يعزم اخوياه على عشاء في مطعم وانا لا ,,,,,,,,,,ليش

[A R E E N]

اهلين كيفكم

مشكلتي زوجي مايحب يطلع معاي المطعم مااعرف وش السبب تخيلو يعزم اخوياه

ويعشيهم على حسابه وانا مخليني بالبيت وقلت يمكن سواليفي ماتعجبه واثاريه مايبيني

اقول اي كلمه في المطعم عشان اللي جنبنا مايسمعون صوتي

قلت له ودنا نتعشى قال بعدين قلت بعشيك انا على حسابي زعل يحسب اني

اقصد ان مامعاه فلوس عشان كذا بعشيه على حسابي وانا مو قصدي

دورو لي على حل نفسي اطلع

 

[يارب اغفرلوالدي]

ولا تضيقين صدرك
ادفعي للمطعم مقدما وأعطيهم رقم زوجك يدقون عليه يقولون عندك دعوة عشاء مدفوعة التكاليف لشخصين
وعاد أنتي قبلها ضبطي وضعك معه عشان لما يكلمونه المطعم يستوعب إنه يأخذك
وإذا كتب الله ورحتي سوي له جو غير بلبسك بكلماتك دلعيه أكليه عشان ينبسط ويكررها .

 

[هزي يانواعم]

اول شي مكبره السالفه وهي قصير او شي يمكن اسلوبك في الطلب مهب كويس اول شي اطلبي بصوت وطي وبنعومه 2 اذا رفض اسكتي وقولي طيب ونظري نظر كله حزن سوي فيه انك وحده مسكينه وحطي راسك في الارض 3 اذا مرها ماستجاب قولي اليوم عزمتك حبيبي على العشاء وقول تم واضحكي بدلع كانك تنكتي ويمكن يوفق بعدين ليه تحبين المطاعم في البيت احسن على الاقل مرتاحه بعدين يعزم اصدقاء وانتي لا لا تاخذينه بي حساسيه يمكن هذا دوري بينهم يمكن هم يعزمونه في مطاعم ويرده لهم عادي اشوف يمكن بيتك صغير ما يقدر يعزمهم في البيت كبري عقلك شوي بعدين اذا رحتي معاها المطعم تحسبينه وناساها لا والله بي العكس كانك في سجن موا حلوه ابدا ازعاج وبس لا بعد يمكن تصادفك احد من هالبنات التعبانات وتنكد عليك البيت احسن تلبسين وتكشخين وتتعشون اريح

 

[أخت في الله]

يغار عليكِ أظنه السبب ولله العلم يا غالية ( لأني لم أفهم قولك بإخفاض صوتك .. هل هو طلبه؟)
فاطلبيها منه بغير دلع ولا دلال لأنه سيحس أنكِ ستكونين هكدا في المطعم
فاطلبيها منه باحترام وبلبس محترم يجعله يطمئن لأخدكِ معه
( ابتسامة خفيفة .... عيون بريئة ....... الطلب= حبيبي في الله ما رأيك أن نغير الجو ونخرج للعشاء من بعد إذنك ياغالي)

إن قال لكِ ..لا تعبان أو عندي شغل او او ..... فلا تتضايقي وقولي له .... خلاص ولا يهمك ياغالي المهم راحتك.

وإن قال نعم ..... فقولي ..... الله يحفظك لي ويخليك لي ولا يحرمني ربي منك أبد .


أسأل الله لكِ التوفيق يا حبيبة

 

[برآءة]

يووووه هذا يغار عليك ...
وبعدين اذا رحتي للمطاعم قصري صوتك يمكنك تنسين نفسك احيان وهالشي ينرفزه!!!
المشكله كلها انه نمط قديم ويغار مو مسألة انو مايحبك ...بلعكس اللي مايغار مايحب...

 

[البارونه..]

هههههههههههههه كل الرجال كذا يختي والله ان وناستهم مع اخوياهم <<<<لييييه مدري
انا مقهوره مثلك وضحكتي ^^^^^^ من قهر فيني
طنشي واهتمي بنفسك واسلوبك وسوي نفسك ان اهلك او احد اخوانك بياخذكم مطعم وانه ملزم علييييييك مره <<عازمكم
او صديقاتك عازمينك وعلمي نفسك كيد النساء والغنج والدلع

وانا اقولك مثلي عليه ان كل اللي حولك مهتمين فيك ويعزمونك ويلزمون عليك حتى لو اضطريتي انتي تعزمين اهلك في مطعم وتقولين له انهم عازمينك ((عشان يحس على دمه))
والله يعينك ويعينا

 

[العيون الحالمة]

وحليـــــــــــــــله

زعلتيه المسكين

شوفي أكيد هو بيوديج دام قال بعدين

قوليله لقيت مطعم رووووعه بس مخصص للعائلات وحتى لو بنتكلم محد بيسمعنا ودخلته بعد حلوه وفي منطقه بعيده محد يعرفنا ولانعرف حد

يمكن صارله موقف شاف أحد من ربعه لو من بعيد ومايبا الموقف يتكرر

إنتي أهله ويغار عليــــج حبووبه

أنا بعد أبا اسير أماكن يقولي بعدين واذا بنسير برا مدينتنا بيوديني وهو يقولي اختاري اي مكان

يعني اختاري مكان بعيد وقوليله شو رايك الويكند الياي نروح

إنتي دوري مطعم للعائلات وفي مكان بعيد وجربي يمكن يوديج ... حددي الموعد إللي تبينه وقوليله عندي مناسبه خاصه معاك وأبا اناقشك في موضوع ولازم يكون فالمطعم ... وخذيله هديه صغيره وحطيها فالشنطه وفاجئه عن الحلال والحرام هذي بتكون مناسبه ونقاش رومانسي

موفقه وعسى الله يحققلج إلي في بالج

 

[بقلاوة]

سمعيني اذابغيتي المطعم وماوداك لاتضيقي صدرك الحل عند بقلاوة شوفي المطعم الي تشتهينه وطلبي منه بعدين ضبط وضعك وتانتكي وحطي الشموع والريح السنع ولبسي عباتك و جلسي استنيه عاداذاجا وشاف العبايه بيسال خير ان شااااا الله قولي اتخيل اني رايحة مطعم ورديلنا خبر اذا احل ناسبك

 

[مايصحش هالحتسي]

صوتك قصريه بالمطعم تكلمي بصوت هادئ