه

عاشقة رايقة

بالتوفيق للجميع

 

[غلاااا روحي]

تسلموووووووووووون على الافكار الحلوه بس اكثر شي عجبني همسة الشوق وعاشقه رايقه

 

[ربي ملاذي]

يا ناس الاغاني حرااااااااااااام

عقوبة صاحبها يصب في أذن الانك يوم القيامة

(الانك الحديد المذاب في النار )

 

[مميزه بطبعي]

والله اني مااحب مثل هالزفات لذالك اعذرنني اخواتي

 

[وجدان الأحمدي]

الفكرة الحلوه للعضوه همسة شوق
والله يوفق الجميع

 

[كنوز عابره]

الله يعطي العافيه الأخوات لكن انا عجبتني
فكرة يارب اتزوج لأنها فكرت في امها في ليله تنسى الوحده كل الي حوليها فياليت تتوج فكرة يارب اتزوج وموفقين..............

 

[رؤيا القلوب]

أفكار روعه وخاصة فكرة همسه شوق والله يعطيكم العافية جميعا

 

[هبه جرار]

الفكرة الثامنة

انا اصوت للفكرة الثامنة لانها مميزة وبسيطة وحلوة ملوكية

 

[هبة الرحمان]

افكار كتير حلوة و متنوعة لكن انا شخصيا عجبتني الفكرة التاسعة يعطيك العافية عاشقة رايقة

 

[غنوة البحار]

صوتي لهمسة شوق وعقبال ماسوي نفس الحركه ان شاءالله​