يحرمني من كسوة العيد مايخاف الله

[A R E E N]

السلام عليكم

كيفكم يابلقيسيات واهنيكم بقدوم شهر رمضان المبارك وكل عام وانتم بخير

اخواتي انا مااحب ادخل السوق برمضان عشان اتقضى للعيد احب من شهر شعبان

ومشكلتي زوجي حاليا يبني لنا فلة ويقول انا مزنوق ودبري نفسك في ملابس العيد

ياخواتي مو عيب اللي يقوله مو احنا احق من الفله في ملابس العيد كلها 1000ريال

بس ابيها لعيالي ولي وخدامتي يقولي انتي ساعدتي اهلك يوم احتاجو من فتره للفلوس

والحين ساعديني وبيعي من ذهبك واشتري للعيد والله حرام انا قررت ماالاحقه كل يوم

واشحذه عشان ملابس هو عقله في راسه ويعرف حقوق عياله عليه اذا مد يده وعطاني

اهلا وسهلا واذا ماعطاني ماراح ازعل ولا راح اروح عيد اهله هو الخسران صح

ولا لكم راي ثاني ونصايح عطوني تراني محتاجتكم

 

[um_noora]

راي صح 100%

بس العيال يمكن محتاجين يعيدون على اهل ابوهم

 

[❥~S]

،‘

انزين دآم زوجج مزنوق
سآعديـ ه‘
وقوليلـ ه‘ بس لعيآلك أبغي
وان شفتيـ ه‘ مب طآيع اتسلفي من صديقآتك ولا أهل امك
وبعدين لا تحسن الوضع ردي فلوسـ ه‘
تعآوني ويآه =)

 

[مشاااارق]

عزيزتي

خلي العيال هم اللي يطلبون أبوهم...

يمكن يضعف قدامهم ....

وإذا كانوا عيالك صغار...طنشيه حالياً...وإشتري لنفسك فقط...قولي له انا بدبر نفسي ...بس عيالك مسؤولين منك...وانا في رمضان ما أبغى أخرج السوق ....يعني إنتا اللي حتروح تشتري لهم...​

 

[كلمات مبدعة]

اختى هو منه لنفسه اكيد بيشترى لكم اللى تبوه
يمكن ما يحب هات هات هات
يعنى ممكن ما يحب اللى تتكلم انتى ادرى بشخصية زوجك
اصبى وترى انشاء الله بتتحل لحالها
كل عام وانتى بالف خير

 

[لتوفي]

اذا هو رجال طيب اساعده مافيها شي وبعدين ليه تسوين مصيبه عشان ملابس عيد مشي عمرك

 

[تعبت بدنياي]

تعالي له بوقت يكون رايق ومبسوط واطلبي منه ، والأفضل تروحين أنتي وياه للسوق وهو بيضطر يشتري لكم كل ماطلبتي وخصوصا إذا شاف العيال خاطرهم بشي راح يرحمهم ويشتري لهم ، وخلي العيال وأنتي تبوسون رأسه وتشكرونه

 

[الاسطورةالمحطمه]

حبيبتي ضحكتيني 1000 ريال للعيد
الطفل الواحد يلبس بــ100 ريال للعيد

الله يهديك ترا العيد مو كل شيء يوم ويعدي وبس انا ما اشتري كل عيد واطفالي اشتري لهم بــ200 ريال فقط



يعني انتي البسي اي لبس ماشفوه او حاولي تتسلفي من احد خواتك من ملابسها وعيالك ممكن تلبسيهم ملابس عاديه مو لازم الزنقه والهواش علشان ملابس عيد الله يهديك بعدين اذا زوجك طيب ليش ماتتعاوني معه واذا لا ممكن انك تخلي عياله يطلبون منه بعدين الشغاله مو لازم تشتري لها ملابس جديده ممكن تعطينها ملابس من عندك تكون حلوه مو خربانه


بعدين حبيبتي ماشاء الله تبارك الله بيصير عندكم فله ناظري غيرك يتمنى شقه اي شيء اهم شيء يلتم شملها مع زوجها بدل هالتفرق والتشتت حتى الاولاد صار عندهم عدم امان اسري بسبب التفرق"تفرق غصب عليهم"

 

[رقم1]

الله يسعدك اختي اخاف اقول لك اشتري انت لك لعيالك والشغاله يقوم زوجك يتعود وعيد الحج يقولك اشتري مثل ماشريتي لعيد رمضان . بس دام انه يبني لكم راعيه مع اني اشوف 1000 مو وايد واصبري عليه يمكن انه يغير رايه ولا تسوين مشاكل علشان مايعاند والله يفرج عليج وعلينا

 

[سوسيتا 515]

أيه حبيبتي إذا رجلش طيب وحبوب ومايخونك .... ساااااعديه ... حتى لو تبيعي قطعه من ذهبك وتشتري عادي ..وانتي أدرى بزوجك إذا هاذي أول مره يقول كذا ... وأشتري له بعد هديه إذا يستاهل ... مو تنتظري الفله وانتي ماتساعدي ....ربي يحفظك..

 

[واثقة]

هونيها على نفسك

الرجال يفكر بعقله اكثر من عواطفه




حاولي تحلين الموضوع بالحيله والذكاء


اسكتي على الموضوع.. واذا جاب له طاري او انفتحت السيره قولي حبيبي مو لازم نحضر العيد .. مادام ما تقدر على المصاريف..

السنه هذي بنمشيها والسنه الجايه بتعوضنا ان شاء الله..

تمسكني معه وسوي روحك في صفه,, مو ضده


وقولي لعيالك السنه هذي مافيه عيد بابا عنده ظروف.

خلي هم يضغطون عليه وانتي البريئه اللي في صفه وبس..


ان شاء الله يحن عليكم ويغير قراره




اما سالفة ذهبك تبيعينه.. لا يتعود هذا الطلب رجاء.. ولو لمح لك قولي نفسي اساعدك بس ما عندي ذهب اقدر افرط فيه الباقي كله غالي على نفسي..





أهم حاجه لا تسوين حرب ضده او تزعلين


حتى مايقول في نفسه يوم احتجتها ما ساعدتني





لكن في حالة انك مقتدره وعندك خير ما يضرك المره هذي تساعدينه ..

 

[داليا22]

حبيبتي المفروض تقدرين وضعه لان هو يبني الفله عشانكم

 

[عزة نفس]

والله ياأختي احس مافيها شي كلنا صبرنا والله وحده يعلم وترى العمار صعب أنا جربت وكله في النهايه لك وصدقيني كل ماصبرتي ودبرتي امورك راح يعوضك ويكرمك وماينساها لك .

 

[a7lam_night]

الله ييسر لك أمرك
بس إذا كان أول مرة يطلبك تساعدي ومن جد هو يحتاج ومو مقصر معاك
ومررة مزنوق ساعدي بس لا تبيعي ذهبك لأنه ماراح يعوضك الذهب
اتسلفي من أي أحد عشان يضطر يرجعه....
بس إذا كان دايما يطلب لا تعطيه قوليله مو لازم نشتري ملابس عيد
السنة والله يعوضك...
أنا أول مرة أشارك بالمنتدى واستفدت من نصايح الأخوات
ورديت عالموضوع لأني أعاني من نفس المشكلة

الله يصبرنا

 

[المصيوته]

يا حبيبتي
ليس العيد لمن لبس الجديد
و بعدين زوجك يبني بيت العمر
مرري هذا العيد على خير
بالله لا تزعليه اذا اخذ له لبس جديدان شاء الله ياخذ لكم
و رسولنا الكريم قال و اذا اكتسيتم فاكسوهن
عادي ياما صار لي و انا تري من طبقه مرتاحه
بس كان زوجي طالب علم يعني ما عنده فصبرت
و الله عوضني

 

[مسرعه بشويش]

يااااااااااااعمري انتي تقولي يبني فللللللللله يعني محتاج كل ريال والله اذكر ابوي لما عمر عجزنا لدرجة البقاله قعدنا نتسلف منها خبز وجبن وامي باااعت ذهبها وانا بمكافئه الكلية والصغار من مصروفهم اللي مجمعينه والحمدلله مشت امورنا وتحسنت مو لازم لبس جديد وشو الف ياااويلي انا البس حالي ب100 من لبس واكسسوار وجزمه الله يكرم السامع ليش الاسراف

 

[جراءةامل]

لاتبيعين ذهبك ولاشي لاتعودينه خليه يعرف ان ماكو فكه وراه وراه

 

[A R E E N]

والله اثلجتو صدري ب دودكم والله معاكم

 

[الحُرّه]

مو احنا احق من الفله في ملابس العيد كلها 1000ريال

بس ابيها لعيالي ولي وخدامتي يقولي انتي ساعدتي اهلك يوم احتاجو من فتره للفلوس

والحين ساعديني وبيعي من ذهبك واشتري للعيد

طيب الفله هذي لمين؟؟؟

مو لكي ولعيالك

عادي ساعديه مافيها شي لانه من جد مزنوق

موفقه