ياليت تفيدوني...

[totee]

:sadwalk:السلام عليكم ورحمة الله وبركاتة ..........
اسعد الله صباحكم بكل خير ياليت تفيدوني حسب معلوماتكم
انا حامل وهذا حملي الثالث والحمد لله ..لكن في الحملين الاولين ولدت ولادة مبكرة الاول في السادس وتوفى اللة يرحمة والثاني جتني الولادة في نفس الموعد الاول نزلت الموية بدون طلق واعطوني طلع صناعي ..الثاني جاني طلق الحين انا حمل في بداية الثالث وهذا الحمل تعبني كثير اخاف تتكرر لي المأساة فكرت اسوي ربط بس حسب ماقريت انة ممكن مااستفيد شي خاصة اني مااعرف الاسباب ياليت لو احد عندة معلومة يقولها لان الايام هذي حتى بعض الاطباء مالهم امان ولازم تكون الوحدة عندها معلومات توعيها من مكرهم واستغلالهم...مشكورين

 

[3AROOOOSA]

والله ياختي هذا اول حمل لي ومااعرف كيف افيدج لاني ماعندي معلوومات عن هالموضووع بس ان شااء الله البنات يفيدونج

 

[دمعه بلمعه]

واللةماعندي فكره لاني ماحملت الي الان بس اكثري الاستغفار اللةيسهل عليك وتقومي بسلامة

 

[totee]

شكرا لتفاعلكم وجزاكم الله كل خير....

 

[غلا روووحي]

ياااااااقلبي الله يثبته لج ويقر عينج فييه اميين ياارب
استغفرري كثييير وادعي ولاتيأيسين ولاتجهدين نفسج
واهتمي بكل شي تاكلينه يمكن في اشيا تسبب لج الطلق او عين رقي نفسج داايما او الجماع ابعدي عنه والجهد والله يثبت لج حملج
وسوي الربط اضمن لج انا اسمع عن ولادات السادس يقولون لان الرحم مايتحمل هالثقل وهالشي من رب العالمين وكل انثى غير عن الثانيه
وعشان هالشي افضل شي لج الربط لو مافادج لاسمح الله مايضر عالأقل تكونين سويتي شي واسألي الدكاترة حتى لو استلزم ينومونج في المستشفى وكلي الكالسيوم والكبده والفيتامينات في حريم عيالهم يعيشون بالسادس وتكون الولاده اخر السادس وكله بأمر رب العالمين
وبالتووفيق حبيبتي

 

[البارونا]

اعتقد ان الربط هو اامن شئ لك ولا تخافي باذن الله يكمل الحمل وتشوفي البيبي

 

[totee]

هلا غلا روحي وبارونا جزاكم الله خير الله يفرج همكم انا اللي يحز في نفسي اني اخاف على البيبي كثير واحس قلبي يتقطع لما اشوف ولدي يتعذب أو يموووت قدام عيني وانا ماقدر اخفف عنة الحمد لله على كل حال اللة يسر ويقر عيني بصحة البيبي الجديد
انة على ذلك قدير سبحانة

 

[البارونا]

هلا غلا روحي وبارونا جزاكم الله خير الله يفرج همكم انا اللي يحز في نفسي اني اخاف على البيبي كثير واحس قلبي يتقطع لما اشوف ولدي يتعذب أو يموووت قدام عيني وانا ماقدر اخفف عنة الحمد لله على كل حال اللة يسر ويقر عيني بصحة البيبي الجديد
انة على ذلك قدير سبحانة

اه عيوني والله حاسة بيكي اكيد وكل مااقرا عن حالة مثلك الاقي نفسي ابكي بدون شعور
والله القلب يدعيلك ربي يرزقك بالذريه الصالحه ويفرحك بحضنهم ويهديهم يارب لنا ولكي بس انتي شوفي شو الاسباب واعملي بها علشان يتم حملك :icon26:

 

[الجوهره1]

قلبي معاكم:icon26:

 

[الجوهره1]

؟؟؟؟؟؟؟؟؟

 

[totee]

جزاكم الله خير ....المشكلة انة مافي احد قادر يحدد السبب ؟؟؟؟؟