في اليوم اللي امه واخواته جوا يشوفوني ...
انا بالاول كنت رافضه لاني كنت ابي اكمل دراستي العليا ... بس اصرار ابي لانه كان يحب اهله
وكان سمعته زينه وهو خلوق اجبرني اني افكر فيه ... وانا ما شفته فقلت لابوي اريد اشوفه قدامي وانا
في داخلي اقول ان ابوي بيرفض وكل شي يفنكش ... بس تفاجات يقول انزين بدخله في المجلس وتشوفيه .. هنا طاح قلبي وتضايقت اكثر ...
وكان قريب المغرب صليت وانا اقول لاختي ما اريده ... افهموني ... بس الله هداني ... تلبست وتكشخت شوي =====, هذا انا ما اريده كذا ولو اريد شو كنت اسوي ...
المهم ... لبست جلابيه عاديه ... ودخلت المجلس وجلست اتكلم مع امه شوي ,,, الا واختي تسالني
بيدخل الحين ... والله يا بنات .. دخل مع ابوي ... اول ما شفته حسيت ان حد كب علي ماي باااااااااااارد ..
ثلج صدري وروحي مره وحده ... وارتحت له من اول نظره ... عاد هو جلس قدامي مع ابوي وامي وامه واختي وحرمه اخوي ...
كان رقبتي تالمني من كثر ما مستحيه والله ... وبديت استحر ... وايدي تعرقت ... ومنها قام ابوي ويقول لي
بنتي هذا الولد وشوفيه والله وقتها حسيت بيغمى علي من الحياء فديته ابوي ع نياته ....
قلت لاختي ما عندي سؤال بس خليه يروح ... تراني استحريت .. اول ما قام ع طول دشيت غرفتي وشغلت
المكيف ... وطرت في عالم ثاني ...
كان يوم جمييييييييييييييييييييييييييييل قلب الرفض ل قبول ,, ويا سبحان الله .. محد يدري وين النصيب
فاكثروا يا بنات من الاستغفار والدعاء ....