ياريت اتساعدوني

[danasoon]

:blushing:مرحبااااااااااااااااااااااااا خواتي والله خاطري خاطري خاطري اتعلم الفوتوشوووب
ممكن وحده منكم تساعدني يعطيكم الف عافيه

 

[عربجية]

كـــل اللي عليـــج اتطبقين الدروس

ودايما ونتي اتطبقي لا تسوينها حفظ صم

لااا .. كل ما تطبقي درس يديد حاولي تفهميه .. وتفهي فايدة الادوات المستخدمة

يمكن تلاقين درس يشرح لج كيف تسوين خلفية

لكنك تتعلمي منه مثلا استعمال اداة قطع الصورة او فائدة فلتر معين

وتستمري جذي لحد ما تفهمي جو البرنامج وتكوني مدركة لفائدة الادوات والخيارات

بعدها تجربي تسوي شي من عندج يعني تبدعي باسلوبك

فرضا قلتي ابي اسوي توقيع بالوان مدرجة

على طول تعرفين شو تحتاجين من الادوات واهمها اداة التدرج

وفي اسلوب ثاني بعد حلوو .. تلفي بالنت عدل وتجمعي مجموعة تصاميم حلوه

وكل مره تمسكين تصميم وتحاولي تسوين مثله

لانه اثناء محاولتك لتقليدها بيعودك على التصميم وتعطيكي افكار اكثر

وتزيد معرفتك بالبرنامج اكثر واكثر

وتلاقيني نفسج صرتي محترفة مع الوقت :cupidarrow:

انا اتبعت هالنظام وصارلي اربع سنين جاعده مع الفوتوشوب

والحين الحمدلله وصلت مستوى ممتاز ولسه جدامي واايد بعد اتعلمه

لانه مجال التصميم واسع لا حدود له

مووووفقه يـــااارب ورينا همتج :flex:​

 

[danasoon]

تسلمين الغاليه فديتج والله يعطيج الف عافيه