مرحبآ !

من خلال التسجيل في صفحات نسوة يمكنك ذلك من المشاركه وتبادل الآفكار الأيحابيه مع زميلاتك

آشتركي معنا الآن !

يديده لا تردوني وتكفون ساعدوني!!!!!

إنضم
10 أكتوبر 2008
المشاركات
15
السلام عليكم ورحمة الله وبركاته
انا يديده بالمنتدى هذا وهاذي اول مشاركه لي واتمنى نكون خوات وصديقات نساعد بعضنا بعض بكل اللي نقدر عليه
ببدي اقول لكم عن مشكلتي مع زوجي واتمنى تلقون لي حل
بدايه انا تزوجت وانا صغيره عمري كان 19 سنه وتعود زوجي علي انس اسمع كلامه بكل شي واطيعه وطبعا نا كنت في كلية الحقوق سنة اولى وشرط علي اني ما امارس المحاماة وانا وافقت قال تشتغلين باحثه قانونيه او موظفه في الشؤون القانونيه بأي جهه بس محاميه لااااااااا
كنت اسمع كلامه بكل شي لا تروحين بيت اهلج انشالله لا تطلعين مع رفيجاتج انشالله
نامي معاي وقعدي معاي انشالله
تتغدين وتتعشين معاي انشالله
عمري ما قلت له لا
وبعد اربع سنوات تخرجت من كلية الحقوق قدمت على كل مكان ما قبلوني قالوا لازم يكون لي خبره في المحاماة على الاقل 3 سنوات
زوجي قاللي اشتغلي بمكتب اي محامي بس مؤقت استانست وايد مع العلم ان المكتب فيه 13 ريال وانا الوحيده البنت فيه وماعارض هالشي
وبعد ممارستي للمحاماة وترافعت في قضايا الاحوال الشخصيه عرفت انه كل اللي كنت اسويه غلط في غلط
كنت اشوف معاناة البنات اللي مثلي اللي تكون طاعتها عمياء
وبديت اعارض زوجي في الاشياء الغلط واتكلم عن حقوقي في القانون والاسلام وبديت اكسب قضايا وايد
و فجأة تغيرت معاملة زوجي لي ,,,,,,,,:frown:
قام ما يخلني اطلع غير حق الدوام واذا بطلع لازم اكون معاه
حتى لو هو عنده غرض من الجمعيه يقول تعالي معاي واذا كنت بالبيت يقول جابيليني لا تتكلمين بالتيلفون
مايرضى حتى اكلم اهلي يقعد في الصاله يقول تعالي الصاله يروح غرفة النوم يقول تعالي قعدي معاي حتى لما كنت مريضه طلبت منه اروح عند امي مارضى وقام يجابلني وقت المرض ويعطيني الدوا ويسهر على راحتي وكل هذا مو عشاني عشان لا اروح عند امي:sad_1:
وكل ما كلمته قال لاتخذين في نفسج مقلب يعني محاميه
انتي ولا شي
شوفي نفسج على موكلينج مو علي
وقام يقلل من قيمتي
ويمنعني من اهلي ما اشوف اهلي بالاسبوعين وبالثلاثه
حاط في باله ان اهلي يشيشوني وانه يترسون راسي
وصارله اكثر من 6شهور مادخل بيت اهلي
وماقام يزور اهله وقاطع كل اصدقاءه ماعنده احد منحكر بالبيت وحاكرني معاه
واذا قلتله بطلع من المحاماة يقول لا كملي بعد سنه وقدمي في بنك
بس وايد يغار مني ويمنعني عن الكل
متعب نفسه ومتعبني معاه
اترجاه يسافر او يطلع بدوني ابي اتنفس ابس اخذ راحتي تعبني
يمكن تقولون مشكلتي سخيفه بس الله العالم اشصاير فيني
حدي تعبانه
مليت مليت مع اني احبه وهو يحبني بس وايد قاعد يتحكم فيني
ياريت تريحوني وشوفون لي حل معاه:tears:​
 
إنضم
27 يونيو 2008
المشاركات
78
انا اقول لازم يروح طبيب نفسي

حاولي تقنعينه

انتي ماذكرتي شهادته وشغله وشو

تحليلي المبدأي انه يحس بالنقص تجاهك يخاف يطيح من عينك اذا صرتي محاميه

تحيااتي
 

Om_7moOody

New member
إنضم
22 يناير 2008
المشاركات
81
حبيبتي اللع يعينج

بالفعل هتالشي متعب 24 ساعة مع بعض

ما عنده ربع , ديوانيه شي ممكن يشغله؟؟؟

أو ممكن لأنج عودتيه من البدايه على هالشي بحيث ما تبدين رايج و تنتاقشون في المواضيع و بعدين ممكن اهو يقتنع بكلامج و يغير رايه خاصة من ناحية الوظيفه
 
إنضم
9 فبراير 2008
المشاركات
1,145
زوجك غيور مررررة عليك وهذا مو حلو بالمرة
لانه مافيه ثقة
أنت المفروض ماتغيرتي مرة واحدة المفروض بالتدريج
هو يعتقد إنه الرجال هم الي غيروك يعني ممكن إنك حبيبتي واحد فيهم
يعني ماجت بباله إنه دراستك هي الي غيرتك ومعرفتك للقانون
لذا أتوقع الحل هو الاسلوب الجيد وزرع ثقته فيك وإن شاءالله بعد ماتخلصي دراسة بيرجع كل شئ لوضعه الطبيعي
لكن ماعليك سوى الحوار معه بأدب
هذا مالدي في الوقت الحاضر وربما يخرج شئ آخر غدا بإذن الله :)
أعانك الله
 

غضى نجد

New member
إنضم
8 يوليو 2007
المشاركات
150
من الواضح جدا غيرته وخوفه عليك ؟ في الكثير من الرجال بهذاي النوعيه ’’ الحل ناقشيه باسلوب وكلام مقنع مع القليل من الحسم من قبلك وفقك الله
 

سمو الأميرة

مشرفة طمس الصور في قسم الأناقة و الجاذبية و العروس
إنضم
14 أبريل 2008
المشاركات
2,515
أنا اتفق مع الأخت الفتاة ألم و أمل
هو شكله فعلاً متأثر لأنج تغيرتي عليه فجأة .. و صدقيني الريال أكثر شي يخاف منه ان زوجته تتركه .. طبعاً انتي ما بتتركينه عشان اشتغلتي، لكن لما صارت لج شخصية و قمتي تعارضينه حس انه هذا تهديد لمكانته في قلبج و انج ممكن في اي يوم تتخلين عنه .. يعني صار شكّاك و الدليل مراقبته لج في كل وقت ..حاولي تفكرين انتي شو مسويه عشان خليتيه يشك فيج؟
لا تحطين اللوم عليه هو وحده لأن الزواج مشاركة بين شخصين و اي مشكلة تصير الاثنين مسؤولين عنها .. حاولي ترجعين ثقته فيج و تفهمين مشاعره لأن التفاهم هو الحل .. اجلسي معاه و ناقشي وضعكم بكل هدوء و بيني له ان اسلوبه مضايقنج و انج بتكونين شاكرة له لو انه يغير اسلوبه .. بدون تحدي او عناد لانج كل ما عاندتي هو بيعاند أكثر ..
 

غلا رووحي

New member
إنضم
23 يونيو 2008
المشاركات
19
هلا أختي كيكه كويتيه

أصبري وتحملي وحاولي تحسسينه انه هو غلاج وحياتج حسسيه مهما نجحتي تظلين تحتاجين له وحاولي تاخذين رايه ف بعض قضاياج علا سبيل المجامله حتى يحس انج تثقين فيه وتحترمين رايه وخليه يحس بالأمان وصدقيني بالنسبه للرجل مو شي سهل يشوف زوجته تنجح وتكبر وتصير اعلا منه يبدأ يوسوس ويخاف......وحاولي ماتنشغلين عنه اتوقع انه خااف من نجاحج ومن تطورات شخصيتج وواضح من كلامج انه يحبج ويغاااار عليج ومااشوف انه فيه حاله نفسيه ولاشي عااادي جدا وصدقيني هالشي يتمنونه اغلبية الزوجات بس انتي شكله نفسيتج تعبانه وحاابه تبعدين شوي ......الله يكون بعونج وادعي ربج مافي مثل رب العالمين
والله يحفظ لج زوجج ويسعدج يااارب
 
إنضم
4 مارس 2007
المشاركات
9
انا اشوف انه زوجج حس بالخطر ... وحس بالنقص

كان متعود لأنج انتي عودتيه على انج ما ترفضين له طلب وفجأه لقى وحدة جدامه تناقشه و تطالب بحقوق وتعرف اللي

لها و اللي عليها

لأنج سويتي كل شي فجأة ... كان لازم تبدين بالتدريج شوي شوي ..

عالعموم الحين ما ينفع الكلام عن الماضي

لازم تتخذين خطوة الاقناع + اعادة الثقة

حاولي تكسبينه مرة ثانية في صفج وتخلينه يحس بالامان عندج وبعدها ابدي من اول ويديد بالتدريج وحبة حبة

اقنعيه بقناعاتج اليديده ... ولا تصدمينه يعني ابدي بالشي البسيط ثم الاصعب فالاصعب

تراه يحس انه فاقد شي متعود عليه وهو الحين مثل الطفل لما يقوم من نومه وما يحصل امه اللي متعود عليها

يبدا يصير عدواني و شرير .. لكن اذا شاف الشخصية اليديدة حنونه و تحاول تكسب وده بالهدايا والكلام الطيب

بيرتاح و بيبدا يتجاوب معاها ... بعد ما يحس بالامان

اتمنى اني افدتج

واسمحيلي
 

عزيز الروح

New member
إنضم
19 يونيو 2008
المشاركات
286
اني من وجهة نظري ان زوجك يحب الامتلاك .. هذة الصفة آحيانا اتكون زينه واحيانا تكون شينه
زينه من ناحية انك اتحسيه انه ايحبك ويغار عليكِ ومن ناحية اخرى يحتكرك في البيت كأنك جماد ماعندك احساسيس
اني من وجهة نظري اجلسي معاه وحاولي تتفاهمي يايقنعك او تقنعيه
 
إنضم
7 مارس 2008
المشاركات
21
هذا الزوج يجب ان لاتتكلمى عن عملك معه ولاتخبريه ماذا يحدث وكم قضية ربحتى !
حاولى ان تكونى مثل قبل الوظيفه وبالتدريج غيرى اسلوبك معه وبشطارتك تاخذى ما تردين ؟
يعنى ربحى قضيتك الاهم فى الحياة وهى حياتك الزوجيه :blush-anim-cl:
 
أعلى