يا بكريه لاتخافين من الولاده<=تعالي أحكي لك

[princiess]

السلام عليكم و رحمة الله و بركاته ...


هالموضوع منقول من اخت من منتدى سعودي يزاها الله خير
اسمها ~ الحلم الوردي ~ ...


كتبت هالموضوع بعد ما ربت بشهر و رغم انه مرة سنه على ولادتها باول بيبي الا انه الموضوع لا زال مفتوح ...
و الموضوع وصل ل 125 صفحه ...مع الردووود طبعا
فانا بنقل لكم الموضوع هنيه مع اقتباسات الردود اللي فيها اسئلة حسيتها بتفيدكم..

يعني بختصر عليكم ال 125 صفحه



وحطيتها عسب يستفيددون البكريات

دعواتكم الله يسهل علي حملي ولادتي :39:

وارجو من الادراه تثبيت الموضوع :21:



السلام عليكم ورحمة الله وبركاته


ومسااكم وصبحكم الله بالخير جميعاً ..

أخوااتي الحواامل (واخص بالذكر كل بكريه حامل)

أول شي أفرحي لأنك حامل وغيرك الكثير الكثير يتمنى يمووت بس انه يحمل ويشيل ضنااااه بين يده


والحمدلله يااااربي لا انتي أول ولا أخر وحده بتحمل وتولد ..


والله يااابناااااااااااااات انها تساااهيل من رب العباد

وربي عمره ماخلى عباااده ونسااهم ..


وربي ارحم الراحمين بخلقه ..


يمكن اللي يوتر الا الاكيد ان اللي يوتر اي حامل وخااااااااااااااصه البكريات هو كلااام النااااااااااااس


حبيبااااتي .. ونصيحه من أخت بكريه ولدت قبل30 يوووووم بس

والله اني متكله على ربي100%

وكنت في كل صلاااه ادعي ربي


(يااارب سهل عليّ الحمل والولاده وعلى كل مسلمه)


ومن دخلت الشهر التاسع كل يووووم7حبات تمر اول ماأقوم الصباح وكانت هذي نصيحة دكتوره قالتها لي


بس عاد انتبهوا اذا كان عندكم سكر استشيروا الدكتوره

طبعاً هالشي مذكور بالقرآن لما مريم جاها المخاض(اعراض الولاده) انها تهز جزع النخله وتاكل


ثاني شي المشي حبيبتي لأنها يساعدك بس لااااا ترهقين نفسك أبد أول ماتتعبين ارتاااحي

على طووووووووووووووول..

طبعا أنا وعشاان اني بكريه أخذت يومين من العاااشر وفي بكريات اسبووع وهذا شي طبيعي جداً جداً جداً ..


وللحديث بقيه ..

انتبهي تاخذين قرررررررفه واعشاااب ومدري ايش مع الولاده..​

لأن مو الكل ينااسبهم ..​

ترى في نااس يقفل الرحم عندها وهالشي صار مع وحده من قريبااااتي​

لكن انتي من تدخلين التاسع خذي لك مويه واقري فيهااا ..​

واشربي وامسحي على بطنك​

سوي بحث بقوقل واكتبي ادعيه لتسهي الولاده​

كماااان سووورة الزلزله <=وربي ياابنااات قالتها لنااا استاذه واحنا ثالث ثانوي يعني قبل5 سنين​

وبالفعل حتى وانا اولد كنت اقراها بيني وبين نفسي​

وبعدين يالبكريه ماااعليك من الناااس اللي تصيح وقت الولاده​

ترى البكا ياخذ جهد منك زيااااده​

تدرين ليه الوحده تصيح وتصاارخ بصووت عااااااااالي؟؟؟؟​

لأنها تقوم بجهدين (الولاده+الصياااااااااااااح) فيزيد التعب​

لكن لو كان جهد واحد( الولاده) تعب أقل بكثييييييييييير<=وعن تجربه شخصيه​

وأهم شي بعد حبيبتي طريقة التنفس أثناء الولاده تسهل عليك مره​

طبعاً ماأعرف أصيغ كتابة الطريق صح لكن ابحثي بقوقل عن طريقة التنفس اثناء الولاده​

وعلى فكره حبيباااتي الحمدلله تراني ماأخذت ابرة الظهر مع اني من دخلت وانا بس اقوول عطووني اياهاا عطووني اياااها​

قبل يجي الألم اللي مره من كثر مااسمع كلام النااااس والقيل والقااااااااااال​

بس وربي ياابنااات رحمه لي من رب العباااد ان ربي ماأردا اني أخذهاااا ابد​

صح انهااا راحه وقت الولاده لكن تعبهااا بعدين ​

انا شفت أختي اللي اكبر مني وقعدنا نقارن بين ولادتي وولادتهاا وكلنا بكريات​

هي أخذتها وأنا لا​

فـ هي حست بأثارها بعد الولاده يعني ظهرها عورها راسهااا<=وهالشي طبيعي للي تاخذ الابره​

انا لا ماأخذتهااا والسبب​

طبعاً جيت المتشفى بعد مانزل علي مويه وماكنت حاسه بأي ألم بس مويه​

طعاً يعني بحكم اني بكريه حسيت بإرتبااك يوم شفت المويه بس أول شي سويته سميت على نفسي​

والحمدلله كان شي عااادي ماأنفجعت ولاشي جداً عادي​

رحت أخذت لي حمام دافي ودقيت على زوجي ( لأني ذاك اليوم سهرانه عند اهلي) وجا وأخذت أمي ورحت للمستشفى​

دخلت غرفة الكشف شفت عااالم تصيح توترت شووي بعدين قلت وش عليّ في صياااحهم وطنشت وقعدت أدعي ربي​

يسهل علي وعلى كل حامل .. اي وحده تدخل يعطونها لبس تلبسه​

لبست اللبس عاادي وانسدحت على سرير .. قاسوا الضغط وشافوا نبض الجنين الحمدلله تماااام​

و بعدها جت ممرضه بتشوف كم فتح الرحم؟​

طبعاً ماكنت أعرف كيف يكشفون؟​

الطريقه / تلبس قلافز(جونتي) وتحط فيه ماده لزجه تساعدها تدخل يدها من تحت​

طبعاً مو شي جديد يدخل شي من تحت ​

هي بتدخل اصبعين بسسسسسسسسسس​

عاااد ماااشاء الله يالحاامل دخل اللي أكبر من الاصبعين فـ عادي مو شي جديد عليك^_^​

المهم أنا كان فاتح تقريباً 2ونص​

وانا من عرفت انه فتح وانا اطلب الابره قالت مو هنا تاخذينهااا فوووق غرفة الولاده​

المهم قالوا انتظري لين يفتح الرحم اكثر انتظرت​

بعدها كشفت وصلت لين 5 سم طلعت غرفة الولاده​

وبدى مغص عندي اسفل البطن صح يعور بس مو مره​

زي مغص البرد​

على فكره بغرفة الكشف بيعطونك مغذي​

طلعت الغرفه فوق عادي​

سرير لك واشياء لأستقبال النونو سرير ومدري ايش​

قعدت فوق بغرفة الولاده(ومعاي الوالده الله لايحرمني منهاااااااااا امين يارب العالمين)​

و جات تكشف كم فتح الرحم قالت صااار 9ونص ومابقى شي على 10سم​

لأن اذا وصل10سم خلاص ولاده​

قلت والابره حقة الظهر قالت الممرضه خلاص فتح الرحم9ونص احمدي ربك ماتحتاجينهااا​

وما انصحك فيهاااا​

طبعاً يوم يوم طلعت فوق غرفة الولاده عطتني اكسجين تقول هذا عشان البيبي​

واكسجين ثاني قالت اذا شد المغص معك مره وماتحملتي الألم خذي من الاكجسن الثاني بيخدرك شوي​

طبعاً بتحسين زي الدايخه عاااااااااااااااااااااااااادي​

حطوا لي جهاز يقيس الضغط جهاز نبض الجنين​

بعدهااا قلت ياااااااادكتووووووووره ابغى الحماااااااااااااااااااااااااا ااااااام مرررررررررررررررررررررررره​

تحسين انك ودك بالحماااام​

قالت الدكتوره هذي الولاده ​

تحسين انك غصب ودك تتبولين (الله يكرمكم) شي يدفع مو بكيفك​

قالت يالله ادفعي الحين هذا الطفل يدفع وادفع بكل قوتي​

قالت كل ماحسيت بهالشي(انك تبغين الحمام يعني الله يكرمكم)ادفعي​

بس انتبهي خلي رجلك مفتووحه عشان راس البيبي​

طبعاً قبل كل مره بتحسين فيها انك تبغين الحمام(يعني قصدي البيبي يدفع) بيجيك مغص​

وكل ماحسيتي بدفع البيبي ادفعي​

بعدين بيجيك وقت راحه لامغص ولادفع طفل​

هنا فرررصه لك تخذين نفس عشان ترتااحين​

يعي بتصير ..​

مغص(الطلق)=> =>دفع البيبي (كأنك تبغين الحمام) مع دفعك معاااه=>خذي لك نفس​

طبعاً هاللحظه حاولي ماتصرخين عشان جهدك مايضيع خليه للدفع مع البيبي عشان تولدين بسررررررررررعه​

وحاااولي تدعين ربي باللي نفسك فيه وانه يسهل عليك ولاتنسين سورة الزلزله​

على فكره نسيت اقول لك حبيبتي البكريه) ترى فيه تخدير موضعي بيعطونه لك من تحت وبيسون توسعه يساعدونك عشان راس البيبي طبعاً وهم يفتحون عشان يوسعون ماتحسين بشي أبد أبد لأنك مخدره موضعي​

المهم بعد كذا بتشوفين الدكتوره تقووول لك ( مبروووووووووووك طلع البيبي) ^_^​

وللحديث بقيه​

 

[princiess]

بخصووص المشي مالي وقت محدد أحيان في بيتي أمشي

بس قالت الدكتوره لاتمشين اكثر من ساعه متواصله

احيان امشي10دقايق وارتاااح احيان ربع ساعه يعني باللي أقدر عليه


وقالت لي بعد امشي من تدخلين السابع .. بس استشيري دكتورتك قبل

لأن هي أدرى بوضعك وحالة الجنين


وبخصوص ان المشي مايسرع الولاده مو صحيح​

نكمل سوآآلف ياحبيبااتي الحوامل البكرياااااااااات والحواامل للمرااات الثانيه والثاالثه والعاااشره^_^


ولدتي والحمدلله شفتي النونو بخير وعاافيه

الحين الدكتوره بتسوي مساج لبطنك عشان تطلع المشيميه والـ و و و .. يعني البواقي الله يعزكم ويكرمكم


وترتاااحين شوووي.. بعدين دور الخيااطه عشان التوسعه وانتي طبعاً مخدره من قبل


وهنا في شي بيرفعون رجلك عليه تصير زي شكل ثمانيه عشان يخيطون صح

بس وقت الولاده انتي ترفعينها شكل ثمانيه
راح يعطونك قبل الخياطه تخدير مره ثانيه ويخيطوون .. طبعاً بتقول لك الدكتوره لازم تتشطفين بمويه دافيه وملح الايام القادمه


الحين أحلى وأجمل اللحظــآآت ..

تنزلين من على السرير وتقعدين على كرسي متحرك ويحطون طفلك عليك وينزلونك على غرفتك وترتااااااااااااااحين

تحسين قسمن بالله انك اكشخ وحده وانتي تمشين طالعه من قسم الولاده وطفلك بين يدك


احسااااااااااااااااااس غييييييييييييييير ورب البيت

تحسين انك شاايله ألمااااس وذهب بين يدك

ودك تقووولين لكل اللي تشوفينهم ياناااااااااااااااس ترى هذا طفلي


يعني احسااااااااس مستحيل اوووصفه








للحديث بقية ​

​

نرجع ونكمل حبيبااااتي..

ولدتي ونزلتي تحت .. بياخذون طفلك يروشوونه ويجيبونه لك ..

بتقول لك الدكتوره بعد ماتروحين غرفتك بعد الولاده ادخلي الحمااام عشان تفرغين المثانه



طبعاً لاتخاافين بينزل عليك دم كثير أثناء دخولك الحمام شي طبيعي لأن هذي بقااياااا

طبعاً هم بيشيكون عليك هل كمية الدم زاايده عن المعقووول عشان يتأكدون انه مو نزيف


طبعاً الايام الأول الدم بيكون كثير شي طبيعي وعااادي جداً ..


وبعد اسبوع والا اسبوعين تبدى تقل كمية الدم

وشي ثاااني كماااان ياحبيباااااااااااااااااتي مهم مررررررررررررررررررررررررررره مررررررررررررررررره

جهزي شنطتك قبل توليدين بفتره كاافيه


حطي فيهاا

ملابس لك(داخليه وخارجيه ،فوط مابعد الولاده ،حفاظات للصدر عشان اذا نزل حليب ماتنحاس ملابسك،أدوات النظافه شامبو وصاابون فرشه معجون مشط ..الخ)


ومرهم اسمه (ريالوكين) ركزي على كلمة مرهم لأن فيه من جل وبخاااخ خذي الكريم أنتي


وأدهني الفوطه قبل تلبسينهاااا تخدرك عشان ألم الخياطه بعد مايروح تأثير البنج..

خذي لك 3 والا 4 علب مرهم عشان مايخلص عليك

كل ماغيرتي الفوطه حطي فيه من المرهم

عشان يخدرك ويخفف الألم عليك

وكمااان لاتجلسين أبد خليك منسدحه والا منسدحه ورافعه ظهرك شوي

وامشي امشي امشي .. بس مو بعد الولاده على طوووول بعدهااا بسااعااات


امشي بغرفتك و بشويش مرررررررررره لاتسرعين بس عشان يتحرك الدم بجسمك

وهالشي زين للخياااطه

يكفي تمشين 5دقااايق والا اقل باللي تقدرين عليه

وللحديث بقيه​

http://www.forum.uaewomen.net/report.php?p=19115019​

 

[princiess]

ونكمــــــــل سوآلفناااااااااااا ..

طبعاً بين فتره وفتره بيقيسون حرارتك وضغطتك عشان يتطمنون عليك

وبيسألونك الطفل تبرز وإلا لا<=يتأكدون إن اعضاءه شغاله ..

وبيسألونك نفس السؤال عشان يتأكدون ان وضعك تمام

بيجي دكتور والا دكتوره بيشيكون على سلامة طفلك ..

كل شي تماااام يومين تقريباً تنزلين على البيت ^_^



ولدتي بالسلامه .. صار عندك نونو زي العسل ربي يخليه لك يارب ..

في بنات ماشاء الله على طوووووول ينزل حليب منهاااا وبنات لااا ..


طيب كيف ..؟ وليه مانزل حليب؟؟؟


أول شي لازم تحاولين ترضعين طفلك حتى لو مافي حليب

وانت ساعديه يرضع


في البدايه مابينزل حليب معااااه ..

لكن مع التكرار سبحان الله ينزل


وياهلا وغلا فيكم حباايبي الحوآمل .


همسه أحب أهمس فيها بإذن كل حامل وخصوووصاً البكريااااااااات ..

خلال فترااااااااااات حملك راح تسمعين الكثير من القيل والقال واللي بعضها ممكن يوتر لك اعصااااااابك ..
ومنها على سبيل المثااااااااال


@ ياللــــــــــــــه .. وش ذاااااااا؟ بطنك صغيييييييييير؟؟

@ ما انصحك بإبرة الظهر ترى تجيب الشلل .. <= والحقيقه انه ليس لها علاقه بالشلل لأني قبل ماأولد بحثت بالموضوع كثثثثثثثثثير ومالقيت اللي يثبت ذلك غير بربرة وهذرة الحريم


@ الله يعينك لو انا مكااانك أولد قيصري

@اشرربي قرفه كثيييييييييير


@فلااانه ولدت وانتي لسى؟


@ كل شوي يسألونك أنتي في اي شهر ومتى بتولدين؟


وغيررررره هالأمور والبربره كثير اللي توتر الحاامل وهي خلقه مو نااقصه توتر


شووفي حبيبتي .. بقوول لك شي ..

حطي اذن من طين واذن من عجين ودخلي من هالاذن وطلعي من الثاانيه


ترى الحريم مو سوى وفيه ناااس تباالغ بالحكي خصوصاً بسالفة الولاده


يعني بالله عليكم لو هم صاادقين ليه الوحده تحمل مره واثنين وثلاااثه؟؟؟؟؟؟

انا ماأقول بتولدين وانتي تضحكين . بس ترى في نااااس تبااااااالغ مرررره


اتكلي على ربك ..واستاااانسي ترااااااااااااااااااك بتصرين أ

المشاركة الأصلية كتبت بواسطة bbmm
مشكووووووورة حبيبتي جزاك الله خير،والله يوفقك يارب​

والله ريحتيني بكلامك من هم وخوف والولادة
ابغى أسألك سؤال انتي تقولي وقت خروج الراس انتي ترفعي رجللك هل مع الالم تستطيع الوحدة هي ترفع رجلها ؟​

أالف مبرووووك البنوتة والله يخليها لك وتشوفيها عروس
وياااك اختي​

والله يفرحناا بولادتك ربي يسهل لك وعلى كل مسلمه امين يارب​

خيتووو عاادي تقدرين ترفعين رجلك​

بالعكس تحسين لاشعوري ترفعين وتدفعين لأن ودك تتطلعين البيبي​

واهم شي ماتضمين يعني تقفلين رجلك عشان راس البيبي​

نرجع ونكمــل دردشــه حبيبـآآتي ..​

أهم شي بالحياه عشان الانسان يحقق نجاحاته ويعيش بسعاده لازم يكون تفكيره ايجاابي​

ومايصير سلبي حتى لو بكلامه ..​

مثاال ..​

واحد قال ..( أنا بإذن الله راح أنجح في هذا الاختبــآر .. وسأبذل كل مابوسعي.. أنا عندي ثقه بالله وبقدراتي)​

والثاني قال( اوووف .. يالله .. اناا رااسب رااسب المنهج صعب.. ماأقدر أذكر مو فاهم)​

لاحظوا الفرق بين العبااارتين .. نفس الكلام ينطبق على الحامل ..​

لا تقعد تقوول الوحده يالله الولاده صعبه.. ياااربي خاايفه من الطلق ..​

يالله لايصير كذا وكذا ..​

لازم الوحده ترفع من معنويات نفسها ويكون عندها ثقه بنفسهااا ..​

يعني أنا مثال سمعت قصص وكلام لين قلت بسسسسس ..​

ووحده من صديقاتي ولدت قبلي بثلاث شهوووور فسمعت منهااا كلام يطير العقل ويخوووف​

طنشت كل الكلام اللي سمعته وكلام صديقتي وكل العالم ..​

حطيت في بالي شيئين ..​

1/ أنا متكله على الله الحي القيوم الرحمن الرحيم​

2/ انا قد الولاده بكل مراحلهاااااا .. أنا قد الطلق .. أنا أقدر على الألم ..​

هذا تكفير لذنووووبي .. يالله بصير أم .. وش يعني بأحس بمغص مو شي جديد المغص​

صح بيكون أكثر من المعتاد بس يظل مغص يعني ش جربته من قبل مو جديد علي​

وبعدها أضغط عل نفسي عشان أدفع البيبي برى وبسسسسسسسسس​

أنا شجاااااااااااااااعه .. أنا مو أول ولاأخر وحده بتولد .. الموضوع عاااادي ..​

أنــــــــــــا بطلع من هـ الغرفه وأنا أم و شايله ضناااااي ولأول مره بين يدي ​

والله يااابناااااااااااااااااات ماشاء الله تبارك الرحمن.. حسيت الوقت يمشي​

يعني أنا بغرفة الولاده من الساعه6ونص وولدت الساعه 10ونص​

وربي يابنات ماشاء الله تبارك الرحمن والحمدلله ماحسيت اني قعدت هالوقت كله​

صح مرت لحظات شوي صعبه من المغص والدفع .. ​

بس والله ربي رحمن رحيم بعباااااااااده .. ترى ربي يحبنااااا والله​

وان تعبنااااا شوي تررراه تكفير لذنووبنا ربي يبغى يغفر ذنووبنا ..​

تخيلووووا يابناااات ان دعوة اللي تولد مستجاااابه .. أكثر من كذا نعمه الحمدلله​

تدرون من الفرحه أول ماشفت بنتي بعيني .. جتني العبره وأدعلي لها وابكي​

يارب خلهاا لي يااارب لاتحرمني منهااا ياااارب دخلنا الجنه​

جد وربي لعيوون بنتي هااان كل شي .. ​

يعني كيف أوصف لكم الموقف مدري ..!!!!!!​

بس بيكون أحلى وأجمل وأروووع موووووووووووقف بعمرك كله​

أحسن من لو انك أخذتي نسبة 100% بالثانوي..​

واحسن من لو ان جاااااك أطلق معرس​

وأحسسسسسن من كل شي كل شي كل شي ​

لدرجة اني متقطعه من الوناسه بعد ماطلعت لغرفتي فوق .. امشي واسوولف مع امي​

واطااالع ببنتي وقمت اصوورها ارسلها لأخواتي بالبيت جد يووووووووووووووووم شي​

هذا اللي يقوولن عليهااا ليله من الف ليله الا عن الكل الليااااااااااالي ​

المشاركة الأصلية كتبت بواسطة joooreey

الله يجزاك خير

انا مو بكريه بس خوافه جدا جدا جدا
وقت الولاده ارجولي ترتجف وما اقدر افتحها وكل ممرضه ماسكه رجل وحالتي حاله
الله يعين
انا نفس الشي رجف رجلي سمعت الدكتوره تقول لأمي ترى هذي رجفة البيبي ​

​

خيتوو بخصووص رجلك​

انا قبل لا أبدى الولاده الفعليه ..قالت لي الدكتووره انتبهي لاتقفلين رجلك عشان راس البيبي​

ترى فيه بنات يضغطون على راس البيبي..​

تحديت نفسي واني أقدر .. وهي لحظه ويسلم راس البيبي طوول العمر​

حطيت في باااااااااااالي انا اقدددددددر ..​

وفعلاً ياربي لك الحمد .. رجل شرق والثاانيه غرررررررررررررب ..​

نسيت كل الدنياااااااااااااااااااا لحظتهااا وفكرت في بنتي واني ماأضغط على راااسهاااااااااا ابد​

انتي ترااااااااااااااااك تقدرين .. ​

أختي حاااااااااااولي تتحدين خوووووووووووووفك .. عشااااااااان ضناااااااااااااك​

ولو فتحتي رجلك صدقيني تنتهي ولاتك بسرعه لأنك تعطين البيبي فررصه يطلع ..​

ولاتشدين نفسك وقت الولاده لأن سبحان الله اذا الوحده شدة نفسهااا تطول الولاده شوي معاهاااا​

عكس لوو فتحت رجلهااا وجاااولت تسترخي ..​

ربي ييسر لك أمرك ياااااااارب ولكل مسلمه​

امين يارب العالمين​

 

[princiess]

المشاركة الأصلية كتبت بواسطة ام ماسه
هلا الحلم الوردي ..
عندي كم سؤال ياليت تجاوبين ماعليك أمر ..

1- أثناء الولاده يشوفون شي ولا تكونين مغطيه .. الولاده والخياطه ؟؟
2- متى تطلبين خياطه مضبوطه و.. أثناء الخياطه نفسها ولاقبل ؟؟


3- مرهم ريالوكين ممتاز للتخدير ؟؟ وهل له أضرار وأعراض جانبيه ؟؟ وهل لازم بوصفه طبيه ؟؟


4- أنا ناويه آخذ ملابس للبيبي معي أكيد , أعطيهم يلبسونه لما يسبحونه ولا أنا بنفسي ألبسه ؟؟


أدري أسئلتي كثيره بس عاد لازم تجاوبيني

هلااا يااقلبي

1/ اللي فهمته من سؤالك قصدي يشوفون من تحت..

لازم الدكتوره تشووف من تحت عشان تمسك النونو اذا طلع


ولازم تشوف عشان تخيطك صح


2/ انا ماطلبت شي الدكتوره خيطت وخياطتها الحمدلله حلووه


وتعطيك تخدير مره ثانيه قبل الخيااطه


3/ المرهم محد وصفه لي زوجي راح الصيدليه وقال ابغى مرهم مابعد الولاده للخياطه


والصيدلي اعطااااه هالمرهم


ومو لازم يوصفه لك الطبيب


والمرهم ممتااااااااااااااااز جداً

4/بعد الولاده هم يروشونه ويلبسوونه وان اخذتي لبس عطيهم يلبسوونه


وانصحك بالأقمصه للنونو


انا شريت اقمصه تجنن وحلوه غسيل ولبس من اسواق اسمهااا البلاد وعندهم لفااات بيضااء حلووه نلف فيهااا البيبي


بس بااقي الملااابس مو حلووه


كمااان عند سيتي بلااازااا
​

 

[princiess]

إقتباس:
المشاركة الأصلية كتبت بواسطة أحلى N
الله يسعدك ويحفظ لك البيبي
اختي وين ولدتي وممكن اسم المرهم ريالوكين في الانجلش
وياااك اختي

ولدت بالمستشفى العكسري بالرياض


اسم المرهم

RIALOCAINE​

 

[princiess]

إقتباس:
المشاركة الأصلية كتبت بواسطة fatat
اختي الحلم الوردي الله يطمنك

بس عندي سؤال يمكن ماله دخل بالموضوع بس ارتحتلك وابغى اسأل

انتي ربطتي بطنك خلال الاربعبن
اذا كان ايه.. بشماغ ولا مشد ؟
هلا بك حبيبتي ..

لا والله ماااربطت ..

بس سألت اللي ولدتني قلت لهااا وش راايك بامشد؟

قالت مدري ولاجربته وقالت انهااا ربطت بشمااغ بعد3 اياام من الولاده


ماشااء الله عندها3اطفال ومو مبين عليهااااا


وبصراااحه انا بعد ماولدت كان ودي اربط بس ماجالي خلق وماحبيت شي يضغط على بطني


بس اذا ودك تجربين وعلى كلام الدكتوره جربي الشماغ


ربي يييسر لك حملك وولادتك امين يارب العالمين​

 

[princiess]

حبيبااااتي تعااالو نكمل سوآآليــــــــــف


طبعاً يالبكرياااات بالنسبه لكم الولاده مرحله جديده أول مره بتجربوونهااا ان شااء الله ..


وكل وحده بس تسأل وتقرى عن الولاده وأنا كنت وحده منكم ..


والله ياابنااااااااااااات تعبت نفسياً وأنا أقرى بهالكلام .. وما ألوم ولا وحده والله على اي كلام تكتبه

لأن الوحده محتاااجه تتكلم وتبووح عشان تشووف هي لحالهااا تمر بهالشي والا لا ..


بدوون ما أذكر لكم وش قريت .. طبعاً من بديت اقرى عن الولاده اكثر واكثر كنت بالشهر الساابع

قريت كلااام أقلقني .. بإستثناااء مووضوووع واحد وبـــــــــــــــس لأخت اسمهااا فراوله


اتوقع اني قريت لهاا بهالمنتدى ان ماخاب ظني


موضوع يحمل نفس فكرة موضوعي بجد الموضوع الوحيد اللي هون علي


وقعدت أدعي لهااا وهي ماتدري عني ربي يجزاهاا الخير والجنه


عشااان كذا قررت أنزل لكم هالموضوع وأهون عليكم الموضوع مثل ماهونت علي

لأن مثل هالمواضيع ناااااااااااااااااااااااااادر والا يابناااااااااااااات ..؟؟؟​

المهم مااعليناا حبيبااااتي تعااالوو اكمل لكم سوووااليف ..


معلوومه أحب أقولها لكم ..


سبحاان الله في زي السداده تقووم على اغلاق الرحم حمااايه للجنين ..


وهي عبااره عن ماده لزجه مخاااطيه .. تعمل على حفظ الجنين ..


حتى أثنااء الجماااع .. في بناااات يخافون عل النونو وأنا كنت منكم


طبعاً بحكم ااننا بكرياااات نخااف على الجنين .. والله مسخر له كل سبل الحماايه


اهم شي الوحده مايكون عندهاا مشااكل بحملهااا تمنعهااا عن الجماااع

لكن اذا وضعك طبيعي عاااادي لين الشهر التااسع تقدرين ..


المهم نرجع للولاده شوي حبيباااتي .. بخصوص هالماده اللزجه (السداده)


أنا ولدت يوم الخميس الصبااح الحمدلله يوم الأربعاء اللي قبل ..

وتحديداً وقت صلاة العصر .. شفت ماده لزجه الله يكرمكم وكانت تقريباً الكميه قد نص من فنجال القهوه

يعني تعتبر شي ملحووظ مو افرازات عااديه فتوقعت ان هالسداده بدت تنزل ..


بصلاة العشاااء شفت نفس الافرازات كمان وبنفس الكميه ..

الموضوع عاادي .. حتى بنفس اليوم قلت لزوجي تخيل أولد عليك اليوم وأخرب ههههههههههههههههههه

بإستهباال قلتهاا وصاار الموضوع جد ههههههههههه

وعلى الساعه 12ونص تقريباً كنت منسد حه بالصاله عند اهلي واهلي ناايمين مافي غير امي واختي الكبيره قايمين ومحد عندي بالصاله


وحسيت بمويه تنزل مني .. يعني بمقدار كاسه مويه قمت سميت على نفسي وأخذت لي شور ورحت المستشفى


طبعاً لامغص ولاااا شي بس نزل مويه ..


وبعدهاا مثل مااقلت لكم من قبل تكملة الساالفه ..

 

[princiess]

ونكمل سووآلفنـــآآ .. ويالله جيبووا القهووه يابناااات


قصدي حليب أحسن لكم يالحوامل هههههههههه


المهم يااحوواملنا عموماً والبكرياات خصوووصاً ..


حبيت أقوول لك ان الحريم مو سوى ..

وأعراض الولاده مو شرط تجيك بنفس الترتيب اللي جا غيرك ..


ممكن الطلق (المغص) أول الاعرااض ..

ممكن المويه قبل ..


عااد الناااس تختلف ..

لكن بقووول لك 3 أشيااء اذا شفتيهاا اتكلي على الله و روحي المستشفى ..

1/إفرازات مهبلية مخاطية ممزوجة بخيوط دم رفيعة تخرج من عنق الرحم(المقصود السداده يعني)

طبعاً ممكن تشوفينهاا قبل الولاده بأيام أو ساعات و دقااائق على ماقريت وبحثت


بس أنا شفتهااا العصر اليوم الثاني الصبح ولدت

2/يبدى الطلق(يعني المغص) المتواصل يعني يجيك ويروح والفاصل بين كل طلق وطلق متقااارب

بالدقاايق يعني .. بس انتي بمجرد ماتحسين المغص غير عن المعتاد يعني شااد عليك روحي


3/ مويه تنزل عليك .. وهذا اهم شي انك تنطلقين للمستشفى عشان ماتنقص المويه على الجنين ..


ومعلومه سبحاان الله يابنااات المويه تسااعد على دفع الجنين للخاارج

~ ونكمل سووالفنــآآ ..


حبيبتي .. اذا صرتي بتروحين تولدين مايحتااج كل خلق الله يدرون ..


يكفي زوجك وامك اذا حبيتها تجي معك

لأن سبحااان الله كثير لاحظت هالشي .. اللي تتكلم يبرد الطلق عندهاااا


فيه وحده من قريبااتي خلاص دخلت غرفة الولاده على اساااس بتولد والرحم فاتح ..

بس سبحااان الله قفل وماولدت إلا قيصري ..


طبعاً الخبر وصل للشرقيه وهي بالرياااض ..


غير انهااا كاانت تشرب قرفه ..

وطبعاً الاتصاالات ماااوقفت عليهاا هي وزوجهاااا


ويمكن كل السببين مالهاا علاقه بهالشي ..


وبغض النظر عنهااا .. الاتصاالات توووتر الوحده وهي مو ناااقصه


أنااا يابنااات تخيلووا طلعت من البيت وأخوااتي ماادروا اني محركه على المستشفى قلت برووح بيتي

مااعدا اختي الكبيره المتزوجه وامي وابوووي عشاان اختي الكبيره نامت عند اخواني الصغار وامي جت معي .. وزوجي طبعاً


والحمدلله ربي يسر لي يااربي لك الحمد ..

فـ أنتي وصي على زوجك لاصرتي راايحه ماايحتاااج يعلم احد لأنكم مو نااقصين قلق وتوتر ..

لأن مكالمااات العالم وكلامهم يوتر خصوووصا اذا قعدوا يدقون كل شوووي عليكم


هاااااااااااااااااه ولدت ..؟ تقولون لابااقي

وعلى هالموااال ..


فـ ريحي بااالك وعمرك .. واذا ولدتي ترى النونو مابيطير ..

علميهم اذا ربي يسر لك وولدتي بالسلامه

 

[princiess]

إقتباس:
المشاركة الأصلية كتبت بواسطة ـــــ(ميريام)ـــــ
الله يجزاكي خير على الموضوع وطريقة سردك للكلام بطريقه رائعه ومريحه الله يجعلك بموازين اعمالك
لكن انا بكريه وعندي مجموعة اسئله لوسمحتي ياليت تردي علي
اذا جد خايفه من موضوع التوسيع والخياطه لانهم يقولون لي شكله مايرجع مثل اول وجدا قبيح فا لاتفشليني وجاوبيني
ولي رجعه لاسئله غيررها
ويااك اختي


وبالنسبه لي الحمدلله خيااطتي تماام


والخيااطه نوعين يسونها للوالاده

داخليه وخارجيه

وبالعكس مااشوف فيهاا تشوه او توسعه يااربي لك الحمد والشكر


وتحت الخدمه باللي اقدر اجااوبك عليه ياقلبي​

إقتباس:
المشاركة الأصلية كتبت بواسطة الغلا الطاير
ماشاء الله تبارك الله عليكي وتتربى بعزك ياا رب بس حبيت اسألك عند خروج الرأس ما تحسين من تحت بشي نتيجة توسيع الرأس للمنطقه
امين ياارب


ابدا اختي ماحسيت بخروج الراس لاني مخدره من تحت

خدرتني قبل التوسعه


انا حسيت بس بالمغص وكأني ابغى الحمااااام مرررررررررررررررررررره بس


واذا حسيت اني ابغى الحماااام ادفع بكل قوووووووووووووتي وادفع وادفع


هي قاالت تراني اشوووف الراااااااااس هي قاااااااااالت كذا


دفعت اقوى شي اقدر عليه الا طلعت بنتي وانا مو حاااسه بشي من تحت الحمدلله

​

​

 

[princiess]

إقتباس:
المشاركة الأصلية كتبت بواسطة ساره 2006
ماشاءالله تبااارك الله
سهلتي عليناالله يسهل عليك دنياوآخره
اناجايبه ولدي بقيصريه وألحين دخلت التاسع و الله أعلم كيف بيجي يعني ماجربت الطبيعي ودايماأفكربالولاده ونفسي أجرب اللي جربوه الحريم وأمهاتنامن قبل...بس خايفه من التوسعه والخياطه

أدعي لي ان ربي يسهل عليه ودعوه لأخيك بظهرالغيب مستجاااابه
وعندي كذاسؤال
كم جلست الخيوط ألين طاحت
وماذكرتني انك أستخدمتي شئ بأثناءالنفاس مثل الكبو مثلاااا
امين ياارب


وان شاء لله ربي يسهل عليك وتولدين طبيعي

ربي ييسر لك وعلى كل مسلمه امييين ياااااااارب

اختي بالنسبه للخيوط اقل من شهر

واثنااء النفاااس كل اللي استخدمته مويه دافيه مع ملح

ومرهم ريالوكين

إقتباس:
المشاركة الأصلية كتبت بواسطة فروشة.
الله يسعدك ويهون عليك كل صعب
اقدر اقول بصراحة انك عرفتي فين مواطن الخوف عند البكريات وهونتيها
لكن حبيبتي عندي كم سؤال ...
1- احكي لي عن درجة الالم بصراحة وقت قياس الدكتورة باصبعها ؟
2- انا اعرف انو الدكتورة لازم تطالع المنطقة الحساسة لكن تطالعها من تحت لحاف والا مكشوفة للكل اقصد امك والممرضات ؟
3- انا شفت سرير الولادة سرير مو كامل ونهايته زي الانبوبتين المفتوحة من فوق علشان تحطي رجولك فيها ؛ لازم احط رجولي على الانبوبتين هذي ؟
4- هل كنتي خايفة من انو يكون طفلك مشوه والا فيه شي اثناء الحمل وكيف شفتيه لما جابوه لك زي توقعاتك لشكله والا لا اسوأ؟
عارفة كثرت عليك اسئلة لكن تدور ببالي من زمااااان وابغا لها اجابة
رزقك الله ببر ابنائك يااااااااااارب

الجميع يااارب

1/ بصرااحه هو مو ألم

بس تستحين وتشدين اعصابك شوي خبرك عااارفه نستحي احد يشوفنا


2/:يحطون عليك لحااف .. ومتى ماحسيت بقرب الولاده تطالع الدكتوره ومعاها مساعدتها اللي بتستلم البيبي اول مايطلع
وبعدين الغرفه مافيها الا المرافق معاك والدكتوره اللي تولدك والممرضه وبس

وبعد الولاده وخروج البيبي تجي اللي تخيطك وبس

3/ فقط وقت الخياطه تحطين رجلك على الأنبوبتين بس وقت الولاده لاااا لأنك انتي تلقاائي بترفعين رجلك وتفتحينهااا

4/ بصرااحه كنت بكل صلاه ادعي ان ربي يحسن خلقه وخُلقه وثقتي بربي كااانت كبيره

وتمنيت بنتي تكون تشبه لي وبالفعل الحمدلله على مااقاالوا طختي هههههههههههههههههههههههه


واي سؤااال تحت الخدمه يااقلبي​

 

[princiess]

ونكمل سـوآلفناااا حبيبــآآتي الحــومل

حبيبتي الحامل وخصووصاًالبكريه ..

عشاان تحسين بالنعمه اللي فيهاااا نااااظري حوولك وشووووفي غيرك كيف يتمنى ان ربي يرزقه ..

كثير يتمنون انهم يكوونون مكااانك مستعدين يسوون لمستحيل عشااان يكونون مثلك ..

مستعدين يتحملوون المتاااااااااااااااااعب بس يكوون عندهم ضنااااااااااااااااا ..


كثييييييير ربي ما أراد لهم ان ربي يتم حملهم ربي يعووضهم خير ..

شفتي النعمه ؟؟؟؟؟


حبيباااتي يوم كنت حااامل صح كنت احب بنتي ومرره متشووقه اشوووفهاااااااا

كنت استاانس اذا بدت تتحرك بطني واستاانس اكثر اذا شفتهاا بالاشعه


تخيلوا كيف كنت احبهاا قبل مااشووفهااا


بس وش اقوول لكم يوووم صااارت قداااااااااااااااااام عيووني الحمدلله
يوووووووووووووووووووووووووه يالاحساااااااااااااااااااااااا ااس

احسااااااااااااااااااااس من روعته يجيب الصيحه والبكاااااااااااااااااا

بجد مااتوقعت كذا الام تستااااااااااااااااانس اذا شافت طفلهااااااااااااااااااا

والا اذا شلتيه وضميتيه شررررررررررررررررررررررط تقطعينه تبويس

براسه وخده ويده ورجلهااااااااااااااااااااا



تخيلووووا انكم بهالموقف

حبيبــآآآآتي الحـــوآمل ..

من المهم بهالفتره انك تهتمين بخيااطتك عشان تطلع تمام ان شااء الله ..

اولاً / تحركي بشويش مررررررره لاتسوين حركااات مفاجأه زي تقومين بسرعه تنسدحين سرعه

يعني على أقل من مهلك .. وكمااان لا تجلسين بهالفتره ابد

خليك منسدحه او منسدحه ورافعه ظهرك شوووووي

او منسدحه على جنبك

وامشي كماااااااااان بس بخطوااات خفيفه ومتقااربه


ثاانياً/ انتبهي لاااااااا تستخدمين الرشااااش عشااان تتشطفين لأن دفعه قوي وممكن يضر بخيااطتك

استخدمي الابريق وتكون المويه داافيه

ثالثاً / تشطفي بمويه وملح


رابعاً / احرصي انك تنشفين المنطقه زين وادهني الفوطه بالمرهم (انا استخدمت مرهم ريالوكين)


هذا اللي انا سويته والحمدلله احس اني تمااااااااااااام


وللحديث بقيه​

إقتباس:
المشاركة الأصلية كتبت بواسطة فروحة كوول
كلامك رووعه واسلوبك بسيط وجميل وبصراحه ارتحت بس شويه خايفه انت عارفه انا في الشهور الاولى كنت ابكي وحولت على 3 مستشفيات والسبب استحي احد يشوف بطني والمثانه كيف في الولادة بس ربي ييسر ***** الله وانا متفاءله بالحياة مثلك الحمد لله ..لكن استحي مرررررره.. بعد اذنكعندي كم سؤال!
س1/الحين انا بالشهر الخامس احيانا احس الثقل اسفل بطي واحس شيء بينزل من قدام ..
بس مافي اي افرزات الحمد لله هذا شيء طبيعي والا لا؟
س2/بعد الولادة ترجعي زي اول من تحت والا لا؟
س3/بعد الولادة تحممتي كلك على جسمك كامل وشعرك والا الا؟
واخيرا ثانكس على صبرك ومجهودك الجميل..يا الحلم وردي

كلنااا يالبكريااات نستحي عااادي


لكن لازم نتشجع شوووي والحمدلله احنااا ماسويناا شي حررراام ويغضب ربي


بالعكس احنااا نبذل كل جهدنااا عشاان نحاافظ على هالرووح اللي ربي زرعهااا بـ أرحامنا والله بيجاازينا بالأجر ان شااءالله




1/عاادي خيتوو انا كنت بالشهر الخاامس احس بهالشي زي لمااا أكوون ابغى اتبول الله يكرمك وعلى طوول على الحماام بس المثاانه مايكون فيهاا الا شوي وشي طبيعي لأن الجنين بدى يكبر ويضغط على اجزاء الجسم الداخليه

2/ والله ياوخيتي بالعكس احس اني عاديه مرررررررر ولكن مااقدر اقول لك بالضبط لأني لسى عند اهلي ماخلصت الاربعين باقي كم يوم


3/ هو عاادي لو حبيتي تتحممين كلك بس مابيكون فيك حيل ودك بس تنامين وترتااحين

انا ماتحممت كلي شطفت نص جسمي من تحت بس


و عاااااادي يااقلبي اي سؤال انا تحت الخدمه
معلومه لكم حبيبــآآآآآآتي ...


أوووووووووول ماتطلعين من غرفة الولاده بالسلامه ادخلي الحماااااااااااااام وتبولي حتى لو ماحسيتي انك تبغين الحمااام


بتشوفين دم كثير ينزل معاك ترى عاااااااااااادي جداً لأن تووووك وااالده ومع الايااام بيقل الدم شوي شوي ​

 

[princiess]

دلعي نفســـك على الأخر وعيشي جوووك


من بداية حملي إلى نص الشهر التااسع وانا النوم كااابس علي بشكل مو طبيعي وهذا شي طبيعي

بس يوم قربت ولااادتي فجأه صرت اقوم قبل صلاة الفجر هههههههههههههههههههههههههه


المهم حبيبــآآآتي لو اقووول لكم شي تضحكون بس كنت استاااانس على هالشي


كنت أعيّش نفسي جو حتى لو انا لحاالي .. خخخخخخخخخخخخ

كنت على الفجر أخذ لي حمام داافي وقبل كذا كنت أولع أنوار البيت الصفراء .. وأولع الفواحه (أولع شمعه واحط ريحه حلوه يعني)

وبعد ما أطلع من الحمااام الدااافي والحماام طبعاً مبخر من المويه هههههههههههه

أطلع وريحة الصاااابون فااااااااااااايحه وأطلع على الريحه الحلوه في البيت


وأنوااع الكريماات اللي لهاا ريحه اختاار شي واحطه على جسمي .. وألبس اي لبس يعجبني ومرتااحه له حتى لو بجاامه ههههههههه

وأخلي شعرك مفكووك ما ارفعه

وأروووح أتعطر لين قوول بس ، احط مرطب لابيلو


يكون الفجر أذن أصلي .. وشوي يقوم زوجي يرووح الدواام

انطلق على غرفتي وأقعد أغير ترتبيهاااا وأعطرهااا يعني اشيل الدبااديب(جمع دبدوووب) واحطهااا بمكاان ثااني


أ حط شمووووع بس ماأولعهااا خخخخخخخخخخ


بإختصاار أخلي المكااااان على الكيف .. بحيث أحس اني ملكه فيه

كنت أروووح بعدهاا أفطر وأقعد على النت وحاااطه على سبيس تون والا فنون هههههههههههههههههه


وأجهز أشياء الغدا ( السلطه ، اقطع الدجاج ، واجهز البصل والطماام والا الخضاار ) عااد على حسب الغدا هذاك اليوم


أخذ لي شي حالي (شوكلاااته مثلاً)

أروح اصلي الظهر بعدهااا .. أغير لبسي وأكشّخ ألبس فستان نعوم حق حمل البس سلساال

يعني اكشخ وأدلع نفسي <= تضيع السالفه انهاا حامل ههههههههههههههههههههه

كنت احااول اخلي يومي حلوو واستااانس فيه

بصرااحه مدري ماشاء الله تباررك الله وش هالمزاج اللي جاني بالشهر التاسع هههههههههههه

قعدت على هالحال لين اخذت يومين من العاااشر وبعدها ولدت هههههههههه


والحمدلله على سلامتي

ومبروووك جااااااااااااني بنت ههههههههههههههههههههههههههه


المهم اللي أحب أوصله لكم ونسوا أعماااركم و وسعوا صدروكم

تعطروا وألبسوا وعيشوا جوو ترى وربي هالشي يهوون عليك كثييييييييييييييييييييييييييير ​

إقتباس:
المشاركة الأصلية كتبت بواسطة كنز الحنان
هلالالالالالالا الحلم الوردي

انا الحين صارلي ثلاث ايام بالعاشر



والرحم مفتوح 2 سانتي وينزل مني دم والدكتوره تقول عادي لين يجيك طلق وانا لسه ماجاني طلق

وانا بكريه مادري متى يجي ووشلون

الله يعين يارب ادعولي يابنات

هلا بك يااقلبي وماااعليك من كلاامهااا روحي المستشفى


أنا نزلت معاي المويه وماجاااني الطلق ابد ولا أي شي ثااني بس مووويه



رحت المستشفى على الساعه12ونص وعلى ماوصلت وكشفت 2ونص مفتوح بعدها بـ 3 ساعات على مااتوقع صااار

انفتح 5 تقريبا على حوالي الساعه 6 على غرفة الولاده و10ونص ولدت


ومو شرط يجيك الطلق وبعدين تروحين

دام نزل معاك دم والرحم فتح رووحي يااقلبي


ترى في ناس بسرعه يفتح الرحم عندها يعني خلال ساعتين ممكن يكون فااتح وخلاص

ومو شرط تكون الاعراض مرتبه أي شي من الاعراض يجيك روحي


1/تنزل مويه

2/طلق(يعني مغص مثل الدوره بس أشد شوي منه)

3/افرازات لزجه اللي هي السداده اللي تقفل الرحم <=انا نزلت معاي العصر واخر الليل نزلت المويه

وممكن يكون معاها دم


اتكلي على ربك ورورحي المستشفى دام الرحم عندك انفتح


ربي يسهل لك يااقلبي ​

 

[princiess]

إقتباس:
المشاركة الأصلية كتبت بواسطة خيبة أمل
السلام عليكم


اخبارك يالحلم الوردي ..؟اول شي الف الف مبرووك البنوته الله يخليها لك اهي وزوجك ولايحرمك منهم...آمين

بصرراحه اسلوووبك مره ررروعه..انا بكريه وحامل بتوأم واحس اني مرعوووبه يالحلم من الولاده بشكل ماتتخيلينه ولاني بمدينه بعيده عن اهلي ذبحني التفكير بسبب الوحده..بس الحمدلله قررت اولد عند اهلي وابي منكم الدعاااااااااء ان الله يقومني بسلامه والحين انا بالشهر السابع واحس كل يووم يعدي يزيد خوووفي الدبل والله اني متوكله على ربي بس الافكار الشينه ورهبة الولاده ذبحتني...انت اول وحده تتكلم عن الولاده هالاسلووب مدري باقي الحريم يتعمدووون تكبير الموضوع ويعطونه اكبر من حجمه؟؟

عالعموووم ياقلبي اعذريني طفشتك بسوالفي بس لاتلوميني ماعندي احد اسأله وانا اعتبرتك اخت وياليت تقبليني اخت لاني احس حالتي تتختلف عن اللي ردووو لى موضوعك ..كلهم حاملين بواحد وخايفين وانا يتؤام ومرعوووبه

الحلم انا متابعه لموضوعك من البدايه...

وعندي سؤالين ولاعليك آمر:

الاول: شو الاشياء اللي استخدميها بالنفاس يعني سواء االاعشاب او الاكل كل شي تكفين لاني احس انك حريصه على نفسك وابي اسوي نفس ماسويتي بنفاسي اذا الله قومني بسلامه؟؟؟

ثانيا: قبل الحمل كم كان وزنك ولما ولدت كم وصل .....وبعد ماطلعتي من النفاس كم نزلتي..يعني وزنك رجع نزل اول مثل البعض بالنفاس يزيدون؟؟؟

آخر سؤال حبيبتي واعذريني على الإطاله...استخدمتي بالنفاس مشد للبطن والا لا ؟؟واذا ايه اي نوع استخدمتي؟؟؟


ارجووووووووووووك يالحلم الوردي ردي علي تكفين لاطوووولين ....وبنات تكفووووون ادعوووولي ان الله يقومني بسلامه ويهون علي.
هلااا بك حبيبتي .. ومااشااء الله عليك حامل بتوأم يعني اختصرتي تعب الحمل ماشاء الله ربي يتمم لك بخير يااقلبي


وانتي فرحتك بتصير ضعف فرحتنا ماشااء الله تبارك الرحمن

1/ خيتو بخصوص اللي استخدمته وقت النفااس فمافي شي غريب ابد اخذته


أكل صحي ومن البيت (مرقوق/قرصان/مصابيب/لحم/كبده/عسل)يعني اكلات اهل اول وهذي نصيحة من الدكتوره اللي ولدتني
كنت اشرب مشروباات داافيه وابعد عن الاشياء البارده اشرب حليب طازج المراعي او الصافي اسخنه واشربه

كنت اشرب قهوه قشر

وبعد 3 اسابيع من الولاده كنت اكل تمر معجون برشاد مع قهوه قشر على الريق قبل الفطور

كمان كنت
كنت اكل فاكهه عشان ما اتعب من الامساك عشان ما تتأثر الخيااطه

2/ والله يااقلبي تو ماكملت الاربعين انا على نهايتهااا باقي لي حوالي اسبوع واخلص الاربعين

قبل الحمل وزني75 و ببداية حملي نزل لين71 ومع مرور الاشهر وصلت لين82 وبعد ماولدت صار 78

ومع الاكل ماشاء الله زاد 2 كيلو خبرك عارفه اكلات اول شوي تزيد الوزن

والحركه طبعاً ماتكون كثيره بالاربعين

بس امشي بالبيت مو طوول وقت ناايمه


وان شاء الله بعد ما أخلص شهرين من ولادتي وأتأكد ان كل اموري تمااام نااويه أعدل جدول أكلي وأصير أمشي

خيتوو بخصوص المشد سألت اللي ولدتني وش احسن شي تقوول اربطي بشماغ

بالنسبه لي ماربطت والله ماكان لي خلق


هلا بك اختي واتشرف انك تكونين أختي

وعاادي يااقلبي اي سؤال ابشري انا تحت الخدمه ​

 

[princiess]

ومســآكم الله بالخير حبيبــآآتي الحوآمل ..


ونرجع نكمل سوآلفناا .. ويالله عسااني أقدر أسآعدكم ولو بالشي القليل ..


وكل اللي أبيه منكم دعوواتكم وبس


حبيبــآآتي .. معليش أعذروني سواليفي مو مرتبه بس كل ماذكرت شي كتبته لكم


مدري عااد اذا قلت لكم عن الأجهزه اللي بتكون معك بغرفة الولاده أو لا . لكن بكتبهااا لكم ..


لأن التكرار يعلم الحوامل الشطاار هههههههههههههه


أولاً جهازي الضغط طول الوقت عليك عشان يتأكدون ان ضغطك تمااام طول وقت الولاده ..

جهاز نبض الجنين على بطنك عباره عن حزام يحط على بطنك

مغذي

جهاز يقيس قوة الطلق عندك ويكون فيه جهااز يبان عليه قوة الطلق لأن الطلق مستويات

تحطه على فخذك الجهااز عااادي مررره زي السلك وتثبته بزي الشطرطون<= طبعاً هذا اللي لاحظته

مدري وصفي لجهاز الطلق صح او لا.. لأني اذا حسيت بألم أخذ اكسجين يخليني زي الدايخه شوووي

هذي هي الأجهزه اللي بتكون معاك وقت الولاده وبس .

حبيبااتي بخصوص الاكسجين فيه 2 اكسجين

واحد استنشقيه عشان البيبي محتاج زيادة أكسجين<=شي طبيعي

والاكسجين الثاني بمثابة مخدر خفيف اذا حسيتي الالم زاد يخيليك زي الدايخه شووي

ونصيحه مني حبيبتي .. الاكسجين المخدر استخدميه اذا حسيتي المغص ماتتحملينه

طول ما انتي متحمله المغص لا تستنشقينه عشاان ماينومك


واذا نمتي مين بيسااعد البيبي ويدفع معاااااااااه ؟؟؟

واذا أخذتي لاتاخذينه بشكل متوااصل

خذيه اذا شد المغص وماتحملتيه ولاتطولين تستنشقين

يعني الشي اللي يخليك شوي تتخدرين مو تروحين بالنووم


طبعاً شي طبيعي بتحسين انك بتدوخين لأن هذا تأثير الاكسجين المخدر

بس توقفين عن الاستنشااق بعده بفتره صغيره ترجعين لوعيك بالكااااااااااااااااامل


بس من تبدأ الولاده الفعليه( كأنك تبغين الحمااام مررره بتتبولين أو تتبرزين) يعني وقت دفع البيبي ..

هنا ابعدي عن الاكسجين لأنك محتااجه تكونين بوعيك الكااامل عشان تساعدين البيبي وهو يدفع


وانتبهــــــــــــي .. لاتدفعين الا اذا دفع البيبي بــــس


طيب كيف تعرفين ان البيبي يدفع ؟


تحسين شي يدفع لتحت شي كأنه بيطلع

كأنك تبغين تتبرزين أو تتبولين الله يكرمكم


طبعاً كل وحده بتحس انها فعلاً تبرزت وإلا تبولت الله يكرمكم وهي مااسوت شي ابـــــــــــــــــــد

هذا دفع البيبي

ان شااء الله شرحي واضح لكم حبيبااتي

أي سؤال أنا تحت الخدمه

وللحديث بقيه​

​

 

[princiess]

إقتباس:
المشاركة الأصلية كتبت بواسطة غـ الروح ــلا
انا توي مالي شهر حامل وزوجي من الحين يقولي بتسوين عمليه اخاف عليك هو خايف على بس انا عارفه ايش قصده بس ولله خااايفه لمى قريت كلام الاخت الحلم الوردي الله يسعدها يارب احس انه شي عادي مره ولا يخوف مثل ما خوفوني ****لله ربي يتمم لي على خير يارب

ياهلا بك يااقلبي .. ونصيحه حبيبتي لاتفكرين بالعمليه ولاتحسبينهاا سهله تراهي تعب بعد الولاده

صح لحظتها ماتحسين شي .. لكن بعدهاا بجد تعب ..

دام وضعك يسمح انك تولدين طبيعي لاتفكرين بالعمليه أبد ..

ولو ان الولاده الطبيعيه اصعب من العمليه كان ربي ماهيأ لنا نولد بهذا الشكل الطبيعي

لكن ربي أختار لنا أيسر وأسهل الطرق فـ ليه نتركها ونتعب أنفسنااا ..!!!!


وللمعلوميه قريت مره أن علاقة الطفل بأمه تكون أقوى ممن يولدون طبيعي


لأن الأم تحس بكل لحظه من لحظات الولاده وتشووف طفلهاا لحظة خروجه للحياه

فـ ليه الواحد يحرم نفسه من أروع لحظااات العمر من إنه يشووف ضناااه أول مايطلع للدنياااا..


واذا شايله هم ان الوحده تتوسع ترى هذا مو عذر عشان الوحده تولد قيصري

الحمدلله ألحين الطب تقدم وصار في شي اسمه خياطه بعد مايوسعونك عشام البيبي يطلع


وانتبهي تجيبين سيره لزوجك انك شايله هم انك تتوسعين بعد الولاده

لأن هالكلام مع احترامي مو صحيح ومدري وش جااب هالفكره برووووس الرجاااال


الحمدلله والشكر ..

طيب لو تلاحظين زمان أول جداتنا الوحده تجيب عشر وإلا أكثر ماشاء الله

و حيااتهااا من أروع مايكون مع العلم انه ماكان عندهم شي اسمه خياطه



السااالفه ترى نفسيه عند الرجااال من كثر مايسمعون من أخوياااهم


حبيبتي أصحك تفكرين بالعمليه وانتي تقدرين تولدين طبيعي ..


والله العظيم غيرك تتمنى تولد طبيعي


ربي ييسر لك أختي وعلى كل مسلمه

آمين يارب العالمين


​

إقتباس:
المشاركة الأصلية كتبت بواسطة bbmm
الحلم الوردي جزاك الله خير وربي يحقق لك كل ما تتمني

هونتي علي كثير كل ما اتذكرت الولادة وخفت اقرأ موضوعك ارتاح

الله يعطيك العافية ويخلي لك البنوتة يارب

حبيتي اب أسألك سؤال هو خارج عن الموضوع بس لأني ارتحت لك كثي شكلك طيوبة

الدكتورة تحدد اليوم المتوقع للولادة هل هو يكون في نهاية التاسع هذا اليوم أو في نصفه؟

الله يعافيك ياقلبي ربي ييسر لك ولكل مسلمه

آمين يارب العالمين

بخصوص سؤالك ..

بنهاية الشهر التاسع تتوقع لك


ولكن فيه حوامل ياخذون من العاشر خصوصاً البكريات

أنا أخذت يومين من العاشر وفيه ناس تاخذ اسبوع


هم من بعد اليوم المتوقع يعطونك فرصه 10 أياام من العاشر ..

أنا توقعوا أولد في تاريخ16 /1 وولدت في18/1


وفيه ناس ماتاخذ الا يومين من التاسع وفي ناس تتم التاسع

وأولاً وأخيراً العلم عند رب العالمين

إقتباس:
المشاركة الأصلية كتبت بواسطة هموم انثى
الله يخليلك دندووون << ذكرتيني ببنت اخوووي


يهبببببببل هالاسم


عندي بعض الاسئله ودي اسألك اياها

الحين الحامل وش لازم تكون وضعيتها عند الجماع ؟؟

يعني انا حملت سقطت ولي مدددددده ماحملت

وجلست افكر وش سبب التسقيط وموت الجنين قلت يمكن من الجماع لانه يضغط ع البطن وبعدين احيانا يتعمق زوجي واحس بنغزات خفيفه

تتوقعين التسقيط من ها لسبب ؟؟

هلا بك اختي

وما اتوقع الجماع له علاقه بالتسقيط والا كان حذرتك الدكتوره

وبعدين مافي وضعيه معينه لجماع الحامل اهم شي وضع يريح الحامل

يعني في ناس اذا كبر بطنها تفضل وضع انه يكونون جنب بعض متقابلين

ناس تفضل الزوج يكون اسفل عشان مايضغط على بطنها

وعموما اذا ربي وكتب لك وحملتي مره ثانيه نبهي زوجك عن الوضع المريح لك

و اقعدي جربي لين تلاقين طريقه تريحك بالجماع

ربي يرزقك بالذريه الصالحه وجميع بنات المسلمين

امين يارب العالمين

إقتباس:
المشاركة الأصلية كتبت بواسطة وردية
هو صح مو مثل بعض كلام الحريم الي يهولون الولاده

بس انتي خليتي الطلق وطلوع الراس كانه زي الموية مافيه الم

والله انه يوجع خاصة وقت طلوع الراس كنت احس ان روحي بتطلع


والولاده معروف توجع بس مو مثل كلام بعض الحريم الي يحسسونك انك في معتقل تعذيب مو في ولاده

وانتي ماشاء الله ربي سهل طلقك وتوسع رحمك بسرعه

غيرك تجلس طلوق يوم كامل توصل 3 و4 وسااااااااااعات عشان توصل 8 و9

الله يسهل لنا كلنا الولاده يارب


بالتوفيق

هلا بك اختي وانا الدكتوره عطتني تخدير من تحت وقت التوسيع فما حسيت الا بضغط البيبي ودفعه

وبخصوص فتح الرحم الساعه 2 تقريبا كان فاتح 2ونص والساعه 10 فتح 10سم الحمدلله


بخصوص الطلق بادي معي من قبل الفجر الى الساعه10 تقريبا

وبدى شوي وكل ماله يزيد لين جا وقت دفع البيبي ودفعت معاه



ربي ييسر لك امر وامر كل حامل

امين يارب العالمين

إقتباس:
المشاركة الأصلية كتبت بواسطة أسيل اللروح
مشكوره غلاني وربي يريحك..انا بكريه والشهر الجاي ان شاء الله بولد ومتوكله على ربي بس خايفه شوي من الشق والخياطه..
ربي يوفقك وألف مبروك البنوته

العفوو حبيبتي ..

وأقسم لك بالله ان الشق والخياطه ماتخوف ولاتحسين فيها

لأنك وقت التوسعه بيعطونك تخدير موضعي

ولما يجون يخيطون يعطونك تخدير مره ثانيه إضافي

وبعد ماتطلعين من غرفة الولاده حطي المرهم المخدر لما بعد الولاده

أنا استخدمت مرهم ريالوكين مره راايق


وبعدين انتي بس بتشوفين البيبي بين يدك خلااااااااااص بتنسين العالم والخياطه

وكل تفكيرك بطفلك وبس حتى وهم يخيطونك بتكون عيونك على البيبي وانتي مو يمهم أبد ​

​

​

​

​

 

[princiess]

إقتباس:
المشاركة الأصلية كتبت بواسطة شفايف عنب
شكرا يالحلم الوردي

والله انك ريحتيني كنت شايلة هم الولادة

خاصة بعد معاناتي في ولادتي الاولى

ولدت بعملية بعد ما شقولي من تحت لأني ما عرفت ادف

بس اقول لنفسي خليها على الله يابنت وان شاء الله المرة دي اولد طبيعي

عندي سؤال محرج ومستحية اسأله..










اش احسن نوع للفوط الصحية لبعد الولادة؟؟



هلا بك أختي ..
والله ييسر لك امرك وتولدين طبيعي

خيتوو بخصوص سؤالك أنا جربت نوعين

فام و اللوتس

أنا ريحتني اللوتس ولكن مافيها شريط لاصق وكل الفوط لما بعد الولاده كذا

يعني تثبتها بـ الأندوير (الملابس الداخليه)

ولكن فام تحتوي على شريط لاصق مثل فوط الدوره

واي سؤال تحت الخدمه خيتوو

ربي يقومك بالسلامه

آمين يارب العالمين​

اقتباس لرد العضوة: الماسه فوشي

الحمدللة على سلامتك
ياالاهي كأنك تحكين ولادتي
وانا كمان بكريه وصارلي شهر من ولدت
وكل اللي قلتيه صار معي بالضبط
والحمد للة كانت تساهيل من رب العالمين
بس نصيحة ياحوامل اذا جتك الطلقة لاتجلسين
انا كنت اجلس ويصرخون علي الممرضات ولا ادري وش السالفة
الين جتني الدكتورة وعلمتني
خليك نايمه لأنك ممكن تجلسن على راس البيبي
والأستغفار كمان مهم يسهل بشكل فضيع
والله يسهل على كل حامل ويفرج عن كل مكروب يارب

إقتباس:

المشاركة الأصلية كتبت بواسطة الحلوة ام مريم
الحلم الوردي

الله يجزيك كل خير
انا بكرية توي دخلت الثامن من يومين وتفكيري في الولادة عاادي احس انها بتتيسر من رب العباد
صحيح اخاف من بعض الأمور
اخاف من الخياطة
اخاف يولدني دكتور رجال
اخاف اولد قيصري
لكن الله يسهله علي وعلى كل حامل
ويرزقنا الذرية الصالحة

بس اقدر اخلي الجوال مثلا معايه عشان اتصل على زوجي او امي بعد ما اولد او احسب الوقت ؟؟؟
والا ياخذوه مني​

الله يسهل لك اختي وتولدين طبيعي وبالعكس الخياطه تخوف ولاشي لأنك مخدره موضعي حبيبتي

خيتوو انا دخلت وجوالي معي ..

بس ممكن يطلبون منك تقفلينه عشان مايأثر على جهاز نبض الجنين

أنا طلبوا مني أقفله وانا بغرفة الكشف عشان جهاز نبض الجنين

بس أول ماولدت عااادي أمي على طوول فتحت الجوال وكلمت

إقتباس:
المشاركة الأصلية كتبت بواسطة نبضه دافئه
ماشاء الله تبارك الله ..

اسلوبك قمه في الرروعه ..

عزيزتي الله يوفقك وينولك مرادك ياعسل

انا بكريه وبأشهري الاولى .. لكن أفكر دائما بموضوع الولاده ..

انا راح اولد بمستشفى حكومي لكن ماأدري هل يقبلون بدخول مرافق معي او لا ؟

وشوقتيني اخذ الوالده معي علشان تريحني ..

وكلامك راائع والله ويبعث بنفس الحامل الامل ...

الله يعطيك العافيه ..

لكن بالنسبه لتخدير المنطقه قبل التوسيع وقبل الخياطه .. هل لازم بكل المستشفيات الحكوميه او انا اطلب منهم هذا الشي ؟؟

لي عوده باذن الله اذا كان عندي اي سؤال ...

لك ودي عزيزتي ... وقبلاتي الحاره للدانه ربي يحفظها ..






هلا بك حبيبتي .. والمعذره والله نسيت أرد عليك..

أول شي بالنسبه للتخدير ماطلبته هم عطوني ايااه لأني أصلاً ماكنت أدري وش بيصير معي

على ماقالوا مثل الأطرش بالزفه هههههههههه
ومن زود الثقه كنت أقول يمكن أولد بدون توسعه وخياطه هههههههههههههه

لأن في بعض الحريم في حملهم الثالث والا الرابع احيان مايوسعون

لأن الجسم مهيأ للنونو يطلع يمديه

بس البكريه لازم توسعه

وبنفسها الدكتوره عطتني التخدير ووسعت ..

حتى يوم سمعتها ماأستوعبت شي همي بس اشوف بنتي

استوعبت بعدين وهي تقول بتجي الدكتوره تخيط ألحين

لأن اللي تولدك غير اللي تسوي الخياطه

اللي تولد اسمها ( قابله) واللي بتخيط هي الدكتوره


بس القابله قمه في المهاره ومثل الدكتوره لكن مجرد ألقاب


و كل وحده بكريه محتاجه لتوسعه والتوسعه محتاجه للتخدير

يعني بإذن الله هم بيعطونك بدون ماتطلبين


ونصيحه خذي امك معك ترى لهااا دوركبير في الراحـــه النفسيه

أنا ماكنت ناويه أخذ أمي عشان ما أقلقهااا

بس يوم جتني اعراض الولاده وجا وقت الجد

أخذتها معااي وانا رايحه للمستشفى ههههههههههههه

ربي يفرحنا فيك ياقلبي

ومره ثانيه والله أسفه ما انتبهت اني مارديت عليك

وسعيده بتنبيهك لي

وأي سؤال لا يردك الا لساانك

وانا تحت الخدمه باللي أقدر عليه ​

إقتباس:
المشاركة الأصلية كتبت بواسطة salemah
مشكورة ياقلبي على الموضوع
بس حبيت اسأل عن التمر بما انه مفيد باخر الحمل هل هو مضر بالاشهر الاولى وممكن يسبب اجهاض لاقدر الله؟

العفوو حبيبتي ..

واتوقع ان التمر مو زين تكثرين منه وانتي حامل ..

والدليل يوم مريم جاها المخاض .. وقال لها ربي تهز جذع النخله وتاكل منها

هذا دليل انه يساعد بالولاده

اذكر عمتي اكلت تمر كثير وهي بالشهر الثامن تقول جاها طلق على طووول تركت التمر

فـ أتوقع ان كثرته للحامل تجيب اعراض ولاده والعلم عند الله
انا يوم كنت حامل ماأكل اكثر من 3 تمرات باليوم
واحيان تمره بس

وماكنت اكل كل يووم

بس من دخلت التاسع 7 حبات باليوم

والحمدلله يااااارب

ويااااهلااابك خيتووو ..

إقتباس:
المشاركة الأصلية كتبت بواسطة شمعة الدور
اهلين الحلم لا لحظه النقطه الي قلتي مهممه
الحبوب تاخذينها حتى تطهرين مثل مااسمع من بعض الحريم؟؟
لاني سمعت من طبيبه ان الهرمون الي فيها يؤثر على الطفل اذا كنتي مرضع لطفل ذكر!!!والصراحه استغربت !!!!

هلا خيتوو ..

خيتوو يوم كنت حامل واراجع سألت دكتوره متى اخذها قالت لي اليوم35 من الولاده

وانا مااخذتهاااا

فـ رحت وسألت الدكتوره قلت لها اني مااخذتها هل لازم انتظر الدوره قالت لي ابدي خذيهااا عادي

ومفعولها بعد اسبوع يبدى


كمان سألت الدكتوره رانده بالمنتدى هنا وقالت لي نفس الشي بس اهم شي تكوني متأكده ان مو حامل

ومفعولها بعد اسبوعين

لكن اذا كانت مو متأكده انها حامل او لا الاضمن تنتظر لخامس يوم بالدوره وتاخذهاا

وسلااااااااااامتك ​

إقتباس:
المشاركة الأصلية كتبت بواسطة جلكسي كراميل
خيتووو الحلم

ماشاء الله اهنيك الف مرة على تفريجك لكرب البنات وازاحه همهم

الله يجعله بميزان حسناتك يارب

انا دخلت الموضوع هذا من اول ماكتبتيه وكتبت رد لكن يوم شفته مثبت وعدد الصفحات ماشاء الله تعدى قلت لازم ادخل واقراه ثانيه

انا بقى لي يومين وادخل التاسع والراس لسى فوق وعطتني الدكتورة موعد هالاسبوع تقول ان نزل الراس ولا عطتني

موعد بعد اسبوعين وعملية قيصرية

الله يكتي لي اللي فيه خير يارب

خيتوو وانا اقرى الردود وحده سألت عن التمر هل يسبب اجهاض او لا وانتي أيدتي كلامها وقلتي مايصلح التمر الا بالتاسع بس

انا بقولك اختي ولكل وحده محيرها موضوع التمر

انا كان وحامي شديييييييييييد شدييييييييييييييد مرة يعني من دريت اني حامل وانا واحم لحتي مادخلت الشهر السابع

خف الحمد لله بالسابع وحسيت اني عشت بعد ماكنت ميته

وباشهر وحامي ماكنت اكل اي شيء ودايم استفرغ لكن امي الله يجزاها الجنه نصحتني بالتمر

قالت عليك بالتمر وبس مغذي وبيقويك ان شاء الله لاني ماكنت اتغذى ولا شيء ونحفت مرررررررة وكل شيء انخفض عندي

الله يجعلها بالجنه ويخليها لي صدقت والله

كنت كل مااستفرغت وكنت بالشهر الثالث كنت اخذ لي 3 تمرات وكاس موية احيانا استفرغهم واحيانا لا

واستمريت على كذا ومن الرابع وانا مايجلس ببطني الا التمر اكل الصباح 3 والعصر اكل لاني ماافطر ولا اتغدى

والمغرب اكل وبالليل اذا استفرغت اكل يعني يمكن باليوم كله اكل 7 تمرات

يعني كنت عايشه عالتمر بسسسسسسسسسس والحمد لله ماجاني الا العافيه

ومن دخلت الثامن وانا كل مااقوم الصباح اكل 3 او 5 او 7 تمرات لانها باذن الله تقوي الرحم وتسهل الولاده

يعني باختصار التمر مايضر ان شاء الله خذوها مني يابنات بالعكس هذا نعمه من ربي فيه حديد وبروتينات وسكريات

يعني غذاء متكامل الحمد لله انه موجود ولا كان انا مت من سوء التغذية ومن الجوع


بسألك اختي الحلم الوردي

وش نوع الحبوب اللي استخدمتيها وهل أثرت عالرضاعه الطبيعيه او لا؟؟

قريت هنا ان اي مانع للحمل سواء حبوب او لصقات منع الحمل تقلل الحليب وماتصلح للي ترضع

هل كلامهم صحيح قل الحليب عندك ؟؟
هلا بك أختي ..

خيتوو بخصوص التمر انا اللي اعرفه انه يجيب الطلق ويساعد بالولاده بإذن الرحمن

وهالشي ذكر بالقرآن يوم ربي قال لمريم تهز جذع النخله وتاكل منه ..

بس اجسام الناس تختلف

وانتي ماشاء الله تبارك الرحمن ما أثر عليك

خيتوو .. بخصوص الحبوب ..

بالفعل في انواع تجفف الحليب على ماقالت لي وحده

وان في حبوب مخصصه للمرضعات

بالنسبه لي ما استخدمت الحبوب لين وقف الحليب

استخدمت ميكروجين30 حتى الدكتوره قبل توصفها لي سألتني كم سؤال


من ضمنها هل انا ارضع او لا ..

مشكوره لمرورك خيتوو ..​

​

​

​

​

 

[princiess]

إقتباس:
المشاركة الأصلية كتبت بواسطة ـــــ(ميريام)ـــــ
عندس كم سؤال اختي وياليت توسعي صدرك علي :
ايش افضل فوط تتحمل كمية دم بعدالولاده يعني اخذها بشنظة المستشفى
انتي ذاكره مرهم هل على طول بستخدمه لان الي والده طبيبعي على طول تطلع
وانتي ذكرتي ان الدكتوره تقول لك انتبهي لاتقفلي رجولك ليه هم مايربطو لكرجولك
وش ربطتي بطنك فيه
سؤال جدجد محرج هل فكرتي تحفين المنطقه دائم اهوجس بهل شي
وبالنسبه للتشطيف بالمويه والملح شلون اجلس فيه يعني ومتى ابد فيه اذا طاحت الخيوط


هلا بك أختي .. وحيآك الله ..
أختي أفضل فوط بالنسبه لي هي اللوتس مررررررره حلوه وتتحمل

وباليومين الأولى بتحتاجين تحطيت فوطتين على بعض بالذات أول ماتطلعين من غرفة ولاده وهذا شي طبيعي جداً جداً ..وأهم شي أول ماتطلعين من غرفة الولاده تروحين الحمام الله يكرمك وراح ينزل دم كثير وانتي تتبولين ( الله يكرمك)وهذا طبيعي جـــــــــداً ..

خيتو بخصوص المرهم مااستخدمته على طول لأن في البدايه كان مفعول المخدر لسى ماراح
بس بعدين استخدمته يوم حسيت الخياطه شدت علي شوي يمكن بعد اسبوع من الولاده
بس انصحك من البدايه استخدميه من بعد الولاده على طول تشطفي وامسحي ع الفوطه عشان ماتحسين بأي شي
أنا استخدمت مرهم ريالوكين مرررررررره ريحني الحمدلله

وبخصوص رجلي لا أبد ماربطوا رجلي ولاشي ولا أحد مسكها ولا حاجه

بس سبحان الله الوحده غصب عنها تفتح رجلها تحس بشي بيطلع
ومن حرص الوحده على راس طفلها عمرها ماراح تقفل رجلها ..
خيتو وبخصوص بطني ماربطته .. ماكان لي خلق
بس يوم سألت اللي ولدتني قالت اربطيه بشماغ من اليوم الثالث أو بعد أسبوع
وبخصوص الحلق من تحت كنت أحرص كل أسبوع أحلق من دخلت التاسع وكنت أستخدم مرايه عشان أقدر أشوف
ويوم جات الدكتور توسع سوت زيادة تنظيف أكثر تقول عشان لما نخيط لازم مايكون فيه شعر بالمررررررررررره
يعني هم اذا شافوا إن الوضع يستدعي إزاله هم راح يزيلونه


أما بخصوص المويه والملح كنت طبعاً ما أقدر أجلس طبيعي عشان الخياطه بس متسدحه أو على جنبي
وكنت أستخدم أبريق وأحط الملح والمويه الدافيه وأتشطف فيه..

أختي اتمنى أني أفدتك وأنا تحت الخدمه بأي سؤال عزيزتي

إقتباس:
المشاركة الأصلية كتبت بواسطة ريماسه المنحاسه
مرحبا اختي

قووولي امييييييين الله يسعد قلبك ويخلي لك بنتك ويوفقك

وربي كلامك له اثر كبير طمنتيني انا بكريه ودخلت العاشر من امس


نفسيتي مش ولا بد ودي اولد واخلص وخايفه اطووول بعد


الدكتوره قالت لو ماولدتي تعالي الخميس مراجعه نفسي اولد اليوووم واخلص من الهم


تنصحيني اشرب زيت الخروع والا اصبر للخميس واسألها؟؟

آمين يارب العالمين

اختي نصيييييحه خلك من الاعشااب والمشروباات ترى ماتناسب الكل

في ناس تقفل أرحامهم والسبب هالمشروبات

أختي أنصحك بـ 4 اشياء..

1/ التوكل على الله والإلحاح بالدعاء وأدعي لكل حامل ربي يفرج همها

لأن مثل ماتدعين لأختك المسلمه ترد الملائكه بما معناه وتقول ولك نفس مادعيتي لهاا

2/ امشي بس لاترهقين نفسك لاتعبتي ارتاحي
واذا ارتحتي ارجعي أمشي

3/كلي تمر وهالشي ذكر بالقرآن يوم مريم جاها المخاض

4/مويه مقري عليها ولاتنسين أقري اذكار تسهيل الولاده سوي بحث بقوقل عنهاا

ووقت الولاده اقري سورة الزلزله والانشراح

أنا يوم رحت أولد بغرفة الولاده معلقين سورة الزلزله

وشيخ قال لأبوي الله يحفظه ويرجعه لنا بالسلامه(آمين يارب العالمين) قال خلها تقرى سورة الزلزله والانشراح

وأهم شي قفلي أذنك عن كلام النااااااااااااااااس

وعن صيااااااااااح ومناااحة اللي يولدون

و وفري جهدك لدفع طفلك

وأختي أنا زيك دخلت العااشر بدوون أي اعراض

والحمدلله جت الاعراض ورى بعض ماشا الله تبارك الرحمن وولدت بالسلامه ياربي لك الحمد والشكر

ربي يفرحنا فيك أختي ..واستااانسي بأي لحظه بتصيرين أم بإذن الرحمن

إقتباس:

المشاركة الأصلية كتبت بواسطة حبي دودو
الله يريحك ويحميك ويخليلك زوجك وبنتك يارب
مثل ما سهلتيها عليه وعلى كل بكريه

عندي سؤال يمكن يكون سخيف بس منك السموحه .. النونو اذا طلع راسه ع طول يبكي وتعرفين انه بخير والا متى يبكي وكيف تعرفي انه بخير ؟
وشكرا مقدما والله اني اسألك وانا مستحيه من السؤال بس من جد ما اعرف واستحي من امي واخواتي الكبار مقدر اسألهم وانت حسبت اختي الله يجزاك الجنه

تسلمين حبيبتي ..

خيتوو بخصوص النونو أنا بنتي مابكت على طووول طلعت سااكته لفتره قصيره وبعدها فكككت بالصوووت وصيااااح

ومو شرط يطلع النونو يبكي ..

وأول مايطلع ينظفون خشمه والمجرى حق التنفس ويقطرون بعيونه

ويمكن بعد كذا يصيح

وأي سؤااااال أسأألي أختي وأنا تحت الخدمه باللي أقدر عليه

ربي يقومك بالسلامه أنتي والنونو


آمين يارب العالمين
على فكره خيتوو حبي دودو ..

أول مايولد النونو ياخذون عينه دم من المشيمه عشان يتأكدون من سلامة النونو..

وأصلاً بنفس الغرفه أول مايولد النونو وجنبك في سرير له خاااااص ..

ينظفوونه ويشيكون عليه ويلبسونه ويطلع معك على الغرفه بعد الولاده
وبعد كذا تجي وحده وترووشه

إقتباس:
المشاركة الأصلية كتبت بواسطة حبي دودو
تسلمين ياقلبي ع سعة صدرك وع الشرح بس انا اشوفهم بالمسلسلات يضربونه بخفه ع قفاه بعدها يبكي ؟..... لازم ينضرب ؟ لانه لو احد ضربه بأقوم اصفقه....
وبالنسبه للخلايا الجذعيه اللي يقولوا عليها وياخذونها من دم الحبل السري .. هل هذا الشي موجود بالمستشفيات بالرياض ؟؟؟


وسؤال ثاني ياقلبي انا من اول حملي الصداع ملازمني .. كنت اظنه فقر دم .. بس الحمد لله الدم زين ... بس هل هذا الشي طبيعي ؟

سوري طولت عليك ....
ياهلا وغلا بك حبيبتي ..

خيتوو بخصوص الضربه ع القفااا
للأمانه والله مانتبهت لأن لحظتها الرجل مرفوعه ومدري اذا أول ماطلعت بنتي سوا لها كذا أو لا

بس انتبهت انها ماسكتها بالمقلوب

خيتوو بخصوص الدم اللي يسحبونه فهو من المشيمه عشان يتأكدون من سلامة الطفل لأن كل شي يبان بدم الطفل

وأتوقع ان هالشي بكل المستشفيات بدل مايعذبون الطفل وياخذون التحليل منه أسهل لهم من المشيمه

خيتوو كل وحده حملها يختلف عن الثانيه والاعراض والوحم ..

أنا كان وحمي نووم في نووووم ولو أطول مانمت أحس اني داااايخه وراسي مصدع وراايحه فيهاااا

وكنت أحيان أنام 14 ساعه متواااااااصله وأقوم وأنا لسى نعسانه

حتى أحس جسمي مكسر ومابقى وضعيه مانمتها يمين يسار ظهر كل شي

ودام تحاليلك سليمه فمعناه إن الصداع شي طبيعي ..

وترى الحمل عليه طلعاااااااااااات غرررريبه


اللي تتوحم تاكل طين ..

واللي تكره بيتهاااا ..

واللي تكره ريحة الطبخ ..

واللي تدمن على أكل معين ..


وشــــــــي عجيب ومضحك بنفس الوقت ..

بس غصب ع الوحده

ربي يقومك بالسلامه خيتو انتي والنونو وأي سؤال عندك لايردك شي حبيبتي



إقتباس:
المشاركة الأصلية كتبت بواسطة حبي دودو
الحلم الوردي ....
الله يعطيك الف عافيه ماقصرتي حياتي ..
وربي يعينني ع الصداع ...
بالنسبه للخلايا الجذعيه انا قصدت وجود بنك لحفظ الخلايا الجذعيه مثل اللي موجود في جده ....بإختصار ايش معنى الخلايا الجذعية
هيه عباره عن خلايا غير متخصصه وتقدر تتخصص لاي نوع من الخلايا
في الجسم فبالتالي تعوض عن الخلايا المريضه أو المتهتكه وتعالج المرض بإذن الله
في جده فتح مركز
هو مركز متخصص لتخزين هذا النوع من الخلايا واللي تؤخذ من الحبل السري
فدم الحبل السري مليء بهذه الخلايا
وتخزن في المركز المؤهل جيدا للحفظ لمدة قد تصل إلى 25 سنه
طبعا إذا الطفل لا سمح الله احتاج للعينه او اي احد من اهله يقدر يستفيد منها
الخلايا بتعالج بإذن الله جميع أمراض الدم..مثل سرطان الدم والثلاسيميا وانيميا البحر المتوسط...
باحاول انزل موضوع عنها

وشكرا لك ولجهدك وردرودك ياقلبي .....
العفوو أختي .. وأول مره أسمع عن هالشي

بإنتظار موضوعك خيتوو​

​

​

​

 

[princiess]

إقتباس:
المشاركة الأصلية كتبت بواسطة *جنان2006*
و دي اكمل الموضوع بس وصلت ص37 وخلاص تعبببببببببببببت
الله يسهل حملى وولادتي وكل الحوامل يااارب

بس عندي سؤال

وهو كيف الحامل تهتم بنظافه المنطقه الحساسه من ناحيه ازاله الشعر مو تعب؟

وكماان الفوط اللى للنفاس غير عن اللى لدوره؟ وكمان انتِقلتي انه كميه الدم تكون كثيره سواء بعد الولاده على كذا كل بعد كم دقيقه تروح تغير الفوط صح
هلا بك أختي ..

خيتووو بخصوص المنطقه الحساسه .. أفضل طريقه لتنظيفها الحلاقه ..

سواء استخدام الأله أو الموس ..

بخصوص الفوط شيكي على الوضع كل ساعتين تقريباً ..

وأنا قلت كمية الدم كثيره مقارنه بكمية الدم أيام الدوره

و حيآآك الله ..

​

إقتباس:
المشاركة الأصلية كتبت بواسطة وينها عيونك
يقولون الولاده الثانيه مايسوون خياطه العسكري بس البكريه وانا ودي بتجميليه الاولى كانت تجميليه وممتازه والحين شايله هم لأني بولد بالعسكري عندك فكره عن ها الموضوع
جارة أمي ولدت قبل شهرين تقريباً ..

وماشا ءالله تبارك الرحمن أتوقع عندها 6 او 7 أبناء ..

والحمل كان الثامن ماشاءالله ..

تقوول ان الخياااطه ساعدتها ومسكت البيبي مانزل لين وصلت المستشفى

والا كان ولدت بالطريق يعني المكان ماكان وسيع وكانوا مخيطين الولاده السابقه لها

فمعناته يسووون خيااطه سواء الأول أو غيره

إقتباس:
"

المشاركة الأصلية كتبت بواسطة الشامخة لما
مشكوره اختي ريحتي قلبي بس برضو خايفه وبلنسبه للمشي انا الان بسابع يعني ابدأ المشي ولا اركد شوية....


العفوو يااقلبي

امشي على خفيف لا تشدين على نفسك بالمشي

واذا تعبتي أرتاحي

انا قالت لي الدكتوره من الشهر السابع الوحده تبدى تمشي

أنا كنت أمشي بشقتي

أقعد أمشي بالصاله على المجلس

يعني شي خفيف

ربي يقومك بالسلامه أنتي والنونو

وجميع بنات المسلمين

آمين يارب العالمين

إقتباس:
المشاركة الأصلية كتبت بواسطة ايسر2
موضووع اكثر من رائع والله يخلي لكـ الوالده والبنووته...
بس
الم الولادة اهون من الم الخياطه إلي تحسين فيه بعد مايروح مفعول البنج
ايش استعملتي عشان تخففي الم الخياطه؟؟..
بصرآحه اول مرة اسمع عن مرهم ريالوكين!!
هو إيش بالضبط ؟مطهر وإلا مخدر؟؟
طيب بعد ما تحطينه تحسين بألم الخياطه لما تتحركين؟؟
كم الكمية الي تحطينها على الفوطة ؟كثير وإلا بس مسحه؟؟
طيب إيش استعملتي لتطهير المنطقه؟؟ ملح وإلا ديتول؟

أنتظر ردكـــ..


هلا بك أختي ..

بخصوص المرهم هو مطهر ومخدر بنفس الوقت

وجداً رائع في البدايه كنت أكثر عشان أتخدر بس بعدين قللت الكميه شوي شوي

كنت أحرص كل الحرص في حركاتي وأنتبه من الحركات المفاجأه وأتحرك بكل هدووووووووووووووووووووووء

عشان ماأحس بالألم

بخصوص تطهير المنطقه مويه دافيه وملح أتشطف فيها وبس
الديتول مو حلو وماينصحون فيه أبد

لأنه يقتل جميع أنواع البكتيريا

وفيه بكتيريا ضاره ومفيدهو هي تقتل المفيد والضار

وحده من الأخوات بالمنتدى حكت عن تجربتها مع الديتول وانه سبب لها حكه شديييييييييييييده وتشطفت بعدها بمويه كثيره وأرتاحت

فالديتول أبد ما أنصحك فيه مويه دافيه وملح وبس

والبعض ينصح بالمره

إقتباس:
المشاركة الأصلية كتبت بواسطة حبي دودو
اختي الحلم الوردي يجزاك ربي كل خير

حبيت اسالك انت ربطتي بطنك بعد الولاد يعني استخدمتي المشدات ولو استخدمتيها متى بداتي وكم استخدمتيها
لان وحده خوفتني منها قالت لي تضر الارحام ؟؟؟؟؟!!!!!

ويااك يااارب ..
لا والله لاربطت ولاشي ماكان لي خلق بس كان ودي أتسدح وأنااام
خيتوو أنا سألت اللي ولدتني قالت لي أنها يوم تولد بعد 3أيام أو اسبوع تلف بطنها بالشماغ(الغتره)
وماشاء الله تبارك الرحمن ماكأنها حملت وولدت3مرات
أما كم المده والله مدري بس أتوقع بس بالنفاس لين برجع الرحم لوضعه الطبيعي
بخصوص تضر الأرحام يمكن اللي يضر هو المشد لأنه يضغط مره
لكن الغتره لفيها بحيث تصير لامتك مو شاااااااده عليك مره
عاد أسألي الدكتوره أكثر لأني والله ماربطت بس قلت لك كلام الدكتوره اللي قالته لي يوم سألتها
ربي يسهل عليك وأنا أختك
وتفرحين بشووفة ضناااااااااااااااااك

​

​

​

​

​

​

​

 

[princiess]

إقتباس:
المشاركة الأصلية كتبت بواسطة **هلا**
والله رحتيني لان باقي خمس ايام تقريبا واخلص التاسع وانا بكرية ورععععععب .!!!!!

بس الغريب ان كلن يقول تروووع الا انتي !!!
فصدق صدق يعني مو مرة تروع والا تبين تهونينها علينا !!!

مدري وش اقول تحمليني معليش بس من جد خاااااااااااااااايفة !!!!
الله يهون عليك يااقلبي

وبعدين والله الولاده ماهي فلم الرعب اللي نسمع عنه من بعض الحريم الله يهديهم

صح بيكون فيه تعب بس اللي تقدر الوحده تتحمله بإذن الله

بعدين على حسب وش الوحده حاطه من فكره في بالها وحسب تفكيرهااا

لو الوحده حطت في بالها ان هالشي عادي جدا

واتكلت على ربي والله ربي بيهونها عليها

وتكون عليها برد وسلام


خيتو خلي تفكيرك ايجابي وان هالشي عادي جدا وانتي مو اول ولا اخر وحده تحمل وتولد

وبعدين هالحريم اللي يتكلمون لو كلامهم صح ماكان كل وحده حملت مرتين وثلاث وعشر

صح او لااا؟؟

المفروووض تستااانسين هااااااااااااااااااااااانت الحمدلله

بس عاااد لاتنسين وقت الولاده ادعي باللي خاااطرك فيه

وعقباااال ماتبشرينااااا يااعسل ​

إقتباس:
المشاركة الأصلية كتبت بواسطة بسنت21
السلام عليكم

هذا اول حمل لي ادعوا لي ان يثبت لي الله حملي ان شاء الله

انا بفكر مرات بالولادة وامور الولادة ,وانا بصراحة مش خايفة بتاتاً من هم الولادة والحمدلله متوكلة على الله وواثقة اني مش اول وحدة وآخر وحدة راح تذوق الم الولادة "أكيد مش اول وحدة هههههههه" ..
بس الي معقدني هو الخيااااااااااطة ..ما بدي يخيطونيييي انا بس افكر بالخياطة بتصيبني قشعريرة ...مع اني مش خايفة من الاوجاااااااااع

فش اشي ممكن الوحدة تساويه عشان ما يقصولها لحمها ويخيطوها زي وجه الفرشة ههههههههههه؟

مرة سمعت عن زيت اللوز انه بيساعد بترطيب المنطقة وتوسيعها !!وبالتالي بتخفف من احتمال الشق والقص والخياطة ...شو رأيكم ؟؟؟؟


هلا بك أختي والله يسهل عليك

أختي ترى التوسعه شي عادي

ويرجعون يخيطون مره ثانيه
زي اذا انجرحتي وسوا لك غرز عاادي جداً

وانتي مخدره يوسعون ويخيطون ماتحسين بشي ابد

بخصوص الزيوت والخلطات ماعندي والله فكره عن الموضوع​

إقتباس:
المشاركة الأصلية كتبت بواسطة حرم عبودي 6000
والله اني دائما أدعيلك
وأرسل رابط موضوعك لأي بكريه محتاجته وأطلب منهم يدعولك
موضوعك المفروض يبقى فوووووووووق
والله تعبت نفسيتي من قصص الولادات السودة إلي نقرأها في المنتدى
الوحده ماتعرف تنتقي كلماتها وتختار أكثر الكلمات وصف للرعب والألم والمعاناه وتوصف ولادتها بعضهم من شدة الوصف أقول في نفسي هذي كيف رجعت للحياة بعد كل إلي صارلها
أحاول ما أتأثر بكلامهم بس غصبن عني لأني بكريه وما جربت
دعواتك يالغاليه أنا في منتصف التاسع والخوف من الولاده حرمني من فرحة رمضان والعيد صرت أحس الحياه بلا طعم بس قلقانه وأترقب وأنتظر الله يعينني ويسهلها
ياااقلبي أنتي تسلمين والله
والله يجعل نشر الموضوع بميزان حسناتك يوم الحساب

وأنا أختك اسمعي من أذن وطلعي من الثانيه

ولا تاخذين أحد مقياس لك أبد أبد

وخلي التفااائل دااايم صفه تميزك

وبالعكس أحلى رمضان عندي وأنا حامل

تدرين ليه؟؟

أووول مره أصوومه كااامل وما أفطر هههههههههههههههههههههههههه

بالعكس حبيبتي المفرووض خلاااص تفرحين قرررربتي تصيرين أم

ويصير عندك بيبي

والله يااوخيتي إن احساااس الأمومه شي ماااينوصف

شفتي كيف تحبين أمك وأبوك وكثييييير ناااس حووولك

هالطفل اللي بيجي بتحبينه أكثر منهم كلكهم

وأكثر حتى من نفسك

بيخلي حياااتك غير والله

ويوم عن يوووم يزيد غلااااااااااااااااه


مهما أكتب ماراح أوصل لك الإحساس

لكن هااانت إن شااء الله فتره

وبتحسين بالإحساس اللي أقوله لك

وانتظر أشوووفك بعد الولاده تحكيني عن النونو

وعن احسااااسك


والله والله والله إن الأمووومه احساااااااااااس ماتووصفه لا كلمات ولاحروف ولا اشعار

ولا أي شي بالدنياااااااااااااااااااااااا اااااااااااا

ما أقووول غير الله يسهل عليك وعلى كل بنات المسلمين

ويحفظ لنا ذريتنا ويصلحها ويجمعنا بها يوم الحساب

تصدقين خيتوو من ضمن دعواااتي وأنا أولد بنتي ومن كثر ماتعلقت فيهاااا

كنت أقووول يااااااااااااارب اصلحها واجمعني بها بجنتك مثل ماجمعتني بها بدنيتك

تدرين وش أول شي بتسوينه اذا ولدتي

بتبكيييييييييييييييييين من الفرررررررررررررررحه

خصووووووصا اذا شفتيه بعيوووووونك

وتوه طلع وماسكينه وهو يصايح وشكله كفته صغنووون

وإلا اذا طلعتي من غرفة الولاده وشايلته بيدك
والله لحظه تحسين انك مو مستوعبه ولامصدقه
تحسين انك طاايره بالهواااا ودك تعبرين عن فرحتك بس ماتقدرين

ماتدرين كيف تعبرين

وإلااااا أوول ماتشيلينه بين يدك وتبوسينه

يااااااااااااه على هاللحظه

مابتطلعين من المستشفى إلا خدووووووده حمراااااااااااا من كثر ماتسلمين عليه هههههههههههههههههههههههه

والله انه احسااس كشخه وباااقي تجربين وتشوفين

 

[princiess]

إقتباس:
المشاركة الأصلية كتبت بواسطة جميلـ@
موضوعك في المفضله والله مرررررره خايفه من التوسيع والخياطه

تخيلي من الرعب قريته كللللللللللللله<<من كم يوم وانا عليه

بس الله يجزاك الفردوووووووووس

ان شاء الله ربي يهون ولادتي

توني زايره وحده والده تقولي كيف ولدت معانااااة ولدت بطلق صناعي واستخدموا لها الجفت<<يعني شفطوا البيبي

قلبي طااااااااااااح

بس دائما افكر انا غير وكل وحده غير وان شاء الله بتهون

المشكله اني بس اتذكر الولاده احس بالم من تحت<<هذا وانا بس افكراجل لو جت

مشكووووووووووووره


هلا بك ياااقلبي

بخصوص الطلق حبيبتي من تدخلين الشهر التاسع كل يوم7تمرات
اذا ماعنك سكر
لأنها مفيد ويساعد بالولاده وهالكلام من رب العباد يوم مريم جاها المخاض وقال لها ربي
وهزي إليك بجذع النخله..
بخصوص استخدام الجفت يمكن اللي زرتيها ماكانت تعرف طريقة الدفع الصحيحه
وماساعدت البيبي عشان يطلع
لكن اللي تدفع بالطريقه الصح
بإذن الرحمن ماراح تحتاج للجفت ولاشي

بس أهم شي طريقة الدفع الصحيحه والتنفس الصح اللي ذكرتها بموضوعي
ومن أهم أسباب تعسّر الولاده

هو عدم معرفة الحامل بطريقة الولاده الصحيحه وماتدري أصلا وش تسوي لاجاها الطلق وكيف تدفع
لكن الحمدلله انتي قريتي الموضوع كااامل وأنا ذاكره بالتفصيل الممل وش المفروض نسوي
الوحده من تجيها الأعراض لين غرفة الكشف وغرفة الولاده و وش يسون ومتى تبدى تدفع ومتى ترتاح
يعني كل شي مذكووووووووووووور
ربي يقومك بالسلامه انتي وجميع بنات المسلمين وأطفالهم
آمين يارب العالمين
وطمنيني عنك ياقمر اذا قمتي بالسلامه

و هذي اسئلة بعض البنات اللي راسلوها على الخاص ...
إقتباس:
السلام عليكم الحلم الوردي....
الله يسعدك يارب دنيا واخره على موضوعك من جد يريح خصوصا اني بكريه..
بس حبيت اسأل ..المويات اللي قبل الولاده كيف لونها؟؟
لانه انا باخر اسبوع بالثامن ونزلت علي افرازات لونها اصفر ولها رائحه.. فهل لها علاقه بالولادة؟؟؟
هلااا اختي
المويه قبل الولاده مثل المويه العاديه اللي نشربهااا سااائله
لما تنزل تكون سريعه لأنها سااائله
ومالها ريحه
الافرازات هل اذا مسحتي بمنديل تحسين لسى ينزل
اذا كان ايوه هذي اتوقع السداده
بس بدري عليك اختي
وعشان يرتاح بالك زوري الطبيب
وربي يقومك بالسلامه انتي والنونو ​

إقتباس:
وش أقولهم إذا دخلت أقول عندي ولاده ؟>>>> لاتضحكين علي بكريه وماأعرف شي
بيسألونك وش حسيتي فيه

عاااد قولي الاعراض اللي جتك
نزل مويه/ مغص ..ألخ

وهم بيعطونك لبس تلبسينه
عاد تشيلين ملابسك الدخليه عشان يشوفون الرحم كم فاتح
اللبس عباره عن قميص كاروهات فيه طقطق من ورى
وبيحطون جهاز على بطنك يقيس نبض الجنين وبس
ومتى مافتح الرحم 5 سم تطلعين على كرسي متحرك لغرفة الولاده​

​

​