وش أسوي مع زعلهـ ..!

[أسطورة خرآفية ~]

السلآآآم عليكمـ ورحمة الله وبركآته

كيفكمـ وش أخبآآركمـ ؟

أممممم أنآ مخطوبه من سنة و3 شهور تقريبآ طيب
و زوآجي قريب شهر 7 ..
و اليوم الظهر على أسآس خطيبي بيجي و بنروح مع أبوي نشوف الشقة وبعدين يجي يتغدآ في بيتنآآ

المووهيم الشقة قريبة من بيتنآ رآح خطيبي مع أبوي على مآ أخلص من صلآة وبعدين رحت مع أخوي
ولمآ رحت وشفت أبوي ووآقف جنبه خطيبي أستحيت أسلمـ على خطيبي أو أكلمه (أنآ مرررة أستحي من أبووووي )..!

ورحت شفت الشقة وكذآآ وبنرجع البيت رجعنآ كلنآ وظل هو مع ابوي يتفآهمون بالحوش وأنآ رحت أجهز الغدآآ وأمي الله يعطيهآ العآفية مررررة متعبة روحهآ مسويه له الغدآ اللي يحبه والسلطة اللي يحبهآآ , المهم دخل ابوي وقآلي روحي شوفي رجلك كآآهو بالمجلس رحت مآشفته شرب كآس مآآء محطوط على السفرة وطلع ..
دقيت عليه زعلآن ومطنقر .. أقوله ليش يقول رآجعي نفسك .. قلت له زعلآن علشآني مآ سلمت عليك أوكلمتك ..
قال إيه قلت له طيب ارجع خلينآ نتفآهم وتتغدآآ حرآآم أمي متعبه روحهآ على شآآآنك وأنت تمشي قالي لآ انآ أبيك تحسين بقيمتي مو كأني وآحد من الشآرع تمرين ولآتسلمين علي ولآ تسأليني عن اخبآري أنتي غلطتي تحملي غلطتك وكذآآ .. قلت له أنت عآرف اني موكذآآ .إإإلــــــــــــــــخ وأنآ أحآول ارآآضيه ومآش مآفيه فأيدة المهم سكرت منه لآنه مورآيق ورجعت الغدآ المطبخ ..


اهو فيه جنوبي وفيه شرقي طيب الحين وش السوآآة معه وشلووون أحآول ارآضيه ..!

أنآ لمآكلمته السآعه2الظهر قلت بخليه إلين السآعه 10 الليل وبدق عليه قبل لآيدخل الدوآم وبحآول ارآضيه وأنتو وش تقولووون وش تشورون علي ..!
لآأحد يقولي طنشيه والله مره يعور قلبي هو يتيم وأحس دآيمآ خآطره مكسور مآ أبي أكسره له أكثر
الله يعينآآ على هالرجآآآآآآآآآآآآآل :8: ​

 

[رولالان]

ارسلي له رساله وقولي له انه غالي ومن هالكلام الكثير وبعدين قولي انا ما اقدر اتكلم قدام ابوي

ولو ما احسب لك حساب لو ما احاول اراضيك من الصبح بس انا خجلانه من ابوي ومستحيل اكلم احد قدامه

ولو مارضي خليه الى بكره وكلميه وامدحي الشقه وسولفي عادي واذا مافاد قولي ان امك تعبت بالغدا اللي امس

وسوته ع ذوقه وبالاخير ما ياكل ......

الله يجمع بينكم بخير

 

[الجواااان]

قوليله كان ابوي واقف معك واستحيت اسلم وقوليله المفروض اهلي عازمينك ماتروح وتخليهم وش دخل اهلي باللي صار انت حطيتني بموقف محرج معهم ؟

 

[أم البيان]

ياقلبي يابنتي والله كسرتي خاطري
والله انك اصيله وبت اصل
شوفي حبيبتي اتصلي عليه وقوليله حقك عليه وانا عارفه اني غلطانه
بس انا انحرجت من ابوي وان شاء الله ماتتكرر واذا مارد ارسلي رساله
ولا تحملي هم الرجال يبغالهم صبر وطولة بال( ولا تنسي الكلام الحلو)
والله يسخره لك ويتمم عليكم فرحتكم

 

[أسطورة خرآفية ~]

يعطيكمـ العآآفية حبيبآآتي
و بحآآآول معه الليلة قبل يدخل الدوآآم ويآآرب يرضآآآ
و الله يوفقكمـ ويرزقكمـ بآللي تبووووونه آآآميين يآآرب​

 

[حرم شيخ]

الله يهديه ويسخره لك يارب
وقولي له فلان قرب اول شي بيتنح بس ماعليه قولي له قل قربت ولا قال قربت عطيه بوسه وقولي اسفه وحقك علي وهي بوسه ثانيه



استغفر الله استغفر الله استغفر الله
تحياتي
حرم شيخ