وصلت الى مرحله الصفر ...ساعدوني

[جاردينا-2000]

كنت زي الفراشه في بيت زوجي ..كنت الفرحه والحركه ..لوغبت لساعات عن بيتي ..غاب النور عنه
...كنت فخوره بنفسي ...محد مثلي ...مسيطره على حياته ..
كل هذا قبل ما أنجب طفلي الثاني ...أنا متزوجه من 9 سنوات ..سنه بعد سنه تصبح حياتي أجمل وتقل المشاكل ومشادات والصراخ ...في السنه 9 احسست اني وصلت الى القمه :showoff:نجحت ..ولكن بعد ما انجبت طفلي الثاني ...تغير كل شي:icon1366:
مشتته ...تعبه ...كسوله ....لا أريد أن أطبخ ولا ادخل المطبخ ...أصبح مشتاق لأكلي
طفلي معلق برقبتي ..ليس لدي وقت لمجالست زوجي
ليس لدي وقت حتى لتسوق ...أشتري فقط للمناسبات واذا رحت للمناسبات
حين يأتي وقت النوم ..اسبقه للسرير لانام قبله ..فأنا تعبه ومجهده:no: لا أريد شيء غير العنايه بالطفل
ومع العمل صباحا والعنايه بالطفل بعد العمل لا أجد وقت حتى لنفسي
9 شهور وأنا في دوامه ..كل يوم يذهب لا افعل به شي يذكر روتين روتين
ولكن قررت أن أتغير ..وأنظر الى نفسي وزوجي وابنتي الكبرى
.............................................................................
بدأت بالرجيم ...أبحث عن نادي ..وعن صالونات تجميل للعنايه في بشرتي وشعري وابحث عن متخصصين في المساج و و و و ....ولكن الطفل لا أستطيع ان اتركه ...تركته ليوم واحد لمده 4 ساعات مع اخته والخادمه وزوجي ...رجعت الى البيت فالكل متذمر وزوجي اصبح يلومني لمده شهر كامل لتركي كل تلك المده ...
إذا ما ذا افعل ...
...............................................................................
أبي اترد الحياه لبيتي من جديد .. أنا أبي أستعيد حيويتي ونشاطي ..أبي أسترجع ...زوجي :icon26: أفكاركم ياملكات خططكم ...تشجيعكم ...شنو أسويي
..................................
ماعندي أحد يمسك ولدي لفترات طويله ..خدامتي ...ما أحب الخدامه تمسك ولدي (عندي حساسيه من الخدم ولا اتحاولون اني اوثق فيهم أبدا ) ...فالحل ...أشلون أنظم وقتي​

 

[ملكة قلبة]

اذا كان فيه امكانيه خوذي الولد والخدامه معك اريح لبالك

 

[غدير النهر]

حطي ولدك عند اهلك او اهل زوجك مع اخته والخدامة

 

[خوخة خجولة]

حاولي ترتبين وقتك
وحطي في بالك زوجك لازم تخصصين له وقت كافي علشان ما تكبر المشاكل وتتفاقم
حاولي قدر المكان انك ما تنامي قبل زوجك لأن هذي بحد ذاتها مشكلهة
وحاولي بعد تنومين عيالك بدري عشان تفظين لأبو عيالك بكذا ان شاء الله تنحل المشكلة ولا تنسين الدعاء.
الله يعينك وييسر امرك...

 

[فجر-ss]

طيب حبيبتي مو ضروري تروحين الصالون اعتني في بشرتك وشعرك بالبيت
لأنك لو بديتي بالاهتمام بنفسك لازم على طول تستمرين على هالشي
وماأنتي قادره كل مره تودعين بنتك مع الخدامه أو حتى مع أهلك
تصفحي المنتدى وراح تلاقين وصفات كثيره تفيدك في اهتمامك بنفسك

 

[خذ شعوري بحزني]

هلا اختي ..!

مالك الا انك تآخذين طفلك والخادمة معك ..! ويكون تحت نظرك وجنبك
حبيبتي .. لاتيئسيين كل شي راح يرجع .. بس انتي اعملي لك جدول ورتبي عليه نفسك
بما انك عندك خادمة انتي بعيدة عن التنظيف يمكن بس عليك الطبخ ..
مشكلة صغيره بس عليك التنظيم ياقلبي ..!

ربي يساعدك .. اعتني بنفسسك​

 

[جاردينا-2000]

بلقيسات اشكركم على الردود ...في افكاركم راح تنحل مشاكلي ...والله فكره اني اعتني في بشتري بالبيت
أما اني آخذ ولدي معاي فين النادي ؟؟؟غير مسموح والله لو اصير كان انحلت عندي المشكله
يالله الله يبارك فيكم وينكم

 

[a7la faty]

السلام عليكم ...

ما شاء الله عليج ..

باين عليج إمرأة ذكية و حكيمة . :msn-wink:

نظمــي و قتج ..

* حاولي تصحين من النوم بدري .. خلصي اشغالج قبل ما يفيق البيبي .
* إعتني ببشرتج في البيت ، كل إسبوع مرة مثلا يوم الجمعة .
منظف بشره جاهز _ مقشر جاهز _ ماسك جاهز (( وهذا الي انا اسويه ))
* إهدأي و استرخي بين فترة و فترة .. و دلعي نفسج بحمامات و زيوت منعشة في البيت بعد .
* خصصي وقت 10 دقايق قبل ما يوصل زوجج من الشغل البسي و اكشخي عشان يحس بإن مرته لازات تحتفظ بجمالها و أنوثتها ..
* ارسلي ولدج عند امج و روحي النادي .
* اهمشي حبي نفسج أكثر و دلعي روحج .
* خصصي وقت تقعدين فيه مع زوجج ..
* خصصي وقت لسعادتج و ترفيه نفسج .. مثلا ارسلي ولادج لبيت ابوج و طلعي على راحتج و دلعي روحج و ..الخ


و نصيحة.. الموز يعالج الكسل ...
و الشمس تخفف من الملل و الكآبة .. يعني بطلي الدرايش ( النافذة ) عشان يدخل ضوء الشمس و بتحسين بسعادة و رااااحه و نشاااط .

اتمنى إني قدرت أفيدج ..

و الله يخليج و يوفقج يااارب .