ولدي ساعدوني

[رسيل$$]

السلام عليكم ورحمة الله وبركاته حبوبات بغيت مساعدتكن لي بعد الله عندي مشكله وهي ولدي الله يصلحه عمره سنتين ونص كل مابغى شي لازم يبكي ويصرخ حتى الماء لاطلبه تعلن شوفن الصراخ عنيد وعصبي وكلامه وسخ ويضربني انا وابوه وربي تعبت فيه اتمنى يسمع كلامي لو مرة ويتاسف لكن لاحياة لمن تنادي وش اسوي يمكن تربيتي فيه خطأ لكن وش اسوي تكفن ياراعيات الخبرة واللي يتحملون البزارين(وانا قلت هالكلمه لان ماعندي صبر)ساعدني وربي لادعيلكن الله يخليلكن كل من يعز عليكن ولا يفجعكن بغالي

 

[يعشق دموعي]

سنتين ونص ؟؟؟؟؟؟؟؟

ومو قادره تسيطرين عليه

يعني بهالسن اتوقع انك تقولين انا زعلانه ينفع معاه

او جد تحرمينه من شي يحبه بيقعد يصيييييييييييييييييح الين يسكت ويعرف غلطه

حتى عقاب حرماان الابوووو ينفع اكثر من الام

ترا بيتمااادى معك اذا كبر وانتي اللي بتتعبين

 

[تاتي توت]

ياقلبي انتو مدللينه واضح ويشوفكم تلبون له طلباته اذا بكى وصارخ لكن يبلكم صبر يعني يبي مويه خليه يصرخ وعلميه يقول ماما لوسمحتي ابي مويه بيصارخ ويبكي ويعاند لكن انتي خليك مصررره عليه بعدين انتي يوم يسوي كذا امسكيه وناظري بعيونه وقولي حبيبي تبي مويه قولي لو سمحتي ابي مويه عيدي عليه الين يقولها واول مايسويها عطيه وسلمي عليه واحضنيه وعطيه شوكلاه وقولي عشانك شاطر ومؤدب اعطيتك حلاوه وعامليه على ان فاهم واذا ضربك ازعلي وخاصميه ولا تكلميه وقولي انا زعلانه منك انا ماما احد يطق امه الين يراضيك عاد الاولاد عناد خلقه بس خليك اعندخخخخ

 

[لولا-3]

غيري طبعك معه ولاتعصبي عليه او تصرخي في وجهه عامليه باللين قد ماتقدرين حتى لو صرخ وبكي كلميه بهدوء واحضنيه العبي معه
واتكلمي معه خليه ياخد ويعطي معك بالكلام خليه يحس بوجوده لما يكون رايق وامدحيه احسه فاقد حنان صدقيني راح شوي شوي يتغير
لاتقولي عيوبه عند اي احد في وجوده حتى لابوه
الله يخليه لك ويحفظه يارب​

 

[رسيل$$]

مشكورات الله يسعدكن ويعطيكن على قد نيتكن
اختي لولا لاوالله ماهو فاقد حنان بالعكس انا حنونه عليه بس ساعات الواحد مايقدر يتحكم باعصابه
الله يصلحه يارب وتعيني على تربيته

 

[- نور الليالي -]

الاخوات ماقصروا واحب اضيف ان الطفل في هذي السن مايعرف يعبر كثير فيستخدم يداته وصوته في التعبير تكلمي معاه كثير عشان يتعلم الكلام ويهدا شوي ويعرف كيف يعبر بهدوا الله يهديه ويصلحه لك

 

[اهة الغررربه]

الله يصلحه ويهديه لك

 

[فواحة المسك]

اختي الحبيبه بداية انتي ام ودعوة الأم مستجابه دوم ادعي له بالهدايه وشوفي اطفل دايم يختبر أهله أنتي اذا تبينه يسيطر عليك لبي كل مايبيه والله بتروحين ملح إذا هذي أولها نصيحتي الخمس سنوات الأولى من حياة الطفل هذا هو التأسيس بداية حاولي تثقفين نفسك كيف تتعاملين مع طفلك وتربين التربيه الصالحه ونصيحه مبدئيه إذا قام يصيح ويصرخ طنشيه وترك الغرفه عساه تطلع عيونه من البكا ماعليش منه نزلي لمستواه وكلميه بصوت هادي بدون انفعال حبيبي إذا تبي شي راح اعطيك بس بدون صياح قول لوسمحتي ماما ابي هذا واعطيك وعلميه يعتذر ويقول آسف بيعند بس راح يقولها بعد جهد إذا اعتذر حضنيه وقولي انا احبك بس اذا قمت تصيح تصير مو حلو والله البزران ينقص عليهم اشغلي انتباهه بأي شيء لعبي معاه مدحيه قولي انت بطل انت شاطر انت حلو انت عسل انت سكر والله يتشقق ويصير خاتم بس أهم شيء علميه الأحترام ولايمد يده عليك قولي عيب والصبر والصبر والصبر والله يصبر قلبك انا عندي ولد وكان مثل ولدك والحين الحمد لله مسيطره على الوضع اهم شيء لايسيطر عليك انتي المسيطره والموجهه خليه يساعدك بشغل البيت وامدحيه واستخدمي الطباعات الملونه والنجوم والصور المتحركه ينبسط كثير وثقفي نفسك اهم شيء عمر سنه يفهم شلون سنتين ودايم ادعي
"ربنا هب لنا من أزواجنا وذرياتنا قرة أعين "
"رب اجعلني مقيم الصلاة ومن ذريتي ربنا وتقبل دعاء "
آمين اتمنى أفدتك
أختك فواحة المسك​

 

[أسماء زكي الدين]

الله يحفظه ويهديه يا رب


لي عودة إن شاء الله