وش احسن مدينة الملك فهد الطبيه والا الاهلي؟

[دروب الليالي]

مساالخير صبايا اخباركم وكيف الحمل معاكم
بساالكم اي احس لمراجعة الحمل والولاده مدينة الملك فهد الطبيه والا المستشفى الاهلي
لاني قد جربت مستشفى دار الشفاء الطبي في ولادتي الاولى وكان قمة الروعه وخايفه منه المره هذي لان وقت الولاده عطوني بنج كامل بالرغم من ان الولاده طبيعي وش رايكم؟

 

[شمعة وثلج]

الله ىقومك بالسلامه انا سمعت كثير يمدحون مدينة الملك فهد

 

[ذكرى@]

الله يعافيك ردي دار الشفاء وين مكانه خايفه من الولادة :tears: ومين الدكتورة الي ولدتك وبكم:sad_1:

 

[دروب الليالي]

دار الشفا قريب من مسجد الاميره الجوهره راح اسال زوجي واعطيك الموقع بالظبط
والدكتوره عزه عابدين هي الي ولدتني ب3000 مع العلاج والله هي ممتازه بس الي تولد
طبيعي بدون بنج تقوم بعد الولاده مافيها شي لكن انا لما عطوني البنج تعذبت بعد ماصحيت
عشان كذا خايفه ماادري وين اروح؟

 

[بنت المملكة88]

صراحه دار الشفاء انا سويت عندهم تنظيف ماعجبني ابد سوت لي تنظيف الدكتوره عزة وبعد ساعتين طلعوني من المستشفى وانا لسه تعبانه
وسلفتي ولدت عندهم جلست بعد الولاده اسبوعين ماتمشي مت بعد الابره المخدره اللي عطوه اياه وقت الولادة

 

[دروب الليالي]

طيب بليز سلفتك عند مين ولدت؟
يعني اي دكتوره ولدتها ؟ وايش الابره الي اخذتها ابره الظهر ولا ابره بنج عاديه؟
لوسمحتي ردي لاني خايفه من اول والحين خفت بزياده؟

 

[دروب الليالي]

بليز يابنت المملكه ردي
لاني كنت ناويه ارحلهم واراجع عندهم بس شكلي بغير رائي
طيب بسالك كيف مدينه الملك فهد الطبيه؟

 

[بنت المملكة88]

اختي دروب مدينة الملك فهد الطبية الجميع يمدحونها تعاملهم مع المريضه كانها في اهلي بس المشكلة ماتقدرين تختارين اللي يولدك انتي وحظك ممكن دكتور او دكتوره

اما الشفاء سلفتي والده عند الدكتوره صفاء هي ماطلبت ابرة ظهر وعطوها وقالت لهم انا ماطلبت قالوا انها ماهي ابرة ظهر هذا مسكن مع انهم عطوها اياه في الظهر وتقول مواصفاتها نفس ابرة الظهر

 

[دروب الليالي]

حسبي الله عليهم انا يوم ولدت عند الدكتوره عزه عطتني البنج بدون ماطلب بالرغم اني كنت صابره
ولله الحمد
خلاص ماني رايحتلهم بخلي زوجي ياخذلي ورقه من الاماره واروح لمدينة الملك
فهد الطبيه والله يعين ولك خالص تحياتي يالغاليه