ياليت الكل يرد قبل اتورط

[دارين نيراد]

احم احم
مرحبا بنات
ان شاء الله اني مو متطفله بس ابغى النصيحه
انا نزلت موضوع في ركن العنايه بالشعر وهو كالتالي

من زمـــــــــــــــــــــــان يا بنات اختي قالت لي عن شامبو ميتال :idea:
وتعبت انا ادوره و يأست:sadwalk:
وفجأه لقيته :blush-anim-cl:
شوفوا الوناسه اللي انا فيها:msn-wink:
انا شعري خفيف و ما يطول الا بشق الانفس ولا الحن صار يطيح :icon1366:
قرات عنه انه يطول الشعر في مده قصيره وانه يجفف الشعر بس مو مشكله بستخدم بديل الزيت ولا حمام زيت معه
وقرات ايضا انه في ناس من اول استخدام يوقف التساقط وفي ناس في البدايه يطيح الشعر لانه يكون تالف فقلت برضو مو مشكله انا شعري اصلا يتساقط:no:
اللي طمني انه الاصلي وعليه تاريخ الانتهاء:icon30:
ومصنوع من اعشاب طبيعيه:cupidarrow:
من الحماس ما خليت احد ما قلت له اني لقيته
بنات قرايبنا انهبلو عليه لما دروا اني اقدر اوفره لهم من الموزع كل وحده طلبت علبتين واكثر :blushing:

المهم اللي جربته تقول لي بامانه هي جربته الفتره الطبيعيه عشان تبان النتيجة
يعني ما ابغى وحده جربته مره او مرتين تقول لي مو حلو ابغى الكلام من شهر وفوق
بليز بنات ما ابغى اتورط مع قرايبي مع ان الموزع يقول على ضمانتي وكل الشغالات يمدحونه بحكم انهم يعرفونه:dunno:

شورايكم
انا خجوله شوي من سالفة البيع والشراء
لما كلم زوجي الموزع قال باوفر لها الكميه و هي عليها تصريف البضاعه
لكن انا حابه افيد قرايبي وخواتي والله من جد حتى صديقتي قلت لها عليه لان شعرها مثل شعري
المهم اخاف استحي اطالبهم بفلوسه بعدين
او ما يكونوا جادين وانا المسكينه متحمسه
وفي شي ثاني سالفة الربح,, استحي اخذ عليهم ربح مع العلم اني ما قلت لهم اني اعرف سعر المنتج الاصلي
لو عطيتهم اياه بنفس سعر الجمله بكون تعبت من غير اي فايده شو رايكم؟؟

 

[دلوعة مملكتنا]

مراحب قلبي


اول اتمنى لك تجارة رابحة باذن الله


ثانيا كل وحدة تحس انها بتفشل او بتخسر ولكن بعد خوض التجربة تحس بالثقة اكثر بواااايد


بخصوص موضوعج عن الزيت

انتي اخذي اقل كمية ممكنة يعطيج اياها بسعر الجملة ..

نقول مثلا التاجر بيعطيج السعر الحلو اذا اخذتي 12 علبة .. اخذيهم

والحلو بالسالفة انج ماقلتي لهم سعره الحقيقي ..

فحددي السعر وتحممممممممممملي تعطيهم المصدر ليش ؟؟

لانه بيقارنون سعره معاج وبيسوون قصص وسوالف بتكرهج التجارة

ولانه من حقج محد من محيطج ينافسج بالبيع والشراء عل نفس الزباين

ويستحسن لو تروجين لج باماكن ثانية في الشغل او مدارس خواتج او صديقاتج

او حتى بالنت .. عشان الغرشة بتكفي صاحباتها وقت .. فتتوقف عنج الطلبات

فالافضل تفتحين لج اماكن تسويق ثاني عشان يستمر البيع

ووممكن تعملين لج مندوبات ثقة بمناطق ثانية

وايضا ممكن تبيعين بالجملة بسعر اقل للتاجرات عشان يستفيدون


وبيني وبينج احب اتعامل بالجملة والتاجرات جادات غالبا

واتمنى لج التوفيق

 

[b7r]

السلام عليكم

الله يوفقكِ حبيبتي

ماشاء الله دلوعه كفت ووفت

بس قبل لاتبدئين اي شي استخيري وتوكلي ..

ولاتحطين ببالك الخساره لان التفكير السلبي بيولد شي سلبي ..

بالعكس فكري في النص الممتلئ من الكوب ..

وفكري بنجاحكِ عشان تتحمسي اكثر وتتنشطي ..

حطي سعر للمنتج وخلي ببالكِ تعبكِ لاتنسينه ..

الله يوفقكِ ويسهلكِ ياارب

 

[انا راعية الذوق]

انا رايي انك ماتدخلين قرايبك بالسالفه بيعي على الجبران والاصدقاء بالمنتدى احسن لج انا ابيع ملابس اطفال لي كم شهر مادرو عني قرايبي
اسال الله لي ولج التوفيق

 

[*مشاعر مكتومة*]

اهلا وسهلا بك غاليتي
اذا كنتي من النوع الخجول مو لازم يعرفون انك انت اللي تبيعيها قولي انها لوحدة من صديقاتك او حطي لك مندوبة ولاتقولي لهم عن المصدر وتعبك لازم تاخذي حقك فيه والله يوفقك ويسر امرك.​