يا ترى ليش تغير؟

[Make Me Happy]

السلام عليكم ورحمة الله وبركاته

حبيت استشيركم يا بلقيسيات بموضوع مضايقني وايد

انا مالجة من 8 شهور...ولي الحين ما تحدد عرسي

وزوجي من الأهل وتعرفنا على بعض بعد الملجة ... العادات والتقاليد

والحمدلله حبيته وحبني...او دائما يقول انه حبني ويموت فيني.. ويحمد الله انه حبني
لإنه عايش في كندا وانا بالكويت...وقالي انه مستغرب شلون تزوج وحده ما عرفها من قبل...مع هذا سبحان الله نصيب

الي صاير الحين انه متغير علي

اول احس انه يحب يتواصل معاي...ويقعد معاي على التلفون او النت بالساعات
الحين لا .. احسه يتجنب

يغيب له يومين ثلاث وبعدين يرد ولهان ومشتاااق

وإذا كلمني كله يقولي لي كلام حب وانه مشتاقلي ويموت فيني

بس تصرفاته ما تدل على جذيه...يغيب بدون مسج ولا تلفون

يعني عايشة على قوله المصريين " أسمع كلامك أسدأك ... اشوق امورك استعجب"

وكلمته اكثر من مرة ... ومرات زعلت وتضايقت

يراضيني ... ويقول كلمتين حلوين .. ويكلمني يومين ورى بعض بعدين يرد مثل قبل

الموضوع وايد مضايقني

ودي اعرف ليش...او هذا الشي طبيعي بالريايل

ولا شنو؟

 

[أم المزيونه33]

ما اعرف يمكن البنات يفيدونك

 

[وردة الحنون]

يمكن يكون مشغووول

 

[.:+*N0O0NA*+:.]

عادة فترة الملكة لمن توطل توصل لملل بين المخطوبين ...انا سمعت الكلام ذا من اخوي اللي في نهاية فترة الملكة صارت مشاكل مع زوجته يوميا الين يوم الزواج كان متخاصم معاها بس طبعا كلها مشاكل تافهة والحمد لله شوفيهم متزوجين وعندهم بنت زي القمر وماشالله متفاهمين ومتفقين...واختي حاليا مملكة من سنة وفعلا بنفس الوضع مشاكل ومايتكلمو مع بعض كثير زي اول ...الكل يقول ان فترة الملكة اذا طولت باخت...انتي لاتخليه كل ماكلمك لقاكي زعلانة ومعاتبة لاتخليه يحس انك خانقته ونكدية بالعكس انتي اذا اتصل سوي نفسك مشغولة حتى لو انك فاضية انشغلي يوم يومين بعدها اذا اتصل طولي معاه وسولفي لأن اصلا بيكون اتجمعت عندك سوالف ....هوني على نفسك ولاتخلي الشيطان يلعب فيكي​