ياخوووووووواتي شوروا علي وضعي صعب والله؟؟؟

[النفوس الحائره]

عزيزتي اذا عرف السبب بطل العجب انت تعرفين وش السبب وهو تعاطيه للحشيش قوليله عالج نفسك في مستشفى وارجع لربك وصلح اخطائك وساعتها بتلقاني لكن ترجعين له وهو مازال على حاله ماانصحك الله يفرج همك ويكتب لك اللي فيه خير

 

[دلوعةزوجي]

الله يكتبلك اللي فيه الخير

 

[أمـيره]

مشكلتك لها حل بإذن الله

اول شئ تطلبين منه يتعالج وانتي في بيت اهلك

اذا مرت فتره واثبت لك انو بدا مرحله العلاج كان بها مع اني اعرف الحشيش اذا ابتلى فيه صعب العلاج لكن نقول نعطيه فرصه بس اهم شئ تكونين في بيت اهلك وياريت ماتجلسين طول هالفتره الا ومعك دليل انو محشش ضروووووري

بعدها ترفعين عليه قضية خلع علشان ماتردين له المهر وبنتك تكون في حضانتك وفي حالة تزوجتي تكون عند اهلك وهذا امر مهم

الشغله الاخيره لازم ترجعين للوظيفه لانها سندك بالدنيا من بعد الله

تصرفين فيها عليك وعلى بنتك ولاتكونين بحاجه احد

والله يكتب لك اللي فيه الخير

 

[طحينيه وجبن]

شوفي اختي الحياه الزوجيه الصحيحه مبنيه على اساسيات 1- الدين: الصلاه اهم شي كعباده ومخافه لله ماهي عاده, وبعدها الاركان الاخرى, والشي 2- الرزق الحلال وهو الدخل والمصدر وعدم ا كل الحرام, لنها هي السعاده والبركه والخير حتى الصدقه منها له فضل كبير, والشي 3- الرحمه: ولنا في رسول الله صلى عليه وسلم القدوه الحسنه في معاملته مع زوجاته, والرحمه بين الزوجين والاطفال. هذي من الاساسيات في الحياه الزوجيه. بالنسبه للتعاطي اذا هو يصلي ورزقه حلال وبينكم رحمه فانصحك ياختي ان تساعدينه في العلاج والاقلاع عن الحشيش ورجوع الى بيتك.

 

[سُــكـر]

انا راح اقولك بكل صدق لو زوجي مبتلى راح اصبر عليه واحاول اعالجه
بكون حاولت بكل الطرق في الاخير هو مريض ومبتلى ويحتاج من يوقف معه ويسانده
انتي من كلامك يبدو انك ماساعدتيه بشي بس تهددينه وتزعلين وتروحين لاهلك
يعني بينتي له انك عدوته مو محبه له ومستعده لصبر والتضحيه وخاصه اذا معدنه طيب يعني بعض الرجال واقع في مصايب بسبب رفاق سوء او غفله لكن في الاساس من عائله طيبه وهو فيه صفات طيبه لكن مو لاقي اللي يساعده ويصبر عليه
في الاول والاخير الكل يحب راحته وسعادته امكن ماتكونين انتي الزوجه الي تقدر تساعده وتخارجه من اللي فيه
فاذي انك حاسه انك تقدرين تساعدينه وتكونين اقوى من اول وتوقفين معه على علاجه
او انسحبي والله يعوضك ويعوضه
ويعين البنت الي بينكم على انها تعيش بعيده عن ابوها
وصدقيني الطلاق مو حل بالعكس الطلاق مشكله جديده
انتي استخيري وفوضي امرك لله واذا فيه خير راح ترجعين واذا فيه شر وما من هالرجل فايده الله يصرفه عنك وعن بنتك وتلاقين اللي يعوضك ويعوضها
وبالتوفيق

 

[مالي زي]

الله يعينك على مشكلتك
وانا نفس حالتك يتعاطى حشيش وهو يضيع اكثر الاوقات بس
بس يصر انه متمسك بصلاته
ويحلف لي انه تعالج
واحبه واموووووت بتراب رجوله
بس احس انه لسه ماتعالج
واكره تصرفاته وودي انفصل بس احبه
احبه واعشقه واموت فيه

 

[رمقة وفا]

انا ماايدك ترجعين اذا قلبك ينقبض اذا فكرتي ترجعين وش تبين اكثر من كذا. يحشش هذي بعد مصيبه احمدي ربك دام معك وظيفه. والله يعوضك بالافضل مازال العمر قدام والله معك

 

[ام لمار2010]

الله يعطيكم العافيه واشكلر كل الاخوات اللي نصحوني الله يفرج همهم ويصلح لهم احبتهم
يارب
اسعدتني ارائكم ومروركم وانا ودي انه يتعالج ويكون من نفسه عنده الرغبه في العلاج مو مجلرد وعد ويتعاطى من وراي او عند اي مشكله او ضائقه تواجهنا في الحياه يعود للتعاطي واللي انا عرفته انو من
زمان يستخدم من قبل لايتزوج
واحس انوا ماحاس بالمصيبه اللي فيه متهاون ويقول عادي الحين الكل يحشش اهون من اشياء كثيرة
عشان كذا انا خايفه لاني دايم اسمع ان المدمن اول علاج ولا يمكن يتعالج اذا ماله رغبه صادقه في االعلاج
وانادايم اقوله اذا انت صادق الله بيكون معك بس انت مجرد كلام تقوله ولا تحاول بشي
صراحه انا اكثر تفكيري بالطلاق بس اللي خايفه منه المستقبل والايام وبنتي
والله انا مرتاحه لقراري بس المشكله اني حنونه ودايم يكسر خاطري بكلمتين واصدقه وهو عارف اني
ارضى بسرعه ولكن ابي ابين له هالمرة مو زي كل مرة واني جاده بهالشي
والله يكتب اللي فيه الخير واللي عندها اي شي تضيفه تتفضل والله اني اقرا نصايحكم وادعي الله يهديني الصواب
وبالنسبه لمحاولاتي ماهي مشكله صلاة وعصبيه او او ..... ولكن حشيش وممكن يتعاطى بدون مااعلم
ومالها حل الاانو هو اللي يتخذ القرار ويطلب العلاج وانا في هالوقت راح اسانده واوقف معه
وجزاكم الله خييييييييييييير

 

[ام لمار2010]

ابي اسالكم الله يعطيكم العافيه وخاصه الاخت اميرة كيف اجيب دليل انه يستعمل الحشيش يعني شهود ولا ايش ؟؟؟؟؟؟؟؟؟؟