يا واد يا تئــيــــــــــــــــل!!

[غلا_الامارات]

السلام عليكم اخواتي ... بغيت اطرح اول موضوع لي اناقشه معاكم .. و اتمنى منكم التفاعل :shiny:
الواد التئيل هو زوجي ... ما انكر انه يقولي كلام حلو و يمدحني و ما يقصر ... بس في الفتره الاخيره .. صارت لنا ظروف قاسيه جدا ...احس ان هالظروف كسرتنا من داخل وخلت كل شي تافه في نظرنا .. واسمحولي ما اقدر اقول شو الظروف لاني اتعب يوم اتكلم عنها.. خلتنا نتغير وايد و انا ما انكر بعد اني تغيرت ..بعد ما كنت فرفوشه و راعية حركات و رومانسيات .. بديت انسى هالاشياء كأنه مسح ذاكره .. و ريلي بعد قام ينشغل وايد ,, واللي يقهرني اني مب قادره ارد علاقتنا مثل قبل ... مع انا وهو نحاول ... بس اللي يضايقني انه يثجل عليه .. بمعنى ثاني يتمنع و يسوي عمره مشغول بشي ,, كل ما احاول اسويله شي رومانسي او حركه يحاول ينهي الشي .. و يغير الموضوع .. حتى لو قلتله كلام حلو .. احس انه ما يأثر به .. احسبه يجاملني ... مادري شو اقول ... بس من الضيج اللي فيه قمت اكتب الكلام .. عسى ان حد يرد عليه و يخفف عني .. لا تتخيلون اني ابالغ .. والله تراه شي يقهر ... وعلى فكره .. انا جنوبيه و زوجي شمالي ,. انتظر ردودكم

 

[غلا_الامارات]

ليش محد رد عليه ... :-(

 

[غلا_الامارات]

يعني محد له راي في موضوعي؟

 

[ليلكيه]

غااااليتي

عليك بالصبر

فاكيد الظروووف التي مرت بكما

اثرت على نفسية زوجك كما اثرت عليك

والبشر يختلفون في مدى تقبلهم للصدمااات والتغيرااات

لذا فالمسالة مسالة وقت

وسيعود كل شئ كما كااان باذن الله

فقط كوني قريبة من زوجك

اشعريه بحبك واحتوااائك

والله يوفقك

 

[غلا_الامارات]

الله يجبر بخاطرج يا ليلكيه ... انتي الوحيده اللي رديتي عليه .. تحطمت معنوياتي
اول مره اكتب و محد رد عليه ... !

 

[دلوعة زوجي..]

أختي الغاليه..

ممكن زوجك يمر بظروف أخرى قد تضايقه سواء بعمله وغيره

تلمسي له العذر

نقطة ثانيه

حاولي معه ولاتتخلي عن فرفشتك معه وقابليه بابتسامه حتى لو احسستي بشي يضايقك..

ان شاء الله تكون غمه وتزول

 

[غلا_الامارات]

مشكووووره يا (دلوعة زوجي)... والله احاول .. والله,,, بس المشكله انا ما احس ان الضحكه من خاطري .. و يوم احاول اسويله اي حركه .. و يثجل عليه احس عمري سخيفه و اييني احباط :-(

 

[تعلمت الغرام]

حبيبتى على حسب كلامك ان هذى الظروف كانت قوية فما تقدرى ترجعى الامور ما بين يوم وليلة الى وضعها الطبيعى ولكن ابدئ انتى فى الرجوع الى ما كنتى عليه من قبل.. من حركات وفرفشة لان الرجال ما يحبوا المرة الحزينة او المكتئبة والشمالى ما يحب الرومانسية كثير فكونى وسط ولا تبالعى فى تدليله وطبعا اقرئ اكثر عن الشمالى لان المنتدى ملئ بمواضيع روعة عن الشمالى والله يوفقك ويسخر لك زوجك ان شاء الله.

 

[نهر الحياه]

الرجل مايحب النكديه حاولي تكوني مرحه ولو كنتي مضايجه

المسأله تحتاج وقت وصبر ..شوفي شخصية الشمالي وادرسيها عدل

حاولي طبقي اللي تحسيه ينفع مع ريلج

ولو كتبتي شو نوع الظروف اللي مريتي فيها

احتمال نقدر نساعدج حاولي تكوني ذكيه

واخذي ورقه وقلم وشوفي السلبيات والاجابيات ف حياتكم

لا تهملي شي وصارحيه لو يحب المصارحه حتى لو رساله تكتبيها

ولا تنسي الاستغفار والدعاء اللي اول خطوة لنجاح الحل

الله يوفقج

 

[غلا_الامارات]

شكرا ع الردود اخواتي ... اوكي ... بس اذا انا كنت احاول اتقرب منه او اسويله اي حركه و هو طنش كيف اتصرف ... احس ان ضغطي يرتفع و مرات ادمع من القهر ..

 

[سكررره**]

اشوف ان المساله يبغى لها وقت وراح تنحل لان طبيعتكم غير الوضع الحالي