السلام عليكم كيفكم يابلقيسيات
أنا يا حبيباتي جربت مستشفى الوطني في المدينة قبل سبع سنين الدكتورةاللي كنت أراجع عندها إسمها سحر بس ما أرتحت لها كانت مهتمه بنفسهابشكل زايد مناكير ومكياج وتعرفوا وحده حامل ومبهدلة وتشوف المنظر دا:busted_red:؟؟؟؟؟ لكن ربنا سخرلي وقت ولادتي دكتورة تانية إسمها نيرة والحمد الله عدت الولادة على خير والحلو إنها سمحت لأمي أنها تدخل معايا وقت الولادة لكن مستوى الخدمه كان جدا سئ وقتها زوجي أخذ لي غرفة درجة أولى مع مرافق ( إمي)وفي الصباح لقيت إنهم ما جابولها فطور!!! ولما سألت المشرفه قالت لي لازم تدفعي أقولها سجلي على حساب الغرفة تقولي لآ!!
طبعا انا مرة زعلت وحبيبتي ماما قالت مو مشكلة بعدشويه يجبولي أخوانك أكل الكسفه إنه ماكان معايا فلوس وإمي المبلغ اللي كان معاها وزعته على الممرضات اللي وقفوا معايا وقت ولادتي
هادي التجربة الأولي وأقول للكل الله لا يحوجكم لدي المستشفى سيئة جدا :thumbdown
طبعا بأقول دا الكلام من تجربتي معاهم على مدار السنين اللي راحت)على فكرة لسه قبل 4 أيام رحت عندهم بأتابع حملي الجديد وما زال المستوى متدني طبعا اللي غاصبني عليهم أنهم قريبين من بيت أهلي
التجربة التانية قبل 4سنين
مستشفى الألماني قمة في الروعه كنت أراجع عند دكتورة إسمها سلوى الحبشي :icon26:الله يجزاهاخير فين ما كانت والله يابنات عمري ما شفت زي حنيتها تخيلوا بعد ما تعملي تصويرتمسك يدي وتساعدني أقوم وتجلس تشرحلي كل شي دا رجل النونو دا رأسها وقتها كنت حامل ببنوتتي فقاست طول رجولها وقالت لي دي حتطلع قصيرة وأنا كنت في السادس وتخيلوا طلع كلامها صح بنتي للأن أعاني من قصرها :sad_1:
ووقت الولادة بصراحه رررررررررررررررروعه كل الطاقم كان ممتاز والله يعاملوني بحنيه ويمسدوا على ومايخلوني لوحدي أبدا:blush-anim-cl:
بس مارضيوا يدخلوا أحد معايا الولادة بس بيني وبينكم كداأحسن لآنه أمي حبيبتي كانت بتبكي من قبل ما ادخل الكشك فما أدري لو دخلت إيش كان صار غير كدا من أول ما وصلت للطوارئ لقيت الممرضه جيه جري بعربيه لحد باب السيارة وطبعا كل ماأبغى أقوم ولا أجلس معايا وحده وبعد الولادة كنت مرة مرتاحه :bigsmile:الغرفه نظيفة ووجبات الأكل يجيك منيو تختاري لليوم اللي بعده الفطور والغدا والعشا ومو بس إنتي اللي تختاري لآ حتى المرافق يختار:essen:
أنصح الكل بالألماني :icon30: قمة في كل شي بس الدكتورة سلوى للأسف راحت ويمكن مشكلتهم الوحيده إنهم بعيدين والله لوكانوا وسط المدينة كان الوضع 100/100
وأهم شي الدعاء دايما أدعوا ربنا إنه يسخرلكم أولاد الحلال وإنه يسهلكم أموركم فين ما تكونوا
والله يقومني ويقوم كل وحده بالسلامه يارب ويرزقنا الأبناء الصالحين البارين آمين