ََ يمه َََ

[روح العنا]

السلام عليكم ورحمة الله وبركاته
اخباركم الغاليات ان شاءالله مرتاحين
اقرءوا معي ما كتبه هذا الشاب متهور الذي تعرض إلى حادث وكانت معه أمه فتوفيت وبقي هو علي قيد الحياه وكتب القصيده هذي... أبكت من لا يبكي


يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى ال يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

تكفي بس لا تبكي اذا شفتي بي الدمعات

انا مقوى ابكيك اذا انتي تبكيني ..


منقوووول
والله لايحرمنا من امهاتنا ويحفظهم لنا

 

[فاقده صديقتها]

مشكوره ياقلبي ع النقل الرائع وربي قلبي يتقطع من اقرا هالقصيده الله يحفظ امهاتنا وابائنا ومايحرمنا منهم

 

[روح العنا]

اللهم آآآآآآآآآمييييييييييين
ويسلموووووو ع المرووووووور الغلا

 

[قتلني الفراق]

رحم الله اموات المسلمين

نقل فيه من العبره الكثير

لاتحرمينا تواجدك بيننا

سلمتي وسلم لك كل غالي

​

 

[روح العنا]

اللهم آمين
مرووووورك أسعدي الغالية
**