ياترى ليش حاط كود نمبر على موبايله

[الجوووري4]

خواتي شوروا عليّه و اذا غلطانه صححولي ..
اذا ريلي قافل تلفونه بكود نمبر .. لي الحق اشك والا لا ..!!
اذا مايخبرني كم الكود وفي نفس الوقت يحلف انه ماشي تحت راسه أصدقه والا لا ..
عمله يحتم عليه التعامل مع حريم اشكال و انواع وكثير منهن يتملقن على شي وماشي ..
قلبي ياكلني و احس انه فيه شي خاصة اني زمان زخيته متعرف على وحده من النت و يكلمها و راويته العجب و نجوم الظهر و تاب - يقول تاب - شو اسوي ...!!!:busted_red:

 

[lioness]

عزيزتي الجووري4
من تجربتي الخاصة الرجال ما بحب ويصر على انه الزوجة تمسك مومبايله الا اذا كان فيه اشي
والله اعلم
يعني اذا ما كان في بموبايله شغلات خاصة ليش بده يسكره ويخبيه عنك
كان في الي صديقة كل يوم تلعب بجوال زوجها وكل ما تشوف فيه اشي غلط تعمل معه مشكلة كبيرة بعدين صار يمسح الصادر والوارد والمسجات كلها قبل ما يروح عالبيت
فصارت كمان تقاتل لي هيك بيعمل وهو يكذب عليها
فاخترع اشي انه اشترى خط جديد بس للمكالمات الخاصة وحول تلفونه القديم على الجديد علشان هيي ما تحس وهيك خلص منها ومن حكيها والمشكلة ضلت متل ماهيي

وبتفكر ياحرام انه زوجها تاب مع انه مستمر اكتر من اول
الله يستر علينا اجمعين يا رب

 

[عنقود عنب]

نصيحة مني اختي


دام ان معاملته معك طبيعية وما في شي تغير عليه

لا تعورين راسك ...انسي موبايلة.. ولا تلحين عليه ابدا

حسسية انك تقثين فيه ...

وراقبي التليفون من بعيد لبعيد ... يعني يمكن يوم ينسى يقفلة

ولو اني ما انصحك ابدا انك تفتحينة وبعدين تنصدمين .. وش راح تستفيدين

انت اللي راح ينوبك القهر ويمكن يلومك انك تفتشين من وراه

الله يهديكم ويريح قلبكم

 

[ضمة ورد]

وأنا بعد مع أختي عنقود العنب ما راح تستفيدي شي إذا ظليتي إتدورين في موبايله راح يصير فيكي مثل ما ذكرت أختي lioness وبالأخر ما راح تستفيدي شي أنا صارت معاي مع زوجي ولما تميت أدور صارت مشكله كبيره وما حصلت غير آلام القرحه وإرتفاع الضغط ؟؟
أختي الرجال يحبون أن يحتفظوا بشيء خاص بهم وهذا يعزز شعورهم بالرجولة وحتى نحن الزوجات لنا منطقه خاصه أنا مثلا لا أريد أن يعلم زوجي بأموري الخاصه التي بيني وبين أهلي وخصوصا أخواتي فإزرعي ثقتك فيه وما دام مثل ما قالت عنقود عنب لم يتغير فيه شيء توكلي على الله سبحانه وقولي فوض أمري إلك وما خاب من إتكل عليه :icon26: :icon30:

 

[عنقود عنب]

ينصر دينك اختي ranoush

كلامك عين العقل

ربي يهدي ازواجكم

 

[بنت الأمارات@]

أول شى لازم تتأكدين قبل لاتسوين شى غلط وأنا الى أعرفة أكثر الريايل مايحبون حد يمسك تلفوناتهم لازم تراقبى تصرفاتة أذ متغير بدون ما يلاحظ ومرة أستعملى تلفونه مثلا تتصلين لمج أو أختج وشوفى التلفون هذا أذ حسيتة متغير واسمحيلى الغالية.

 

[TOP]

مستغربه من بعض الحريم ليش يدورون على شيء ممكن يسبب لها مشكله في حياتها الزوجيه ...اقول اللقافه موه زينه وشيلي من راسك هذي الفكرة اذا زوجك موفر لك كل شيء .. وكل واحد سواء ذكر او انثى يحب يكون له خصوصياتي .. حبيبتي تعوذي من ابليس ووساوسه وابعدي عنك هذا التفكير ..

 

[ملـ المنحل ـكة]

الحال من بعضة بس آنا اللي سبب هالشي غبائي قبل لا تحكني الدنيا وتهوري وقلة صبري .. كان يخلي موبايلاته مقططة كل صوب ولا عليهم قفل ولا هم يحزنون بس مرة من المرات اختي كانت عندي وكانت جريئة وفضولية وحوست بتلفون ريلي وشافت رقم مسيف بدون اسم وشككتني فية واذكر اني دقيت على الرقم وطلعتلي حرمة من جنسية عربية ولما عرفت اني شاكة بزوجي استغلت الموقف وشككتني بزيادة وقالت اي انا رفيجة زوجج ......هههههه ......اضحك على روحي ......المهم ..........بس اللي خلاني ما اصدقها ان زوجي اغلب الوقت عندي ولما يطلع يتصل فيني ويسولف معاي اغلب الوقت لاكن عندة علاقات مع ربعة ويروح لهم ساعات متأخر بالليل لكن هم لما اتصل فيه مايحقرني ويرد علي يعني شكي فيه موصحيح .... ما اطول عليكم آنا كنت متشككة فية مادري ليش وحزتها اتصلت بأحدى الاستشاريات اللي بمجال العلاقالت الاسرية وسألتني عن طبيعة علاقتي بزوجي كل شي تمام التمام .... فقالت لي عيل لا تشكين فيه هذا الرقم ممكن تسيف عن طريق الخطأ ولا تصارحينه ولا شي خلة دام انه طبيعي معاج بس فتحي عينج ولا تهملين علاقتكم ولا تدمرينها بالشك .
وبالليل كان عندة طلعة ويا ربعة وتأخر ولما اتصلت فيه قال لي انه بيتأخر عندهم شوي لكنه تأخر لي الفجر وهني رديت اشك فيه من جديد وكنت مو قادرة اتعامل معاه بشكل طبيعي واليوم الثاني بطيتها بويهه وقلت له على السالفة لكنه بدل ما يغضب من فضولي وتجسسي ليه قعد وياي يمكن ساعة كاملة يبين لي براءته من التهمة ليما اقتنعت ان الرقم اصلا ما كان مطلوب من قبلة بلاساس وانه ممكن لما التلفون يكون مو مقفول انه تنضغط الازرار الخاصة باحفظ وتحفض ارقام اثناء وجودها بالجيب
انا اقتنعت وكنت احس بنشوة الانتصار عليه وفرحت انه ما عنده علاقة ولا شي وهذا اللي كنت مقتنعة فيه من البداية بس غروري والتبلي والشك ... لكن شنو سوا ريلي علشان يفتك من حركاتي الماصخة قفل كل تلفوناته ومن ذيج السالفة لي اليوم 5 سنوات او اكثر وهو مايوم يغفل عن اجهزته وانا لما شفته جذي غضبت وندمت لكن الحين ما اعبر هالموضوع خصوصا ان كل شي بينا طبيعي وهو يحبني كثير وما يزعلني بشي فليش اعور راسي
هذي قصتي وانشاء الله كل وحدة تعاني من هالموضوع تستفيد منها​

 

[الجوووري4]

خواتي جزاااااااكم ربي عني كل الخير ..
أنا معاكم غن لا تسألوا عن شيء إن يبدو لكم يسؤكم ..
ولكن زوجي له سابقه في حياته هي اللي مخليتني أشك فيه غنه من يومها قفل تلفوناته ووعدني بالتوبه ..
أنا ماراح أتهور و بخليه على الله هو حسبي و عيني و مولاي ... لكن إذا اكتشفت شي شوووووو اللي بيفكه مني .. يمكن عزراييل .. يمكن:busted_red:

 

[مزيونة الكويت]

بنات طنشوااااااااااااااااا ولا تفتشون الموبايل تعيشون حياه حلللللللوه انا قبل كنت شكااااااااااااكه ليما خليته غصب يتعرف من كثر ماحبه مع اني ماعلي قاصر وحللللللوه بس الشيطان اززززززززن علي راسه ليما صدته من خلال رقم غريب بموبايله ودقيت اطلعت بنت بعدين تاب لي ورجع وقال هذي نزوه وعلي فكره اهو رجل متدين ويخاف الله بس اعناد فيني سواا كذااا وتركت هالشغله اللي كانت مجننتني والله كنت مرة مررررررريضه وماقمت اساله وين رايح ولا وين جااااااااااي لان قبل كنت ادق عليه 100 مره عند ربعه واحرجه ويسده بوجهي وعلي هالمشاكل اللي سبتها ااااااااااناااااااااا واعترف لانه كان طيب معاي بس والله كنت انسانه مريضه بالشك والغيره اللي بغت تهدم بيتي وبيت عيالي وخليت البحث والتحرري ههههههههههههههههههههه:busted_red: :busted_red: (شارلك هولمز:detective2: )قسم بالله عشت احلي عيشه من نصيحة اختي طنش تعش تنتعش هههههههههههههههههههههههه والله يجي البيت مبكر يحب يقعد معاي اذا دق تلفونه اقوله دق اذا كان بالحمام وهو يستغرب يقول غريبه مافتحتي الرساله اللي جايتني لن قبل فتحة رساله طلع واحد رفيجه بالدوام يبي رقم رجال وفتحتها ومن الخوف مسحتها وشوي دق الرجال وقال له ماشفت رسالتي قال اي رساله وانا خااااااااااااااااايفه لانه طبعه مايحب احد يفتش اغراضه ولو عنده شي ماخلي موبايله والصراحه طقني وقال انتي مجنونه بس وتبت والله تعيشون احلي عيشه ويجيج زوجج يركض من الشوق تخيلوا اذا طلع ماااااااادق ابد لو يقعد 6 ساعات بره البيت اهو قام يدق يسال وصار ملك لي لاني ماقمت اجننه مثل اول والحرمه بايدينها تقدر:a194: :a194: تجذب زوجها:icon26: وبايدينها تنفرررره منها نصيححححححححححححححححححححه طنشوووووووووووواااا

 

[الجوووري4]

حبيبتي مزيونة الكويت مشكوره على نصيحتج الغاليه و اللي أقدرها جدا و اهنيج على القوّه في ترك عادة الشك رغم إنها مرض عضاااااال ..
لكن مش كل الحريم يقدرن على سواتج و مش كلهن لهن حكمتج و قدرتج ... يعني انا بمجرد أشوفه يصدّ جنب وهو يفتح كود التلفون أسلاك مخي تضررررررب وودي احط إيدي في بلعومه ليييييين يعترف هو شو داس عني من سواد ويه :in_love: :sadwalk:

 

[زهرة البوادي2006]

انا راي من راي الاخت عنقود عنب