يغازل واحنا لسه مملكين مالحل؟

[احساس مجروح1]

السلام عليكم اخواتي البلقيسيات
منذ حوالي السنتين كنت اقرأ في منتداكم الجميل الذي اعطاني الكثير ولكني انقطعت لظروف سفري ودراستي.
أخواتي انا متملكه وزوجي يحبني ويحترمني جدااا , فتره ملكتنا سنتين تقريبا ولكني لاحظت تغيره علي
ثم اكتشفت محادثته لاحدى الفتيات . جرحني بشده وخصوصا اني كنت شاكه بتصرفاته وقد نبهته اكتر من مره ولكنه يتوقع انه لن ينكشف او اني احبه ولااستطيع الابتعاد عنه بمعنى استغلال حبي له لكنه لايعلم ان كرامتي اهم من الحب بالنسبه لي. بصراحه لااعلم ان كان له علاقات اوحتى يحادث فتيات اخريات غيرها بحكم بعدي عنه وسفري . انكر الامر ولكني ارسلت له محادثته معها ع الماسنجر والتي تثبت انه يحادثها ورسل لها من خلال الجوال. اخبرني انه لا علاقه له بها سوى انه يريد معرفه من ارسلها عليه وانه ليس له اي علاقات نسائيه وطلب السماح ولكنني لااصدقه ابداااا,, وبصراحه انا فكرت بالانفصال ولكنه يريد مني حل للمشكله واخبرته ان الحل هوا الانفصال وان هادا كان تفكيري في بدايه المشكله ولكنه طلب مني التفكير . بصراحه انا لاحظت انه واثق جدا من نفسه ويعتبر اننا تصالحنا وان المشكله انتهت بينما انا اصارع الامرين بسبب تصرفاته وايضا ثقه الزائده عن الحد او الغرور بمعنى اصح. يتحدث عن الموضوع وكانه زعل عابر او مشكله لاتحتاج الى نقاش وانا العكس تماما . افيدوني اخواتي ماذا اعمل معه وكيف اتصرف

 

[تااااائهه]

السلام عليكم ورحمة الله وبركاته

الصراحه أنا دائما أنصح أن المخطوبه أو المملكة التي لم يدخل عليها زوجها واكتشفت حبه للعلاقات المحرمه أو ماشابه ذلك أن تنسحب من حياته قبل فوات الآوان ويتم الدخول ومن ثم انجاب الآطفال وتعقد الآمور .. طبعا بعكس التي تكتشف الآمور وعندها أولاد طبعا هذي حالة خاصة

الله يوفقك لما فيه الخير لك وله

أختك في الله

 

[jowree]

حبيبتي خلال سنتين سالفه عابره مثل هذي اهوا لو شايف نفسه غلطان او بالاصح اهوا غلطان ماكان واثق من نفسه و ماخذها انها حدث عابر

بعدين انا ابي افهم سالفة الملكه اللي تقعد بالسنين هذي ليش اللي يبي يتزوج يتزوج بعد اشهر
الفتره الطويله تسوي مشاكل و تسبب ضيق للاثنين يمكن متغير لنه مل من الخطبه و يبي يستقر​

 

[غاية الروح]

الله يعينك يارب
الانفصال ليس حال
ابحثي وستجدي النتيجه والحل

 

[الى الله امضي]

صدق والله الملكه اذا طولت تجر مشاكل الى الليل

انا ارى انك تدخلين احد من اقاربك ابوك او اخوك

وتتناقشون في الموضوع انتم الثلاثه في وقت واحد

ويعاهدك بالله انه يبطل هذي العاده واحلفي له انه

لو يحصل منه الشئ هذا بعد الزواج لتنفصلين عنه

وان شاء الله يوقف عند حده

 

[أمـيره]

انفصلي

على كثر ماقريت بالمواضيع مافيه وحده اكتشفت زوجها يخونها بالملكه وتعدل !!


والدليل مااعطى للموضوع اهميه كبيره وكأنه واثق انك بتظلين معه بدل مايستسمح ويحب الأيادي

اذا هذا اوله ينعاف تاليه

والله يوفقك بالاحسن منه

 

[العنـــا]

الموضوع صعب

لكن انا اريدج تقعدين مع نفسج وتكلمين نفسج بكل صراحه

الكل يتكلم لو هو كان في مكانج

وليش تاخذين منهم النصيحه خذيها من نفسج

هل انتي مستعدة تسامحينه وتحسين انج بتقدرين تسامحينه من خاطر وتنسين ان السالفه استوت اساسا ولا تراها بتأثر على حياتكم في المستقبل

او انج تنهين السالفه وخلاص ما يعود بينج وبين هالانسان اي ارتباط

انتي الي تقدرين تقدرين شو الي افضل لج في مثل هالحاله انتي الي في مكان نفسج وانتي الي حاسه بالسالفه

حطي مشاعرج على جنب وفكري في الموضوع بشكل واقعي وصادق

هو خاني وانا كشفته وكانت ردة فعله كذا وكذا كذا ..............

هل انا اقدر اسامح صدق اسامح من قلبي مب بس كلام ..؟؟

هل لو سامحته وعشت معاه بعدها الموقف هذا الي صار بيأثر علينا وممكن يخرب حياتي معاه ووقتها بكون زوجته ويمكن حامل وعندي عيال .؟؟!!

هل احسن لي انفصل عنه ....؟؟ لو انفصلت عنه ما بتأثر .؟؟

هل انا اقدر استغني عنه صج .؟؟؟

الكل بيقول لج لو انا كنت مكانج لكن بعيد لج الكلمه انتي الي في مكان نفسج الحين انتي الوحيدة الي لازم تقررين كوني صريحه مع نفسج وكوني صريحه معاه

كلميه خبريه بقرارج بعد ما تتخذينه ........ اكرر بعد ما تتخذين القرار عشان لا يأثر على قراراج .

قوليله انا قررت كذا وكذا بسبب كذا وكذا وشوفي عطيه فرصه يشرح لج موقفه يا اقنعج يا ما اقنعج

لكن نصيحتي ....................

الوحيدة

لج

هي لا تسوين شي غصب عنج ............ربي خلقنا احرار ليش نقيد نفسنا وما نعيش حريتنا

الي تبييييييييينه وتقتنعين به سويه وخذي وقتج لا تتسرعين هذا قرار بتنبى عليه حياتج كلها

​

 

[كريستينا]

والله يا اختي ما ادري شقول لك بس إذا الولد من الحين ويغازل الله يعينك بصراحة تري الرجال ما يتوبون الا إذا صار لهم موقف يصحيهم ما ابغاك تقلقين بس من رأيي انك تستشيرين وحدة فاهمه وتهمها مصلحتك أمك أو خالتك أو أي أحد تثقين فيه بس ما يكون أحد يقرب له والله يوفقك

 

[كريستينا]

يا جماعة شاركوني فموضوعي منتدى الصحة النفسية بليز

 

[ام القمر 15]

الله يكون بعونك

 

[Yحبيبي]

لازم تتأكدين حبيبتي قبل ما تتخذين اي قرار
ربي يوفجج

 

[بسمةالقلب]

دعواتي لك بصبر وتعدي هذه الازمه بسلام

 

[الحالمة@]

اهلا

اختي
اعانك الله ****
انا والله الشاهد اني ليس لدي اي خبرة في هذي الامور لاكن
انصحك ومن ثما انصحك بصلاة الاستخارة مع الله لاينفك الا الله الواحد الاحد ولاكن لا مانع من الاستشارة ايضا لاكن استخارتك لله تعطي العجب والحل الغيرر المتوقع والله العالم
كثيرررر من الناس * لم يجدو الحل الاكيد الا من استخارة وطلب الحل من الله
وانا معك قلب وقالبا والله يكون في عونك ** دامها ملكة الافضل عدم الصمت لابد من الاستخارة ولاستشارة

ما خاب من استخار ولا ندم من استشار​

عن جابر رضي الله عنه قال : كان رسول الله يعلمنا الاستخارةَ في الأمور كلِّها كما يعلمنا السورةَ من القرآن ، يقول " إذا هم أحدكم بالأمر فليركع ركعتين من غير الفريضة ، ثم ليقل : اللهم إني أستخيرك بعلمك ، وأستقدرك بقدرتك ، وأسألك من فضلك العظيم ، فإنك تقدر ولا أقدر ، وتعلم ولا أعلم ، وأنت علامُ الغيوب ، اللهم إن كنت تعلم أن هذا الأمر [ ويسميه حاجته ] خيرٌ لي في ديني ومعاشي ومعادي وعاقبةِ أمري ـ أو قال : عاجله وآجله ـ فاقْدُرْهُ لي ويسره لي ثم بارك لي فيه ، اللهم إن كنت تعلم أن هذا الأمر[ ويسمي حاجته ] شر لي في ديني ومعاشي وعاقبةِ أمري ـ أو قال : عاجله وآجله ـ فاصرفه عني واصرفني عنه ، واقْدُر لي الخيرَ حيثُ كان ثم رضِّنِي به " [ رواه البخاري ]


عدم السكوت على هذا الامرر ملكة على البرر افضل من اطفالا معلقين برقبتك لاتستطيعين الاخلاص من هذا الرجل ويفضل الندم والحسرة ملازما لك مدى الحياة **
اختك المحبة للخيرر :32:

 

[احساس مجروح1]

حبيباتي شكرا لكم جزيلا . بالنسبه لحكايه انو الملكه طويله بسبب دراستي وسفري وهادا كان شرطنا وهو موافق عليه وعشان
اكون منصفه هوا صابر ع سفري. طبعا انا اقصد انو شايف المشكله مشكله عابره وماهي محتاجه كل هالزعل وهوا طلب الرضا والسماح وانا مو قادره اصدق تبريراته للموضوع وطبعا قالي اختاري الحل اللي يناسبك وانا تحت امرك لاني حاولت ارضيك بس انتي مو راضيه. وبصراحه انا استخير في الانفصال لكن اهلي مو كثير مشجعني لانه الادمي فعلا يحبني ويبغاني لكن ادا كان نسونجي الله الغني عنه وانا مااقدر انسى بسهوله هالموضوع خصوصا انو من قبل اتكلمنا في مواضيع العلاقات وقلتله لو اكتشف انك تكلم بنات من غير نقاش ننفصل. كنت اتمنى انه يقول خلاص ننفصل احسن لكنه رفض وقال فكري كويس وهادا مو حل.