FW: آنسة؟ عندك أخت/بنت بسن زواج؟

[سراااب]

مساء / صباح الخير


كثير مانقرأ أو نسمع أو ممكن نقابل من يسألنا عن رأينا في عريس متقدم لها أو لأختها أو لبنتها

لكن يظل الحكم الأخير والرأي الحاسم لهذا الموضوع هو لصاحبة الشـــــأن

اللي بقولة هنـــــا يمكن أنكتب كثير ..وأنعاد لملايين المرات ..
ولكن عزائي أن يكون ذكرى ..ان الذكرى تنفع المؤمنيــن ..

الكلام اللي بقولة أعتبره قواعد وأمانة أبغى أوصلها لكل آنسة في سن زواج ..
لكل أم عندها بنات ..لكل أخت عندها خوات بسن زواج ..
خلاصة تجربة ..وتجارب الكثيرات حولي ..ومن اللي أقراه وأسمعه ..ومن شكاوي المتزوجات ..


:

:
,



القاعدة الأولى / لاتبحري مع الأحلام ..

كثير يتأملون إن الزواج هو المنقذ الوحيد لهم من عالم الطفش والزهق والنكد اللي عايشين فيه

ويعلقون آمالهم وطموحاتهم على الزواج، وهو سفينة النجاة اللي بتنتشلها الى عالم الفرح،

تتخيل أن الزواج هو اللي بيوفر لها اللي ماقدرت تحصل عليه في بيت أبوها ..

ماديات _ ترفيه _ سفر _ حرية_ خرجات ودخلات _ ومطاعم _ وأسواق

والحقيقه تنصدم أن الزواج غير تمامًا؛

أي نعم بيصير لك عالمك الخـاص ..وبيتك المستقل ..

لكن بتكوني تحت ولاية رجل؛ ممكن يكون أشد تعقيد من والدك واخوانك..

ممكن تكون مادياته أقل، ممكن يكون أنطوائي ومايحب الاجتماعات والخرجات والدخلات الكثيرة ..

لاتتخيلي الزواج جنة ولاتتخيليه جحيم ..
واعتبري من المشاكل اللي تمر عليك واللي تسمعيها وتقرئيها ..

صرنا نسمع جملة يرددونها المتزوجات ( اتمنى أرجع لبيت أهلي ) بكثرة هذي الأيام ..

عارفة ليش؟ لأن موالكل تهيأ للزواج وفهم قدسية رباطة ..

فيه ناس داخله تبحث عن الحرية والاستقلال والسفر والرفاهيه ..

تبحث عن شيء ناقصها في بيت أهلها ..ولو ماحصل بعد الزواج راح تتحطم وتقول ياليتني ماتزوجت ..!!

هيئي نفسك للزواج بحلوه ومره ..​

ولاتبحري في عالم الأحلام الورديـة ..علشان لاتنصدمي بالواقع .

،​

القاعدة الثانية/ لاتعميك الحاجة عن حسن الاختيار

حاجتك للزواج ورغبتك فيه لاتعميك عن حسن اختيار الرجل المناسب

كثير من المتزوجات الآن سبب مشاكلها مع زوجها هو سوء الاختيار ..مافية تكافؤ وهي عارفة هذا الشيء من الأساس

من أساسه زوجها مو راضيه عنه ..بس زي ماتقولوا قالت: ظل راجل ولاظل حيطة ..
طيب ليــش وافقتِ ..؟؟

قالت ..لأن اللي بعمري كلهم تزوجوا ..!!

وبنات خالاتها وبنات عماتها وصديقاتها كلهم تزوجوا ..ومابقي أحد في العيلة ..

والثانية تزوجت لأنها طفشت من بيت أهلها، وملت من تحكمهم فيها تبغى الاستقلال والحرية

وخافت تفوت هذا الرجل ومايتقدم لها غيره

والثالثة لأنه البعثة قربت, ومافيه أحد بيروح معاها ..وتبغى محرم .

ومضطرة توافق عليه مافيه حل والا بتروح عليها الدراسة ..!!

وبعد سنة أو أقل أو أكثر شوفوهم يولولون بيينا: "زوجي مجنني ومطفشني ..!!؟؟"

انزاحت عن عيونهم غشاوة الخوف من العنوسة وصحت ولقيت نفسها زوجة لرجل عيوبة وسلبياتها لاتطاق ولاتحتمل ..!!

اعرف وحده تزوجت رجل ..والله العظيم انها تقول مافيه شيء يخليني أتزوجة الا أنه وسيم فقط ..!!

وشوفوها الآن نكد × نكد ​

ومطيّن عيشتها​

وماسح فيها الأرض طيب ليه ياحلوة ..؟؟

النتيجة لهذي الزيجات معروفة ..أما زوجين في عايشين نكد × نكد ​

​

أو زوجين منفصلين عاطفيآ ​

أو مطلقين

ماأعتقد يسرك أن بنتك أو أختك أو أن حياتك تنتهي بهذي النتيجة !

و لاأعتقد أن هذي أهدافكم ياآنسات ..أو ياأمهات من زواج بناتكم ..

:

:

,



القاعدة الثالثه /لاتكوني كالمستجير من الرمضاء بالنـار ..

مهما كان وضعك سيء في بيت أهلك، مهما كنتي تحسين بألم وحرقة وعذاب ..

مهما كانت أختك متعذبة، وضايقه فيها الحيلة، مهما كانت حياتها سوادء ومتعتمة ..

مهما كانت بنتك متضايقة من تأخر زواجها، مهما كانت نفسيتها محطمة​

...يبقى بصيص الأمل لازال موجود ..

فيه أمل تطلعي من هذا العالم الى عالم الفرح ..المهم أنك ماترتبطي بزواجة تحت ظرف معين ..

لاتقيدي نفسك بزواجة أنتي مومقتنعه فيها؛ لاتستعجلي ..اصبري ..لعل القادم أحلى ..

عارفين كم قصه مرت علينا وسمعنا فيها عن بنت ارتبطت برجل أسوأ منه مافيه ..

وبعضهم هو يستغل ظروفها

والسبب أبغى أطلع من بيت أهلي من النكد اللي أنا عايشه فيه ..

مسكينه ماكانت تدري أنها قطعت آخر أمل لها بالسعادة ..

وانتقلت لحياة جديدة ماراح تكون أفضل من بيت أهلها لأن المكتوب باين من عنوانه ..

والنتيجة ياتصبر وتتجرع المر باقي العمر كله.

ياتطلق وترجع لبيت أهلها وهذا الشيء مستبعد ..لأنها صارت أم لأطفال ومحد بيتحملهم ..!!

وفات الآوان على انها تنفصل ..لأن الخيارات القادمة مجهولة ..والجحيم اللي في البيت اهلها ينتظرها ..

وانتو ياأمهات وياأخوات، لاتضغطون على قرارات بناتكم وأخواتكم ولاتأثرون عليهم ولاتيأسونهم ..

وتسكرون الأبواب في وجيههم لايدفعكم خوفكم عليهم وشفقتكم الى الإضرار بهم..

لاتخلونها ياأبيض ياأسود ياتوافقين على هالخايس ياتراك بتعنسين ..

تأكدوا وثقوا بقول الله تعالى ...وفي السماء رزقكم وماتوعدون ..

:

:

,




القاعدة الرابعة / نحن لانملك عصا موسى ..

أيه نعم أنتِ لاتملكين عصا موسى تغيرين بها الأحوال ..

واختك ..وبنتك مايمتلكون هذي العصــا ..ولا أنــا

لاتقولين لها:..تزوجي وبكرة تغيريه ..القلوب بين أصبعين من أصابع الرحمن ..

لو كان الأمر كذا كان أنحلت كل مشاكلنــا وأنا أولكم ..


نسمع بالمثل اللي يقول غير جبل ولاتغير طبيعه ..!

لو كان بنتك او اختك ..حتى أنتي ياآنسة مومقتنعه بصفه موجودة بهذا الزوج ..

وتحسين ان الحياه مستحيلة مع وجود هالصفه .. حتى لو كانت عادية في نظر اللي حولك..

يبقى خلاص لاترتبطي فيه ولاتظلمي نفسك ولاتظلميه ..

لاتجين وتشاورينا وتقولين( عادي تقبلين بواحد فيه كذا وكذا )

لا ياقلبو الحريم يختلفون؛ ومومعيار إذا الحريم قبلوا بهاي الصفة أنك لازم تكوني مثلهم ..

زوجات كثير دخلوا الحياة الزوجية وهم مشمرين عن سواعدهم ..كانت ناويه تقلب الرجال فوق تحت ..!!

لكن للأسف لقيت نفسها قاعدة تلف وتدور في حلقه مفرغة ..

والآن هي اللي بنسمعها تقول ياليتني ماتزوجته ..!!

وشوفهم هنا معانا في المنتدى اللي زوجها مدخن وكان أملها يترك التدخين.والى الآن ماترك

واللي زوجها كان يكلم وشاورت وقالوا لها عادي أنتي وشطارتك.تخلينه ينساها ويبطل مكالمات وفلانه غيرت زوجها ..

وعلانه كان زوجها راعي بنات ومن هالقصص اللي بنت على أساسها قرارها وتزوجته وشوفوه الى الآن زوجها يكلم..!!

واللي زوجها يسافر وقالوا لها عادي ..طيش شباب وبكرة ياخذك معاه وتقدرين تمنعيه وتقدري تشبعيه .والى الآن وهو يسافر !!

..واللي زوجها مايصلي وقالوا لها يعقل وربنا يهديه والى الآن وهو على حاله ..!!

أغلبهم أرتبطت فيه تحت تاثير بكرة تغيرية اللي ربنا ماكتب له الهداية مانقدر احنا البشر نغيره ..

لاترتبطي الا بشخص تقدري تتحملي عيوبة ..يعني مايفرق معاك حتى لو مابطل هذه العادة السيئة ..!

​

​

القاعدة الخامسة / أنت أدرى النــــــــاس بنفســـــــك ..

أي نعم؛ اتركي كلام المجتمع كله على جنب، واطردي تأثيرهم عنك..

واللي تقدري عليه قولي أقدر وأنا أتحمل نتيجة اختياري ..

واللي ماتقدري قولي مااقدر وانا أعرف نفسي أكثر منكم ..

ولاتلومي أحد لأنك صانعة القرار وخليك قدها وقدود ..

الآن النـــاس كل من هب ودب يعطي رايه وكل مين يقدر يصف حكي حلو ويقولة لك ..

لكن بكرة أذا دخلتِ بيتك ..واتسكر الباب بينك وبينهم أنسسسسسي هذا الكلام كله ..

ومابتسمعي منهم الا التقريع واللوم ..والتعاطف اللي قبل ماعاد بتسمعيه خير شر ..

ويمكن يبالغون في تحميلك مسؤلوية إنجاح هذا الزواج ..

أنتِ زوجة فاشلة، أنتِ ماعرفتِ تتعاملي معاه، انتِ ماعرفتِ تغيرينه، أنتِ وأنت وأنت ..!!

كم وحدة بيننا زوجها يكلم ومن قبل الزواج وهي تعرف وتزوجته ​

.والآن موقادرة تشكي لأحد همها ..

ولاتقدر تفتح فمها بكلمة عارفين ليش؟​

لأن المجتمع مابيرحمها وبيقولون أنتِ السبب ولأنك مقصرة ..!!

ولأنك ماقدرتي تخلينه يحبك ولأنك ,لأنك .ولأنك ..!!

وهم نفسهم اللي أقنعوها فيه قبل الزواج ..!!

وحده كانت غيورة لأقصى حد تزوجت رجل معدد .يوم خطبها الكل كان يهون عليها الوضع ..ويشجعها توافق
والحياة معاه بتكون حلوة وبتكوني متفرغة لنفسك..واليوم اللي مايجيك فيه اعتبريه مسافر ..ومن هالكلام .
لما تزوجت مسكينة ماقدرت تتحمل الوضع هي بالأصل غيرتها جنونية؛ خلاص تنكدت حياتها مشاكل مع زوجها .
ماكانت متخيلة الوضع بهذي الصورة، موقادرة ترتاح ولاهو أرتاح معاها ..
وشوفها الآن بين نارين جحيم الغيرة .. وجحيم المجتمع ولومهم لها لو أنفصلت عنه.


ووحده خطبها رجل في نهاية الاربعين ..في البداية كان الكل يشجعها وان سن الاربعين قمة النضج للرجل
وانه سن الثقل والعقل والرزانه اقتنعت بالفكرة على الرغم انها صغيرة وأرتبطت فيه
لكن بعد الزواج بمدة شافت أولاده صابتها صدمه أولاده أكبر منها وبعضهم في سنها
تقول بنفسها والله ماقدرت اتقبله بعد ماشفت أولادهحسيت أنه كبير علي واني ظلمت نفسي

وين اللي كانوا يقنوعونها ..؟؟؟​

وين الي كانوا يساندونها ..؟؟

شوفوهم الآن أول من يلومها ..دامك موقد الزواج ليش قبلتِ فيه؟ ..!!

وما احد يعرف أنها كانت تحت تأثير كلامهم ونصايحهم اللي أثرت كثير على قرارها ..


:

:

,


القاعدة السادسة / زواج المعدد

كثير أخوات هنا يشاورونا بخطوبتها لرجل معدد ..

التعدد شرع الله عزوجل ومااحد ينكر هذا الأمر ..

وطالما انك متقبلة مبدأ المشاركة ..فما أحد له حق ينكر عليك أو يعيب عليك قرارك ..

حقك في الحياة ترتبطين مع أي رجل اختارك على سنة الله ورسولة ..طالما أنه كفو ..

لكن فيه عدة نقاط أستفدتها من تجارب بعض الأخوات حولي..

واللي ربنا ماكتب لبعضهم الأستمرار وانفصلوا عن ازواجهم وتقدرون تسمونها أخطاء أن شاء الله تتفادونها ..


النقطة الأولى ..:
لاتقبلي بزواجة معدد يديرونها الحريم علشان لاتكوني ضحية لعاطفة الحريم
أغلب الحريم تأخذهم العاطفة والأنتقام ​

لاتقبلي أبدًا بزواجة من تحت راس أم الزوج أو أخواته ..
إذا الرجل مااقدم بنفسه وتكلم بلسانه لاتقبلي حتى بفكرته ..
وأبعدي العنصر النسائي تمامًا عن التدخل بالموضوع .. ​

ولاتعتدي برأيهم ولابحكمهم عنه أو عن زوجته أو عن حياته ..​

مهما كان هذا أبنهم هم يشوفونه أكمل الرجال، أحسنهم خلقًا وخلقًا ..
وشهادتهم فيه مجروحة وحكمهم عن زوجة أبنهم وعن حياته قد يكون ظالم ..
لأن قل من الأسر اللي يكون بينهم وبين زوجة ابنهم ود وحب واحترام ..ولاحظوا كم وحدة بيننا متصافيه مع اهل زوجها ..؟؟​

النقطة الثانية :
لاتسمحي بخطوبة السر سواء عن أهله أو زوجته مهما كان ..
لأنك راح تدفعي الثمن غالي؛ أشترطي هذا الشيء ​

وأعلني خطوبتك منه على الملأ قبل الزواج
أغلب اللي تزوجت بدون معرفة أهله أو حتى شاورهم؛ أغلبهم مرفوضة من أهل زوجها حتى لو كانت زوجة وحيدة ..​

وأعرف وحدة أهل زوجها ما يبغوها ولايرضوا حتى يقابلوها ولايبغوها تحضر اجتماعاتهم ولالقاءاتهم
عايشة في عزلة عن العالم مالها علاقات الا بأهلها فقط ..​

إذا تبغي تعيشين زواج واستقرار لازم تكون أساسيات حياتك صح ومستقرة
ونفس الشيء بالنسبة لزوجته؛ أنت مومجبرة على أنك تسترضيها أو حتى تستأذنيها في موافقتها
ومافيه زوجة بالعالم بتوافق على زواج زوجها الا في حالات نادرة ..
لكن على الأقل تكون عارفة بالخبر حتى تعرفين وضعك مستقبلاً​

لاتكوني ضحية ..وخليك جادة وحازمة ..هذا حقك بالحياه لاتتنازلي عنه ..

​

،

الكلمة الأخيرة لك أنت ياصاحبة الشأن ..
لو أنتي مقدمة على زواج من معدد أو أعزب أو مطلق أو أرمل
وانت كنت آنسة أو مطلقه أو أرملة ​

وانت مقتنعه باختيارك ومستخيرة الله عزوجل ..
لايأثر فيك كلام النـــاس الناس كذا وإلا كذا مابيرضيهم شيء​

وبتلاقين اللي يلومك على أي قرار اتخذتيه في حياتك ..
المهم أنت تكوني قد كلمتك ..وقد المسؤولية اللي انت مقدمة عليها ..وتتحملي نتيجة اختيارك ..
ومهما حصل لك بعد كذا تأكدي ان هذا هو نصيبك اللي لامفر منه ..
طالما أنك أستخرتي رب العباد يبقى لاتلتفي لأحد


وانتوا ياأمهات ويااخوات لاتكونوا أنتم صناع القرار في زيجات بناتكم وأخواتكم ..
أي نعم لها عليكم حق النصيحة والمشورة لكن أتركوها تختار حياتها ..​

مااحد بيعيش مع الرجل غيرها ..
اتركوها تقدر قدراتها بنفسها ولاتدفعوها للحياة الجديدة وأنتم تحملونها مسؤولية أكبر منها ..
بناتنا مانزوجهم لأجل يبرون أولاد النــــــاس ويصلحون فسادهم ومافشلوا اهليهم فيه غرسه فيهم
بناتنا نزوجهم لأجل نسعدهم ..ونساعدهم من أجل يكونوا أسر صالحة ..​

..​

.​

​

 

[ام يوــف]

جزاك الله خير

 

[احساس الدنيا]

مشكووووووووورة اختي مووووووضوع رائع
ياااريت الكل يستفيد وينفذ

 

[تيماااااج]

الله يعطيكي العافيه يالغاليه فعلا اايدكي كلنا قبل الزواج فكرنا بذا التفكيران الزواج جنه وان في يوم راح يجي فارس يمتطي ذاك الجواد الابيض وينتشلنا من هموم الحياة ونعيش معاه احلى حياه
ونكتشف غير ذالك بارك الله فيك

 

[شوووق الغلا]

الف شكررررررررر على الطرح

 

[همايل العين جفي]

كلامج صح 100%^
وخاصة سالفة انتي بتغيرينه بعد الزواج هذي وايد انقهر منها
و انا شو ضمني انه يتغير ابغي واحد جاهز

 

[#تفاحة#]

وانا ايضا اايدك
انا ضد فكرة ( بتغيرينه بعد الزواج)
لانهم قالوها لي لكن مااقتنعت فيها
قلت اما اني اقبل هالشي او ارفضه

موضوع حلو
يعطيك العافيه

 

[لبى عنوني]

القاعدة الأولى / لاتبحري مع الأحلام ..

كثير يتأملون إن الزواج هو المنقذالوحيد لهم من عالم الطفش والزهق والنكد اللي عايشين فيه








تيب الي تفكيرها عكس هذا تمااام تحس الزواااااج هم ومسئوليه وطبخ ونفخ واطفاااال

 

[زهرة المرج]

كلامك قمه في الروعه تسلم اناملك يامبدعه

 

[*^ ندى الورد ^*]

صح صح صح

 

[أم ذياب89]

مشكوره الغاليه ع الكلام الروعه

يزاج الله خير