يغيب طويلا عن البيت

[JoI]

السلام عليكم ورحمة الله وبركاته

أخواتي العزيزات ملكات مملكة بلقيس

أود أن استفيد من مشورتكم في موضوعي..

من البداية انا متزوجه من 4سنوات ونصف وعندي بنتين , زوجي شمالي شرقي وأنا جنوبيه غربية..., زوجي اول سنه زواج كان موظف بمستشفى وكان يداوم من الصبح إلى 4 العصر, وبعد المغرب حلقة تحفيظ, وبعد العشاء اما عند اهله والا متعشي عند اخوياه والا جلس في البيت على الكمبيوتر والا الجوال...
والأربعاء العصر يوديني عند أهلي وما يجيني إلا الجمعة بعد العشاء واحيان المغرب ونتعشى سوا..
زوجي امام مسجد ومحفظ حلقة..
يأخذ طلاب الحلقة لاستراحة يوم الخميس ولو تقوم القيامة ما يفوتها وإذا قلت له يجي ياخذني من عند أهلي يصرفني تعبان بنام.أو ما يرد على اتصالاتي.. ويعمل كل شيء علشان يرضي أصحابه لدرجة انه بنى غرفة زي الديوانية في مزرعة أهله وثلاث أرباع الأسبوع فيها...
احس اني تعبت من وضعي السوق اروح مع اهلي والتمشيات مع أهلي حتى اخواني احسهم من وجودي الطويل عندهم وهم على بالهم انا اللي أبي كذا لكن ما أدري وش السواة..

ما يناقشني.. ومعدوم الحوار بيني وبينه , وما اعرف ايش اسوي..
اصلا صرت أشك بعلاقته مع الطلاب لأنهم يرحلون مع بعض كمان رحلات خارج المنطقة..

ارجو من ذوات الخبرة مساعدتي

 

[ام شيخه ومايد]

رد

هلا اختي

حاولي اتصارحينه بشعورك يمكن يحس

 

[JoI]

تكلمت معاااااااااه كثير اذا كان الموضوع فيه اصحابه والا طلاب التحفيظ يثور ويعصب ويخلق مشكلة ويجلس زعلان اسبوع او اكثر بعدين ينسى الموضوع .. وانا غير مسموح لي بالنقاش .. علما اني جامعيه والى الان مو راضي اتوظف او ادخل دورات او اخرج الى اي مكان خلال الاسبوع
ويعطيك العافيه على سرعة تجاوبك يا ام شيخه ومايد

 

[*روعه*]

اكثر الرجال صاروا كده .. يبغوا يقضوا اغلب وقتهم بره البيت .. مالك الا تشوفي هوايه انتي تحبيها في البيت وتمارسيها عشان تشغلي نفسك و تنبسطي زي ماهو ينبسط ... تحياتي ولاتنسي الاستغفااااااااااااااااااااااااار

 

[JoI]

رووووعه دمت وسلمت

 

[حب ماما]

انا مثلك في شي واحد
انعدام لغة الحوار
الحقونا بالحل.......................

 

[تراتيل الحزن]

ما اقدر انصحج باي نصيحه لاني لو كنت بمكانج بستانس لاني ما احب يكون زوجى معاي فى البيت واحسن وقت عندى لما يطلع ومشاويري احب اسويها من غيره اريح

 

[وردة ذبلااانة]

لاحول ولاقوة الا بالله
انا بفهم.. الرجال اللي كذا ليه يتزوجون من الاصل؟؟
خير الامور اوسطها..
مايكون كل وقته بالبيت تطفشين
ولا كل وقته براا وتحسينه مو يمك!!
المفروض يوفق بين شغله وطلعاته وبين بيته وزوجته
ياحبيبتي .. كلميه من منطلق الدين دامه ملتزوم ماشاءالله .. كلميه عن قدوتنا
محمد عليه افضل الصلاة والسلااام
وان خير الرجال خيرهم لاهله
الله يهديه وعليك بالاستغفااار​

 

[تباشير المطر]

اللي بالقدر تطلعه الملاس
روقي اختي زوجك ما عنده خرابيط واحسنلك ضني فيه كل الخير الين يتبينلك غير كذا
وبعدين ثلاث ارباع الرجال هالوقت ما يجلسون في البيت دايم طالعين برا وحتى النوم برا
مالك الاتدعي ربك الله سبحانه وتعالى هو اللي قادر يشيل الهم عن قلبك توجهي له ما يخيبك انشالله