يا أهل الخبرة افيدوني

[شموخ بلقيس]

مساء الخير عليكم جميعاً
وعلى هذا الموقع الرائع ،،،
والله اني لقيت فيه ضالتي من أغلبية المشاكل الأسرية ،،،
:icon26: :icon26: :icon26:
الحين أخواتي طالبة مشورتكم ،،،
عندي مشكلة ،،،
هي ما معقدة بس يبغا لها شوي تفكير ،،،
انا متزوجة وعندي طفلين ،،،
الحمدالله مرتاحة مع زوجي ،،،
زوجي حنون وطيب وما أقول فيه شي :icon30:
المشكلة اني امرأه عاملة ومن بداية زواجي وأنا وزوجي نحط راتبنا على راتب بعض
والحمدالله وفرنا واشترينا سيارة جديدة وكتبها باسمه
وفرنا وبنينا بيت وكتبه باسمه
وأنا بصراحة ما كان عندي مشكلة في الموضوع لأن كل تفكيري هذي سيارتنا وهذا بيتنا وكله لنا ولأولادنا
بس والله بعد ما قرأت القصص اللي في المركز فكرت صح !!!
لأن فعلا الزمن ماله أمان وممكن الحنون الطيب الحين يجي أحد يلعب بعقله ويا خذه مني ،،،
وحتى لو افترضنا حسن النية انا حسيت اني لازم احسسه بالمسؤلية عني وعن أولادي
لأن اساسا انا ما اطلب منه شي
انا اصرف من الراتب رأساً وإذا خلص الراتب وقتها اخذ منه ،،

الحين اللي ابغاه طريقة أو سبب مقنع اقوله له وعلى اساسه ابدا اوفر مبلغ من الراتب ويكون خاص بي انا
" انا ما رح اصير انانية واقول الراتب كله لأن بصراحة راتبه لحاله ما يوفي التزاماتنا "
لكن ايش ممكن العذر اللي اقوله بدون ما يقول عني انانية او احد لعب براسها ،،،
لأني بصراحة احبه وما أبغى مشاكل
الرجاء من اهل الخبرة افادتي في اسرع وقت
في انتظار نصايحكم وتوجيهاتكم
الله لا يحرمني منكم ،،،
دمتم بود​

 

[دمعة وفاء]

اممممم كلمي الدكتوره هي خبيره في هاي المجال وااااااااااايد

 

[عزيزة نفس]

اذا كنتي ببوظبي روحي للمركز أحسن
ورايي انكي تقولين له انكي بتدخلين سوق الاسهم أو بتسوين جمعية انتي واخواتكي مثلا أو بتسوين مشروع استثماري وبكذا ما بيحس بأي شئ بس بشرط ان يكون براتبكي بس يعني هو ماهو معكي
هذا رايي وانتى أبخص ​

 

[رغد العــــــيش]

قولي له بكل صراحة ابغى شئ لنا من بعدك لاقدر الله انت لويصير لك شي مايوفي معنا البيت انا ابغى شي استثماي نستفيد منه لجلسنا عن الوظيفه وكبر بنا العمر وابحثي عن منزل او ارض تشرينها بالأقساط لان المبلغ إذا تجمع بعدين ممكن تفرطين به او هو يطمع فيه لكن الاقساط بتروح اول بأول وبما انها من راتبك لازم تكون باسمك وبعدين حسسيه اني اثق فيك وهذا وان كان باسمي ماراح نختلف ومن ثقتي فيك اني ساهمت معك بالبيت والسيارة وهن باسمك

 

[فلفلة]

فكرة اختي عزيزة نفس مجربة وممتازة

وسويها فعلا
اشتركي في جمعية
فلوسك راح تخلص بسرعة ثم بتاخذين منه

 

[سلة فواكه]

مثل ما قالت فلفله
قولي له بشترك بجمعيه
الله يوفقج

 

[روعة روح]

احسن شي خليك شوي شوي

وفري من راتبك شوي وتعلثي باي شي
والمره الثانيه زيدي المبلغ الا ما تمسكين لك ثلاثه ارباع الراتب

بس اهم شي لا يحس

 

[Pink Dove]

ايوة اشتركي بجمعيه واشتري ذهب أو أي شئ تحبينه أو ادخلي بمشروع وبكدا لن يشك في الامر والله يعينك ويبعد الشيطان عنكما

 

[شموخ بلقيس]

اخواتي الله لا يحرمني منكم ولا من تفاعلكم
والله اسعدتوني بردودكم
اختي دمعة وفاء .......
حاولت اكلم الدكتورة وارسلت رسالة خاصة لمملكة بلقيس عشان تشوف لي طريقة اخذ استشاره هاتفية من الدكتورة ناعمة لأني من السعودية ماني في الامارات بس للأسف ما جاني رد
اختي عزيزة نفس ........
زي ما قلت لدمعة وفاء انا ما اقدر اروح المركز لأن ما ني في ابو ظبي واقتراحاتك وايد ممتازة بس المشكلة زوجي على انه حنون وطيب بس حويط وما تطوف عليه هالسوالف
اعرفه بيقول لي الاسهم تخوف وانتي مالك خبرة فيها والجمعية ممكن يوافق عليها بس اخاف لما يجي دوري يقول هاتي الفلوس والله انتي ما قصرتي بس حتى انا عاجزة عن حل المشكلة
اختي رغد العيش ........
اختي فلفله,,,,,,,
اختي سلة فواكة ،،،،،،،
اختي ورعة سحر ..........
اختي زرقاء اليمامة ،،،،،،،،،
اسعدت جدا بتفاعلكم وتعليقاتكم الله يجعلها في ميزان حسناتكم ...
واتمنى من باقي الاخوات يحاولو يعطوني افكار بعد اكيد بلاقي فيها الحل
لكم خالص مودتي
اختكم شموخ بلقيس​