ياناس مين تقدر تساعدني اني ابدا مشروع

[أم tota]

الله يخليكم يابنات ساعدوني بفكره لو بسيطه لاي مشروع.. لاني والله زهقت من:tears: روتين حياتي الممل .. نفسي اثبت نفسي في شي طبعا غير تربية الاطفال.. انا الحمد لله عندي ثلاثة اطفال ومكمله جامعه قسم علم اجتماع وطبعا زوجي شارط عليا انو ما في وظيفه عشان مانشغل عن البيت وسمحلي اني ابدء اي مشروع بس احس كانو حل تعجيزي:sad_1: لانو اي مشروع يبغالو راس مال كويس يسند المشروع في بدايتو وانا ياحاسره من فينلي كل اللي عندي 3 الاف ريال بس .. فالله يخليكم اللي تقدر تساعدني الله يسعدها دنيا اخره.. لاني والله طفشت:busted_red: والله يعلم كيف نفسيتي لانو مو دا طموحي اني بس قاعده في البيت من غير شغله احس اني ممكن انتج بس دلوني على بداية الطريق الله يخليكم..

 

[أم tota]

شكرا.. 12 وحده مرت وولا رد ماكان العشم .. انا قلت اول ناس بيساعدوني انتو
وعلى العموم برضو مشكورين

 

[تاج الياسمين]

ماعندى خبرة غير في الشراء والاستهلاك
الله يوفقك في مشروع تحبينه

 

[بنت إب]

لا تاخذين في خاطرك
أنا ماأعرف عن المشاريع شي
بس إستشيري أحد تحبينه

والله لو كنت أقدر كان تشارك أنا
وإنتي في مشرووووووووع

 

[فرحةالكادي]

هلابك أختي


انا نفس حالتك بتمام


ونفسي اسوي لنفسي شيء انشغل فيه لان عندي طموووح اني في يوم من الايام بيكون لي


مشروع ابدع فيه


لاني مليت من الاطفال والبيت


وانا عندي موهبة تصميم الفساتين بس ماعندي راس مال


ياليت اللي تقدر تساعدنا تقول


او تقولنا شلون نقطة البدايه


لاني حابه استفيد من موهبتي


بس راس مالي مايأهل


بأنتظاركم

 

[أم tota]

مشكورين على الردود الطيبه

 

[أم tota]

انا عندي خلفيه في تغليف الهدايا.. الله يساعدكم ساعدوني بس ابغاكم تدلوني كيف ابدء..

 

[بيـوتي لـولـو]

الغلا
أم tota
الله يوفقك ويسعد أيامك
بما أنه هوايتك تغليف الهدايا فهذا شي طيب ولله الحمد إبتدي على صغير
روحي لمحلات الجمله وإشتري الأشياء المهمه للأفكار الي تدور براسك
أكيد عندك أفكار تغليف جديده حاولي تبتكري كل شي جديد وغريب وملفت للنظر
وإبدئي بالتنفيذ و التوزيع على الأقارب بسعر رمزي ونشري بضاعتك بمواقع النت صوريها وعرضيها
بتوقيعك ( تغليف مواليد تغليف هدايا ) ومن وحده لوحده راح تنشهري بإذن الله
دائما حاولي إنك تبتدعي لأنه الإبداع والطموح والأمل طريقك للنجاح
ابتعدي عن اليأس هاذي نصيحه من أخت لأخت
وفقك الله وحفظك من كل شر​

أخصائية تجميل مركز بيوتي لولو ​

 

[أم tota]

الله يعطيكي العافيه يابيوتي لولو على الرد الطيب.. بس خايفه اني افشل ..
يعني محد بيشتري مني ولا حتى بيطالعون في بضاعتي وخاصة اذا كانو معارف.. هذا اللي انا خايفه منه..
طيب ماعندك فكره مبتكره في الاعلان تساعدني في اني اطلع على طول وانجح من غير خوف.. وسامحووني تعبتكم معايا.. بس والله محتاجه احد يدعمني على الاقل معنويا ..وصدقوني مالقيت غيركم بعد الله.. ويعطيكم الف عافيه يارب.

 

[بيـوتي لـولـو]

الله يعطيكي العافيه يابيوتي لولو على الرد الطيب.. بس خايفه اني افشل ..

يعني محد بيشتري مني ولا حتى بيطالعون في بضاعتي وخاصة اذا كانو معارف.. هذا اللي انا خايفه منه..

طيب ماعندك فكره مبتكره في الاعلان تساعدني في اني اطلع على طول وانجح من غير خوف.. وسامحووني تعبتكم معايا.. بس والله محتاجه احد يدعمني على الاقل معنويا ..وصدقوني مالقيت غيركم بعد الله.. ويعطيكم الف عافيه يارب.​

الله يعافيك ياقلبي

أفا من أولها يأس مايصير أسمعي نصيحتي أنا ياما حضرت ورش عمل وسمعت قصص كانو مبتدئات مثلك وماشاء الله تبارك الله
الأن صارو بالقمه بسبب إصرارهم وتحديهم
دائما أنظري للأمام وماتنظري للخلف وخلي عندك ثقه بنفسك قبل كل شي
كلمة مستحيل شيليها من قاموس حياتك وخلي لا للمستحيل هي هدفك للنجاح
وأي دعم معنوي من عيوني هو صحيح كل شي بأوله صعب لكن ثقي أنه بعدين راح تتحسن الأمور بفضل الإصرار والتحدي
ثقي ثقه تامه لو أنه بضاعتك ماعجبت اقاربك راح تعجب أصدقائك وهكذا اهم شي لا تحبطي عزيمتك وإنتي لسه بأول الطريق
وفقك الله وحفظ من كل شر​

أخصائية تجميل مركز بيوتي لولو ​

 

[أم tota]

الله يسعدك يابيوتي دنيا واخره على كلامك الطيب.. وما يحرمنا

 

[احاسيس الغرام]

اختى سهله صيرى تاجره عن طريق النت ماشاء الله التاجرات ان شاء الله يساعدوكى

 

[أم tota]

طيب الله يسعدك يااحاسيس الغرام دليني كيف؟؟؟؟؟؟؟؟؟؟؟؟؟؟؟ لاني لو اعرف كان سويتها من اول..
فالله يخليكي ويسعدك دنيا واخره كملي جميلك وقوليلي كيف الطريقه..