مياسه الإمارات
New member
- إنضم
- 4 فبراير 2010
- المشاركات
- 23
السلام عليكم خواتي
مشكلتي والحمد لله اني متزوجة من 3أشهر بس ، والحمد لله حياتي مع زوجي تمام التمام
ونحب بعض من ايام الملجة ، مشكلتي ان الدورة تأخرت عندي هالشهر وبالعادة هيه تتجدم خمس ايام بس للحين ما بان شي متأخرة عليه من 9 أيام ، البارحة لمحت لزوجي
بالسالفة ان الدورة تأخرت واحتمال اكون حامل انفعل وقال لازم ندور اي شي ننزل الحمل والعياذ بالله
هنيه ما اقدرت امسك نفسي
وتميت اصيح ومن البارحة ما رقدنا احنا الاثنين للحين
وكله اردد علي كيف تهون عليك نفسك تقتل ضناك
كيف تريدني اتحول لمجرمة
انته ما تدري شو عقوبة قتل النفس بغير حق
بس هوه مطنش وكل يقول
انتي حرمتي واريد استانس وياج لسنة جدام وعقب نفكر بالحمل
ارد عليه ان الحمل ما يمنع الواحد يستانس مع حرمته
وفي وايد ناس حريمهم يحملن من الليلة الأولى
وهو ما اتفق وياه من البداية على هالشي
ولا اني اخذ مانع او هو ياخذ
لكن مب معبرني ولا مهتم
بنات بصراحة حسيت اني ما اعرف ريلي
احس في حاجز كبير بيني وبينه
كيف يوصل تفكيره لهالدرجة
واحنا بعدنا ما تأكدنا من الحمل
بنات حتى لو ما حصل حمل ... خلاص انا افكر ارجع بيت أهلي
اللي يفكر هالتفكير والعياذ بالله ما بيكون فيه خير لي فالمستقبل
بنات انا مصدومة فوق ما تتصورن
ومب مصدقه اللي صار ... مب مصدقة ان هذا ريلي اللي حبيته
احس اني انغشيت فيه وهالموقف خلاني اكتشف حقيقته
كيف ابوي يرضى يقتل ضناه
قراري النهائي
لو كنت حامل مستحيل افرط في ضناي حتى لو طلقني زوجي
ولو ما كنت حامل ما اقدر اكمل معاه خلاص
برجع بيت أهلي بكرامتي
والله بيعوضني خير ان شاء الله
مشكلتي والحمد لله اني متزوجة من 3أشهر بس ، والحمد لله حياتي مع زوجي تمام التمام
ونحب بعض من ايام الملجة ، مشكلتي ان الدورة تأخرت عندي هالشهر وبالعادة هيه تتجدم خمس ايام بس للحين ما بان شي متأخرة عليه من 9 أيام ، البارحة لمحت لزوجي
بالسالفة ان الدورة تأخرت واحتمال اكون حامل انفعل وقال لازم ندور اي شي ننزل الحمل والعياذ بالله
هنيه ما اقدرت امسك نفسي
وتميت اصيح ومن البارحة ما رقدنا احنا الاثنين للحين
وكله اردد علي كيف تهون عليك نفسك تقتل ضناك
كيف تريدني اتحول لمجرمة
انته ما تدري شو عقوبة قتل النفس بغير حق
بس هوه مطنش وكل يقول
انتي حرمتي واريد استانس وياج لسنة جدام وعقب نفكر بالحمل
ارد عليه ان الحمل ما يمنع الواحد يستانس مع حرمته
وفي وايد ناس حريمهم يحملن من الليلة الأولى
وهو ما اتفق وياه من البداية على هالشي
ولا اني اخذ مانع او هو ياخذ
لكن مب معبرني ولا مهتم
بنات بصراحة حسيت اني ما اعرف ريلي
احس في حاجز كبير بيني وبينه
كيف يوصل تفكيره لهالدرجة
واحنا بعدنا ما تأكدنا من الحمل
بنات حتى لو ما حصل حمل ... خلاص انا افكر ارجع بيت أهلي
اللي يفكر هالتفكير والعياذ بالله ما بيكون فيه خير لي فالمستقبل
بنات انا مصدومة فوق ما تتصورن
ومب مصدقه اللي صار ... مب مصدقة ان هذا ريلي اللي حبيته
احس اني انغشيت فيه وهالموقف خلاني اكتشف حقيقته
كيف ابوي يرضى يقتل ضناه
قراري النهائي
لو كنت حامل مستحيل افرط في ضناي حتى لو طلقني زوجي
ولو ما كنت حامل ما اقدر اكمل معاه خلاص
برجع بيت أهلي بكرامتي
والله بيعوضني خير ان شاء الله
