ياتاعبني00ياجارحني00تعب قلبي

[شموخ الاحزان]

السلام عليكم
سبق وكتبت اكثر من موضوع بهالقسم وماقصرتوا معي واللي بتفهم سالفتي اكثر تروح الملف الشخصي
قبل 3سنوات زوجي خطب وحده وشافها وماعجبته وتركها وماعرفت بالسالفه الامن الناس بعد فترة وتعبت حتى صرت اتعالج عند دكتور نفسي وقبل 5ايام قالي(لأول مرة في حياتي الزوجيه) تعالي بسولف معك وقال انتي تحبي الخير وتحبي تساعدي الناس000ومن هالكلام وقال فيه وحده عمرها27(اكبر مني ب3سنين)ومطلقه ومعاها ولد وانا شفقان عليها وبتزوجها وابيك تروحين معي نخطبها وتمدحيني عندها وتقولين موناقصني شي من كثر القهر قلت له خلاص حدد يوم واروح معك واسوي كل اللي تبي واساعدك حتى في المهر والبيت قال باشتريلك مثلها في كل شي واعطيك مثل اللي باعطيها بعدين رحت دورة المياه(اكرمكم الله) وجلست ابكي الين اغمى علي ويمكن بعد ربع ساعه صحيت وتوضيت وهو استغرب اني طولت في الحمام وطلعت شاف على وجهي آثار البكا قال ترى امزح عليك(اعرف بيسويها من وراي) ورحت استقبلت القبلة وقلت الله يوريني فيك عجائب قدرته مثل مااستهنت بكتابه(لانه حلفلي على المصحف انه مايتزوج علي) الحين ماانام عنده ولااعامله مثل اول حتى حقه الخاص مااعطيه والله كرهته ليه مايقدر تعبي ودايم يجرحني حتى العلاج النفسي تركته ودي اموت وارتاح وشلون اتصرف معه وكيف اطفي النار اللي بقلبي وانا للحين مانسيت السالفه الاولى
هو جنوبي غربي وانا جنوبيه شرقيه

 

[مملكة الحرية]

لا ما يصير تقولي كذا انتي تعرفين وش بعد الموت هذا وانتي تعرفين رب العالمين
استغفر ربك وتعوذي من الشيطان
الله يهديه ويصلحه ويسخره لك

 

[الحزن الغريب]

هداك الله غاليتي
اخيتي لما ترهقين نفسك لما تلاحقين الهم حتى كدت ان تهلكي نفسك دعي الايام تفعل ما تشاء وطب نفسا اذا حكم القضاء
غاليتي اعطي كل ذي حق حقه واعطي زوجك الحقوق الشرعية والواجبات حتى يرضا الله عليك
اهم شيئ انتي ان تهتمي بيتك ونفسك وبزوجك وطنشي الهم والحزن وريحي بالك
الرجال هكذا ما يملي عينهم الا التراب ترى مصيره عندك
الله يهدي زوجك ويزيح همك وغمك
بوركت

 

[أم الوجيه]

طريقة التعامل مع الرجل أيا ً كان .. طنش تعش تنتعش .. و إلا أنت الخسرانة ..

 

[**لولي**]

الله يريح باالك انشالله ..
نصيحتي طنشي زوجك ولآيهمك مو أهم شي بالدنيا الرجل ..
أهم شي صحتك بعدين انتي توك صغيره و قوليله أنا ألف من يتمناني ,,

 

[ام ريناف]

اهم شي انك تدعي الله انه يرزقك الصبر مع الرضى بقضاء الله وقدره وصحتك اولى من كل شي

 

[نضوج أنثى]

عزيزتي صح الضره مره وزواج الرجال شي يقهر لكن ماتوصل لدرجة إنك تنهارين وتعانين حاله نفسيه بسبب زوجك تعلقك فيه أكثر من تعلقك بالله بسبب لك جنون وأمراض الله اذا كاتب لك يتزوج عليك مااحد بيرد قضائه إلا الدعاء اتوكلي على الله وادعي عسى الله يفرج همك واذا الله لا يقدر اتزوج اصبري واحتسبي هذا ابتلاء من الله سبحانه وتعالى لازم ترضين وتؤمنين وتنشغلين بالله أولا واخيرا وبيتك وعيالك يعني الرسول عليه الصلاة والسلام أحق رجال في هالعالم بالغيره ومع كذا زوجاته محتسبين الأجر من الله وماصار فيهم مثل مايصير فينا لأنه قلبهم متعلق بالله ومتوكلين عليه لاتفكرين لو بيوم صحتك تتدهور زوجك بيطالع فيك ولا يشيلك بيعيش حياته دائما ادعي اللهم لا تجعل الدنيا اكبر همي والله يصلح حالكم يارب

 

[نوال الخير]

حبيبتي انتي بمكر النساء تقدري تنسيه هالافكار بسلوبك هذا تكرهيه فيك وترسخين الفكره براسه ويقول هذي ماتعطيني حقوقي وبس مكشره لالالا غيري اسلوبك معاه واضحكي وسولفي وقولي مارح تلاقي احسن مني ..وابدي بمكر النساء اذا كنتي تحبينه
والله يسخره لك ومايشوف غيرك ياااارب

 

[بيان الكاسر]

تبكي عليه ليه ؟؟؟هو الخسران الله يهديه ويصلحه والله جاهل اتركي الخلق للخالق كفيله الدنيا تعلمه بكره قيمتك بيتزوج بكيفه حر اطلبي من ربي الصبر ياحبيبتي ثقي ان رب العالمين كفيل انه يرد الحق لأصحابه كل الرجال لا شافوا اهم عاجزين عن اسعاد انفسهم رمى بلاه عالحرمه طنشيه الخصران يقطع المصران انتي عارفه بكره مرده يرجع لك ان كنتي مظلومه ربي راح يطيحه بوحده تقلع عيونه اثنتين من مكانها ويرجع يشتكي مثل الطفل عندك

لذلك اصبري وحذاااااااااااااري توصلين نفسك لتهلكه داري نفسك واذا لك عيال احسني تربيتهم علميهم الحنان والصبر بكره حصااااااد تذوقين نفعهم حتى لو تضايقوا من ابوهم وفقدوه مو لشي بس تكسبي اجر اذا رعيتهم وكبرتيهم كوني الاب والام لهم لا يضيعون والرجال راح يعرف قيمتك ليه تفكري بنات الناس لعبه
ربي عيالك واحسني تربيتهم وحقوق الزوج لاتقصرين فيه رب للعباد يحاسب مو انتي تحاسبين
كثير مثلك يااختي من خوفنا عليك نقول هالكلام صحتك فوق الجميع ان لجسدك عليك حق
مو معناه طلب الزواج خلاص انتي فيك العيب !!!! احيانا نقص بالرجل يحاول يكمله بغيرك والنااااااس كلهم عارفين يحاول يطلع عيوب بالزوجه والله فرااااااااغه هالرجاجيل يفكرونا خبووووووول مو عارفين
ابشرك بنات هالايام يفكرون الآن مو هبل اول سؤال راح تسأله ليش بيتزوج على زوجته لذلك كوني وااااااااثقه بنفسك امام الجميع حتى مايكون عليك غبار عند اهله واهلك وجماعتك وقريباتك
الناس متفتحه وفاهمين حتى لو حاول يغطي عيوبه عالكل مايقدر اتمنى اكون افدتك لو بالقليل

 

[بيان الكاسر]

اجتهدي الحين ورجعي نفسك كم سنه ورا واشتغلي دلع مثل الاطفال وغنج ودلع ومياعه ولبس وكشخه وخليه يطالع فاتح فمه بي لاتريق حذاااااري توقفين اذا عندك بنت منه يااختي طقمي انتي وياها باللبس والالوان بغض النظر كم اعمارهم لالبستي احمر كل البيت احمر حتى الاولاد واذا ابيض الكل ابيض اي لون ارجعي ورا مثل ايام المراهقه حطي مناكير الوان كوني عروس

وحده اعرفها زوجها دايم يقول لها بتزوج عليك ويرددها بالمجالس ماعملت مثلك كل يوم تتشبب وهو ياحرام يتقطع ولا قرب منها سوت الهواااااااااااايل فيه لين بطل من حاله ماعاد يشوف غيرها كانت تسوي مثل ماقلت لك بالضبط الرجاااااااااال هون هون هون
حس ان عنده نعمه مو شايفها

 

[اشرف قبايل]

يا قلبي عليك ,,,
الله يفرج همك ...
يابنت الحلال .. رب العالمين كتب له وهو عمره 40 يوم في بطن امه .. كتب له متى بيتزوج ومين بيتزوج وكم بيتزوج وكم يجيله من العيال وووووووو الخ ..
ليش تتعبين وتبكين على شي في علم الغيب ,, تبكين على شي قدره رب العالمين ,,
انتي بالعكس بطريقتك هذي تبعدينه عنك اكثررر واكثرر..
وحدي الله .. والجأي له بالدعاء لك ولزوجك .. مو على زوجك .. مهما وصل زعلك وغيرتك وووو.. لا تدعين عليه ,,

بالعكس ,, حبي نفسك وحياتك ,, وعيشي بسعاده وتذكري نعم الله عليك ,, واحمدي ربك عالخير الكثير ,,
وهو في الآخر تراه (( رجــــل )) مهما كانت روعته ومهما كان حبك له ووووو ما يستاهل دموعك وصحتك اللي بديتي تخسرينها عشانه !!!

انبسطططططي .. واكثرررري من الاستغفاااااااار .. والنتيجه راح تكون في صالح نفسيتك ,, وراحة بالك

الله يصبر قلبك​

 

[حزينه حد الجنون]

الله يهديك عاد تتمني الموت ليه كل رجال يهددزوجته بالزواج ولو وضحتي انك تزعلي ياخذها حلاوه كل مازعل كل ماسويتي شي قلك بتزوج وانتي الله يصلحك طنشيه والله يسخره لك ولايشوف غيرك

 

[MEeMEe -]

الله يريح قلبك يا عمري

 

[رازيا]

البنات ما قصروا

 

[مييسو]

حبيبتي صح انه مو سهل انه يتزوج لكن تموتين نفسك عشانه الحمدلله وهو مادرى عنك يعن وش استفدتي بعدين اذا قال بيخطب ردك مره ماعجبني بتخطبين له وتساعدينه بالفلوس والبيت اجل ليه زعلانه وصلي له انك منتي راضية وانك تبي رضاوة

 

[عسـэšζـــل]

مشكلتنا همنا الوحيد الجل الزم ماعليك نفسك صح انه شيء يجرح بس انتبهي لصحتك موزين عليك حبيبتي
يارب تصرف نظر زوجها عن الزواج وتجعلها اجمل النساء بعينه

 

[وحيده في دنياي]

الله يلوم اللي يلومك

الله يفرج همك
ويمسح على قلبك
اقري سورة الانشراح
وطنشيه
شوفيني انا شعاري الخاص له
طنش تعش تنتعش

 

[بنت حماد]

كل الرياييل عله ومايبين الجميل في عينهم حسبي الله عليهم​

 

[شموخ الاحزان]

اشكركم خواتي على ردودكم بس مافيه وحده ماتتضايق لوكانت بمكاني ومن القهر والالم اللي فيني رديت هالرد ومو معناته اني موافقه لكن ليه ماحس بجروحه لي وتعبي اللي احس فيه خلاص مات قلبه ماعاد يحس حسبي الله

 

[أم الشبل]

حاسه فيك يااختي والله اوجعني قلبي علشانك، الله يفرج كربك ،وأنصحك بالدعاء بأن الله يصرف قلبه عنها والحي في الدعاء فأن الله لايمل حتى نمل