$. يوم ثاني فعالية (طبخنا أحلى) البيت السعيد .$

[البيت السعيد**]

بسم الله الرحمن الرحيم​

السلام عليكم ورحمة الله وبركاته،​

أعذروني على الغيبة، بس ما كان عندي نت، وكنت عايشة ثلاثة أيام مقطوعة عن العالم ههههههههه، حلوة ذي،:nosweat:​

المهم حبيباتي، اللي سألت عن وصفة الحلى، موجودة الطريقة تمت إضافتها،​

​

فطورنا اليوم،:blushing:​

كان مثل اللي في الصورة + شربت نعناع بالليمون (عندي صور من قبل) + كيكة تمر (عندي لها صور من قبل)​

[URL=http://www.3sl3.com/up/][/URL]​

أول شي هريس اللحم
(ذكرت الطريقة في موضوعي القبلي)​

صالونة اللحم
( بس هذه طريقتها إشوي غير، ما فيها صلصة طماط إلا قليل جداً وتكون الخضروات قطع كبيرة جداً،)​

عندنا سمبوسة جبن سلايس،
(لفيت ورق السمبوسة بجبن الشيدر العادية وسكرتها بخليط الطحين والماي)​

وبعد نشااااء دااافي​

​

4 ملاعق طعام نشاء
كوبين ونص ماي
ثلاثة أرباع كوب سكر
منقوع ماي الورد والزعفران
نص ملعقة صغيرة هيل مطحون
مكسرات حسب الرغبة،​

1- نخلط جميع المقادير مع عدا منقوع ماي الورد والزعفران،
2- لما يغلظ إشوي نضيفهم،
3- نصبه وهو حار في ملة أو صحن غزير، وياكلونه حزة الإفطار،​

الشراب: ​

عصير النعناع بالليمون​

ليمون فرش مقشر ومقطع
سكر حسب الرغبة
ثلج
ماء بارد
نعناع منظف ومغسل
وآنا ضفت ملعقتين سن كويك على ليمون (مو شرط تحطينه)​

​

يخلط الجميع في الخلاط بشكل جيد حتى تختفي قطع الثلج والليمون والنعناع
صفيه في شبكة​

​

وقدميه بااارد (هالصور عندي من قبل، لكن والله شاهد علي سويتها مرة ثانية) بس ما صورت​

[URL="http://www.3sl3.com/up/"][/URL] ​

الحلى في الرد القادم إن شاء الله

​

 

[البيت السعيد**]

الحلى عبارة عن:

كريم كرامل
(الطريقة التقليدية المتبعة خلف العلبة)

فالودة المانجو (موجودة الصور والطريقة عندي من قبل)،


نبدأ بالمقادير:

كوب ونص حليب بوردة
5 - 6 أكواب ماء
نص كوب سكر (وتقدرين تزيدين على حسب ذوقج)
ربع ربطة فالودة
علبة قيمر صغيرة
حبتين مانجو
نص كوب صغير ماي ورد منقوع فيه زعفران في الصورة اللي فوق حطيت لون صفار الزعفران، علشان يطلع أصفر زيادة حبتين،




الطريقة:

- أول شي إخذي ربع ربطة الفالودة وقصيها بالمقص،
وخليها في كوب ماي حار (مو على النار)

- خلطيهم في الطاسة زين، وخليهم على صوب، بتحسينه نوعاً ما قاعد يذوب،

- في هالأثناء، خلطي في الخلاط (الحليب + باقي أكواب الماي + القيمر + السكر)، صبيه في قدر وخليه على النار، لين ما يغلي غلية أولى،





- بعدين ضيفي الفالودة مع الماي مالها في قدر الحليب وخلطيه زين بتلاحظين إن خيوط الفالودة إختفت، وخلي الخليط يغلى غلية ثانية وصكي النار،

بعدين ضيفي منقوع الزعفران وماي الورد في الخليط كامل،

وقعدي صبي قد الكمية اللي تبينها في طاسات علشان نضيف بعدين عليهم المانجو المقطع،

هذه الصورة لما خليت الخلطة مع قطع المانجو،

خلو الطاسات في الثلاجة،

كلها نص ساعة بالكثير ساعة والفالودة صارت جامدة،

وإكلوها بالهناء والعافية،

وهذا شكلها في يد ولدي، شوفوا شلون جمدت،

[URL=http://www.3sl3.com/up/][/URL]





حلى الطبقات الباردة بالجيلي

المقادير:
1- بسكوت قهوة الصباح + حليب سائل لنقع البسكوت
2- (6 حبات جبن كيري + علبة قيمر صغيرة + ظرفين دريم ويب + كأس صغير ماء حار مخلوط فيه جيلي الأناناس)
3- كوب كبير ماء حااار مخلوط فيه جيلي التوت


الطريقة:
1- نصف طبقين من البسكوت بعد ما نغمسه في الحليب،
2- نخلط مقادير الطبقة الثانية ونصبها فوق البسكوت ونخليها في الفريزر ساعة
3- نعد الجيلي الأحمر، ونصبه فوق الطبقة الثانية ونخليها تجمد

 

[همس اااالأثير]

تسلمين والله يعطيك العافية

 

[ذوق رفيع]

تسلمين قلبي على السفرة و الوصفااات الأكثر من حلوة
و سفــــــــــــــــــــــــــــــــرة دائمة..
.
.
تقبلي مروري,,,

 

[واثقه بس متواضع]

تسلمين على السفره وعساها دايمه ان شاء الله

 

[حبــ الوطن]

يسلمووؤؤؤ

حلو الحلا

بانتظار كل يديد منج

 

[البيت السعيد**]

بالنسبة للسحور البارحة، فكان كالتالي:

سليس أسمر مع جبن في التوستر

[URL=http://www.3sl3.com/up/][/URL]




لفائف جبن الكيري بالبيض






المقادير:
بيضتين
كيس سليس منزوع الأطراف
تقريباً 8 حبات جبن كيري
جبن سائل
ملعقة صغيرة حبة البركة
ملعقة كبيرة زعتر
شوية فلفل أسود

الطريقة:
- ترق شرائح السليس
- تحشى بالكيري وتسكر بالجبن السائل
- تغمس في خليط (البيض وباقي البهارات)
- تقلى في النار وتقدم حارة


العصيدة بدون بيض
(الصورة الآولى مالت البارحة، بس الطريقة والمقادير عندي إياها من قبل)،

[URL=http://www.3sl3.com/up/][/URL]

(( العصيدة ))

المقادير: طحين أي نوع (تاخذينه من الخباز) / سكر / ماي / هيل مطحون / زعفران / ماي ورد / سمن ولا زيت ولا زبدة على راحتج / مكسرات النوع اللي تفضلينه.

إنزين الطريقة: أول شي نحمس الطحين على النار لين ما يصير لونه ذهبي، يعني على كيفج تبينه ذهبي بني أصفر تقدرين تتحكمين ، بس ها لا تحرقينه وتسوينه أسود.

بعدين من يستوى الطحين، خليه على صوب دقايق، وضيفي عليه السكر والماي (مو تغرقينه ماي يعني صبي إشوي إشوي بحسب الحاجة) وخلطي زين ما زين،، وبعدين حطي الهيل والزعفران وماي الورد، وملعقتين ولا ثلاث زيت ولا سمن

بعدين خلط بلط وحاااااااااااااسبي لا يحترق عليج وإذا حسيتي يحتاج ماي ولا طحين ضيفي عليه.

عقب ما حسيتيه إستوى خلاص، شيليه وخليه في صحن التقديم وإفرديه بالزيت وخليه فوقه المكسرات،، وهذه الصور النهائية للطبخة.

وبعد سخنا حليييييييييب مع الهيل وماي الورد

[URL=http://www.3sl3.com/up/][/URL]

 

[البيت السعيد**]

مشكورين حبيباتي، وكلكم ذووووق،

الله يسلمكم ويعااااااااااافيكم يا ربي آآآمين

 

[أم ايلانه]

تسلمين على السفره

 

[سهام اليل]

يعطيك الله الف عااااااااااااااااااافيه يااااااااااارب

 

[عالم خاص]

يسلموووووووو

 

[storylovly]

ما شاء الله تبارك الله
الله لا يضرك ويعطيك العافيه على مجهودك
تسلم الاياااااادي ياااارب

​

 

[الأسطـــــورة]

ماشاء الله تبارك الله

 

[تولة وردة]

تسلم الايادى

 

[شهدالملكه2]

يسلمو الايادي