ياربي سخر لها زوجها مثل الطير للجناح اللي تساعدني بردها

[هاجس الغرام]

السلام عليكم ورحمه الله وبركاته

انا ببدأ على طول بدون مقدمات في بيتنا نظامنا ان انا لي يوم المطبخ واختي لها يوم

واذا جاء يومي بفضل الله ازينه زين عشان امي واذا جاء دور اختي تضايق امي مرررره

لأن اختي تأخر شغلها ولا ترتب البيت زين يعني يكون البيت حوسه اذا جاء دورها وانا اتضايق اذا شفت امي تسساعدها علما اختي عمرها 21 يعني كبيره

بعطيكم مثال / دايم اذا جاء يوم اختي المطبخ ماتطبخ العشاء ولاتسسوي الفطور مع انها تعرف بس تعيجز واذا صار للبنات بالمدرسه طبخه يجيبونها يعني متعازمين تطبخ وتكرف وتسوي حلا وقهوه وشغالات مره حلوه بس اذا صار العششاء لأهلي ماتهتم ابد ابد

واحيانا اختي تقول لأمي زيني المواعين واعطيك اربعه ريال وامي الله يساعدها توافق

وانا كم مره اقولها يمه لاتوافقين تقول عشان اختك تنام الساعه 9 بالليل واذا قامت الساعه 4 الفجر تزين مواعينها وامي ماتبغى المواعين تجلس الى الفجر وامي هاذا قصدها بأنها تساعدها بس موقصدها عشان الفلوس

والسالفه سالفه عجز لااكثر ولا اقل ..

الله يوفقكم عطوني حل انا قلت لأمي تدعي عليها .. عندها بس بس تعبت ماطاعت

تخيلوووووا تو امي تدعي لها الله يوفقك قومي زيني المطبخ كنها تتوسل لها \\ امي تزمل اذا جاء يومهاا

معليش الكلام مخربط بس ساعدوني بأنتظاركم

 

[بدايات]

عادي لا تضايقي نفسك يمكن أختك ما تحب شغل البيت ما فيها شي لو إنت إشتغلتي إنت مأجوره أو أي أحد ساعدها تراها تدفع إيجار:10:

 

[-من الناس-]

لا تكبري السالفة وتعطيها أكبر من حجمها انت اذا سويتي شغلك زين امك بتكون مبسوطة منك وراضية حتى لو ما بينت لك
اما اختك يمكن ما تحب شغل البيت وهذي حرية شخصية لا تركزي تفكيرك في الأشياء اللي تسويها أختك هي حرة وامك ما تحاسبها على تقصيرها ليه تتعبي نفسك على الفاضي
وبعدين الأم ما تدعي على ولدها واهمال اختك مو عذر عشان تبغي امك تدعي عليها
قال رسول الله صلى لله عليه وسلم من حسن اسلام المرء تركه ما لايعنيه)
ليه تقعدي لأختك سوت شغلها ولا ماسوت تتعبي نفسك على الفاضي اشتري راحة نفسك واشغليها بأمور مفيدة لك . ودمتي

 

[O¤°'(نـجـد)'°¤O]

المفروض امك تحمر عينها عليها وتعاملكم بالمثل وما تفرق بينكم وعلى العموم لا تكبري السالفه وطنشيها اهم شي امك راضيه عليكي خلاص انتهى الموضوع

 

[اميرةكيان]

عادى ساعدوها في البيت

 

[دلوعة عمرو]

طيب عادي اختك كسوله وما تحب الشغل وفي كثير مثلها عكسك تماما اشتغلي انتي واحتسبي الاجر يمكن تتوفقين في حياتك لاني خدمت امك وابوك وبسببها تدخلين الجنه ..\

واحمدي ربك انك تشتغلين في بيت هلك مو في بيوت الناس


الله يعطيك العافيه ويكتب لك الاجر ..​

 

[lmoo]

انا زيك كنت انقهر بس ذلحين عادي تقوم ولا لاتقوم بكيفها بسوي شغلي في يومي وبس بعض الاحيان امي تحزني ارجع اسوي شغلها موعشانها عشان امي يعني صار يوم علي ويوم على امي
الله يعين وبس.....​

 

[حبات المطر2002]

الله يعين ودعواتي لك حبيبتي

 

[امة الله 27]

معلش حبيبتي ما تزعلين وتنقهرين انتي زين ما بتسوي يرضي الله وامك وعباده

برافو عليكي الله يرضى عليكي

بالنسبة لاختك ما تدعون عليها

انتي خليك على عملك واحسانك وبرك بامك

وهي رح تشوفين مع الوقت والظروف انتي رح تبيني افضل منها

ورح تصير تحس بالفارق وبتقصيرها

خلوا حدا يشكر عملك قدامها لامك حتى تتحرك احساسيها وتحس بالتقصير

خلوا حد من العيلة رجل ام امراة يمدح نظافتك وان احسانك هذا لامك فيه رضا كبير من الله

وان يا حظ الشاب اللي بياخذك

هاذي كلها شغلات تحرك غيرة البنت حتى تصحى وتصير تتحرك شوي وتفوق من كسلها

الله يالف بين قلوبكم وادعو لها

وما تنسي انها بتظل اختك لحمك ودمك

خذيها شي مرة على جنب وكلميها وانصحيها بنية انك تبغين تشوفينها باحسن صورة

انصر اخاك ظالما كان ام مظلوما

ونصرة الاخ الظالم هي نصحه وارشاده

اللهم اغفر لي وللمؤمنين

 

[أهم شي مستانسه]

تسلم عبارتك يا أمة الله رااااعه انامعك تماماً
وموفقين ياااارب

 

[صمـــت]

في بناات كثير كذا كسولات
وبعدين لاتضايقين نفسك ولا شيء ..اهم شيء امك راضية عنكـ وخلاص
وإذا قصدك إنها تدعي لها ولا تدعي عليها تعرفين ليش
هذا قلب الأم مهما سوو لها أولادها ماتدعي عليهم وتتمنى لهم الخير