يوم حلو وعشرة لا.....

[أم كلثم]

بلقيساتي الغاليات .. أول شي مبروك علينا أهل الامارات عالمطر وانشا الله مطر خير وبركة .. وثاني شي ما أعرف وين ابدأ: نفسيتي وايد تعبانه ما عندي حد افضفض له أخاف من أهلي علشان ما تكبر السالفة ، وما عندي حد يسمعني من صديقاتي الكل مشغول .. زوجي وحبيبي وكل حياتي من كم شهر متغير أصبح يسهر لين الفجر خارج البيت مع شلته المصونه .. تناقشت معه ويووعد وما يوفي ،،، وصلاته لو ما أذكره فيها ما يصلي ،،، وانقرفت من ريحة السيجارة ،،، ويحاول يغتصبني من الدبر ،،،
تعبت نفسيا من هذا كله وأتمنى حد يسمعني ويساعدني في حل مشاكلي ......:busted_red:

 

[روح الصبايا]

ان شــــــــــــــاء الله اقدر اساعدج أم كلثم :

أول شي لا توافقين ابد ابد على يطلبه منج مهما صار أختي

وأشرحيله أن هذا حــــــــرام وقوليه راح أسوي اي شي لكن الإ الحـــــــرام

وكلميه بطيب وبتفهم وأرجـــــــوا أنج تكثرين من الدعاء خاصه ها الايام ع المطر الدعاء مستجاب

وكثري من الاستغفــــــار واذا ماشي حل أول مره روحي عند أهلج وأنتي زعلانه منه بس لا

تقوليلهم يمكن يحس وما يكرر بس اذا كرر لازم لازم تخبرين أهلج....

 

[الفراشه وزوز]

لاتسمحيله ابد بشي الحرام
وحاولي معه يخفف سهراته واذا عجزتي عنه وفقدتي الامل دخلي احد من اهلك مثل اخوك المقرب ينصحه عسى انشاء الله يتعدل

 

[ضوء شمس]

الله يبارك فيج عسى هالامطار البركه والخير يغسل همووووووووووووم قلوبنا
عليج بالدعاء والاستفغار لاترضين اختي بالحرام ان شاء الله اخواتي يفيدونج يالغاليه

 

[صبيه شقيه]

عليج بالدعاء والجأي لله وحده يقدر يساعدك
ولاتطاوعينه في ماحرم الله ونبهيه وحذريه من عقاب والله ولو ماارتدع روحي لاهلك
لاطاعه لمخلوق في معصيه الخالق
الله يسخره لك يارب ويبعد الحرام عنكم

 

[um gasem]

الله يكون بعووونك اختي ويسخرلك زوجك وان شاءالله ربي يهديه السهر كلنا نعاني منه بس الحرام محد يرضاه حاولي تنصحينه ان هالشي حرام وانك ماترضين والله يحنن قلبه ويهديه

 

[الجواااان]

الله يهديهم يااااارب