وينك يالشتاء الدافي ابيك تردين

[عطرنانا]

عسى الله لايخليني منك وسويت اللي قلتي ليوبس عيبه انه مايرد على مسجاتي لكن يوم كلمت امه احس انها صارت ضدي ووقفت مع ولدها وتقولي ان ولدي يقول انك تتكلمين بمشاكلك عند اهلك وعندنا وانا والله مظلومه وكل اللي اسويه ادور راحته وتننقلب امه ضدي والله ماتوقعتها منها وانشا الله بكرة بكلم الشيخ واقوله واخليه يكلم امه وهو واحس انه شكاك بزيادة واللي كنت اسال اهله عن سبب طلاقه من الاولى وابي اعرف معاملته معهم وكنت دايما اقولهم انه باله مشغول ومدري وش فيه وبس لكن كله من امه وقوليلي اتواصل معه بالرسايل وش اكتبله والله تعبت معه والله اني احبببببببببه والله ماخليت شي اني ادعيله كل ليله ان الله يرده لي واتصدق وماتركت ولاليله الاواقراها سوره البقرة والحمدلله بنيه ان يرجعه لي لان والله حسناته احسن من سيئاته

 

[مؤاسم الدهر]

الله يهديكم ويصلحكم

 

[الشتاء الدافئ]

ياحبيبتي لا تخافين وطمني قلبك بالله ان شاء الله مايضيع لك تعب وبيعطيك الله على قد نيتك الطيبه ....انا راحمته لانه مايدري ايش حجم خسارته مايدري انه بيضيع على نفسه فرصة الحياه مع انسانه رائعه ومخلصه مثلك ..متمسكه فيه مو خوف من الطلاق او كلام الناس متمسكه فيه لانها تحبه وماهانت عليها العشره حتى لو كانت 6شهور ...ّّّّّّّآآآآآآآآآآآه مااغبى الرجال .....
اولا ...انصحك اخسري امه ولا تكلمينها لانها ورقه خاسره من البدايه ويمكن هي سبب اللي زوجك فيه اصلا ومادامها صارت ضدك فهذا معناه انها بتزيد الامور تعقيدا
ثانيا...انت تقولين انه مازال ضايفك عالمسن وهذي فرصه جيده انك تتواصلين معه حاولي تصيدينه وكلميه باسلوب لطيف وعاتبيه على قسوته وكيف قدر يفرط وانك في انتظاره وماراح تستسلمين وماراح تفرطين فيه لاسباب تافهه
ثالثا ...جربي اكثر من اسلوب ..ارسلي مسج قاسي ...هذي مو حياتك لحالك عشان تدمرها انت دمرت حياتي معك وش رايك اقول الله يسامحك ولا الله ينتقم لي منك ؟ يمكن يخاف من عقاب الله وتهزه رسالتك
حاولي تعرفين تفاصيل اكثر عن حياته ..معقوله مالك علاقه باحد من اقاربه سلفتك او زوجة صديقه او قريبه له من جهة ابوه او امه ...حاولي تتواصلين مع احد منهم وبدون ماتذلين نفسك تشرحين لها انك حابه تتطمنين عليه ..وممكن تعرفين منها معلومات قيمه او شخص مقرب له من خارج العائله وتخلين الشيخ يكلمه ....
او اتصلي عليه وحاولي تتحججين انك تبين غرض لك عنده واذا مارد عليك او تواصل معك .... يعني ما منه فايده فحددي فرصه من الوقت مثلا ..اربعه شهور اذا ما تطورت الاحداث للافضل او حاول من ناحيته يتقرب لك فانسيه تماما واطوي صفحته ولا عاد تفكرين فيه ورايتك بيضاء وماقصرتي في اي شئ ويمكن خيره لك لانه ممكن يكون مريض ومحتاج علاج نفسي طويل والحياه ماتكون سعيده مع شخص مريض لايدري انه مريض و رافض العلاج واهله متخلين عنه ....
ولا تخافين انه لو انتهت العده مايرجعك لا عادي ممكن يرجعك لو بعد سنه لكن الفرق انه بيكون بعقد جديد
استخيري ثم استخيري واعلمي انك في اختبار وابتلاء لا تستعجلين الاجابه واصبري ان الله مع الصابرين ...اعذريني يااختي لاني مقصره معك في الردود وماعندي حلول نافعه ولكن لا املك الا الدعاء بان يفرج كربتك ويزيل همك ويرد لك زوجك ردا جميلا ...
رديت على موضوعك لاني مهتمه وابحث عن اخبارك دائما حتى في صفحات متأخره علي اجد مايطمني ويفرح قلبي ولا اخفيك اني شكيت ان لقبي الموجود في عنوان موضوعك لاتقصديني بذاتي بل ان كل عضوه تدخل تقرأ لقبها في العنوان ومع ذلك احسست بالفرح والمسئوليه والفخر اني اكون عونا لك لو بالتفاعل والدعاء ...الله يوفقك لمايسعدك ويريح بالك.

 

[عطرنانا]

عسى الله لايحرمني منك قولي اميييييييييييين والله تفرحيني بردودك وافتخر اني اكون اختك في الله

 

[سنتين مروا علي]

اختي مافهمت قصتك وعارفة ان الموضع طلب للعضوة الشتاء الدافيء بس معليش حسيتك في موضوعك قاعدة تقارنين بينك وبين زوجته الاولى وهذا اكبر غلط
غير كذا ماعليش ماني فاهمة ليش تلاحقينه كل هالملاحقة
هل غلطتي في حقه؟؟
اسفة على التدخل بس لفت انتباهي موضوعك
والله يخليكم لبعض