يابـــــنات القيصريه تعااالوا

[إم عبدالله]

السلام عليكم ورحمة الله وبركاته


تعرفون مالي الا الله ثم انتم وانا الحين ولدت وولادتي قيصريه وابي كل وحده تكتب وش طريقتها با النفاس وتقولي الصبح ايش تاكل والظهر ايش تاكل والعشاء ايش تاكل وتقولي متى بدت تسبح على راحتها ومتى التئم الجرح وكيف بعد الاربيعين اخفف من وزني وبطني ياليييييت تساعدوني وتساعدو غيري الله يخليكم ويوفقكم


تحيتي
إم عبدالله

 

[يمر طيفك]

الله يعافيك يارب ؟

انا اكلت لهوم والله اني مو متذكره لان امي الله يسعدها هي اللي كانت تسويه ..

وطبعاا شريت سؤايل دافيه الزعتر ومن هاللدوافي طيب ..

بس لاتاكلين رز نهائي لانه يكبر الكرش عاد ماشاء لازم هالكرشه تطلع بعد العمليه ..

امشي وتمشي في بيتكم كل وقت مو دايم عاد ؟؟ اذا جاء احد يزروك يقول وينها يقولون تتمشى .. ههههههه

المش زين علشان جلطات الدم بسم الله عليك ..

والجرح يلتئم سبحان الله بعد 3او4 اسابيع ..

عادي التروش خالتي اول ماتقوم من العمليه كانوا يروشونهاا ..

اصلا لين تروشتي وحاولي المويه تنزل على راسك مو تعبتي طاسه وتصبينهاا بتحسين ان بطنك انشد ..

وش معجلك على التروش لاتستعجلين مسحي جسمك بمناديل ديتول وحطي بودره ولبسي ملاسك ..

وحاولي تنتبهي للجرح او ماتحسين انه يصب منه شي روحي اللدكتوره ..

مسحي حواليه يالمناديل الديتول وربك كريم ...

الله يقومك بالسلامه ذكرتيني بايامي الحلوه احلى ايام عمري ..

ان شاء الله ربي بيعدهاا علي يارب دعواتك لي بالحمل وانااختك

 

[احضان الربيع]

انا ولادتي الي راحت قيصري وولاداتي الجايه كلها قيصري والله يعين المهم اختي لا تستعجلي عالترويش وبالنسبه لي انصحك بالمر خياااااااااااااالي انا بعد الولاده جاني شمم عشان العطورات وريحة الناس وصرت اشم المر وادهن فيه من اطراف الجرح وفي ناس يحطونه عالجرح نفسه ولا تخافين منه هو اصلا معقم وقاتل للجراثيم وبعدين يشد البطن ولا يخليه يترهل وكمان المشي امشي ولا تتكاسلين وانتي تمشين لا تنزلين راسك عشان ما يجلس ظهرك منحني وبالنسبه للاكل ابتعدي عن الغازات والملوخيه والمويه لا تشربين الا اذا عطشانه وحطي مع الاكل فلفل اسود
والحمد لله على سلامتك دعواتك لي ربي يشفيني واولد بالسلامه

 

[إم عبدالله]

الله يجزاكم خييييير بس ممكن تعطوني الاكلات اللي تنظف الرحم وتخلي الجرح يلتئم بسرعه وغير كذا المنطقه اللي تحت وش انظفها فيه شورو علي

 

[Cool&Cute]

الحمدالله ع سلامتج...
حبيبتي انا ربيت بنتي قيصري من سنتين والدكتوره كانت تخلي وحدة تمشيني كل شوي من اول يوم والمشي وااااايد زين ومفيد وينزل الدم وبالنسبه للسبوح انا سبحوني اول يوم بس بسرعه وكل خمس ايام مره اول اسبوعين وبعدين ع كيفج وكلي خضار وفواكه واااايد والسواااااائل مفيده والماي بعد ينظف البطن واشربي حليب بالمكسرات والفانيلا وااايد روعه ويطلع حليب حق البيبي وبالنسبه للنظافه ما انصحج تسوين الغسول المهبلي لانه يطلع التهابات " عن تجربه" وسوي رياضه لتقويه الرحم بتحصلينها بالمنتدى" سوي بحث" بس الرياضه بعد اسبوعين على الاقل وقبل ماتسوين شي استشيري الدكتورة احسن انا ما سويت شي والحمدالله الجرح نظيف والتئم خلال ثلاث اسابيع مع مراجعه الدكتورة فديتج

 

[نويرة حلوه]

انا بعد استفدت منكم
وخايفه تكون ولادتي قيصريه

 

[eng_emanzeed]

شكرا على المعلومات
ان شاء الله ولادتى يوم 14/2 قيصرى دعواتكم

 

[نــ ووو ف]

ردي بالاسفل ........

 

[نــ ووو ف]

الحمد لله على السلامه والف مبروك ماجبتي

ماشاء الله البنات كفو و وفو ماقصرو

بس احب اقولك ان نفاس القيصريه نفس نفاس الطبيعي من ناحية التغذيه واللهوم لأن الرحم هو اللي حمل

يعني كل هالعنايه للرحم وآلام العظام

بالنسبه للترويش الدكتوره قالت لي اتروش من يوم انا بالمستشفى عااااادي مرره

والرياضه لا تمارسينها الا بعد 6 شهور

واهتمي بالخياطه على طول حتى بعد اشهر وسنه من الولاده حطي عليها بعد الترويش مسحه طبيه علشان تتطهر

وانصحك اذا حسيتي انه ينزل منها مثل المويه مع ريحه تروحين على طول الطبيبه لانه راح يكون التهاب داخلي وهذا عادي جدا

تمناتي لك بالسلامه

 

[عيون حورية]

الحمد ىلله على السلامه ومبروك ماجاك
عادي استحمي اول يوم تطلعين من المستشفى انا كنت اطلع رابع يوم من العمليه بس اهم شي جفيفيه زين ومسحيه بمسحه طبيه
الاكل اهم شي كثري البر والحم وحبذا لو لحم حاااااااااااااشي لنه يعجل بلتئام العمليه وانا احط مرقه لحم وحط معها شوي حبة حار واشربها طبعا الي مسويه عمليه ماينزل منك دم فتره طويله اكثر شي 15 يوم تقريبا
وانصحك با الحلب بصررررررررررراحه روعه يلم العمليه ويهدي من الم ظهرك ومن ناحية ثانيه ربط البطن انا اربط بعد ما تم اسبوع من العمليه ولاكن لاظغط كثير وتدريجيا ابد اشد يوم وراء يوم
ومن ناحية اللهوم ما اخلي شي ماخذه مايضر با العكس ينظف الرحم لك ويشده
الله يقومك بسلامه يارب
دعواتك لي با الحمل الثابت وان ربي يعوضني خير ممافقدت
اللهم اجرني في مصيبتي وخلف على خير منها

 

[إم عبدالله]

جزاكم الله خير والله يهون على كل حامل ويرزق كل محرووومه يلا يابنات نبي الموضوع اكثر استفاااده بعد عطونا تجاربكم

 

[o.o]

السبوح بعد العملية بيوم بس حاسبي انا كنت رافعه راسي على ورا اغسل شعري جاتني دوخه كنت بطيح على ورا واحس انه مكان الخياطه انقسم وذبحني الالم نفس الشي لما كنت امشط شعري وديت راسي على ورا وجاتني نفس الدوخه وكنت بطيح وعورني الجرح ..المهم السبوح ما يضر بس لازم يكون حد حواليك والباب مفتوح كونك طالعه من عمليه وفاقده كميه من الدم
وعن الرياضه ممكن تمارسينها بعد شهر ونص بس تكون خفيفه ومايكون فيها تمارين عضليه للبطن طبعا لازم الدكتوره تقولك اوكي لما تتاكد من الجرح اما رياضه البطن والسباحه بعد 4 شهور

 

[إم عبدالله]

رفــــع

 

[إم عبدالله]

رفــــــــع

 

[لمو 55]

يااارب يقومكم بالسلامة ويرزق الجميع الاولاد الصالحين االمصلحين والنافعين لوالديهم ولأمتهم ...

 

[غالية النفس]

رفع رفع

 

[غالية النفس]

رفع up up