ولدي بسم الله عليه وش الحل معه

[وهودي]

السلام عليكم يابلقيسات
انا داخله على ثم عليكم اللي عندها حل تفيدني
ولدي عمره ست سنوات وداخل تمهيدي ومن بداية التيرم كان مبسوووط مره لدرجة اذا فاته الباص يجلس يبكي يبي المدرسه
بس من الاسبوع اللي طاف وهو صاير خوووواف بشكل فضيع ومايفارقني واذا رجع من التمهيدي يرجع وهو يبكي يقول اخاف ما احصلك بالبيت
واليوم دقت علي مدرسته وتقول انه يبكي يقول ابي اهلي ومادخل على فصله وكلمته انا قال ان بطني يعورني وهو اساسا مافيه شي بس يخاف مايلقاني والحين اتكلم معه اقوله بتروح بكرى للمدرسه يبكي يقول لاما ابي وعجز ينام الا بعد ماقلت له انك بتغيب نام
ابي حل والله بالبدايه متحمس للمدرسه بالمره
وانا خايفه عليه ابي حل:4:​

 

[الالوان الجميله]

نفس حالة ولدي اول ماقدمن له مبسوط ويوم داوم جلس يبكي يقول لزم اجلس معه وبعدين دخلته عندمعلمه خصوصيه والله جلست معه شهر ونص واخر شي طفشت وبطلت من المعلمه الخصوصيه يقول لي ماتروحين اخاف ماترجعين تاخذيني
عاد اقول له السنه الجايه وانت مع بابا في المدرسه قال لا انتي داومي مع ابوك هههههههههههه
الله يعيننا عليهم

 

[وهودي]

الله يعين يارب بس هالخوف جاه مفاجاء حتى بغير المدرسه طلعت لاستراحه يوم الخميس ومافارقني وبالعاده ما اشوفه اذا قمت من عنده يقوم ويمسك لبسي يقول اخاف تروحين وتخليني​

 

[عبودي دنيتي]

صدقيني اكيد احد مخوفه في المدرسه يا واحد من البزارين قايل امي وابوي تطلقو الا المدرسه قالت لهم اللي مايكتب ماراح يطلع لين يخلص ويمكن هو ما عرف يكمل النشاط اللي عطته اياه المدرسه وخاف انه يقعد في المدرسه ومايطلع انا اخوي كان زي كذا لين اكتشفنا ان الاستاذ يخوفهم ويصارخ عليهم ويقول ماتطلعون من المدرسه لين تخلصون الواجب هتى لو تطلعون العصر

 

[&شوكليت&]

لا تهملينه لانه كان يحبها فجأة كرها مستحيل يكون بدون سبب
هو تمهيدي خلاص ..؟
خليه يغيب لاتغصبينه ... وخلي ابوه يوديه بدل السواق يمكن احد يضايقه وصوا عليه المدرسه
اتصلي على اخصائي نفسي وخليه يعلمك على طريقه صحيحه لنزع الخوف ومعرفة سببه
ما فيه مفر من المدرسه بس ابحثي عن السبب​

 

[بنه وهيل]

يسلمووووووووووووووووووووووووووووو

 

[شروق مبتسم]

حصنيه ولدك واقرائي عليه الاذكار,,وحاولي تروحي
معه اسبوع واعطيه ماء زمزم ان امكن يمكن فيه شئ
خايف منه ,,والف سلامة عليه

 

[-موج-]

افضل شئ كلمي المديرة او مدرسة الصف وقوليلهم عن حالة ابنك وخوفه المفاجئ لانه واضح السبب من المَدرسة وابنك الله يحفظه ما به شئ...واذا تقدرون غيروا المَدرسة او الصف على الاقل ومُدرسة الصف وقولوله انو راح تروح على اطفال جديدين وعلى مُدرسة حلوة جديده حباااابه سوي مُدرسته مثل الشهد حتى يحب المَدرسة واشتري اغراض مثل قلم جديد او شئ ممكن يحبه وقوليله شوفه لمُدرستك..

 

[lЗèЯOo]

طيب انتس اسحبي لسانو بالكلام قوليلو ليه ماتحب المدرسه ومن دا الكلام .. وحصنيه علىا قول البنات وادعيلو ,, الله يهدي سرو يارب ومايحرمك منو
لاتخافي ان شاء الله مافي الا كل خير ,, دعواتكم