يابنات الحقوني زوجي غااامض صااامت

[نونو ميمي]

السلام عليكم ورحمه الله
بنات سجلت معكم ابي فزعتكن ..
انا زوجه ثانيه تزوجت من 7شهور وزوجي صامت
طول النهار برا ولايجي الاعلى الغدا 10 دقايق وينام ويقوم ويرجع للدوام ولايجي الا بالليل السعه 9 ويتعشى ويتابع التلفزيون و10 ونص ينام
احاول اتكلم معاه يعطيني ردود مختصره احاول افتح مواضيع يسكرها ..
وهالاسبوع عنده شئ مشغل باله بس ماتكلم حاولت معاه ماتكلم وتركته ..
طبعا ماعنده رومانسيه ابداااااا ودي افعلها لوشئ بسيط ماني طماعه خخخخ
الحوار بيننا معدوم نهائي
اعطوني الحلول الصحيحه

طبعا هو شمالي شرقي وملتزم
بس مايعصب بسرعه ولاينتقد اي شئ اقتداء بالرسول

 

[السندرله]

وداوها بالتي كانت هي الداءو عملي مثثثثثثثثثثثثثثثثثثثله تمام وشوفي وش النتائج

 

[حزينه حد الجنون]

احمدي الله على الاقل يرد خلاص انتي اتكلمي وسيبي الرد عليه الله يسخره لك

 

[فواحتي بلقيس]

اختي نوني ميمي تعرفين عن زوجك هو كذا طبعه من قبل اولا مع ضرتك حاولي تعرفين عن طريق عماتكم
واذا هو ساكت انتي تسولفين ؟ واذا كنتي تسولفين تلاحظين انه ينتبه لسواليفك يعني ينسجم او كأنه مايرغب تسولفين اذا كان شكله مايرغب انتي اصمتي زيه وخليك طبيعية جدا يمكن هو مايرغب
وهل هو كذا من بداية الزواج انتظر ردك لأني مشابهه لك تماما

 

[نونو ميمي]

هلا بنات اعذرني على التاخير لان ماعندي نت مااشوفه لحد مااجي عند اهلي الخميس والجمعه.
اختي السندرله سويت مثله وعااااادي صاااامت مافي مشكله عنده
اختي حزينه الله يفرحك ودي يتغير لاني امل بالبيت لحالي
فواحتي بلقيس مااقدر اعرف شئ عنه مع زوجته الاولى لانها زعلانه عند اهلها من زواجنا ومااحد يجيب سيرتها ابدا وعلاقتي مع اهله رسميه جدا
اول الزواج يتكلم بس مو مره بس علشان اتعود عليه
واذا تكلمت احسه مايرغب بكثره الكلام ماادري وش اسوي استسلم ؟؟

 

[نســـرين]

الله يفرج همك ان شاءالله البنات يفيدونك

 

[نــور عـيـونـه]

طالما زوجك ملتزم فأكيد اهتمامته دينية

اسأليه مثلاً عن شيء معقد في الدين و إذا جاوبك سوي نفسك مافهمتي عشان يشرح لك ويطول معاك بالكلام..

مثلا اسأليه عن المواريث من باب المعرفة اختلقي قصة مثلاً قولي إذا الواحد توفى وعنده اخوان اشقاء واخ غير شقيق

وعنده اخوات شقيقات وغير شقيقات و عنده اولاد و احفاد..كيف تتقسم ثروته عليهم؟؟!

هههههه ادري سؤال معقد بس بالنسبة له يشوفه حلو لأنه من صميم اهتمامته..

كلميه عن برنامج شفتيه للشيخ الفلاني و عن المحاضرات واي شيء متعلق بالدين..

إذا مشيء الوضع حلو و إذا لا جربي حل ثاني

اتوقع زوجك بطبيعته صامت و لا يحب يتكلم كثير

الله يديم المحبة بينكم



نـــور عـيــونــه


​

 

[فواحتي بلقيس]

زوجته زعلانة بسبب زواجكم ؟ ولها اولاد منه ؟ وعلاقته معها من قبل زواجكم عاديه اوشبه جيده ؟اذا كان جوابك بنعم ؛؛؛فا الكتاب واضح من عنوانه ،،،
الله يعينك كثري الأستغفار وادعي ان الله يسخره لك ولاتفتحين معه اي موضوع يزعله وخليك معه مطيييييعة وسم وابشر على لسانك دايم
اذكر مرة من المرات من زمان لي 7او8شهور متزوجة وماعندنا خلاف الرجال بدا يتغير على شوي شوي واصبح يزيد صمته حتى العلاقة اللي بيننا ماله رغبة واكتشفت ان زوجته زعلت اسبوع وراحت عند اهلها وقفلت جواله وماترد عليه ابدا لمدة اسبوع طبعا كانت هي والدة نفساء ببنته والحمدلله عادت المياه لمجاريها والا اصبحت اهز هزا
اما الحين خوذي وخلي من الصمت وانفوس الشينه بيننا حتى استملس جلدي
ترا الي عندي شكله نفس اللي عندك شمالي شرقي ، ملتزم ،يهوا التعدد والثالثة بالطريق الله يعيننا على اقتسام الثلث ونودع النصف هههههههه ضحكة مهب من قلب

 

[سهرانه أنتظرك]

حبيبتي نونو ميمي انا مثلك زوجه ثانيه وزوجي كمان شماااااااااالي نفس شخصية زوجك انا اول زواجي كنت ازعل انه مايسولف ويطنش سوالفي بس انا ماصرت مثله ساكته لاني بمووووووووت لو سكت المهم من يجي استقبله احسن استقبال وطبعا اهم شي المسااااج لانه دايم منسدح قليل اشوفه جالس لانه يجي يرتاح عندي فأنا ياطويلة العمر اهمز رجوله واسولف وصدقيني ماأنتظر رده لأني بتعب اذا انتظرت لأنه يتكاسل يرد وصدقيني اللحين هو تعود على سوالفي واذا زعلت عليه اسكت ويراضيني بس عشان اسويله صجه ولجه (الشمالي يحب المبادره يعني بادري بكل شي ولج الأجر وونسي عمرج وبالتوفيق خويتي )​

 

[لمن يجرؤ]

السلام عليكم

اولا حبيبتي انتي ذكرتي السبب بنفسك (( هذا اعتقادي ))

الرجال لما يتضايقو ولا عندهم مشكله ما انحلت تلقينهم صامتين ولا يحبون يتكلمون ولا يحبون احد يسالهم وشفيكم

ولا يحبون حد ينغص عليهم حتى بالكلام العادي
هو صحيح قبال التلفزيون ولكن صدقيني هذي مجرد شاشه مش مطلوب منه ان يتعامل معاها عشان ما تقولين اجل هو يشوفاتلفزيون مثلا

يعني انا اعطيكي مثال فهمتي

زوجته الاولى عند اهلها
يمكن هالنقطه معكره مزاجه ووده يتصلح الحال عشان تصير نفسيته مرتاحه
انا نصيحتي خليكي لا تكلمينه لين هو يجي ويتكلم
لا تضغطين عليه ابدا باي شي ولا تحاولين اتطلعين منه اي كلام
وعلى فكره هالقانون خليه فيحياتك على طول حتى لو زوجته رجعت
لان الرجال اللي متزوج ثنتين شي طبيعي انه حاله حال اي واحد متزوج يصير خلافات
بعطيك مثال

لو تضارب معاكي الله لا يقول
وكان يومها ممكن يكون ساكت وصامت مضايق
والعكس صحيح

فانا اشوف احتمال ان زوجك ما عاجبه الوضع ان زوجته عند اهلها لانه يمكن كان متوقع ان الامورتهدا قبل السبع شهور بكثير
فهمتي عليه
ومثل ماقالت اختك داويها بالتي هي الداء
يعني اشوف تخلينهولا تكلمينه احسن
انا عارفه انك تكلمينه عشان تطلعون من حالة الصمت
او
ودك تعرفين اذا في شي مضايقه لكن صدقيني ماراح يتكلم لان طبع الرجال غير عن الحريم احنا الحريم لا تضايقنا ما نخلي كلمه
نتصل بالام او احد الخوات او الصديقات او ندخل المنتدى نشكي بس الرجال لا
تلقينه 24 ساكت وممكن يقعد جدام التلفزيون وكانك مش معاه

عطيه فرصه لين تترتب حياته وصدقيني اول ما تنفك العقده عنده راح يرجع لطبيعته
واتمنى لك السعاده واتمنى ان اموركم كلها تتصلح

 

[صدق العطاء]

حاولي تنعشيه جنسي

البس له كل مغري وجذاب

تزيني وتبخري بأجمل ما عندك اكيد تجيب نتيجة

لاتنسي الملابي الداخلية الجذابة

حاوريه اي نوع يحب تلبسي له اليوم بكدة تكسرين الروتين

الله يهديه لك

لاإله إلا الله محمد رسول الله​

 

[*أطيب قلب*]

ابقولك هذا الكلام من انسانه مجربة....وبلاش زعل
- اول شيء اسئلي نفسك ليش اتزوجك (لأن كثير من الرجال يحب حرمته الأولى موت لاكن إذا كان عمله بعيد ماتقدر تروح معاه الأولى فيقول أأأأخذ سفري ...تعرفين ايش معنى سفري يعني يسكت فيها نفسه في السفر.....واسئلي اي واحد من اخوانك اوابوك ايش معنى سفري) فأنا انصحك تسئلين نفسك ليش هو اتزوجك ...ليش ماراحت معاه حرمته الأولى ...ليش شاردة عند اهلها ...ابحثي عن ماضيه ...هل هو قريبك تعرفينه ولا لا
((لأن ياحبيبتي الزمن يعيد نفسه) وزي ماسوى في الأولى الا يسويه في الثانيه(لأن الطبع يغلب على التطبع)