ولدي يموت من البكاء لاشاف ابوه وش الحل كيف اخليه يحبه

[اجمل العمر]

السلام عليكم ورحمة الله
انا ربي رزقني بطفل معاق لكنه يتكلم عقله سليم عنده اعاقه بالاقدام مثل اللين التام وبسبب عدم اخذ علاج لي وقت الحمل وبسبب ضغوط زوجيه تعرضت لها خلال حملي من ضرب وخلافه اسأل الله ان يكتب لي الاجر على ماتحملته
المهم كبر طفلي ولكنه لايستطيع المشي وكان يشوف ابوه يضربني ويحبسني فصار يكره ابوه جدا رغم ان زوجي حياته بهذا الطفل لكن مايعرف يعبر عن مشاعره
الحاصل ان ولدي يبكي بكاء مخيف اذا جا ابوه يلاعبه او يشيله وكم مره اشوف بعيون ابوه دموع لما يشوف حالة طفلي وهو يرفض ابوه طبعا حياتي معه مستمره عشان طفلي فقط ومستعده اضحي بعمري من اجله قولوا لي وش الحل ابي ولدي يحب ابوه لانه مالنا غيره

 

[اجمل العمر]

لاحولولاقوةالابالله وراه هالقسم مهمل مع انه يخص احلى هدايا من رب العالمين

 

[دفء]

غاليتي:
وحده من قريباتي عندها حاله مثل حالة طفلك..
وطفلك ما ينلام..
لأنه تولد بداخله إن أبوه رجل شرس و شرير و ينخاف منه..وهذا كله الخوف اللي فيه تولد بسبب تصرف والده الخطأ معاك..
وهذا اكبر خطأ واللي يتحملون نتايجه الأطفال وهو إن الوالدين يتفاهمون بطريقة سلبية أمام أطفالهم..
غاليتي:
الحل من طرفك و من طرف أبوه..
لازم زي ماخرب صورته قدام ولده يعدلها..
مثلا يجي يمزح معاك و تضحكون أنت وإياه قدام ولده..
يمشيكم ويوديكم مثلا محل ألعاب والطفل يختار..
يكون جو عائلي فيه ضحك..ومزح..وتبادل كلام بينكم الثلاثة..
مسابقة وتنافس بينكم..
أكلكم يكون مع بعض..
ودايم يحاول يجلس قريب من ولده و يتقرب منه بالتدريج..
والمشاكل يحتفظ فيها بينك وبينها ويضبط أعصابه قدام ولده..
وصدقيني كل شي بدايته صعب لكن بعدين عااااادي..
و من طرفك :تمزحين مع أبوه ..
تضحكين..
تجلسين بجنب أبوه وتتكلمين بفرفشة ومرح..
وصدقيني بتروح هالعقده بإذن الله..
وقبل هذا كله..الدعاء ياقلبي
...............
الله يصلحه لك..​