ولدت بالاسبوع 27 تجربتي المريره

[انديانا]

الححمد لله على كل حال <BR>ولدت وكانت تجربه مؤلمه قلت انشرها ممكن احد يستفيد منها <BR>البدايه كانت  مجرد قطرة دم نزلت مني مصحوبه بافرازات مخاطيه تكرمون وكانت خفيفه قلت ممكن ان هذا من المشيمه  قلت اتصل على اختي وكان اليوم جمعه قلت لها ضروري اروح والا انسدح على ظهري وبس قالت لي روحي طمني اذا الدم نازل من المشيمه اهرها هين والا اذا من الطفل لا قلت خلاص ورحت <BR>لما رحت للمشتشفى كشفوا على قالوا  لي الرحم مفتوح 4 سم خلاص ولاده وانا انهبلت كيف ولاده يعني  ولا من مجيب تدرون بعد مستشفيات الحكومه وطوارئ ويوم جمعه  يعني تجمعت علي <BR>ولازم ندور لك حضانه ولما لقوا قالوا نبلش بابر الكورتيزون علشان الرئه  وودوني لملاحظه الولاده  وجلست هناك ثلاث ايام  مافي طلق والرحم مفتوح وممنوع الزياره والايفون شحنه بسرعه يخلص  وممنوع الاكل والشرب  وتالتخطيط على مانزعوه مني ابد مع المغذي لدرجه ان ايدي انتفخت وكل  مرة يغيرون مكانه<BR>وكل مامر دكتور يققول مااقدر اسوي لك اي شي  خليك كذا واصبري البيبي صغير ما نقدر نولدك حاول تهدأي بس وناااامي ويرووح وانا  الساعات تمر على بطيئه تكرمون حتى الحمام مااروح له هم ينظفوني والحريم يجون معاهم الطلق يولدون ويطلعون واسمع انا بكاء صغارهم وابكي اتمنى  اني اكون مكانهم وما بيدي شي الا اني ادعي لهم  بعد 3ايام قال الدكتور طلعوها فوق جناح الحوامل قال لي الرحم ماتسكر بس بنطلعك فوق واستانست وايد ولما طلعت للجناح زارتني بنتي عمرها سنتين ولما خلصت الزياره قامت تصيح صياح قطع قلبي شالها ابوها شيل وهي تصيح انا قمت ابكي ادري انها طيبه عند امي بس واللهغصبن على اتذكرها واصيح وبعد يومين سمح لي الدكتور امشي بس على خفيف واروح الحمام وبعد يومين ثانيات كتب لي على خرووج قبل العيد الاضحى بيوم واوصاني بالراحه ورحت لاهلي كان استقبال بنتي انها جت ولمتني ولا تكلمت ولا كلمه بس حاضنتني ودموعها تصب وانا مرة تاثرت منها لان عمرها صغير ماتعرف تعبر <BR>وعيدنا والحمد لله  <BR>ويو صار ثاني يوم العيد الفجر حسيت بالم خفيف وحصره بالبول تكرمون ويوم رحت للحمام وانا اشوف وانتو بكرامه كتل دم كبيره تطلع مني ونزييييف رحت على طول للمستشفى  ونفس الشي مافي اطباء لانه عيد بس دكاتره مناوبين  ولان زحمه ومافي اسرة جلست حوالي ساعه واناانزف حتى الكرسي امتلا دم وجلست اتحسس بطني كانت حركات الطفل شبه معدومه وجلست  كني اودعها فيما بيني وبين نفسي لجست اكلمها  وهي ببطني اقول امر الله لازم نشوفه وبعد الانتظااااار  وصل دوري وفجأة دخلت 3 حريم سوريات قاموا يزاعقون  يقولون بنتنا فيها ولاده واخذوا الدنيا بالصراخ ودخلوها قبلي وانا قلت يعني اذا انا مااصارخ ينوكل حقي ويوم كشفوا عليها كان  رحمها مفتوح بس 2 سم  ويوم قالوا ياللله دورك وكشفوا علي كان الرحم مفتوح 8 سم ورجعوني غرفه الولاده ونفس الشي مافي طلق  وجلسوني نفس حالتي الاولى 3 ايام ثانيات لا زياره ولا ولاده ولا اكل ولا شرب بس انتظار  غرفه مترين في مترين وكا دكتورة تجي تسمع حالتي وتروح وكلهم نفس الشي مانقدر نسوي لك شي وظل الرحم مفتوح  ولما تميت اليوم الرابع قال لي الدكتور طلعوها فوق قلت له الرحم بعده مفتوح قال لي خلاص انا كتبت ان مااحد يكشف عليك لان نخاف المكان يتجرثم بس ممنوع الحركه نهائيا قلت له حتى الحمام  كرهت نفسي وهم ينظفوني قال ختى الحمام ممنوع هذا الكلام الساعه 3 الفجر<BR>بعدها طلعوني فوق كنت منهكه تعبت تعبت تعبت  مالي حل وماحد يقدر يساعدني  بكيت لين نمت لما جت الساعه7 ونص صحوني وجابو لب الفطور كنت تعبانه  وحسيت بالم خفيف  قلت ما يسوى اقول لهم حاولت اقوم افطر مااقدر<BR>جتني الممرضه السعوديه  ايبه لي دوا قالت لي مااكلتي قل مااقدر مافيني حيل قالت معك الم قلت خفيف مايسوى قالت انا دي لك الدكتور قلت لا    وقامت سوت لي خبز وجبن و جابت لي شاي حار وقالت لا زم تا كليت وسندتني و فجاه حسيت برغبه بالبول تكرون وقلت لها وقالت بساعدك ولما حاولت ماقدرت قالت خلاص ابغير اللي تحتك ولما كشفت البطانيه قالت بروح شوي واجي ابجيب جوالي لا تتحركين <BR>ما حسيت الا والاستشاري جاي قال لازم اكشف عليك ولما كشف قال يلا غرفه الولاده صرت ابكي واقول مابي  مابي  قال الرحم مفتوح 10  ونزلوي وانا ابكي <BR>ولما نزلن جا 3 استشاريين فوق راسي لان الدكتورة نادتهم وقاموا يتكلمون ولاني اعرف انجليزي  عرفت اللي يقولون<BR>تقول ان الحاله صعبه وانها ماتقدر تخاف وانها تسلم حالتي لهم <BR>قالوا ان الطفل مقعدي  ووزنه اقل من 800 غرام يعني مافي امل يعيش  وان ممكن يسوون لي قيصري اذا تعسرت الولاده وانهم خلاصذا ماولوني الحين خطر على الرحم <BR>ولما رجعوا لي قلت لهم اني فهمت كلامهم واني متوكله على الله ةاذا للطفل عمر ربي كاتب له بالدنيا راح يعيش <BR>وسلمت امري لله <BR>فتحوا مويه الراس وتخيلوا كل الممرضات اللي بالقسم جوا يشوفون واعلى كل رجل من رجليني ماسكته ممرضتين علشان يبون يسحبون الطفل باسرع وقت ولما بدا الطلق ماكملت دقيقه الا والاستشاري دخل يده وسحب الطفل بس بقى راسه وقاموا يصرخوون ادفعي قلت ما معي الم وظليت ادفع لين طلع ولما طلع لا صوت ولاشفته اخذوه وقاموا كلهم يركضون لدرجه اتركون مامعي ولا وحده!!<BR>ومن بعيد اسمع صوت رجال كثيرين ولما جت ممرضه قالت جبتي بنت وكل اطباء قسم الاطفال نزلوا وهذي اصواتهم <BR>جاني الاستشاري بعدين يبشرني ان البنت وزنها 1100 غرام وان الرئه معدل النمو 70 بالميه يعني عندها امل بعد الله تعيش<BR>بعدين جت ممرضه وسحبوا المشيمه وقالوا ما تحتاجين خياطه <BR>انا الحين اكلمكم وبنتي عمرها 27 يوم للحين بالحضانه تحت رحمه الله  نزل وزنها الي 800 غرام وتوه بدا يطلع الحين وصل كيلو غرام  انابيب للتنفس وللحليب ومغذيات اروح اشوها كل اسبوع وابوها يجيب لها من حليب صدري يوميا مع انه بدا يقل هالايام<BR>بس ان حالتها تتجسن يوم بعد يوم والله كريم <BR>هذي قصتي كتبتها يمكن احد يستفيد منها  كانت صعبه صعبه  علي   اللي يقراها ارجومنه يدعي لبنتي  لانها صغيرة بالحجم ةانا ارحمها من هالانابيب  ادعوا لها تكفوون دعوة المسلم لاخيه مستجابه  وعساكم ما تمرون باللي مريت فيه ....آمين لي وللمسلمين

 

[fatimah.m]

ياااارب يعافي بنتك وتطلع سليمه معافاة من خيرة البنات ياارب انت القادر على كل شيء
شافي وعافي ابنة اختي
ربي اعانك غاليتي ما عانيته لم يكن بالشيء البسيط الحمد لله على سلامتك وسلامة الطفلة ياارب تتشافى وتكحلين عينك بشوفتها

 

[sooma1]

يارب تعينك يارب وتخلي لك بنتك ولاا يحرمك منها لاا اله الا الله استغفري دايم واشربي اشياء تجيب الحليب لصدرك مثل الطحينه والحليب والاشياء الدافيه يارب تخليها لك

 

[ام ريتال و رتيل]

بكيتيني يا قلبي و دعيت لبنتك من قلبي
طمنينا عليها تكفين

 

[الماسة وحساسه]

اولا الله يعظم اجرك واجر امهات المسلمين جميع ثانيا انشاء الله ربي يحفظها لك ورحمة الله واسعه انشاء الله مايضيع الله تعبك ولاتخافين والله اختي بنتها نفس حالة بنتك جلست في القزازه شهرين والحين عمرها سنتين والله انها من احلى البنات ومن اذكاهم

 

[gamoool]

الله يردها لك سالمة غانمة
وتتهنين بوجودها في حضنك يارب

 

[زهرة الحياة6889]

ياااارب يعافي بنتك وتطلع سليمه معافاة من خيرة البنات ياارب انت القادر على كل شيء
شافي وعافي ابنة اختي
ربي اعانك غاليتي ما عانيته لم يكن بالشيء البسيط الحمد لله على سلامتك وسلامة الطفلة ياارب تتشافى وتكحلين عينك بشوفتها

 

[بنت الحمراني]

بجد صدعت وانا اقرا افتكر ولا
تي ربي يقوم بنتك لك ويقر عينك فيةا ويساعدك ويكتب اجرك

 

[حبة بنادول]

يارب ياكريم انك تشفي اختي واتقومها بالسلامه وتقر عينها بشوفتة بنتها سليمه وفي احسن حالتها وبين ايديها يارب . ثقي حبيبتي ان الله ماراح يضيع اجرك ان شاء الله .

 

[مرت ولد الحموله]

الله يشفيها ويعافيها بس حطي ببالك اختى ان الرضاعه من صدرك احسن لها ولك وحاولى انك تاكلين اشياء تدر الحليب مثل زيت الحلبه وصعبه على النفس ان الوحده نفاس بدون بيبى بونسها الله يقومك وبنتك يالسلامه

 

[أم حسان]

الحمد لله قصتك والله تدمع لها العين

أسأل الله العظيم رب العرش الكريم أن يحفظ ابنتك وتخرجلك بالسلامة يارب

وان شاء الله تضميها بصدرك الحنون والله يفرج همك ويسهل لكي امورك وتفرحي ببنتينك الغاليتين عليكي يارب

 

[الجروح]

الحمدلله على سلاااااااامتك

أسأل الله الشافي المعافي أن يرد لكِ أبنتك وهي بكااااااامل صحتها وعااااااااااافيتها

ويقر عينك برؤيتها سليمة معافاة

 

[غرام انسانه]

يارب ياحي ياقيوم ان يقوم بنتك بالسلامه ويفرحك فيها وتشوفينها عروس
خلي املك بالله قووووي
ومافي ارحم من الله على عباده

وطمنينا عليها كل ماشفتيها ....

 

[**قطرة الندى**]

حمدلله على سلامتك حبيبتي الله يشافي بنتك ويعافيها وتطمنينا عليها عن قريب

وان شاء تشوفيها عرووس

كثري يا حبيبتي من الاستغفار وحاولي تطلعي صدقه بنية شفائها



​

 

[عشق النعومه]

الحمد لله ع السلامه اختي وربي يخلي لك البنوته وتشوفينها عروس يااارب والله قصة ولادتك قريبه من قصة ولادتي لكن انا كان26 اسبوع وكان وزنه كيلو و صابه نزيف في المخ لكن كله بحمد الله راح والحين مجنني وعمره 6سنوات انتي بس ادعي لها وبالنسبه للحليب لاتغلطين غلطتي انتبهي لايجف اشربي حلبه وكلي حلاوه طحينيه وكثري سوائل ودلكي صدرك كل ماتذكرتي واشفطي الحليب كل ساعتين وراح يزيد الحليب بئذن الله

 

[Tooma]

يارب يعافيها ويعافيك من كل سوء وشر وترجع بين يديك سليمة مثل الحصان

اختي انولدت بالسابع يعني مثل حالتك كانت على أساس أنها سقط والحين ما شاء الله جسمها حلو وجميلة وذكية وتزوجت وجابت ولد وعايشة طبيعي اطمني

 

[تناهيد الحكي]

الحمدلله عالسلاامه لا ان شاءالله مافيها الا العاافيه ولد عمتي كذاا كان اكله وشربه عالاناابيب والحين الحمدلله ماغيه الا العافييه يارب تطلع بنتك بالسلااامه

 

[اشواق الغلا]

الحمد لله على سلامتك اختي

وان شاء الله تطلع بنتك بالسلامة وتقر عينك بشوفتها يارب سالمة غانمة يااارب

 

[مامت جود]

ياااااااااااااااااااااااارب تطلع بنتك بصحه وعافيه وتضمينها وتزفينها عروس ان شاء الله يااااااارب
قصتك تقطع القلب

 

[فجر123]

يارب يارب تطلع بنتك بالسلامه


وتفرحي فيها