يا اهل الخبره ارشدوني مالحل مع زوجي

[سلام محمد]

صباحكم ورد وفل وياسمين ...
ابدخل بالموضوع ع طول ارجو من الله ثم منكم مساعدتي واسداء النصيحه او ايجاد الحل لاني وصلت لحاله يائس وقنوط ..انا جنوبيه غربيه وزجي شمالي شرقي انا ذالحين صارلي بالنفاس كم اسبوع ..مشكلتي زوجي تصدقون انه سافر قبل ما اولد ولت وهو مسافر والي زاد قهري لما رجع كان سلامه علي عادي وبارد جدا حتى انه اكتفى بالمصفاحه فقط كنت انتظر من ه لهفه وشوق معانقه عالاقل قبله لكنه صفحني وبس ..بعد خروجي من المستشفى ولما رحت بيت اهلي يزورني لكن زياره عاديه مثل مايزور احد من خواته يسلم ع البيبي وبعدين يطلع واذا جاء قال نادي هنادي وهي بنت اختي الكبيره عمره ثلاث سنين يجلس يلعب معها احسه يبغها معنا عشان يضيع الوقت او مادري وش قصده يجلس شوي ويروح عكس نفاسي الاول كان كله لهفه وشوق مكلمات مسجات كل ماكلمني يقول متى تخلصين ما اقدر اصبر اذا جاء زارني يعنقني يقبلني احسه ميت من الشوق اما ذالحين لاحياة لمن تنادي احس اني شي ءجامد بالنسبه له تخيلو مافيه شي ابد ابد لابكلام او الافعال بصرحه الوضع مقلقني احيان احس ان فيه احد بحياته غيري عاد مدري زوجه ثانيه او بنت حرام والله التفكير والقلق ذبحني والا ادري وش اسوي فبالله عليكم وش اسوي وكيف اطمن
بنت الرياض سلام محمد

 

[اتعبني هواك]

طيب ياقلبي ليش انتي مابادرتي بهالشي حسستيه بغنك مشتاقه له ليه قابلتيه
بهالشكل..ولولقيتي منه نفور تسألينه فيه شي وين شوقك وين لهفتك لي موتقابلينه ياقلبي بهالبرود هاذا انتي تاكلين نفسك بنفسك..بعدين لاقال نادي بنت اختك قولي امها تبيها ولاصرفي اي تصريفه مولازم تنادينها وانتي جهزي القهوه والشاهي وسولفي
وتقربي منه احضنيه بوسيه عطيه لاتنتظرينه ..ومثل ماقلتلك إذا شفتي منه نفور لاتسكتين تكلمي معاه بهدوووء قولي فاقدتك محتاجتلك ابيك تضمني تبوسني حسسني بشوقك لي ولاتوسوسين زياده ان فيه شي تلاقينه متضايق من شي يفكر بسالفه مشغلته لاتحطين احتمالات مالها داعي لاجاك زياره مره ثانيه قولي اللي بخاطرك وريحي نفسك

 

[ديمه الطيار]

صارحية الشمالي يحب المصارحه

 

[المــهــا]

ربي يفرجها علي وعلي وعلى المسلمين ياحي ياقيوم

ربي يسخر لي ولك ازواجنا ويهديهم لنا ياحي ياقيوم عاجلا غير آجل

 

[انثى تنتصر]

يارب يفرج همك الله يعينك اختي ممكن يكون عنده ظروف والرجال اذا جته ضغوط نفسية ولا ماديه تقلب كيانه قلب الله يعينك وتأكدي يااختي ان الدعاء بصرف قلب زوجك عن الحرام هو طريقك الاول


وان شاء الله ما يكون فيه اصلا حرام بحياته


الله يرجع لك اهتمامه وحبه وشوقه

اهم شي احسني الظن في زوجك

 

[أحلى خوخه]

ياحبيبتي الشمالي يبي الوحده اللي تدلعه وتبيه حتى لوهي بالنفاس لم يزورج بدل ماتقوليله عن البيبي وحنته وانج تعبانه ومونايمه قومي لبسي عدل حتى لوبيجاما بس تكون مرتبه ونظيفه وتعطري وحطي كحل وجلوس وقوليله شرايك تكون قعدتنا اليوم غير بدلعك وعطيه اللي يبيه وانتي فاهمه شقصد
وراح تشوفين شلون يتشوقلج كل مره يزورج فيها آنا صار معاي نفس حالتج بنفاسي الثاني ويبته بهالطريقه والله يوفقج

 

[سلام محمد]

بنات حيرتوني وشلون ابداء بالمبادره واتقرب منه وهو شمالي شرقي يعني يحب الي تسحب عليه وشلون اسوي موازنه اتقرب منه او لا تكفون ارشدوني