يا ترى ماالحل؟؟؟...عمركم سمعتم عن زوجة ملت زوجها!

[ام يوسف29]

السلام عليكم ورحمة الله وبركاته​

أنا زوجة صارلي سنتين و5 اشهر بالتمام و الكمال...
وقد تمت الزيجة كأي فتاه في مجتمعنا العربي..زواج صالونات.
اشتكي من زوجي اللي مليت منه...هوايته انه يظل بالخارج للذهاب الى القهوة او انه يكون متجول بالخارج مع احد من اصدقاؤه...زوجي ماله في الحريم وهاي الخرابيط و انا ماشك فيه على الاطلاق، بتصور ان اهله زوجوه احتمال زوجته انه تقعده في البيت بس الطبع يغلب التطبع...وانا بصراحه مليت طريقته مش حقولكم انه ما نطلع لا نطلع بس هو شايف اني كل ما اطلع معاه اصرفه فلوس او مبالغ هو شايف انها مالها لازمه..
والحين انا ماشوفه الا لساعة الغدا او لساعة النوم...وبديت بجد امله..فهل من حل؟؟؟

 

[ام زياد2002]

الله يعينك حبيبتى بس حاولى انك تعرفى ايش ميوله وايش يحب وحاولى توفرينله الجو اللى يجذبه للبيت وجلسه البيت حتى ما يمل......... بدل ما تملى انتى من الوحده والقهر

 

[*جوانا*]

كثري من إبتسامتك في وجهه وكوني صامته كثير وجربي
هذا غير القهوه الي تعدل المزاج
والبيت النضيف والشياكه
وسويله أحسن إختبار شخصيه
المرح+المرح +المرح

 

[هند بنت عتبة]

ادخلي الثقافة الجنسية والزوج والزواج فيه كثير طرق حلوة اتبعيها ممكن تجذب زوجك للبيت

لا تصيرين نكدية وابتسمي صيري فرفوشية دايم

 

[ملكة ^الأحساس]

الله يعينج
بس صدقيني اخذي نصيحتي
والله العظيم كنت مثلك واعاني ولين اليوم
لكن الحمد لله اخف وعليك بالمنتدى
ترى الالاستاذه ناعمه ماقصرت
أقرائي كل القصص وانتي بتعرفين اشلون
تغيرنه بس مب بين يوم وليله
يبيله وقت وصبر اول شيىء التوكل على الله

 

[حبيبت رشيد1]

اهلين اختي الله يهديه لك ويسخره ويحنن قلبه عليك

 

[أم نور611]

هلا وغلا ام يوسف آسفه على الرد المتأخر
لكن اختي الغاليه 1) عليك بالدعاء والإكثار من الإستغفار وعمل برنامج ديني داخل البيت
2) إذا عندكم طفل لاتنشغلي كثير فيه وحاولي الموازنه ( يغار الرجل حتى من طفله )
3) لاتحسسيه برغبتك للخروج من البيت
4) اللبس والجاذبيه والعطر والرومانسيه والبخور والإستعداد على مدار اليوم ترغبه بالجلسه عندك صدقيني حتى لو طلع بيرجع لك على طوووووووووووووووووول
5) الكلام المعسول والمدح فيه والغزل بإستمرار بيدمن عليك وعلى القعده معاك
6) آسفه على الإطاله والله يعينك بالصبر والإحتساب

 

[زوجي دنيتي]

الله يكون في عونك ويسخر لك زوجك

 

[أم فهد 123]

الله يعينج وايسر امرج حاولي تغرينه بأشياء يحبها حتى يجلس في البيت