ولادتي قربت وحاسه اني بموت الله يفرج همها اللي ترد عليه

[ام شيهانه]

هلا بنات كيفكم باقي لي اسبوع عن موعد ولادتي
وربي اني خااااااااااااااااااااااااااااااااااايفه الشهر اللي راح كنت خايفه من الم الولاده والحين صارلي اسبوع خايفه وحاسه اني بموت وقت الولاده وحاسه اني مستحيل اشوف البيبي ومستحيل ارجع زي اول احاول اخطط وافكر وش اسوي بعد الولاده بس ماقدر اي شي افكر فيه احس انه مستحيل يصيراحاول اتخيل شكل البيبي ماقدر لاني احس مستحيل اشوفه خايفه وبس ابكي امانه ساعدوني وقولولي هذا وهم ولا وشو واذا فيه وحده مرت بها الحاله ياليت تقولي ساعدوني نفسيتي تعباااااااااااااااااااااااااااانه

 

[ام شيهانه]

لرفعععععععععععععع

 

[ام شيهانه]

لرفعععععع

 

[mnomno]

الله يتمم لك وتشوفينه باتم الصحه والعافيه صدقيني هذا الشعور كل ام جديده تحسه صح انتي قبل ما تتزوجين تحسين نفسك في حلم وان هذا الشي ما راح يصير هذا نفس الاحساس لانه شي جديد عليك انا كنت احس اني مستحيل اتزوج وتزوجت وما اتخيل نفسي ام وصرت ام والله يتمم لك بخير بس لاتنسين اشتري كتاب اسمه ورد الولاده ادعيه تقولينها عشان ربي يسهل ولادتك وتقومين بسلامه وبشرينا اذا ولدتي

 

[رجائي في الله]

ياقلبي عليكي انا مثلك بالتاسع وهاذا الشئ جواي هذا الخوف ربي يسهلها
خلي زوجك يطمنك ويجلس معاكي واذا بكيتي حاولي يحس فيكي ويكون جنبك
وادعي ربنا والله يسهلها عليكي ويجعلها دقايق سهلة ميسرة وتقر عينك بمولودك يارب وتفرحين

 

[حلمي لم يتحقق]

السلام عليكم........لاتخافي هذا شي طبيعي هذالشعور جاني لماكنت حامل وتعبت كتيرونزل وزني ..بس ربك كريم..قمت بالسلامه ورزقن بنت طيبه وزي القمر وكان حملي الرابع بس لالالالالالاتنسين الدعاء مافيه زي الدعاء ياااااااااارب تقومي بسلامه وتفرحيني برساله منك وتبشريني بسلامتك يااااااااااارب

 

[ام شيهانه]

مشكورين على الردود الله يريح قلبها اللي تريح قلبي

 

[sosoooo]

صدقيني كل وحده تدخل في موضوعك راح تقولك انها مرت بالشى هذا وانتي كمان ان شاءالله راح ترجعين لموضوعك وتضحكين على نفسك لانه هذا شى طبيعي يجي للوحده فينا وكل مره تحملين تحسين بهذا الاحساس كل ماقربت الولاده
طمني نفسك ياقلبي وكثري من الاذكار وتعوذي من الشيطان لاانه هو اللي يزيدها عليك والله يسهل لك وتجينا وتبشرينا يارب

 

[ام شيهانه]

الله يفرج هم كل وحده خففت عليه ادعولي لاني امر بلحظات صعبه وليالي طويلللللله يارب تقومني بالسلامه انا وكل حامل وابشركم بسلاماتي

 

[بطه "]

هلا اختي ام شيهآنه ..
شعوور طبيعي الخوووف لانه اول مولود
انا كنت مثلك خايفه اقول اني بمووت وبكاء وحالتي حاله
لدرجه اني ما ابي اجهز للولاده واقول خلاص انا بموت
بس الحمد لله وانا لي 20 يوم والده .. وكان زوجي معي يصبرني ويقول هاذي سنه الحيااه
وشوفي كل الحريم يولدوا..
بس اطردي وسواس الشيطان .. واقرئي قران و كتاب الورد في الولاده بصراحه ترتاحين
وتوكلي على الله .. وادعي دايم ان الله يسهل ولادتك ..
وان شاء الله يسهل ولادتك وتشوفي البيبي وتفرحي فيه ..

 

[نـدوووشـآ]

ربي يطمن قلبك و يفرج همك ويقومك بالسلامه

وتشوفين البيبي وتفرحين فيه يارب ..

( ألا بذكر الله تطمئن القلوب )

 

[إم عبدالله]

السلام عليكم انا زيك حاااامل وقربت ولادتي ويوم انا ابيتي عند زوجي دايم اقوله اذا جاني شي حط ولدي عند امي علشانه حنونه واذا كبر خذه معك يعني ابليييييس يوسوسلي بس يوم جيت عند اهلي علشان الولاده لاهيت مع خالاتي وقرايبي والكل طمني وهذاني اتحرى الولاده وكل ماتحرك ابطني اضحك واتفاءل خييير وادعي ربي اني اشوفه با اتم الصحه والعافيه

لاتخافين ياقلبي ربي بيسرها وكلهم قالولي الالم با الطلق مو با الولاده الله ييسر لي وييسر لكل حامل



إم عبدالله

 

[الحلوة الجميلة]

انا بعد مثلك هذا موعد ولادتي وخايفه حددددددددددي وزوجي دوم يطمني ان كل شي بيصير بخير ان شاء الله

واحيانا احس اني اشتاق للبيبي ابغى اشوفه والمه وربي يسهل علي وعليك وعلى كل حامل هاللحظات لازم نخاف منها ربي يعيننا

 

[روز..]

يالله يارب يسهل عليك وييسر لك وان شاءالله تشوفين ولدك معافا وتكوني باتم الصحه ولا يحرمك من شووووووووووووفته

 

[زوجةاسير]

تعوذي من الشيطان هذي وساوس ابليس لاتشيلي هم الولاده ربي سبحانه اللي ييسرها عليك وانتي كذا تزيد نفسيتك تعب وترتفع عندك الهومونات من الحاله النفسيه

 

[ملكة بعيونه]

لاتخافين حبيبتي وهذى شعور طبيعي واتركي وساوس الشيطان ولكن انتي اقرائي الورد وادعي
ربك بالستر وتسهيل الولاده بلعكس مع الخوف اكتئاب وتعب ومارح تساعدينهم عند خروج البيبي ولازم تنفذين الي يقلون لك الممرضات والدكتوره بكذا كل شي يصير سهل باذن الله
وابشرك اغلب المستشفيات يساعدون البكر وخاصه مستشفى الجامعي يعطونك كمام فيه نسبة
مخدر بسيطه بحيث تشعرين بالي حوالك وهو يخدر الالم يعني تاخذينه عند الالم فقط ومع الدعاء
يصير كل شي سهل وايضا الاسترخاء وبالعكس اشغلي نفسك بقراة القران والورد وتجهيزك
لبيبي ونفسك فترة النفاس واقرائي كتب عن مشاكل البيبي بعد خروجه لدنياء والعورض التي
تصير له علشان تكوني ام مثقافه ومو محتاجه نصائح من احد وكيف تهتمين بنفسك وقت
النفاس علشان ترجعين زي اول و الله يسهل عليك ويحفظ طفلك من كل شر ويتربى في حضنك
وعز ابوه والمسلمات اجمعين

اختك ملوكه

 

[homar]

ان شاء الله ربى ييسر ولادتك وتقومى بسلامة وتبشرينا وكل واحدة حاسة بنفس كلامك ومع كل ولادة مش اول مرة بس

 

[ملكة قلب زوجها]

شي طبيعي الله يسهل عليك ويتمم فرحتك بمولود زي القمر ينسيك الدنيا وما فيها ويفرحك بصلاحه و نجاحه و لا تنسين أكليه تفاحة .....

 

[ام شيهانه]

الله يسهلكم ويفرج هم كل وحده فيكم والله يابنات كلامك يريحني كثير مدري بدونكم وش اسوي وانشاء الله مانساكم من دعواتي

 

[ام شيهانه]

لاتبخلو علي بنصايحكم