السلام عليكم يا أخواتي
اليوم رجعت لكم مرة ثانية ابي الشور والنصيحة.... انا ما ابي أخذ اي قرار واندم عليه
قصتي مؤلمة وكل ما استرجع شريط حياتي أقول ليش جي
انا متزوجة الحين من 6 سنوات عندي بنتين الله يبارك لي فيهم ويعوضني فيهم خير
صار خلاف بيني وبين زوجي والحين واصلة بيني وبينه للطلاق
السالفه يا اخوات انه هذا الريال من تزوجته وانا وياه في مشاكل أخاف اتم جي يجي يوم واندم على اني ضيعت عمري.
من أول ما تزوجته وهو راعي حركات يكلم بنات ويطالع اشياء وصخة وااول ما اعرف اتكلم معاه ويوعدني انه يتغير وما يعود لنفس هذي الامور......
وبعدين اكتشف انه على علاقة مع طليقته وبينه وبينها رمسه ومسجات وصور.... ما قدرت اتحمل الشي منه وهددته اني بفضحة وبخبر اهلها .... ونفس كل مرة وعدني اني بكون الانسانه الوحيده في حياته وانه يقدر صبري وتحملي لغلطاته... وقلت ما عليه بتحمل وبطوف عشان بناتي وعشان ما اخسر حياتي
والحين يا أخوات من شهرين وهو كامل متغير يعاملني ولا كأني موجودة في حياته كله يطلع مع ربعه ما يسأل عن عياله ولا يسألني شو أخباري... غير انه أصلا ما متحمل ولا واحد في المية من مسؤولية البيت والعيال
المهم... من قبل عشر ايام اتصل فيني يوم الجمعة وقال لي أنا بسير الحديقة المائية مع ربعي...
انا وايد تضايقت لانه أجازة والمفروض يجلس مع عيلته ما هو كل يوم طالع معاهم وانا طول الاسبوع في الدوام من حقي اطلع واغير جو...
قلت له ليش تسيرون هناك تطالعون الحريم المفاصيخ...
انا قلت الكلمه من هني وهو انفجر في وجهي ما خلا كلمه الا وسبني فيها ويقول لي انتي شو قصدي انا شايف خير وشبعان من الدنيا من قبل ما اتزوجك وانتي مو محترمه واهلج ما ربوج وسب ماله نهايه
المهم يوم رد الساعة 3 الفجر انا كنت نايمه لانه عندي دوام ...
اجا انسدح على الكرفاية وشغل تلفونه على الاغاني على اعلى صوت ... ما تكلمت وظل على ها الحال قريب الساعة وانا اقول في خاطري ما عليه بصبر مصيره بيزهق وبينام
ما فيه فايدة ... قمت وخذيت مخدتي وسرت الصالة لحقني ليش قمتي من الفراش
قلت له ازعاج وانا باجر عندي دوام
قعد يستهبل ويقول أووووه سوري السماعه مال الموبايل ما كانت مشبوكه
قلت له ما عليه حصل خير انا بنام تركته وسرت انام لحقني وقال لي انا ما خلصت كلامي عشان تهديني وتسيري انت اهلج ما ربوج وما تعرفي حق زوجك وقام وضربني ضرب بكل قسوته وصفعني على وجهي ورفسني وجه الفجر....
سكت ولا تكلمت ولا رديت عليه سرت غرفة بنتي ونمت عندها
اليوم الثاني الصبح قام يعاملني وكاني خدامه قومي انقلعي سوي فطور
قمت وسويت فطور.... حتى والله ما أكل
وقت الغدا ... انقلعي سوي غدا... سرت وسويت غدا وبعد ما أكل
لبس ثيابة وطلع
انا ما قدرت اتحمل ... لانه في أقل من شهر ضاربني 4 مرات والله بدون وجه حق
المهم خذيت ثيابي وطلعت سرت بيت أهلي
طرشت له مسج اني طالعه من البيت وتم اسبوع حتى ما كلف نفسه يسأل عني وعن عياله
وبعد اسبوع جا يتصل يبا يردني ويوعدني انه بيتغير وانه بيكون انسان ثاني
قلت له اوكي تعال وتفاهم مع اهلي ... قال لي لا الموضوع بيني وبينج وخلاص بنحله مع بعض
قلت له ما يصير انا سرت بيت اهلي مدمرة تباني اطلع ولا كانه صار شي
قال لي ما عليج انا بطيب خاطرهم
المهم اجا بيت اهلي وما قدر يتفاهم معاهم تضارب هو وابوي وطلع
قال لي انا بنتظر في السيارة لبسي عباتج ولحقيني
ما قدرت لانه وايد اهاني حتى ما كلف على نفسه يعتذر جام اهلي طبعا انا ما قلت لهم انه يضربني خليت الموضوع انه مقصر وما يسأل فيني
المهم هو خرج من البيت وينتظر اخرج معاه... طبعا يوم شاف اني ما خرجت عصب ودعس على سيارته بدون اي احترام وروح
والحين انا بيت اهلي من اكثر من اسبوع ونص وهو حتى ما اتصل
انا عارفه انه يمكن مب هامنه
لاني اعرف انه بيشغل وقته بأشياء وايد منها ايميله الي مليان أفلام اباحية وهو طبعا ما يعرف اني اعرف عنه
لكن يا أخواتي شو اسوي من داخلي تعبانه وفي نفس الوقت ما أبا أتخذ قرار اندم عليه بس انا ما أقدر اتحمل أكثر من جي .... شو مشورتكم
اليوم رجعت لكم مرة ثانية ابي الشور والنصيحة.... انا ما ابي أخذ اي قرار واندم عليه
قصتي مؤلمة وكل ما استرجع شريط حياتي أقول ليش جي
انا متزوجة الحين من 6 سنوات عندي بنتين الله يبارك لي فيهم ويعوضني فيهم خير
صار خلاف بيني وبين زوجي والحين واصلة بيني وبينه للطلاق
السالفه يا اخوات انه هذا الريال من تزوجته وانا وياه في مشاكل أخاف اتم جي يجي يوم واندم على اني ضيعت عمري.
من أول ما تزوجته وهو راعي حركات يكلم بنات ويطالع اشياء وصخة وااول ما اعرف اتكلم معاه ويوعدني انه يتغير وما يعود لنفس هذي الامور......
وبعدين اكتشف انه على علاقة مع طليقته وبينه وبينها رمسه ومسجات وصور.... ما قدرت اتحمل الشي منه وهددته اني بفضحة وبخبر اهلها .... ونفس كل مرة وعدني اني بكون الانسانه الوحيده في حياته وانه يقدر صبري وتحملي لغلطاته... وقلت ما عليه بتحمل وبطوف عشان بناتي وعشان ما اخسر حياتي
والحين يا أخوات من شهرين وهو كامل متغير يعاملني ولا كأني موجودة في حياته كله يطلع مع ربعه ما يسأل عن عياله ولا يسألني شو أخباري... غير انه أصلا ما متحمل ولا واحد في المية من مسؤولية البيت والعيال
المهم... من قبل عشر ايام اتصل فيني يوم الجمعة وقال لي أنا بسير الحديقة المائية مع ربعي...
انا وايد تضايقت لانه أجازة والمفروض يجلس مع عيلته ما هو كل يوم طالع معاهم وانا طول الاسبوع في الدوام من حقي اطلع واغير جو...
قلت له ليش تسيرون هناك تطالعون الحريم المفاصيخ...
انا قلت الكلمه من هني وهو انفجر في وجهي ما خلا كلمه الا وسبني فيها ويقول لي انتي شو قصدي انا شايف خير وشبعان من الدنيا من قبل ما اتزوجك وانتي مو محترمه واهلج ما ربوج وسب ماله نهايه
المهم يوم رد الساعة 3 الفجر انا كنت نايمه لانه عندي دوام ...
اجا انسدح على الكرفاية وشغل تلفونه على الاغاني على اعلى صوت ... ما تكلمت وظل على ها الحال قريب الساعة وانا اقول في خاطري ما عليه بصبر مصيره بيزهق وبينام
ما فيه فايدة ... قمت وخذيت مخدتي وسرت الصالة لحقني ليش قمتي من الفراش
قلت له ازعاج وانا باجر عندي دوام
قعد يستهبل ويقول أووووه سوري السماعه مال الموبايل ما كانت مشبوكه
قلت له ما عليه حصل خير انا بنام تركته وسرت انام لحقني وقال لي انا ما خلصت كلامي عشان تهديني وتسيري انت اهلج ما ربوج وما تعرفي حق زوجك وقام وضربني ضرب بكل قسوته وصفعني على وجهي ورفسني وجه الفجر....
سكت ولا تكلمت ولا رديت عليه سرت غرفة بنتي ونمت عندها
اليوم الثاني الصبح قام يعاملني وكاني خدامه قومي انقلعي سوي فطور
قمت وسويت فطور.... حتى والله ما أكل
وقت الغدا ... انقلعي سوي غدا... سرت وسويت غدا وبعد ما أكل
لبس ثيابة وطلع
انا ما قدرت اتحمل ... لانه في أقل من شهر ضاربني 4 مرات والله بدون وجه حق
المهم خذيت ثيابي وطلعت سرت بيت أهلي
طرشت له مسج اني طالعه من البيت وتم اسبوع حتى ما كلف نفسه يسأل عني وعن عياله
وبعد اسبوع جا يتصل يبا يردني ويوعدني انه بيتغير وانه بيكون انسان ثاني
قلت له اوكي تعال وتفاهم مع اهلي ... قال لي لا الموضوع بيني وبينج وخلاص بنحله مع بعض
قلت له ما يصير انا سرت بيت اهلي مدمرة تباني اطلع ولا كانه صار شي
قال لي ما عليج انا بطيب خاطرهم
المهم اجا بيت اهلي وما قدر يتفاهم معاهم تضارب هو وابوي وطلع
قال لي انا بنتظر في السيارة لبسي عباتج ولحقيني
ما قدرت لانه وايد اهاني حتى ما كلف على نفسه يعتذر جام اهلي طبعا انا ما قلت لهم انه يضربني خليت الموضوع انه مقصر وما يسأل فيني
المهم هو خرج من البيت وينتظر اخرج معاه... طبعا يوم شاف اني ما خرجت عصب ودعس على سيارته بدون اي احترام وروح
والحين انا بيت اهلي من اكثر من اسبوع ونص وهو حتى ما اتصل
انا عارفه انه يمكن مب هامنه
لاني اعرف انه بيشغل وقته بأشياء وايد منها ايميله الي مليان أفلام اباحية وهو طبعا ما يعرف اني اعرف عنه
لكن يا أخواتي شو اسوي من داخلي تعبانه وفي نفس الوقت ما أبا أتخذ قرار اندم عليه بس انا ما أقدر اتحمل أكثر من جي .... شو مشورتكم
