مجنونك مايخونك
New member
- إنضم
- 3 أبريل 2010
- المشاركات
- 16
بنات انا بقولكم باختصار زوجي يحب عيييال اخوه بالمررره ودايم يابنات يصرف عليهم وينزلهم معانا السوق ويمشيهم وكل شوي وهم فوق راسي والمشكله راتبه على قدنا وربي يابنات انه يالله يالله يكفينا وانا توي متزوجه وابخل على نفسي علشانه وهم عيال اخوه ابووهم مشالله غني جدا بس ماياخذون منه ولا ريال بس من عمهم وفوق كذا قليلين ادب معاه وبالمره مطيحين الميانه وهو ترى مو صغير عمره37بس لو ما جاب لهم شي قامو يقولون عمي ماله كلمه وعمي كذاب يوعد ويخله وركزو على كذاب وهو طول الشهر يلف لف فيهم في السوق والمطاعم وكل ما جيت ابي اجلس معه الا وجني منهم يدق عميي جيب لي عشا مو مشتهي عشا امي وينقز يجيب لهم وانا كني جدار في البيت وغير كذا مره كنت بنزل السوق وتجي بنت اخوه الغثه تقول بروح معكم المهم جات معنا كنا على نهاية الشهر وانا ادرس بالكليه وزوجي ما ابيه يعطيني عشان تكفينا لاخر الشهر المهم قلت له خلني اشيك على حسابي يمكن المكافئه نزلت وفعلا كانت قد تزلت اخذت خمس ميه وبنت اخوه اخذت من ابوها خمس ميه وجابت نتيجتها وكانت زي وجهها ورغم كذا عطاها ميتين زياده وامها كمان عطتها ميتين يعني900 المهم نزلت السوق وكل ما جيت ابي اشتري شي نشبت فيه المهم واحنا اصلا طالعين من البيت قلت لاخوها اللي اصغر منها تعال معنا وهو مايحب حركات البنات النص كم والقصير والعبايه اللي على الكتف تعرفون الاولاد وانا متعمده خذته معي عشان يشوف حركاتها واحنا نتقضى قالي زوجي ليش ماتشترين شي كنت وقتها حاما بالخامس وتهبانه قلت له انا ما ابي اشتري شي عشا ن يكفينا المصروف وشوي الا اختفى زوجي وادورله واطالع واطالع الا وهي معاه في الاصنصير طالعين على الدور الثاني وخلاني مع اخوها طبعا ماقلت شي بس اخوها فهم وشوي الا وهي نازله بعربيه اكبر من راسي قشت المحل قش قال لها زوجي عطي اخوكي الفلوس خليه يحسب ويودي المقاضي السياره لاني كنت بروح لمحل في الركن يبيع عطورات وكنت ابي زوجي يجي معي تخيلو يابنات عطت اخوها بس 200ريال بس شوي الاراجع اخوها يقول عمي الفلوس ماكفت الاغراض700وشوي المهم وهي سسسسسسسسسسساكته وتطالع فيني وفي عمها قال زوجي اعطيني الخمس ميه اللي معك طبعا عطيته وراح حاسب والله يبنات ما اعترضت ولا حتى قالت شكرا لانها تعرف عمها مابيبخل عليها بشي ورجعنا لبيت عمتي وكنا جايبين عشا معنا وقعد انا مع الحريم اللي هي امها وهي والاولاد في مكان ثاني وبعد العشا قامت تلبس وتتبختر وشوي الا فجرت قنبله في وجهي قالت يمه عطيني فلوس الفلوس اللي عطيتوني اياها ما كفت امها انجنت قالت معطينك900وين راحت قال عمي وفلانه طبعا تناديني باسمي لاني اكبر منها بسنتين اشترو معي وانا حاسبت وخلصو فلوسي تخيلو يابنات قمة الوقاحه وقلت الحيا طبعا عمها لما كا يتقضى معها شاف تيشيرت حلو وانا لما كنت في محل العطور كان العطر ب70 قال عمها هتي 20 عشان يحطها على الخمسين اللي معه المهم انا هنا انفجرت وقلت ياكذابه ياقليلة الحيا مقاضيك كلها على حسابي انا اللي دتفعه عنك وانتي اخذتي وسويتي وفعلتي طبعا امها انجنت وانا نزلت عن زوجي ابكي من القهر ولما رحنا البيتقعد يحاول يعرف وش السالفه جيت وقلت له كل شي وكل السب اللي دايم تسبه انه كان صايع ومدري ايش طبعا ابوها كاتب سيارة زوجي باسمه والمشكله زوجي هو اللي دافع حقها بس قالك من باب الاخوه وفوق كذا بايع املاك ابوه الله يرحمه ومعمر فيها وعطانا شقه نسكن فيها يعني كل شي باسم اخوه وكمان عيال اخوه مايوفرون معه شي وفوق كذا كل ماشافتني بنت اخوه قعدت تقول بيتنا سيارتنا طفشت اهل اهلي وانا ساكته ويوم جا ذاك اليوم وانفجرت وعلمته بكل شي انقهر وزعل علشاني وزعل منها وراح لمه وقال لها وهي زعلت وسبت بنت ولدها وقالت فشلتينا مع بنت الناس واليوم الثاني يدق عليه اخوه يقول بنت الناس تفرق بيننا ومدري ايش وبعدها تغير زوجي وزعل علي بالله وش رايك يا بناتوش اسوي معه ومو راضي يعترف انهم يستغلونه الله يفرج هم كل وحده ترد علي
