يابلقيسيات انتم القضاه ادخلوا لضروره

[قمرآآآي]

بنات ساعدوني الله يخليكم وبحطكم مكان القاضي بيني وبين زوجي

المشششكله هي >>
انا متزوجه لي 9شهور والله اراد اني احمل بهالشهر يعني الحين صايرلي

3اسابيع فالحمل يعني الاجازه الي توها منتهيه لي اسبوعين وانا حامل انا قضيت الاجازه

كلها عند اهلي المهم جلسنا انا وزوجي نسولف وقالي >>انا ما اتذكر اني جيتك بايام التبويض
قلت وبحسن نيه الا حتى شوف انا حاطه بجوالي منبه بايام التبويض وجيتني ب 12و13و14و

وبيوم 16هو وداني لاهلي وسالني قال يوم رحتي لاهلك فيه ايام تبويض والا لا..

ابي اشوف ردة فعلكم هي نفس ردة فعلي والي طرى علي بيطري عليكم والا انا موسوسه تكفففففففوووووون ردوا علي مالي الا الله ثم انتم انا تعبااااااانه

انا حطيتكم مكان القاضي

 

[طفلة سلام]

الله يهديكم

 

[Lateen09]

يا غاليه تفكيري نفس تفكيرك بس لو انا مكانك اسوي نفسي غبيه وما فهمت قصده يمكن زلة لسان انتي توك متزوجه والرجال عليهم طلعات ترفع الضغط حكمي عقلك

 

[وتين الاميرة]

عادي حبيبة قلبي عالاغلب موبقاصد شي بس قي رييايل من الفرحة مايعرفوا يعبروا عن اللي بداخلهم
صدقيني موبقاصد شي
وسعي صدرك توك متزوجة وهالشي منه كثير

 

[ام القمر 15]

الله يكون بعونك


بس سوي نفسك مافهمتي قولي له فهمني

 

[الفتاة الخجوله]

انا من رأيي لاتفتحين الموضوع مره ثانيه وترى الحمل يحصل من اول يوم من الغسل من الدوره الحريم موب واحد انا غسلت وقعد زوجي يوم وسافر ولارجع الا وانا اتوحم يعني حملت بيوم الغسله ولاتعلمون الرجال بكل شي التبويض وخرابيط الحريم ترى انتي تنسين وهو ماينسى الله يألف بين قلوبكم ويرزقكم الذريه الصالحه

 

[كشه ناعمه]

طنشي كلامه حسبي الله على هالرجال استخفوا
وصاروا يظنون الكل يسوي زي سواياهم
ويطنون لغال القطو العب يافار ..
والله مو صاحي بس مثل ماقالت الاخت
سوي روحك غبيه ومافهمتي عليه ..
واصلا في حريم تحمل مو شرط بايام التبيض
تحمل بعد الاغتسال على طول يعني مو شرط
واذا عاد لك السالفه مره ثانيه سوي روحك بقوه غبيه
لاتبين له انك فاهمه عليك لان بتكبر السالفه
وواذا صرح بكلامه ومصخها ا قولي له استغفر الله
الي تقوله ترى قذف واذا بتعيديه قوله يم ابوي
وفيها محاكم وماراح اسكت لك .. بين له انك مو خايفه
وواثقه بحالك وخليه يبلع العافيه لايجيه شي اكبر منه


والله يسعدك يارب ... ويهدي زوجك ​

 

[ناداني ولبيته]

ان شاء الله مايكون يقصد شي بس انتي طنشي وانسي الموضوع
ترى هم اغلبهم كذا ثقال دم وماعندهم اسلوب ومايعرفون يعبرون

 

[اشوف نفسي غير]

مو شرط يكون الحمل بس بايام التبويض احيانا ارداة الله انه يكون قبل الدوره واحيانا بعد الدورة مباشره على حسب ماكتب لك ربي وبعدين اتركيه لاتبينين له انك فاهمه ردي علي ببراءه ولاتبررين وتورينه التواريخ سوي ان الموضوع عادي يشوفك كذا متحمسه يزيد بشكوكه البايخه

 

[جيانة]

تقصدين شك فيك؟!
مجرد يرمي كلام يختبر ردة فعلك..لو كان شاك فيك ماكان خلى الموضوع يمر بسلام
أو جهالة في كيفية طرح السؤال لاتدققين كثير لو أعاد فتح الموضوع لابد يكون لك موقف صارم لأنه ساعتها بيكون الشيطان لاعب بتفكيره
والله يهديكم ويوفقكم

 

[قرشعة بنات]

انتي هامك وش يقصد او انك حملتي؟

ياحبيبتي احمدي الله على الحمل وطنشي انا اتوقع انها طلعت كذا استغراب فقط

مو قصده شي يعني مثل الدوره تجيك كل شهر باول الشهر ومره جت الدوره باخر الشهر


وتستغربين جت باول الشهر ليه فهو استغرب مثل كذا بس

والظن اثم لاتظنين ظن سيء

ولو قالك مره ثانيه قولي عاد فيه دكتوره شفتها بالتلفزيون وتقول موشرط الوحده تحمل بايام التبويض ترى يلعب عليهم الرجال عادي
ومبروووك على الحمل الله يسهل لك يارب

 

[قرشعة بنات]

هذا غير انه اصلا جاييك يوم 12 و13 و14 خلاص يعني به دليل

بس عادي اهم شي واثقه من نفسك

 

[قمرآآآي]

فديت قلوبكم والله يسعدكم ويريح بالكم زي ماسعدتوني وريحتوني بردودكم..

والي طرى ف بالي ع طول انه شاك فيني وبدل مايفرحني جاي يخرب فرحتي علي

ويظلمني ويظلم الجنين معي

ما اقول الا حسبي الله عليه ونعم الوكيل والي هذا اوله ينعاف تاليه

والف شكر عالمرور

ربي يوفقكم

 

[perfume]

مشي الموضوع عادي
الرياييل الله يهديهم ساعات يقطون كلام وش كبره ولا يقدرونه
استغفري ربج وانسي السالفة

 

[*حبيبة*زوجها*]

فعلا ترى ماعرف يعبر ويمكن قصده جيتك قبل ايام التبيوض او جيتك بعده بس ماعرف يعبر

وبعدين انتي اكيد اللي مفهمته ان الحمل فقط في ايام التبويض عشان كذا يمكن يبغى يقولك شفتي حملتي في وقت مو ايام التبويض

بس ماعرف يعبر

انتي وضحي له مو شرط في ايام التبويض يصير حمل

فعلا في ناس قبل الدوره وفيه ناس بعدها مباشره

ومو شرط البويضه في كامل حجمها تتلقح

ممكن تتلقح قبل وصولوها للمرحله الكبرى للاستعداد لتلقيح

حسب اكيد تفهيمك بوقت التلقيح اللي يحطونه الاطباء كـ وقت فرضي

لان العلم عند الله


صدقيني ما يشك وتأكدي من هالشي

لان وقت الحمل بيين كم له 3 اسابيع يعني بيوضح متى تم

الله يهدينا ويهديكم ياكريم

 

[زوجه مؤدبه]

وزوجك وش دخله باايام التبويض خليه يفهم على كيفك المره الثانيه قوليله طهري كلها فيها تبويض بس الاكيد اللي نسبة حصول الحمل فيه 100% يوم كذا وكذا لاتعلمينه كل شي .. بعض الرجال عليهم تفكير استغفر الله كانه ماخذك من الشارع بس انتي لاتعطينه وجه لانك لوسويتيها سالفه بينكر ويقول موقصدي بس هم كذا .