ياليت ترودين يادكتوره واللي عندها الخبره

[ILOVE MY FAMLY]

السلام عليكم دكتوره...............

انا عندي طفل عمره11 شهر وانا لي شهر اغسله اسنانه بالفرشه والمعجون طبعا المعجون خاص للاطفال.........

مادري اللي اسويه صح والا لا وابغى الطريقه الصحيحه اللي اغسله فيها اسنانه يعني كم مره في اليوم؟؟؟؟؟؟؟؟؟؟

 

[د.هنادي]

وعليكم السلام حبيبتي..

عزيزتي سن تفريش الأسنان يبدأ مع بداية ظهور الأسنان (يعني ست أشهر تقريبا)

ممتاز انج اشتريتي له معجون الأطفال .. الحين مفروض تحطي له كمية بسيطةجدا عالفرشاة (بحجم حبة الحمص تقريبا أو شوي أقل, وامسحيها بالفرشاة عشان تتغلغل بين شعيرات الفرشاة وتتم النكهه أطول فترة ممكنة)

حاولي تحويل عملية التفريش للعبة ممتعة.. بالتصفيق والغناء ..وشاركيه التفريش (يعني مرة انت ومرة هو) بشرط أن تبدئي أنت دائما.. إذا عاند شوي سوي نفسج تصحين أو جيبي لعبته المفضلة وخليه يفرش لها في الوقت اللي انت تفرشين له

الأفضل تفرشي له 3 مرات في اليوم.. ممكن أقل وبعدين تزيدين بالتدريج..أهم وقت قبل النوم

على فكرة أنصحج ببدأ زيارة طبيب الأسنان وذلك ليتعود طفلك على المكان.. خذيه في موعد لج أو لأبوه وأظهري له كيف انت سعيدة(يعني لا تآخذيه لموعد خلع مثلا) ثم اطلبي من الدكتور يشييك عليه مجرد تشييك.. طبعا بعد هذا التشييك لازم تصفقي له وتمدحين بطولته وياريت تعطيه (انت أو الدكتور) هدية ..مثل ورقة تلوين أو حتى ينفخ له الدكتور قفاز من القفازات إللي عنده.. هالحركات وايد تحبب الطفل في المكان وتساعده على تقبل العلاج فيما بعد

أشكرج على المحافظة على نظافة أسنان ولدج لأن الكثيرين يهملون هالموضوع رغم أهميته
وأي استفسار ثاني ..أرجوج لاتترددين

 

[ILOVE MY FAMLY]

الف شكر دكتوره هنادي والله يعطيك الف عافيه........

بصراحه انا بديت فيه من شهر بس كثير قالولي انه المعجون بأثر على الاسنان ويسبب التسوس عشان كدا حبيت اسألك واطمن,,,,,,,
والحمد لله ماعندي مشكله مع والدي يعني احسه تعود على الفرشه ودحين صار يمسكها ويدخلها في فمه ويطالع المرايه ويضحك
مشكوره دكتوره وماقصرتي
واكيد ماراح اتردد في سوالك اذا احتجت

 

[د.هنادي]

حياح الله الغالية في أي وقت
ولاتنسين زيارة الطبيب.. بس عشان مايتعبج لو حصل تسوس بعدين
وبوسي لي الحبوب الصغير (الله يبارك لج فيه يارب)