ويستمر مسلسل ظلم الزوجااات

[om-rashid]

السلام عليكم ورحمة الله وبركاته....

خواتي في الله .. حالي من حال كثير من الزوجات الي جار الزمن عليهن ... وطبعا مثل الافلام البطوله في فلم حياتي لزوجي ... الي من خذني لليوم وبكمل عشر سنين ما اعرف انا شووووو بالضبط في حياته ..؟؟!!!

هل أنا زوجة فقط .....؟

هل أنا مربية لعياله فقط....؟

هل .... وهل .... وهل ........؟

مع أنه محد جبره ياخذني هووووو الي لزم وقال ان كانت حرمة هي ...ما أبغي غيرها..

أحس أيااام أنه يحبني إلأاااا يموووووووت علي ... لااحظوو أياااام معدوده بس .. وباااقي السنه أحس أني ولا شي ولا اعنيله شي .. انزين ليش؟؟

حتى أهله وخوااته ما يعرفووون بالضبط شوو طبيعة علااقتنا .. يقولن خوااته ما نعرف يحبج ولا يكرهج..؟

يعني أبسط المواقف الي تصير مثلاا..

اذا انا طابخه يطلع ياكل في بيت أهله أو يطلب من المطعم ويحطه قداامي ومايخلي العيال يااكلون أكلي ..يلزم عليهم ياكلون أكل المطعم..

انزين شي ثاني اذا بنطلع السوق ..المستشفى ..عندي شغل لااااااااااااااااااازم حد يروح ويانا مستحيل يطلع وياااي بروحه..

وبعد .. اذا طلعنا وطبعا يكووون خواته ويانا واحيانا حد من حريم اخوانه .. والله ما ابالغ اذا قلت انه يدور اي شي عشااان يزعل ويحقرني جدااامهن ... ويلعن السااعه الي وداااني فيهااا .. ودائماااا يقووولي انا مب خااادمج ولااااا اشتغل عندج ... مع اني ما عمري عاملته على هالاساس .. بالعكس احس اذا طلبت منه انه هذا وااجبه يوديني .. ولا انتووو شوو رايكم..؟؟


طبعا هاي الطلعات تكووون بطلعة الروح ... أحس بالعماله يكرهني في الروحه معاه .. انزين ليش..؟؟؟


وطبعااا هني الطااامه الكبرى ان عيالنا مايبغيهم يطلعون من غرفتنا وهم كبار ماشاء الله تسع سنين وثماان وطبعا 2 سنتين .. شووو اسوي اتصدقون انه مااااااابينا علاااقة خاصه مثل العالم والناس ...

ودايما حضرته مضااايج وزعلااان .. وأصلاا هو ماااااااا يي البيت إلاااا للنوم بس او الاكل وطبعا أكله أيييبه معاه..

وطول الوقت بالدوام ..

انزين الي الااحظه ان الناس عادي ماشاء الله حريم اخوانه وااااايد اوووكي وياا ازواجهم وخواااااته نفس الشي كل اليوم والثاني يطلعون ويغيرون جووووو .. أنا ليش كل شي مستخسرنه فيني ,..

وعنده عااادة الشك .. اتصدقوون يوم يقووولي انه مو مطمن من ناحيتي وانه قلبه مقبوض وانه شااااك فيني عيني عينك اشكره.. تعبت من المشاااكل ومن عدم الاستقرار وصدق احس اني كرهته ... والله لو مب عياااالي كنت تصرفت تصرف ثااني خليته يندم طوووول عمره .. بس اقول انا بعدني أحسن منه ...

بعض الاشياء الي ممكن تساعد في تفسير سلوووك زوجي .. أنه كان زيييييييير نساء مغازلجي وراعي هااي الحركات ولكن الحمدالله يمكن يكون احسن عن قبل ... بس شكله رجع لعلوومه ..... وللعلم انه ما ترك هالشي نهائيااا .. يعني في حيااتنا الزوجية كم مره اكتشفت خيااانته.. وأسااامحه... وليتني ما سااامحت..

الحين خوااااااااااااااااااااااتي الي أبغيه .. أني اعيش حالي حال الحريم .. أطلع أغير جووو.. أذا عطاااني ما يذلني ... ويقوول لو محطنهن في سياره ابرك عنج..

شوووو أسوي ,, معااه..

 

[موزة خلفان]

حبيبتي
الم تشعري بان زوجك يعاني من مرض ما ؟؟؟؟
الم تسالي نفسك ان كان يعاني من مرض الشك ام لا ؟؟؟

 

[أم فهد 123]

زوجك مو طبيعي يمكن فيه وسواس او حاله نفسيه عيل ليش يجيب الاكل من بره لا تطبخين احسن لج وه يبين انه شخصيته متذبذبه ومهتزه لان شخصيته متقلبه لكن المطلوب منج تعدلين اوضاعج العيال نيميهم بره وطلعي معاه ولو هو ما يبي بالغصب حتى ما يتعود والله يسخره لج ويوفقكم آميييييييييييييييييييييين

 

[om-rashid]

أستاذتي موزة ...

فعلااا زوجي يعاني من مرض الشك والوهم... وحالته الكل يعرفها .. ولكن مع كثرة تعبي وترجي له بمراجعة مختص يرفض هالشي ويتمصخر علي .. يقولي يعني حصلتي شهادة جامعية وبتتشطرين علي بها..


ومن مواقفه الي لا تعد ولا تحصى..

مره مرت سيارة غريبة من قدام بيت اهلي وانا عندهم كنت بزيارة .. وكنت طالعه رايحين البيت وانا والله ما انتبهت ولا اعرف اصلاا كنت متغشية ... سوااالي مصيبه .. (اتهمني اني انا اعرف هالريال وأني اصلاا مواعدتنه وهووو خرب علينا..!!) اللهم لك الحمد على العقل والدين..


وأيضا موقف ثاني .. أنه اتهمني في شرفي مع أخووه ... وهذاي صارت مصااايب فيها بين العايلتين وطلبت الطلااق وابوي وقف معااي وأهلي كلهم .. لكن الاهل كلهم تتدخلو ورجعت البيت .. وطبعا هذا كله وأخوه المسكين ولا عنده خبر عن الموضوع..


وكثير كثير أشياء تنقال وأشياء الله ستر معاها...

 

[om-rashid]

مشكوووووووور يااا أم فهد ...

والله يعلم كم أنا محتااجة لدعوه في ظهر الغيب ..

الله يستر علينا وعليكم يارب ..

 

[om-rashid]

استغفر الله

 

[تحيه للعلم]

أحس أيااام أنه يحبني إلأاااا يموووووووت علي ... لااحظوو أياااام معدوده بس .. وباااقي السنه أحس أني ولا شي ولا اعنيله شي .. انزين ليش؟؟

حتى أهله وخوااته ما يعرفووون بالضبط شوو طبيعة علااقتنا .. يقولن خوااته ما نعرف يحبج ولا يكرهج..؟

المواقف اللي ذكرتيها لنا يا ام راشد كلها تبين كرهه وين مواقف الحب اللي تقولين عنها عشان نعرف

اذا صح يحبج وشاريج بس يحاول يغيظج بتصرفاته ممكن بسبب الفارق الثقافي عشانج جامعيه يمكن ؟؟!!

اكثري من الاستغفار والدعاء في جوف الليل والصدقه ادعي له وانتي ساجده ولا تخلين تفكيرج بزوجج

يلهيج عن اللي خلق زوجج ووهب لج اياه لان وضعكم فعلا يحتاج للدعاء اشغلي نفسج بالذكر وخلي

لسانج رطب بذكر الله ابرك لج من هالدنيا والله يبارك لج بعيالج ان شاءالله ويخليج لهم​

 

[جورية الخبر]

غاليتي .. انتي بنت اصل ... والله يجزاك خير ... ويشفي زوجك ويعافيه من اللي فيه .....
بس يا قلبي مفروض من البداية ما تسمحين له بهذي الاتهامات اللي صارت على الملأ واللي تشكك في اخلاقك المفروض وقفتي له وقفة رجال عشان يعرف ان الله حق .... لا تتنازلين يا اختي عن حقوقك ابدا ... الوحده كم مره بتعيش ؟؟
وايش ذنب عيالك يعيشون هذه الاجواء المريبه ...
اللهم فرج هم اخيتي وكن معها .... واهدي زوجها .. اللهم امين ​

 

[ريح الشمال]

الله يعييييينج اختي عليييييج بالاستغفار والدعاء وطنشيييييييييه لانه هذا النوع المريييييض يتحسب الكل مثله

 

[محبوبه الكل]

الله يعينك ويهديه

 

[رشات المطر]

والله انا من وجهة نظري طنشيه
ولا تعبيريه
وانتي عليك انك تهتمي بنفسك كثير كثير
يعني تتغيري 180 درجه
من اسلوبك طريقة لبسك
كلامك
حاولي قدر المستطاع انك تتجاهلينه
وانتي خليك على طول متكشخه ومتعطره
غيري اسلوب حياتك ونظامك في البيت
خليه يرجع للبيت
وانتي منيمه عيالك في غرفتهم
وسوس اجواء مو من شانه من شان نفسك
حاولي الغرفه اللي يكون فيها لا تدخليه الا بحجة انك تبين شي
بس الله الله في الاغراء والدلع

والله يستر عليك ويسخر لك زوجك

 

[om-rashid]

الله يجزااااكم خير خوااااتي وبارك الله فيكم .....


وان شاء الله .... يسخر لكم ازواجكم ويسترهااااا معاكم دنيا وآخره..


الحين رجع يكلمني عاااااادي جداأأأ ولااا كأنه كااان زعلاااااان ولاا كانا متخاصمين من اسبوعين..؟؟

الحل ..؟؟

أكلمه عاادي ولا أطنشه وخصوصااا أنه مالي نفس أكلمه,,

 

[عزيز الروح]

غاليتي ام راشد ..
حاولي ان تجلسي معه .. جلسة يسودها الاجواء الرومنسية .. والهدوء التام .. وحاولي .. طراح اسئلة عليه .. على سبيل المثال .. لماذا ؟؟ حياتنا ليست كباقي الناس .. اخبرني .. هل انا سبب لذلك .. اذا كنت انا سبب لذك ..اخبرني ماهو الحل برايك ِ لكي نعيش انا وانت واطفالك بسعادة ورخاء ..

 

[عزيز الروح]

غاليتي ام راشد ..
حاولي ان تجلسي معه .. جلسة يسودها الاجواء الرومنسية .. والهدوء التام .. وحاولي .. طراح اسئلة عليه .. على سبيل المثال .. لماذا ؟؟ حياتنا ليست كباقي الناس .. اخبرني .. هل انا سبب لذلك .. اذا كنت انا سبب لذك ..اخبرني ماهو الحل برايك ِ لكي نعيش انا وانت واطفالك بسعادة ورخاء ..